Au Roy

Madriil. ISjanTicr 1569, Sire, Tout est au inesme estât en ceste court qu'il estoit au partir de ma depesehe du xxiiij de décembre, n'estant encore venu courrier ny nouvelle de l'Empereur, ainsi que l'archiduc m'a dicl luy estant allé baizer la main à l'entrée de cesl an nouveau; et le scay par autre aussi; duquel retardement s'estonnent le Roy d'Espaigne et luy; car ilz attendent quelcuu de quatre courriers qu'îlz y ont depescbés dospuis deux ou trois mois; et k ce que j'ay sceu de bonne part, led. archiduc n'a propozé

I aud. S' Roy depuis son arrivée sinon trois pcinctz : le premier pour le renvoy des princes, ses nepveuz, que l'Empereur désire

' et demande recouvrer à grande instance; lesecond poincttraicte de la réconciliation du prince d'Oronge, et le tiers que la confession augustanne demeure libre en tout l'Empire à qui la vouldra

, recevoir et tenir. Lequel dernier poinct cesie Majesté trouve si mauvais qu'il a faict scavoir au Pape que plus tost il perdra

tous ses Païs Bas que de consentir lad. confession; et n'en a pas respondu moins aud. archiduc, ne voulant non plus entendre à lad. reconciliation du prince d'Orenge ny des autres hanniz; et requiert aud. S' Empereur luy voulloir encore laisser sesd. enfans. Vng autre mien amy m'a dict que led. Empereur demande que Milan, (iennes et autres estatz et villes de l'ancien (ief impérial y comprenant tous lesd. Païs Bas recognoissent led. Empereur et Tcmpirc; h quoy le Roy Catholique respond qu'il y fera adviser par son conseil à ce qui est de raison et Tacomplira. Les électeurs et princes de Germanie tant ecclésiastiques comme séculiers offrent d'eslire don Ridolfe, fils aisné de Bohême, en roy des Romains et paier une grosse somme de florins à son père, pourveu que lad. confession d'Auguste soit libre; ce que led. S' Empereur prie bien cliauldement à ced. S' Roy de le persuader au Pape; qui est une requeste faicte en vain; car deux mois devant que led. archiduc soit venu cesle Majesté scavoit qu'il seroit prié de consentir lad. confession, et en reffuz la guerre luy seroit certaine du couslé desd. princes électeurs et autres; surquoy il avoit tenu plusieurs fois conseil d'estat et de guerre pour rezouklre ce qu'il debvroit respondre aud. archiduc ce qu'il jiourra faire pour résister à qui le vouldra assainir. Il faict fort bonne cherc aud. archiduc et luy donne et faict donner toutes manières de passetempz, de chasse et vollerie. afin de l'entretenir le plus qu'il pourra.

Sire, je suis esté, le premier de ce mois, à l'audience du Roy, votre frère, qui s'esmerveille beaucoup de quoy il ne scait nouvelles de France ny de Flandres; et desiroit fort que le partement du prince d'Orenge hors de votre Royaume pour rentrer en Allemagne fut certain; les gens de l'archiduc disent que lad. retraicte n'estoitque avec intention de retourner en Flandres avecq plus grandes forces, et semble qu'ilz ayent envie qu'il soit ainsi. J'ay remonstré aud. S' le bruit qu'a publié ung navire qui arriva nagueres k Bilbau en Biscaye, disant que soixante navires estoicnt arrivés à La Rochelle, les quarante anglois et les vingt françois, qui sont partiz d'Angleterre portantz ung gros nombre de gens de guerre et munitions ; que si cella est véritable, Sa Majesté aura juste occasion de le reprocher à la royne d'Angleterre et de s'en resentir par armes.

Il m'a faict response qu'il fault atendre à scavoirla vérité dud. bruict et qu'il n'est pour manquer à son debvoir ny à faire ce qu'il pourra en votre assistance contre vos ennemys qui sont les siens, puisque la cause est commune h Voz Majestez. Au reste. Sire, la plus sonante nouvelle qu'on ail icy h présent, c'est du tumulte des nouveaulx chrestiens du royaume de Granade, qu'on appelle Morisçois; lesquelz sont si désespérez de leur avoir esté défendu de vestir et de parler morisque qu'ils ayment mieulx morir que vivre ; et ung nombre d'iceulx jusqucs à trente mil hommes en armes prennant et saccageant les lieux des chrestiens, tuant prebtres et moynes, bruslant églises et commectant tous autres actes d'hoslillité, dont l'alarme est très chaulde en tout ce royaume; et parlent qu'ilz sont plus de cent mil Morisçois d'un consentement, ausquels le roy d'Alger a envoyé armes et ung nombre de Turcz et Mores pour chefz; et chacun jour passent gens de Barbarie au secours et faveur d'iceulx, en atendant plus grande puissance dud. Alger, ayant esté ce faict icy consulté et drecé, plus a d'un an, en Constantinople. L'ordre et remède que ced. S' Roy y a mis jusques à présent, c'est d'avoir mandé trente de ses gallères se rendre promptement en la coste de Granade pour empescher led. secours de Barbarie; et Jehan André Dorie viendra avecq les siennes. On faict dix huict bendes d'infanterie en divers lieux; ^t a Sa Majesté envoyé trente mil escuz au marquis de Mondeje, visroy de Granade, pour faire gens à extrême dilligence; lequel est desja en campagne avec le secours que les bonnes villes luy ont envoyé et la noblesse qui Test allé trouver; autres trente mil escuz au marquis de los Voiles pour la garde de l'Andeluzie, auquel païs y a semblablement des Morisçois et plus au royaume de Valence que d'autres gens; mais ilz ne bougent point pour encore. La ville d'Almerie est assiégée par trois ou quatre mil Mores et plus de cent villetes ou villaiges sont de leur party. Il est possible que le bruit excède de beaucoup la verilé ; toutesfois il s'en raconte merveilles pour le peu de jours qu'il y a quïlz ont commencé à rebeller; car c'est seullement du premier jour de ce mois en çà, et autres parlicullaritez, que le s' de Tregoyn^ présent porteur, scaura rapporter à Votre Majesté. Les s" de ceste court n'en font point grand compte; mais si font bien

le duc de Sesse et les autres qui cognoissent lesd. Morisçois et qui ont leur bien au royaume deGranade. C'est ainsi, Sire, que le monde est aujourduy enclin à sédition et les subjects à rébellion en divers endroiclz; pleust à Dieu que ce ne fut point en France. La vérité dud. tumulte s'esclaircira mieulx et s'il v a fondement de croire que de Barbarie soient venuz gens et armes, car j'en double fort pour ce qu'en si petite heure ne peuvent estre survenues tant de choses que Ton dict. Le Roy Catholique envoyé le frère du duc de Gondie avecq mil bizogues espagnols à Oran et ung serviteur de don Francés d'Alava part cejourduy et va par Narbonne porter une lettre de banque de trois cens mil escuz pour le duc d'Alve. L'on m'a dict semblablement que les Morisrois du royaume de Vallence commencent à s'esmouvoir et que le duc d'Alve a despendu cinq millions d'or pour les troubles des Païs Bas depuis qu'il est party d'Espaigne.

Sire, ainsi que je vouUois clorre ceste lettre, est arrivé Chefdeville, ung de voz valetz de chambre, avecq une depesche pour Monseigneur le cardinal de Guise et autre à moy. Et pour ce que mond. s' le cardinal est encore sur son chemin, carne debvoit partir de Igualade sinon le vij* du présent, et vient à petites journées en lictiere, led. Chefdeville luy est allé porter sad. depesche. Quant à la lettre, Sire, qu'il vous a pieu m'escrire par luy du xiij" du passé, je ne feray faulle de servir encore h Votre Majesté en cesle charge, comme il vous plaist me commander et limicter le tempz; mais je vous suppHe très humblement que voz réitérées promesses par plusieurs lettres commencent de m'apporter bieutosl quelque bon fruict, car j'ay femme, enfans et filles et soixante ung an sur mon doz, pour dcbvoir songer à l'advenir mieulx que je n'ay faict. Au surplus, Sire, Ton a renforcé de deux compagnies de gens de pied Tantienne garnison de Perpignan et l'on y envoyé encore des gens davantage; comme aussi vont à Pamplonne huict standartz d'homme d'armes et que infanterie soubz couleur que ung grand pan de mur de lad. ville est tumbé. Ne me pouvant assez estonner de quoy le duc d'Alve ne vous a secoru contre le prince d'Orenge, veu. Sire, les bons propoz que ced. S' Roy m'avoit tenuz quand je luy en ay parlé aucunesfois, et fera Votre Majesté saigoment de remédier à vo/. affaires sans se lier de si

N ' ^63 ET dGi. — 13 j.vxviEH \:m 47

froidz amys qui seroient bien contcnlz d'estre vengez de leurs rebelles par le sang de voz serviteurs et que la France fut par soy mesme tant débilitée qu'il ne leur en faille avoir crainte de longtemps, comme je suis certain qu'ilz ne s'en asseurent pas trop.

De Madrid, le xiij"' janvier 1500.