N" 185. — 6 JUILLET

dons quel terme Voz Majestés peuvent faire estât d'avoir les quatre mil soldatz en France; et le voyant ferme en son propoz qu'il dizoit ne m'en scavoir que respondre, je prins congé de luy; et lendemain en parliz audict de Feries et au secrétaire Caves, qui me donnèrent belles paroles, mais non telles que je les dizirois ouyr ; qui fut cause que je feis une lettre de ma main aud. S' Roy, le premier de ce mois, dont la coppie vaence paquet. Ne vouUant obmettre à vous compter, Madame, que don Dietristain, ambassadeur de TEmpereur. me veint visiter le xxvij™' de juin, qui m'asseura que son maistre est le plus content du monde que Mesdames les Princesses ses (illes soyent colloquées si haullement, et qu'il est tout prest de ce qui convient pour les délivrer et envoyer de façon qu'il ne tiendra h Sa Majesté Cezaréc que toutes deux ne soyent en septembre à Gennes pour vous laisser la Royne qui sera de France et la descendre a Marseille, en change de laquelle Voz Majestés pouront faire embarquer Madame soeur du Roy pour estre royne de Portugal ; et conduiront celle d'Espaigne et la rendront à Barcelonne dans la nuoctobre s'il sera bezoin; estant par l'opinion dud. ambassadeur Icd. chemin le plus expédiant pour éviter à longueur, à liazard et à excessive despence pour toutes les parties. Tant y a qu'il me disoit que ces ministres icy veullcnt que ce soit pour après riiiver; à quoy il a répliqué que Tan prochain les gallaires de ce Roy seront nécessaires ailleurs, pource qu'on lient à certain que le Turc armera de bonne heure, joingt qu'il pourroit naistre d'aultres empeschementz entre cy et là; et jescay d'aultres lieux que led. ambassadeur est fort marry de ceste longueur, car il scait que son maistre n'y prendra pas ])laisir. et m'a dict qu'il sollicitera de son endroit l'accomplissement desd. maryages; et m'a dict qu'il a les articles que led. S' Empereur propoze, car le Roy Catholicque les luy a renvoyiez du Rose de Segovie oii il les receust; mais ne m'en a vollu dire ung seul d'iceulx; bien m'a asseuré n'y estre contenu choze hors de bonne raison pour en debvoir faire difficulté d'une part ne d'aullre. En oullre. Madame, Votre Majesté scaura comment ced. cardinal, après le retour dud. courrier qui veint, conmie j'ay dict, le xviij"' du passé, il eust commandement de Sa Majesté Catholicque d'apeller le Nonce du Pape pour luy représenter qu'estant survenue la déplorable

perle de la feu Royne. ses Royaulmes et Estats l'ont tant supplié et pressé de leur donner ung hoir masle, s'il plaira à Dieu luy en faire grâce, qu'il s'est rezollu, de deux filles grandes queTEmpereur a, en espouzerl'aisnée comme plus convenable d'eage et de faire donner la seconde au Rov de France, afin de continuer la paix et amylié qui est entre eulx et leurs subjetez; et à cause que lad. seconde avoit de longue main esté promise au roy de Portugal, il a demandé pour luy la seur dud. S'Roy Très Chrestien, pour contenter sond. nepveu, afin que par ce moyen cboscun demeure content; ce que Sa Majesté avoit bien voUu faire entendre aud. Nonce en intention qu'il endonneadvisàSaSaincteté. Sad. Majesté aussv luv en escrira et à son ambassadeur à Rome et pourestredispencé surled. mariage, priant ced. Nonce de faire en tout cela bon office. Lequel Nonce a respondu que Sa Saincteté abonne et juste cause s'estoit mcscontenté dequoycesmaryages se sont traictez sans luy qui est père commun de Leurs Majestés et qui toujours procure la paix et repoz des chrestiens. Toutesfois led. Nonce remercioit Sa Majesté de la communication qu'il luy en faisoit donner par led. s' cardinal, dont il adviseroit Sa Saincteté et la supplieroit pour depescher promplement la dispence. Et devisant entre eulx deux en quel tempz le Roy pense ell'ectuer Icsd. maryages, icelluy cardinal respondit qu'il falloit considrer les travaulx de Grannade qui ne sont pas de petite importance et comment la France est en merveilleux troubles et combustion ; à occazion desquelles cbozes. tant que ces deux Roys seront ainsy travaillez, luy semble estre hors de tout bon jugement de faire nopces ny resjouyssance; bien croit qu'on les pourra faire au printemps qui vient. Ced. propoz, Madame, m'a esté dict de part qui le scait, et ce n'est pas led. Nonce qui s'en est descouvert à moy. C'est pour vous avertir que les trois mois expireront devant que le Roy espouze lad. Princesse Izabeau; carne leur manqueront desffaictes et escliappatoires pour différer tant qu'ilz vouldront.

Madame, je reprendz les arrementz de ma lettre que j'avois escripte au Roy Catholicque le premier de ce mois. Il manda aud. s' cardinal qu'il m'y responde de bouche; ce qu'il feist lier soir, m'ayant envoyé apeller à ces fins que le soleil estoit couché; et me deist que la lettre pour le duc d'Alve estoit faicte et me seroit

nM85. — 6 JUILLET Vm 9i

donnée avec sa coppie; par laquelle lui est mandé expressément vous secourir et assister en pcrsone; et touchant aux quatre mil soldatz, que ced. S' Roy a fnict depescher vingt bons capitaine homes de service, ausquelz on baille argent pour aller faire leurs gens à toute diligence; et le capitaine Soliz qui se trouva à la bataille de Dreux et succéda en la charge de maistre de camp au lieu de don Diego de Carvajal, est leur maistre de camp, que Ton estime fort bon soldat; mais de prefinir et nommer le jour auquel ilz seront prestz et moins quand ilz pourront arriver à Bayonne seroit impossible, sinon de m'asseurer qu'ilz seront sollicitez de faire leur loyal debvoir de ne perdre heure nytempz. Quant à la rezollution jjrinze par l'Empereur sur les maryages, il est vrai que la Majesté d'icelluy se contente très grandement que le Roy Très Chresticn espouze sa seconde lille et le roy de Portugal Madame Marguerite de France, priant bien ad'ectueusement au Roy Catholicque de prendre ce faict en sa main et Tachever comme père de lad. Princesse sa fille, car led. S' Empereur luy en donne et laisse de bon cueur tout l'honneur et la cluirge; et ce qu'il en fera sera tenu pour faict. A cesto cause, ced. S"^ Roy son maistre m'enchargeoit de faire entendre et escrire à Votre Majesté qu'il est bezoin que le Roy, son bon frère, envoyé commission etpovoirii moy son ambassadeur pour traicter desd. maryages, et le semblable fera scavoir à l'ambassadeur de Portugal iry rezident, afin d'advertir le roy son maistre de luy envoyer commission pour traicter du sien avec ceste Majesté; et venuz cjue seront nosd. povoirs, il n'y aura lors que toute brefveté en la conclusion desd. maryages. Bien nous sera permys et loisible de donner advis d(» jour en jour à noz Roys et maistros de ce qui passera, afin que rien ne se fasse contre leur vouloir et intention.

Madame, ce sont les propres parolles dud. s"^ cardinal de Siguence. Je luy ay répliqué entre aultres chozes n'y avoir en cela sinon me commander de nie faire reputer ung presumptueux ambassadeur de vous demander plus de povoir (|ue ma suffizance ne porte ny mérite, mais pour ne me vouloir esclairer plus avant es affaires et particularitez tant du secours que du marjage du Roy mon Seigneur, ne falloit prendre si long terme à lire les lettres de TEmpereur; car ce sont plusieurs jours

92 DÉPLCHEî) DE M. DE FOURQUEVAUX

perduz. Led. cardinal fortiffie que ceste Majesté ne scauroit myeulx dire ne faire, ny avoir plus saincte et sincère intention et voluntë qu'il a de rendre Voz Majestés bientost contentes, ainsy que vous connoistrez par ses oeuvres. Je pense, Madame, quant îi moy, qu'on vouldra vous entretenir quelques mois en ces traictez, mais ne scay deviner Toccasion si ce n'est d'accuser le naturel de ceste Majesté qui procède tousjours si froydement et a loizir en ses propres neg^oces de quelque nature et importance qu'ilz soyent que souvent il s'en trouve mal; et ceulx qui ont à négocier avec Sa Majesté perdent toute patience. Par ainsy ne fault trouver estrange s'il ne s'eschaulfe point beaucoup en ce qui vous toucbe. Unir bien y a, Madame, qu'il ne peult haster ou retarder votreH. maryage pour le Roy qu'il ne face tout en semblable du sien, car l'Empereur veult que les deux Princesses ses filles sortent de sa maison en mesme jour et heure, et vouldroit que ce peult estre plustost aujourd'huy que demain. Au regard. Madame, de la plainte que vous faictes contre les officiers de la Franche Conté, icy les escuzent lesd. cardinal et duc de Feries, disant que durant le siège de Metz, il ne fut en la puissance de l'Empereur Charles d'induire ceulx dud. païs de faire aulcune déclaration nv démonstration d'hostilité en sa faveur contre votre Royaulme; ains luy respondirent que luy payant ses droitz comme k ses prédécesseurs, ilz voulloyent continuer en leur franchize et ncullralité sans offencer les François; et mesme raison et escuze ont ilz de ne permetre que à leur cause ceulx de l'Empire ou de la Germanie soyent offencez, car ilz ignorent et ne veullent scavoir les causes de la guerre qui faict sortir les AUcmans au donmiage d'aultruy. Quelques navires espagnolz partirent d'Angleterre le xxiij de juin et ont pris port a IMlbau en Biscaie, qui affirment que le Roy Catholicque et la royne d'Angleterre se sont accordez de leur différent, de sorte que toutes les chozes prinses et arrestées d'une part et d'aultre seront rendues. Toutefois pour ce bruit là ne laisse ced. S' Roy d'envoyer lettre de banque au duc d'Alve pour recevoir deux cens mil escus; lequel duc en avoit prins cinq cens mil, pour s'en servir, s'il en sera bezoin. Or, Madame, j'ay cuydé ne fallir point d'envoyer ceste depesche à Votre Majesté par mon secrétaire et l'accompaigner de Rhene Loizeau, chevaul-

xV i85 ET J86. — JUILLET 1569 93

cheur d'escuyrie, afin si l'un demeuroit en chemin que Faultrc passe oultre. Et, car le Roy votre beaufilz Joibt arriver h ce soir, je ne fauldray luy aller baizer la main après qu'il aura donné audience aux plus pressez, et solliciter le secours desd. quatre mil soldats. Pour Thoneur de Dieu. Madamt, que don Francés d'Alava n'ait plus longue prinse sur moy pour les douze mil realz que son home me fournist il y a maintenant ung an ; que maulgrc à ma vie et à ma pouvreté que je n'ay moyen de vous faire le service que je doy; car si j'avois de quoy, je ne vous serois pas importun demandeur.

Madame^ je prie Dieu très dévotement qu'il vous conserve et maintienne très longues années en très accomplie et très contente prospérité. De Madrid, le vj'"' de juillet J ')(>!).

Votre très humble, très obeyssant et très obligé subject, vassal et serviteur.

KORQUKVAI'LX.

186. — Points sur lesquels le s' de Forquevaulx, ambassadeur de Sa Majesté Très Chrestienne, supplie Sa Majesté Catholique luy vouloir respondre. — [Réponse du Roy Catholique.]

A Sa Majesté Catholique.

Tous les advis que le Uoy Très Chreslicu a heuz du couslé d'Angleterre et nagueres du xxj de juin de Londres, portent que la royne d'Angleterre arme une grosse puissance par mer et par terre tant de ses subjectz (jue de reitres et de lansquenetz qui se font en son nom sur la Germanie vers les villes maritimes, afin de secourir les huguenotz rebelles de Trame, ee que lad. Dame royne fera tant [)lus volontiers à présent qu'il n'y a rien qui la retienne estant d'accord comme elle est ou en voye de l'eslre hientostavec Sa .Majesté Catholique.

Autre advis y a du cousté d'Allemaigne que comme l'électeur palatin a sceu par cidevant persuader au duc de Deux Pontz d'entrer aud. Royaume secourir lesd. ennemys soubz couleur de défendre sa religion, aussi maintenant parles mesmes moyens il tache d'induire l'électeur de Saxe, et l'a desja gaigné, de faire une levée de six mil chevaulx et d'un bon nombre de gens de pied en intention de les faire marcher après led. duc de Deux Pontz soubz le duc Casimir son gendre et vont en toute la Germanie esmeue et incitée au secours desd. rebelles; mesme il se faict aud. ])aïs et autres endroictz une bende de cavallerie et infanterie soubz i)retexte de la vouUoir emjdoyer pour empescher led. de Deux Pontz ou ses forces, quand ilz retourneront dud. France, qu'ilz ne puissent entreprendre contre l'Empire ny contre les princes d'icelluy. Mais au vray leur dessain principal tend et est d'entrer

aud. France à l'exemple dud. de DcaxPontz; de laquelle levée est chef et colonnel Lazar Schmenden, pensionnaire de l'Empereur. Et combien qu'il est quelque bruict que lad. levôe doibl servir contre le Transsilvan, il appert toutesfois par les advisdc Constantinople que le Turc ne veult qu'il soit rien altéré de la part dud. cousté; j^arquoy c'est chose notoire que lad. levée se faict contre led. S"" Koj Très Chrestien; et s'assembloient lesd. gens desja à la file.

Pour ces considérations, lad. Majesté Très Chrestienne entendant lesd. advis de si grandz et promptz appareilz de gens de guerre et voyant la guerre très eschauffée en divers endroictz de son Royaume, il a mandé au s*" de Fourqucvaulx, son ambassadeur, par lettres du quatriesme de ce mois de juillet, qu'il reaionstre à Sa Majesté Catholique comment ce faict les touche en commun à toutz deux pour le bien universel de la religion chrestienne et de leurs royaumes et cslalz, et la prier très instamment de par led. S^ Roy, son frère, de vouloir faire les offices qui s'ensuivent.

Eq premier lieu, qu'il plaise à sa Majesté Catholique faire nouvelle recharge à Monsieur le duc d'Alve la plus chauldc et véhémente qu'il sera possible à ce que sans aucune dissimulation en longueur il embrace doresnavant la deffense dud. Royaume contre lad. royne d'Angleterre, duc Casimir et autres qui essayeront d'y entrer; car si led. S"^ Roy Très Chrestien ne sera assisté et secouru pour empcscher l'entrée et invasion des susd. puissantz ennemys, encore qu'il soit assez puissant pour venger et vaincre avec l'ayde de Dieu les ennemys et rebelles qull a dedans sond. Royaume, il cognoist neantmoins la manifeste ruyne d'icelluy, s'il sera assailly pareillement par les autres. Pour evicter auquel malheur, Sad, Majesté Très Chrestienne, s'il se veoirra abandonné, sera contraint de conserver sond. Royaume par ung autre expédient. Il s'assiMiro tant de Tamytié dud. S' Roy Catholique, son bon frère, qu'il trouvera très raisonnable qu'il en uze ainsi ; mais s'il sera secouru et assisté il bonnes enseignes contre lesd nouvaulz assailiantz, il n'espargnera chozo qui soit ou sa puissance, comme il n'a faict jusques ici, ne sa propre personne et de Monseigneur d'Anjou, son frère, de poursuivre lesd. rebelles jusques au bout.

Aus.si. seroit ung bon expédient pour retenir lad. royne de se déclarer contre la France, de luy faire entendre et cognoistre vifvement que ceste cause est commune à Leurs Majestez Catholique et Très Chrestienne, et que ceulz qui se declaireront en ce faict et se porteront pour ennemys de l'un Roy seront tenuz pour ennemys déclarez do Taultre.

A c(îs fins, il plaira à Sa Majesté faire ce bon office envers lad. Dame royne d'Angleterre de luy escrire, mander et protester qu'il a entendu comment elle veult faire guerre aud. Roy son frère, à présent qu'il est empesché à se faire rendre l'obéissance par ses subjeetz. Et si lad. Dame royne vouldra entreprendre quelque chose contre luy, que elle se délibère pareillement d'avoir la guerre avec Sa Majesté Catholique. Et si les lettres que Sad. -Majesté escrira sur ce faict parleront tel langage que lad. Dame ait occasion de croire que l'effect en suivra les parolles, led. S' Roy Très Chrestien s'asseure bien que elle se gardera et retiendra de l'assaillir.