N*" 217 ET 218. — FÉVRIER

217. — Double d'une letre du s' Cayes, secrétaire d'estat du roy d'Espaigne au S' de Fourquevaulx du dernier de janvier 1570, receue à Madrid ledeuziesme de febvrier de ced. an ^

Despuis l'arrivée de Sa Majesté en ce lieu est venue uneestaffete du maistre de camp Soliz portant letres, desquelles s'est tirée la relation qui va avec la présente. Vous verrez par elle la diligence que led. Soliz a faictc par diverses voyes pour entendre si Tescorthe que le Roj Très Chreslien avoit commandé aprester pour conduire les Espagnolz en France estoit preste; et trouvé que non seullement elle n'est preste, mais aussy qu'il n'y avoit forme ny moyen de la povoir assembler ny de venir acompaigner lesd. Espaignolz, ft. cause que les passages esloycnt desja prins et saiziz par les rebelles. Et certainement on ne peult laisser de dire que les ministres du Roy Très Chrestien ausquelz le faict avoit esté commys n'ayent uzé de très petite diligence; qui est cause de l'inconvénient que tout home peult considérer, veu que lesd. Espaignolz ont esté atendantzsi longtempz lad. escorthe non seullement en faisant grand despence des deniers de Sad. Majesté, ains avec grand dommage du païs où ilz sont esté logez. Et le piz est que pour raison de ceste dillation, lesd. gens se sont desbendcz en tant qu'ilz n'en sont demeurez deux mil homes; lesquelz estoient si petit nombre et tant deffnictz, ilz peuvent servir de si peu, comme vous si principal soldat qije vous estes pouvez juger. Et de cecy vous est donné advis, afin que vous scachez ce qui passe et que de la part du Hoy mon Seigneur n'y a heu faulte de rien à faire le possible, pour ayder et assister au Roy Très Chrestien, son bon frère. Lequel S' Roy mon maistre sera icy jusques au trois ou quatr"* du mois qui vient. Je vous envoyé la capitulation en françoisescripte de la letre que vous m'avez demandée; je vous prie la signer de votre main et me l'envoyer incontinent, car don Dietristain la veult aussy en françois; et receu que je l'aye, je vous la renvoyerny soubdain signée dud. Dietristain et semblablement celle en latin, toutes deux authentiques en bonne forme, afin que les puissiez envoyer en France, vous asscurant que jusques à ceste heure led. Dietristain n'a heu aulcunc des capitulations.

De Guadaluppe, le dernier jour dud. janvier 1570.

(]aves.

218. — Relation de ce que le maistre de camp Soliz a escript à Sa Majesté Catholique du xvij"* de janvier 1570, traduict de castillan en françois *.

Qu'il avoit envoyé ung des capitaines de son régiment à Rayonne, lequel parla au gouverneur dud. Rayonne et à Mons' de Rajaulmont, qui estoit

' De la propre main de M. de Fourquevaux. Bibl. Nat., ms. fr. 16103, f» 593. ' De la propre main de M. do Fourquevaux. Bibl. Nat., ms. fr. 16103, f» 592.

venu par commandement du Roy Très Chreslien aud. lieu, pour recevoir et acheminer led. régiment. Lesquelz luy donnèrent à entendre qu'ilz attendoient d'heure en heure nouvelles de l'escorte qui debvoit venir pour seureté du secours des quatre mil Espagnolz; et combien que led. capitaine fust en lad. ville et au païs de Vasques, il ne trouva qu'il fut rien de ce que lesd. s" attendoyent.

Led. capitaine flst diligence estant aud. païs de scavoir s'il estoit vray que lad. escorte venoit. Et fust adverty qu'il estoit impossible que elle peult venir, pource que les enemys avoyeut prins les passages. 11 rapporte aussy pour la cognoissance qu'il a aud. pals de Vasques, que lesd. ennemys s'estoyent arrestez et detenuz ung tcmpz attendant led. régiment qu'il passast, afin de le deffaire. Et lorsqu'ilz ontsceu qu'il avoit recullé en arrière, icoulx enemys s'estoyent déterminez de passer la Garonne, comme ilz ont faict. Et passèrent lad. rivière le ix"" dud. janvier, ayant laissé pour garnison de Bearn cent et vingt homes d'armes, trois cens harquebuziers à cheval ethuict compagnies d'infanterie.

Il fust dict aud. capitaine en Bayonne que à xxvj ou xvvij lieues de là y avoit cinq ou six compagnies de gens de cheval. Et pour scavoir s'il estoit ainsy, il envoya un personage home de bien; lequel fust jusques sur les lieux où l'on disoit estre lad. cavallerye et n'y trouva sinon la compagnie de Mons' de S' Orens, qui est ung des gentilzhomes qui estoyent venuz aud. Bayonne pour guider led. tierce d'Espaignolz.

Que à parler reallemenb et à la vérité, il n'y avoit jusques alors aucune escorthe d'arrivée ne qui marchast de lad. rivière de Garonne au deçà, ny aulcune ccrtaineté qu'il y eust gens ordonnez ny prestz à venir pour led. efTcct, sinon tant seullement lesd. s" de Bajaulmont et de Sainct Orens.

Ce rapport a esté escript de (iuadaluppe, le dernier jour dud. janvier et envoyé par commandement de Sad. Majesté Catholique à moy ambassailcur de Sa Majesté Très Chresiienrie.

ForHOl'EVAULX.

219. — Mémoire touchant douze François venans de la Floride faicts prisonniers à Seville et condamnez aux gailaires pour dix ans '.

Quelques douze François du demeurant de la Floride et aultres prins du tempz de la guerre, plus a de dix ans, furent il y a ung an ou environ amenez prisonniers des Indes d'Espaigne en la prison de la Contractation de Seville accusez d'estre courssaires, etpour telz condemnez aux galléres les ungs pour dix ans et aultres pour moins de tempz. Trois d'iceulx sont mortz en lad. prison, les deux de fain et de pouvreté, et l'aultre qui s'appeloit Charles de Saligan, bon canonier et chirurgien, fut tué par aultre prisonnier esi)agnol le jour (le Noël dernier; les vivantz s'apellent Michel d'Orenge, qui se dict

» De la main de M. de Fourquovaux. Bibl. Nat., ms. fr. 1G103, f« 639.

N- 219 ET 220, — 3 FÊvHiER 1570 193

estrc gentilhome, Jacques Laloue, bon marinier qui a navigué sur les flottes d'Espaigne à toutes les Indes, Vincens Ferez, Jehan de Lure, Guillaume Cousin, Jehan de Cahen, Jehan Gascon et Jehan Francés. J'ay remonstré la pitié desd. captifz plusieurs fois au Hoy Catholique, suppliant Sa Majesté les faire délivrer. Il m'a tousjours respondu qu'il y feroit adviser par son conseil des Indes. Neantmoins ilz trempent ' en captivité se mourantz de fain, plus maltraictez que les Anglois prisonniers ausquelz on donne le pain du Roy et ausd. François rien du tout. Et seroient desja roortz sans les aulmosnes qu'on leur donne. Sur lequel faict m'a semblé d'en escrire à Sa Majesté Très Ghrestienne, doublant que si don Francés d'Alava luy aura demandé si c'est de son commandement que je procure la liberté desd. François, qu'il luy soit respondu que non, et pour ce sora bon qu'il plaise à Sa Majesté en dire ung mot ou faire dire aud. don Francés, afin qu'il scaclie que l'oflice que je faiz pour louz les subjectz dud. Roy, mon seigneur et maistre, est de son adveu et commandement. L'occasion principalle de leur détention est pource qu'ilz ont grande cognoissance et expérience desportz et havres de la Neufve Espaigne, du Peru et des Isles; et si j'eusse voullu promectre et m'obliger pour eulx qu'ilz n'y retourneront jamais, le secrétaire Cayes m'a dict que soubz lad. condition seroient tantost délivrez. Ce que je n'ay voullu promectre, ny le pourrois observer quand je l'am'oys promys ; et à ce compte les lairront mourir misérablement. J'en reparleray aud. S' Roy Catholique estant à Cordoua ou aud. Seville, et ne tiendra pas à moy qu'ilz ne soyent délivrez.