Au Roy

Madrid, 27 décembre 1570.

Sire, Pour ne faire tort à la suffizance de Monsieur de Malicorne, je ne feray autre discours à Votre Majesté pour reponce

3i2 DÉPÊCHES DE M. DE FOVRQUEVAUX

de ce qu'il est venu traicter vers les Roy et Royne Catholiques; car il en scaura rendre très bon compte; mais seullement je tesmoigneray qu'il s'en est si bien aquicté que lesd. !

Majestés et ceulx avecques qui il a negotié demeurent grande- j

ment satisfaicts de luy et croy que nul autre n'eust sceu le faire |

mieulx qu'il a faict. Sire, j'ay à respondre par cette depesche !

à celle qu'il vous a pieu me faire, de Soissons, du quatre de ce '

mois, laquelle j'ay reccu le xxij*"' ; lors duquel jour ces Majestés estoient allés au Pardo viziter Madame la Princesse de Portugal qui y est mallade. Cela fut cause que je ne leur feiz scavoir moy Tnesme la nouvelle contenue est lad. letre de voz nopces, qui estoient célébrées; mais je Tallis donner aux Princes de Bohême led. jour xxij"', à l'issue de leur messe; qui leur fust une nouvelle très agréable et à votre inutille ambassadeur plus que nouvelle qu'il ait receu il y a fort longtemps. J'eusse vouUu scavoir d'eulx précisément s'ils ont délibéré de passer par votre Royaume et en quel temps, veu que l'Empereur veult, comment que ce soit, qu'ilz se retirent vers Sa Majesté au plustost qu'il sera possible, et s'il sera ainsi comme Gilles, courrier dud. S' Empereur, vous a dict qu'ilz eussent intention de faire le chemin en poste par France que je ne feisse faulte d'adviser Votre Majesté du temps qu'ils partiront et quand ils pourroient entrer en votre Royaume, aOn de faire donner ordre, tant pour les faire accomoder de chevaulx de poste sur leur chemin que pour les y bien recevoir et traicter, les asseurant que ce vous sera, Sire, un très grand plaisir de les veoir avec ceste occasion pour les bien recueillir et traicter, afin de leur rendre tesmoignage de l'affection et amytié fraternelle que Votre Majesté leur porte; lesquels Princes me respondirent après les remercyements, que le chemin qu'ilz ont à prendre deppend delà volunté de l'Empereur; bien auroient ils grand plaisir qu'il leur acomodast d'aller par votre Royaume, afin d'avoir le bien et contentement de baizer les mains de Votre Majesté, à qui ils désirent faire service et des Majestés de la Royne, votre mère, et de la Royne, leur bonne soeur; et certainement. Sire, il me semble qu'ils vouldroient bien passer par votre court. Ce que feroient aussi don Dietristain et leurs gentilshommes pour plusieurs respects. Si est oe que le Roy Catholique leur faict arrester quinze

gallères de celles d'Espaigne, qui seront prestes pour la fin de janvier. Toutesfois ils pourront attendre à s'embarquer jusques en février et qui parte jusques en mars. Et le bruict est que Votre Majesté a envoyé prier l'Empereur de les faire passer par votre Royaume. Ce que pareillement le secrétaire Cayes me conseilloit, sans vouUoir estre nommé, de vous escrire que si Votre Majesté désire veoir lesd. Altezes, qu'il seroit bon d'en envoyer prier lesd. S' Empereur et le Roy Catholique son maistre. Je luy ay faict responce que l'alliance est telle entre Vos Majestés qu'il ne fault poinct faire difficulté de demander et prendre les commodités qui viendront à propos aux ungs et aux autres et par ainsi me sembloit, siled. passage est plus commode ausd. Altezes par France que par ailleurs, qu'ils la doibvent rechercher et prendre, car je les puis asseurer et certiffier qu'ilz feront plaisir à Votre Majesté ; mais de vous écrire pour les y convyer ny les en prier, que je m'en garderay fort bien. Aussy est ce, Sire, que led. passage vous coustera beaucoup; encore semblera il advis à aucuns que vous leur debvrez de retour, estant ces gens icy costumiers de faire semblant de tenir peu de compte de ce qu'ilz dezirent le plus en leur intérieur. Et pour le regard dud. voyage,j'avoisdesjafaictpartirColongevers Votre Majesté avec ce que m'en avoient dict lesd. Altezes et don Dietristain, car il m'est advis que en occasions semblables je ne doibz estre négligent d'en advertir Votre Majesté, comme je ne seray si je pourray scavoir du voiage le temps et le chemin.

M'ayant esté dict encore hier qu'il sera possible que lesd. Roy etRoyne iront en Aragon et jusques à Barcelonne acompaigner lesd. Princes pour par mesmes moyen aller à Mousson tenir le cours.

D'autres nouvelles, Sire, n'y a que d'avoir faict arrester toutz les navires qui se trouvent aux ports de mer d'Espaigne, afin d'embarquer des soldatz pourltallie, comme j'ay escript à Votre Majesté des cinq mil qui doibvent aller en Lombardic et Piemont; et autres s'embarquent pour Naples et Sicille, afin de les employer sur l'armée contre les Turcz.

Don Jelian d'Austrie sera visroy dud. Naples, oultre qu'il est gênerai généralissime de la ligue, afin de Pauthoriser dadvantage. Il n'est pas en opinion de bon guerrier entre ceulx qui Font

3i4 DÉPÊCHES DE M. DE FOURQUEVAUX

veu à la guerre de Grannade ny pour homme de grand esprit parmy ces courtizanz. Au reste, Sire, je verray d'entendre les délibérations pour lad. guerre turquesque pour en advertir Votre Majesté. Mais monadvertisseurm'asseure que l'entreprinse d'Hirlande s'exécutera avec trois mil Espaignols et trois mil Vallons en deux flottes qui partiront l'une de Flandres et l'autre d'Espaigne à temps mezuré pour se rendre à certain lieu à mesme jour soubz la charge du prieur don Hernando, fils naturel du duc d'Alve.

De Madrid, le xxvij* de décembre 1570.

268. — Discours au Roy des audiences que Monsieur de Malicorne a heues des Roy et Royne Catholiques.

Monsieur de Malicorne , chevalier de l'ordre du Roy, capitaine de cinquante honinies d'armes de ses ordonnances et de son privé conseil, arrivé le neufîesme de décembre 1570 en la court du Roy d'Espaigne estant en la ville de Madrid, communiqua entièrement sa depesche au s' de Fourquevaulx, ambassadeur de Sa Majesté Très Ghrestienne ; veue laquelle, fut advisé de commun advis de debvoir faire entendre aud. S' Roy Catholique son arrivée demandant audience à tel jour et heure qu'il luy plairoit. Ce qui fut faict. Mais pour aucunes grandes occupations, lad. audience fut remise au vendredy quinziesme. Lequel jour venu, du matin, environ dix heures, vindrent au logis dud. de Fourquevaulx le conte de Ghinchon, premier maistre 4'hostel dud. S' Roy, acompaigné d'environ quarante gentilzhommes ou plus à cheval, toutz personnages de marque. Lequel conte à la main gaulche et led. de Fourquevaulx à la droicte prindrent led. s' de Malicorne au milieu d'eulx. Et en cest estât allèrent jusques au pallais bien honnorablemcnt et entrèrent lesd. ambassadeurs en la petite chambre où lad. Majesté donne les audiences. 11 y avoit avecques luy don Jehan d'Austrie, le prieur don Anthoine de Tollede grand escuier, le duc de Medine Ruysecco, le duc de Nagera, le conte de Benavent, le marquis de Dénie*, toutz grandz de Castille. En laquelle audience., led. s' de Malicorne feist par ordre entendre à Sa Majesté Catholique la charge qu'il avoit de Sa Majesté Très Ghrestienne, de la Royne, sa mère, et de Monseigneur d'Anjou, son frère, ainsi et en ensuivant ce qui est porté par son instruction, sans en obmectre ung seul mot.

Led. S' Roy Catholique luy respondit.

Lendemain xvj"'' dud. mois, ayant faict demander au marquis de Ladrade, majord'home mayor de la Royne Catholique, afin d'avoir audience, ce fust don Pedro Lasso, ung des maistres d'hostel de lad. Royne, acompaigné de dix ou douze gentilzhommes, qui veint prendre led. s' de Malicorne sur les deux heures après midy; et luy à gaulche, led. de Fourquevaulx à droicte meirent led. s' de Malicorne au milieu, et en l'ordre susd.

allèrent jusques au pallaîs et descenduz montèrent en la salle où la feu Roy ne donnoit ses audiences. Et illec trouvèrent lad. Dame Royne qui attendoit lesd. ambassadeurs debout sur son estrado avec des quarreaulx de velours cramoisy prez d'elle pour s'asseoir s'il luy eust pieu. Autour de lad. salle estoientses dames et peu de gentilzhomimes. Le duc de Medine y estoit des grandz. Les révérences faictes, icelluy s' de Malicorne luv exposa ce qu'il avoit à luy dire poinct par poinct.

Lad. Majesté luy respondit.

Au partir d'elle, il fust baizer les mains aux Princesses Infantes qu'il trouva telles que la voix court de leur perfection selon l'eage.

Puis alla viziter les Princes don Kidolfe et don Hernest, lesquelz sortirent au devant de luy jusques bien avant de l'antichambre et l'emmenèrent en la chambre où les ambassadeurs ontacoustumé de leur parler, où led. s' de Malicorne leur donna les lettres du Roy, ayant mis au dessus : « A mon frère Monsieur le prince don Ridolfe; t et de mesme sur l'aultre lettre : « A mon frère Monsieur le prince don Hernest. » Lesquelz Princes furent salluez de la part desd. Majestez par les plus honnestes et convenables paroUesdont led. s' de Malicorne se sceut adviser. Auquel led. don Ridolfe feit response qu'il baizoit très affectueuzement les mains de Sa Majesté pour la souvenance qu'il luy plaizoit avoir d'eulx; qu'ilz cstoientfortcontentz et resjouys de l'alliance et mariage accomply entre Sa Majesté et laRoyne leur soeur; carc'estoit de tant plus fortiffier la ferme amytié qui estoit entre l'Empereur son père et les Majestez Très Chrestiennes et Catholiques. Et quant à luy et à son fràre, qu'ilz seroient tousjours très aises du contentement desd. Majestés Très Chrestiennes. Aussi deziroit il bien que l'occasion se offrist de pouvoir faire service à Sad. Majesté, et en ce qu'ilz le pourroient servir, qu'ilz s'y emploieroient très volun tiers.

Au partir desd. Princes, qui reconduirent led. s' de Malicorne jusques au lieu où ilz l'avoient reccu, il alla salluer les petitz Princes don Albert et don Venccslaus de Bohême, frères desd. Altezes; lesquelz sont aultant gentilz et bien aprins qu'il est possible; et mesme l'on dict que le dernier est le vif portraict de la Roy ne Très Chrestienne sa soeur.

Le dimanche xvij"", fust led. s' de Fourquevaulx d'advis d'aller salluer don Jehan d'Austrie. Ce qui fut faict; et aura souvenance led. s' de Malicorne de représenter sa gravité. 11 est vray que ses propoz furent fort courtois, dizant qu'il baizoit humblement les mains du Roy Très Chrestien pour la vizite qu'il recevoit de sa part, à laquelle Majesté il deziroit de faire service et que une bonne occasion s'y offrist pour le servir de soldat, afln de monstrersa bonne affection, et autres semblables propoz.

Le lundy furent viziter le cardinal de Siguence, lequel , à son dire, est le plus affectionné de toutz à la conservation et durée de l'amour et paix tant neccessaire entre Leurs Majestez; à quoy il employera ses cinq sens de nature et tout ce que Dieu luy a donné.

Plus de difficulté y eust à veoir le prince d'Evoly; car faulsit atendre jusques au lundy xxj"« ; et fust de la vizite et de l'adieu une mesme chozc. En laquelle vizite y eust assez d? propoz tenuz touchant l'amytié qu'il fault

que les deux Majestez continuent de l'une & Tautre; et aussi bien led. Ruy Gomes comme led. cardinal dizent par leurs vives raisons que Sa Majesté Catholique dezire en cxtresme que le mariage par lu,v mis en avant de Madame au roy de Portugal sorte effect; et qu'il s'y est employé tant envers le Pape que envers le roy son nepveu et son conseil : mais que led. jeune roy est enchanté par les deux Theatins qui le gouvernent et que c'est son mauvais naturel qui les garde de cognoistre ce qui luy est 1res convenable pour luy et son royaume. Concluant l'un et l'autre desd. s" qu'il fault espérer que tout ira bien, puisque Sa Saineteté s'en mesle. Led. s' de Malicorne leur a remonstré que du cousté de France n'ont rien à demander aud. roy de Portugal, moins de voulloir presser aucun pour led. mariage, estant Madame de si hault lieu et si acomplie princesse que grandz partiz ne luy peuvent faillir. Lesd. s" parlent dud. faict en telle sorte qu'il est bien difficille de scavoir juger qu'il y ait mallice de ce cousté.

Finablementled. s' de Malicorne dcmandoit aller au Pardoviziler Madame la Princesse, laquelle y est mal dispozée depuis l'entrée de ced. mois. Ce qui n'a esté trouvé bon, jaçoit que du commencement elle eust faict respondre qu'il luy feroit plaisir de la veoir devant que de s'en retourner en France, car son Alleze deziroit scavoir nouvelles de la santé de leurs Majestez Très Chrestiennes. Si est ce que le Roy Catholique a conseillé de n'y aller poinct, car lad. Princesse se trouvoit mal comme elle faict; led. s' de Malicorne arriveroit par aventure vers elle en tel poinct et heure, que lad. Alteze ne pourroit se laisser veoir. Parquoy il estoit d'advis de laisser aud. de Fourquevaulx à faire led. oflice quand elle se porleroit bien.

Ne restant donc autre faict à negoticr, led. s' de Malicorne est retourné à l'audience dud. S»" lloy Catholique le xxj "»* de ced. mois et a prins congé de Juy, après avoir uzé des mcsmes ofliccs et paiolles de la première audience, dont led. s' de Malicorne sera bien memoratif et de ses recommandations à toutes les Majestez Très Chrestiennes.

Advenu le xxiiij"", environ les trois heures après midy, led. s' de Malicorne fust prendre congé de lad. Dame Royne, qui l'atendoit en la mesme salle et lieu, debout, comme à la première vizite. 11 luy remonstra l'occasion qui le menoit vers elle, qu'estoit pour recevoir ses commandementz, estanl depesché dud. S' Roy Catholique pour son retour de France; l'exhortant à voulloir faire les offices de vraye soeur envers la Majesté du Roy son mary, pour la confirmation de l'amytic et bonne correspondence qu'elle avoit trouvée estre entre toutes les Majestez, les royaumes etsubjectz d'une part et d'aultre, avecques autres bons et louables propoz. Sans oblier de toucher encore ung petit de recommandation au nom de la Royne, mère du Roy, lad. Dame Royne luy a tenu semblable langage et l'a prié de respondre et dire à Leurs Majestez ce que elle luy avoit desja respondu en la première audience; adjoutant l'aize très grand que elle a heu de scavoir au vray que les nopces estoient faictes le xxvj de novembre en la ville de Mezieres, comme elle avoit veu par l'extraict des lettres de Leursd. Majestez Très Chrestiennes du quatriesmc de ced. mois escriptes à Soissons. Lequel extraict led. s' de Fourquevaulx avoit envoyé au Roy son seigneur et mary; dont

elle en loue Dieu et le supplie donner au Roy, son beau frère, et à la Royne, sa bonne soeur, parfaict contentement de leurs dezirs avec une très contente et longue yie et compagnie ensemble pour grand nombre d'ans; offrant à Leurs Majestez tout le service que elle leur pourra faire et à la Roy ne, mère de Sa Majesté ; promectant faire de son endroict toulz bons offices pour la confirmation et persévérance de l'araytié et bonne correspondance qui est entre Voz Majestez Très Chrestiennes et Catholiques, en quoy lad. Dame Royne Catholique s'emploiera toute sa vie de fort bon coeur. Et touchant à lad. recommandation des Infantes, encore qu'il ne soit poinct besoing les luy recommander, toutesfois elle voulloit bien l'asseurer que elle leur sera vraye mère tant pour l'amour et respect du Roy son seigneur et d'elles mesmes qui le méritent, que de la Majesté de la Roync leur ayeulle, à qui elle dezire servir. A cela, led. s' de Malicorne, doubtant que lad. Dame Royne Catholique eust prins son dire d'autre goust qu'il ne le dizoit, répliqua qu'il avoit remonstré desja à Sa Majesté que lad. recommandation estoit par manière d'office d'une ayeule affectionnée naturellement à la feu Royne, sa fille, et ausd. Princesses, ses petites filles, qui en estoient sorties et non pour deffiancc que le Roy Catholique obliast ung seul poil de l'amour paternel qu'il leur porte, et lad. Dame Royne, comme feroit leur propre mère si elle vivoit; par ainsi Sa Majesté debvoit avoir prins son propoz en bonne part comme de saincte et necte intention que la Majesté de la Royne Très Chrestienne luy avoit donné charge de la faire entendre à Leurs Majestez Catholicques. Là dessus lad. Dame Royne deist que ellel'avoit prins aussi en fort bonne part, et après avoir prié led. s' de Malicorne de ses cordialles recommandations à la bonne grâce de toutes lesd. Majestez et que elle leur escriroit, il se retira de lad. audience.

Sortant de là, il fust prendre congé desd. Princesses Infantes, lesquelles goustoient; qui prièrent led. s' de Malicorne de les recommander beaucoup de fois à leurs Majestez et de prier la Royne, leur ayeulle, de leur voulloir envoyer des moiqueques et des brinquillos. La petite Madame Catheline (sic) demande que l'une desd. poupées soit blanche et pour elle.

Doigne Marie Chaccon baize très humblement pledz et mains de la Majesté de la Royne, ayeulle desd. Princesses; et dict que elle a dédié et voué ce qui luy reste de vie pour l'emploier en leur service et la dezire principallement pour cela, se reputant très heureuze de pouvoir servir à telles Princesses; et que la Majesté de lad. Dame Royne reçoive en gré sa petite servitude.

Lesd. Princes don Ridolphe et don llernest furent vizitez au partir desd. Altezes et de la niesme grâce que la première fois receurent led. s' de Malicorne. Et pource qu'ilz avoient sceu la célébration des nopces, led. don Ridolphe luy declaira le très grand aize qu'il et sond. frère en avoient, et s'offrirent toutz deu.\ affectueuzement à faire service au Roy et à la Royne ■ comme vrays et bons frères. Quant à leur voiage, ilz deirent qu'ilz sont encore irresoluz du temps, quand ce sera; bien espèrent que ce sera en bref et de passer par France, que ce leur seroit beaucoup de bien et de contentement ; mais qu'ilz sont en puissance de père et sans commandement de l'Em-

pereur, ilz ne peuyenl faire autre chemin que par mer à Gennes et par Itallie.

L'evesque de Guengue fust Tizité le jour de Noël; lequel n'a pas faulte de bonne volunté, si son intention se conforme à ses doulces parolles. Car il dict avoir faict et voulloir continuer de faire son lojal debyoir que toutes les Majestez vivent en bons frères et parfaictz amjs.

Le cardinal de Siguence qui a esté rezervé jusques à lendemain de Noël, promect qu'il sera en semblable comme serviteur très humble et en commun de toutes lesd. Majestez, ausquelles est besoing de vivre par cy après comme ilz ont vescu en fraternelle et entraguable amytié; car cela faict pour lesd. Majestez et pour leurs subjectz; et que de luy il ne dict jamais messe qu'il ne prie pour toutes lesd. Majestez.

Responce du Roy Catholique traduicte d'espaignol en français.

Sa Majesté Catholique a estimé aultant qu'il est raizon la vizite du Roj Très Chrestien, son bon frère, et ce qu'il luj a envoyé dire par le s' de Malicome; carilcrojt fort bien que le contentement qu'il monstre avoir receu de Teffect du mariage de Sa Majesté Catholique a esté tel comme il le luj représente. Aussi est ce qu'il doibt cela à l'amour et vraje fraternité que Sa Majesté Catholique luj porte, s'accordant & cella principallement en ce que Sa Ma* jesté Très Chrestienne touche de la concorde et beneffice universel de la chrestienté ; à quoj Sa Majesté Catholique a drecé toutes ses fins et actions si à bon escient que la Très Chrestienne se peult fort bien asseurer qu'en tout tempz et occasion il le trouvera très conforme avec la bonne voluntè qu'il dict avoir en cest endroict, imytant les Roys Très Chrestiens ses prédécesseurs de louable mémoire.

Quant & ce qu'il a propozé de la part de la Royne Très Chrestienne à Sa Majesté Catholique, oultre ce qu'il baize les mains à Sa Majesté Très Chrestienne pour la vizite et cordialles recommandations, lesquelles il estime comme de dame et mère à qui il tient tant d'amour et de respect, il l'asseure que avecques fort grande vérité et fondement elle peult croire que du cousté de Sa Majesté Catholique nonseullement se continuera la bonne etparfaicte amytié qu'il a jusques à présent gardée au Roy Très Chrestien, mais que elle ira croissant avec les oeuvres de très vray frère. Tennant aussi au semblable pour chose certaine que l'estant le serenissime duc d'Anjou de toutes lesd. deux Majestez, il concourra en cecy avec l'affection et bonne voluntè que de sa part est dict et offert.

La Roy ne Très Chrestienne se peult bien estre depportée de recommander à Sa Majesté Catholique ce qui touche aux Dames Infantes ses filles, car oultre plus de l'obligation naturelle de père d'avoir tant aymé la Serenissime Royne leur mère qui est en gloire et la tendre et vive mémoire que Sa Majesté Catholique a d'elle, il porte ce soing avec soy, et ainsi peult estre Sa Majesté Très Chrestienne sans en avoir soucy, car jamais n'y aura manquement ny oubly en aucune des chozes qui conviennent à la santé, service et bonne norriture de Leurs Altezes.

Il semble au s' de Fourquevaulx que led. S' Roy Catholique avoit respondu de bouche pour Sa Majesté Très Chrestienne.

N« 268 ET 269. — 30 janvier 1571 319

Qu'il baize les mains du Roj Très Ghrestien, son bon frère, bien affectueuzement, de quoy il luy a pieu l'envoyer viziter, comme fort aize qu'il est et resjouj d'entendre de ses bonnes nouvelles; n'estant pas moins content du contentement dud. S' Roj, son bon frère, que lui mesme; dont il espère avoir au premier jour plus exprez advis et des nopces qui seront esté faictes. Pareillement est il très aize de ce que leur fraternité et amytié se sont reconfirmées par leur nouvelle alliance et que de sa part led. S' Roy Très Ghrestien le trouvera tousjours affectionné à aymer tout ce qu'il ayme et en ce qu'il le luy pourra donner à cognoistre par oeuvre, qu'il le fera de bon cueur.

A la Royne, mère du Roy,

Qu'il s'est bien resjouy d'entendre sa santé, comme de sa bonne mère et Dame qu'il ayme de fort bon cueur; à laquelle il dezire complaire et servir, se tennant bien asseuré de la bonne volunté que la Majesté de lad. Dame luy porte; dont il luy baize plusieurs fois les mains.

Touchant à la recommandation de Mesdames les Infantes, il la prend de sa main en très bonne part, se pouvant asseurer lad. Dame Royne qu'il n'y obmectra rien tant pour l'amour et respect de lad. Dame Royne, sa bonne mère, et de la feu Royne leur mère, qui est en gloire, que de luy mesme comme leur père, qui ne peult manquer à son debvoir ny & son sang.

A Monseigneur,

Qu'il se tient tout certain de sa bonne affection, le priant de vouUoir continuer et l'en remercye comme en semblable de sa bonne volunté qu'il luy offre. Se pouvant mond. S' tenir asseuré qu'en ce que led. S' Roy pourra faire quelque choze pour son contentement, qu'il le fera fort voluntiers.

La Royne Catholique a respondu aud. S' de Malicorne que elle baize très affectueuzement les mains de leurs Maj estez Très Chrestiennes pour la mercy qu'ils luy ont faicle de l'envoyer viziter et se resjouyr avecques elle de son arrivée en ce royaume et de son mariage ; s' asseurant bien quelesd. Majestez sont esté fort aizes de son bien; et ont raison; car elle dezire aussi que toutes chozes succèdent à leur contentement, et mesme à cause de ceste alliance, et que elle correspondra de son pouvoir à l'amylié fraternelle qu'il plaist au Roy luy offrir; dont elle lui baize beaucoup de fois les mains et le prie de la tenir tousjours pour sa bonne soeur comme elle est.