A la Royne

Madrid,. 21 décembre 4570.

Madame, Je rendz compte au Roy de l'audience que j'ay heu du Roy d'Espaigne le dernier de nouvembre, en laquelle je luy presentay votre lettre; et le jour devant avoient vos haquenées esté receues en son escurye par don Diego de Gordoua, premier escuier. qui ne pouvoit à son gré les louer assez, tant il les trou-

Digitiz.ed by VjOOQIC

voit belles et de la taille queled. S' Roy les demande. Ce porteur entendist lesd. louenges, car il les fust consigner aud. don Diego, après que le prieur don Anthonio de ToUedo, grand escuier, eust, à ma prière, sceu de SaMajesté Catholique ce qu'il iuy plaisoit en estre faict; laquelle respondit de les envoyer à sond. premier escuyer. Et lors de mad. audience je Iuy deiz que c'estoient les meilleures et les plus exquises qu'on avoit peu trouver; desquelles haquennées, six en nombre, vous, Madame, Iuy faisiés ung petit présent d'aussi bon cueur, comme Votre Majesté dezire qu'il en sôit bien servy et de Iuy complaire en meilleure choze, si elle sera en votre puissance. Or les avoit il desja veues, et me fcist responce qu'il les trouvoit fort belles, et comme de la main d'où elles venoient d'où rien ne sauroit sortir qui ne soit bon etparfaict. et vous en baize les mains beaucoup de fois; laletre qu'il respond à lad. votre va en ce paquet.

Je fuz, Madame, puis après, le quatriesme de ce mois, faire la reverance à la Royne d'Espaigne, Iuy feiz les recommandations et offres qu'il avoit pieu à Votre Majesté me commander du douze d'octobre. Elle me sembla les accepter de bon cueur et les avoir pour agréables sans oblier ses grandz mercys. Il est vrai, Madame, que ce n'est pas la grâce, accueil et affabilité de la feu Royne votre fille et mesme elle se tint tousjours debout durant mad. audience, ce que ne faisoit lad. feu Dame Royne, ains elle s'asseoit sur des oreilliers et me faisoit asseoir sur ung escabeau de velours. Aultant en faisoit Sa Majesté aux autres ambassadeurs tant du Pape que des Roys et Vénitiens. Maisceste Dame Royne n'a pas uzé ceste faveur au Nonce du Pape ni à votre ambassadeur. Mais je ne veulx faillir, Madame, à vous dire l'accueil que lad. Dame Royne feist à Mesdames les petites Princesses, le jour de son entrée au pallais. Ce fust que Madame la Princesse de Portugal, leur tante, les mena au devant de lad. Majesté jusques à l'entrée des portiques et galleries basses, où elle estoit descendue de sa haquenée, et sans voUoir Iuy permectre que lesd. Infantes Iuy baizassent les mains et d'une révérence jusques à terre de mesme elles, la dite Dame Royne les accola et baiza plusieurs fois l'une après Tautre avec démonstration de fort grande amour; et du despuis les honnore et caresse comme ses filles, et a disné et souppé aucuns jours en compaignie

3i0 DÉPÊCHES DE M. DE FOURQUEVAUX

d'elles, séant à table au milieu, Taisnée à sa main droicte et la petite à sa main gauche. Aussi est ce que jamais n'y eust petites Princesses plus aymables qu'elles sont; et car elles ont heu ung peu de catharre qui leur a faict garder le lict quelques jours, la dite Dame Royne n'en a perdu ung seul sans les viziter. Elles sont en bonne santé à présent, Dieu mercy.

Quant à Sa Majesté, elle ces jours passez heust quelque vomissement pour avoir mangé du poisson. On faisoit desja bruict que c'estoit que elle est grosse; mais cela est encore incertain. Lad. Dame Princesse de Portugal est au Pardo d'un nombre de jours en ça pour changer d'ayr, car elle se trouve mal d'oppilation de foye et de râtelle acompaignée d'une amertume et tristesse de cueur, dont elle ne se peult garder pour plaisir qu'on luy donne, jaçoit que elle le dissimule saigement le mieulx qu'il luy est possible. Et m'a esté dict que elle perd sang continuellement par ses fleurs. Votre Majesté me pardonne si je parle si avant.

J'envoye en cette depesche à Votre Majesté une lettre de la duchesse d'Alve, laquelle m'a escript que elle est rezoUue d'aller trouver le duc d'Alve en Flandres, ceste prime, s'il ne vient par deçà ; si est ce que l'on parle que le duc de Médina Celin luy ira lever le siège bientost.

Madame, ceste depesche est expressément pour donner advis au Roy et à Votre Majesté que les Princes don Ridolphe et don Hernest partiront ou font estât de partir de cette court en ce mois de janvier qui vient, pour retourner vers l'Empereur leur père. Je pence bien qu'il y auroit de la jalouzie de ce cousté, s'ils passoient par votre Royaume. Mais je croy bien aussi qu'ils seroient contentz que led. S' Empereur leur mandast aller par là, afin de baizer les mains à toutes Vos Majestés et veoir la Royne leur soeur, laquelle ilz ne verront de longtemps, perdant cette occasion. Leur voiage sera d'aller d'icy à Barcelonne s'embarquer sur les gallères d'Espaigne et descendre àGennes. Je ne doubte pas. Madame, qu'il ne vous plaise faire advertir les ports de la coste de Languedoc et de Prouvence,qu'ilz soyent apperçus dudit passage, pour, si cas sera, que lesd. gallères et Princes y abordent, qu'ils soient accomodez de ce qui leur sera besoing; m'ayant semblé ne debvoir poinct remettre à vous en advertir par Mons' de Malicorne, lequel est arrivé en ce lieu le neufiesme

N^' 266 ET 267. — 27 décembre 1570 3H

de ce mois ; car il ne scait ny moy s'il sera bientost prest de son retour ; et dès devant qu'il soit venu, je voulloîs depescher ce gentilhomme vers Vos Majestés pour lad. fin, et l'ay retenu jusques à ce jour datte de la présente.

Ne vouUant oblier à vous dire, Madame, pour fin d'icelle, que ung marchand m'escript de Lisbone,du deuxiesme de ced. mois, que tout le royaume dezire d'une voix que Madame soeur du Roy soit leur royne; toutesfois aucuns veullent dire que le roy de Portugal n'en est gueres content, et ne scait on pour quelle cause; mais pnur satisfaire aux prières du Pape, on dict qu'il estoit après pour envoyer deux des principaulx de son conseil vers Vos Majestés traicter le mariage; et m'a dict le cardinal de Siguence qu'il n'a poinct entendu de deux, sinon d'ung seul, qui est don Alvaro de Castro, et ne scait l'occasion de sa depesche. Il y a toutesfois à conjecturer que après avoir faict le compliment de féliciter le mariage à toutes Voz Majestés, qu'il parlera de maryer son maistre; car il est des plus en son conseil et fut envoyé sur ce propoz de mariage à Cordoua vers Sa Majesté Catholique, quand il y estoit, afin de faire les escuzes du jeune roy, dont j'envoys la responce du xix d'avril à Vos Majestés. Et fault croire que sans grande occasion, led. gentilhomme ne fera poinct tel voiage; et ne scay s'il y a lieu de pencer que cela soit esté traicté par don Loys de Tourres, afin de se trouver en mesme temps en votre court, comme je croy qu'il/ feront, led. cardinal estant d'advis de laisser faire à Sa Saine teté, puisqu'il a prins le mariage en sa main et dételle affection, comme il y procède; nous assurant à Mons' de Malicorne et à moy que Sa Majesté Catholique le dezire aultant que Votre Majesté, et jure ce qu'il peult jurer que sond. maistre ne pence aucunement à donner une ny autre des Princesses Infantes aud. roy de Portugal ny des filles de l'Empereur et rejecte toute la coulpe sur sond. nepveu. Dieu vueille par sa grâce que ainsi soit.

Dud. Madrid, le xxj™' décembre 1570.