Au Roy

Madrid, 14 février 1571.

Sire, Sur le poinct que le conte d'Olivares sortist de ceste ville, le XXX™" du passé, auquel j'avois recommandé une mienne petite depesche dud. jour pour Votre Majesté, arriva le s' de l'Aubespine avecques la depesche qu'il vous a pieu me faire du ^.jjmc jimj janvier; et m'a très bien informé de tout ce qu'il avoit commission de me dire de votre part suivant votre instruction.

Qui a esté cause que j'ay différé quelques jours à vous faire la présente depesche, en espérance de tirer quelque bonne responce du Roy Catholique sur les articles qu'il a pieu à Votre Majesté me mander luy estre représentez de votre part. A ces fins. Sire, je suis esté à l'audience le dixiesme de ce mois, n'y estant peu aller plustost, pource que led. S' Roy n'estoit de loizir ny moy en disposition ; et le jour devant m'avoytle secrétaire Cayes envoyé deux depesches de Votre Majesté, la première du xxvj de janvier en faveur de Mons' de Fosseuze, l'autre du xxix"" touchant l'amandement de la Royne; par laquelle audience j'ay asseuré le Roy votred. frère de la bonne santé que vous. Sire, aviez, de la santé de mad. Dame. Il me feist responce qu'il vous baisoit les mains pour led. advis, et que son ambassadeur luy avoit escript le semblable du dernier dud. mois; dont ilestoitbien fort aize et le sera beaucoup plus quand il scaura la guerizon.

Au regard, Sire, du mémoire porté par le s' de l'Aubespine, j'en avois extraict deux pointz pour en faire plaincte ; le premier, de l'imposition et exaction de deniers que le duc d'Alve faict sur la conté de S' Pol; l'autre, du mauvais traictement qu'on faict en Espaigne à voz subjectz de la nouvelle religion. Lequel extraict je luy donniz sur l'heure après luy en avoir parlé de bouche; et de la permission requize par led. s' de Fosseuze de vendre sa terre. Ausquelz trois articles il me deist vouUoir penser.

Je luy eusse voluntiers faict autre article par escript touchant le conte Jehan AuguschioUe; mais encore que je n'en aye faict plaingte par mon pappier, je n'ay pas failly de la faire tumber à propoz parlant de la malignité d'aucunes personnes qu'il y a par le monde, qui s'estudient de mectre inimytié entre frères et amys si grandz comme voz deux Majestés sont et entre deux vertes une meure. Je représente à ced. S' Roy Catholique le tort qu'on s'est essayé et qu'on procure de vous faire de vous vouUoir soubstraire les s" des ligues et cantons; qui n'est pas la première fois que je luy avois parlé des mauvais offices que led. s' conte AuguschioUe est costumier de faire parmy lesd. Suisses à votre préjudice; et n'ay laissé ung seul mot à dire de tout Tarticle qui en parle par votred. instruction. Sa Majesté Catholique a faict de l'ignorant sur ced. propoz, comme s'il n'en savoit rien, mais qu'il s'en informeroit; ce qu'il n'est pas vraysemblable (|u'il

322 DÉPÊCHES DE M. DE FOUfiQUEVAUK

ignore; carie duc d'Alve ne se seroit jamais ingéré à voulloir faire une telle subornation et y despendre de l'argent au hazard d'une ropture de paix, si son maistre n'y eust prins plaisir. Je n'oblieray de luy demander sa responce sur cested. plaingte verballe, quand il me fera bailler ce qu'il respond à mon mémoire parescript. Auquel j'ay adjousté une nouvelle plaingte pour ung nombre de François, qui furent, y a longtemps, prins aux Indes d'Espaigne; dont je lui ay faict plusieurs fois requeste en vain, ainsi que j'ay quelquefois remonstré par mes lettres à Votre Majesté. Je verray s'il plaira à Sa Majesté Catholique m'y faire bonne responce et sur les autres ; laquelle je me tiens pour dict de n'avoir de ces dix jours. A ceste cause, Sire, m'a semblé n'atendre tant sans donner à Votre Majesté les advis que j'ay peu aprendre; et si je pourray cependant descouvrir autre choze, elle ira avec lad. responce; vous advisant, Sire, que j'ay parlé au card'' de Siguence et prince d'Evoly du faict dud. AuguschioUe; mais ilz ne se laissent entendre là dessus, ains font les froidz terriblement. Aussi ne m'ont ilz dict ung seul mot de la ligue ny du confesseur Villaneda ny moy àeulx, ny de Portugal ; mais j'ay bien faict entendre à aucuns des ambassadeurs ce qui m'est commandé par lad. instruction debvoir dire touchant lesd. poincts.

Sire, ce que Votre Majesté dezire scavoir du partement du duc d'Alve ne se peult bien descouvrir, si ce n'est cfu'on m'a adverty que les Flamengz ont envoyé durant cest hyver par deçà supplier le Roy Catholique de leur laisser led. duc; car n'y scauroit aller nul autre seigneur qui face si bien son service comme luy, ne qui tant soit agréable à ses bons subjectz, offrant iceulx suppliantz de paier, chascun an, cinquante mil escuz pour son entretenement et plat'. La responce a esté que led. duc ayant maintes fois supplié Sa Majesté luy permectre se retirer en Espaigne y achever ses jours qui ne peuvent estre longz, veu qu'il est vieil et malladif , il n'a peu refuzer sa requeste ; de sorte qu'il n'est plus temps d'y remédier; car Sa Majesté a esleu ung autre bon et digne personnage pour succéder en sa place; lequel fera son debvoir ainsi que led. duc a faict; et

* Vivres.

s'il ne le fera, il y mectra ordre et à contenter lesd. Flamengz. Quoy qu'il en soit, Sire, le duc de Medine Cely est tousjours icy attendant qu'il luy soyt commandé de partir. On dict que ce sera cest avril et mènera deux mil Espaignolz, l'embarquement à Laredo en Biscaye, et que le duc d'Alve viendra pour lorsque led. duc de Medine sera arrivé en Flandres, si toutesfois il n'y aura des affaires èsd. Païs Bas. Ses amys et partiaulx ^ qu'il a en ceste court ne peuvent taire le regret et despit qu'ilz ont de quoy led. duc s'en vient, bien faschez qu'il ait faict instance pour son congé, veu qu'il estoit très dignement par delà. Et fauldra mais qu'il soit icy qu'il aille courtizerled. cardinal, lequel tient le plus de jours les conseilz en son logis. Tant y a. Sire, s'il sera vray comme le bruict est par deçà, que en Arthois, Holande et Frize y ait du remuement et que France et AUemaigne font semblant de voulloir secourir les banniz desd. Païs Bas. Led. change de ducz ne se fera poinct que cella ne soit appaisé. Et sera grand choze si le moyen de les appaizer ne sera pas ung intérim comme celluy d'AUemaigne, si Sa Majesté Catholique veoit que les protestantz y procèdent vifvement aud. secours; car je ne veulx croire qu'il vueille combatre neuf ou dix ans pour la religion catholique, ainsi que Votre Majesté a faict; et ce qu'il en a faict jusques à présent et fera cy après n'est que pour son interest, à le bien considérer. Aussi dict on que la royne d'Angleterre donne secours d'hommes et argent au prince d'Orenge en hayne de ce que led. duc d'Alve taschoit de luy surprendre deux portz de mer. Et si lesd. bruictz seront véritables, il y aura de la bezoigne taillée pour cested. Majesté. Et j'entendz par ung Espaignol venu du Peru que les Espaignolz habituez aud. Peru sont sur le poinct de rebeller, à cause des impositions et nouveaultez que les officiers royaul.x leur mectent sur contrevenans à leurs droictz et privilèges; en sorte que si le visroy qui a esté envoyé depuis deux ans aud. païs ne serasiadvizé d'y remédier de bonne heure, lad. rebelHon est certaine ; laquelle sera trop plus dangereuze que celle des Pissarros. Les Morisques des montz de Ronde font des descentes sur les chrestiens et plusieurs dommages, puis se retirent à leursd. montagnes; lesquelles sont encore plus fortes et inacces-

^ Partisans.

sibles que les Alpuxarres et plus fertilles. Le duc d'Arcos est demouré visroy aud. royaume de Granade. Le duc de Sesse est en ceste ville mal traicté des gouttes. Le grand commandeur de S* Jaques est arrivé le dixiesme du présent pour accompaigner le s' don Jehan d'Austrie sur Tarmée de mer. Le Roy, votre frère, veult eslire le lieutenant gênerai de l'armée de la ligue pour commander soubz led. don Jehan et en son absence et est opinion d'ung chacun qu'il nommeroit led. grand commandeur; car il l'estime grandement. Le Pape veult lad. lieutenance pour Marc Anthoine Colonne et les Vénitiens s'en contentent pour complaire à Sa Saincteté; et qu'il est Itallien. C'est toute la difficulté aujourduy qui empesche que lad. ligue n'est conclue, si est ce que Sa Majesté Catholique s'en fera croire, puisqu'il porte des six partz de toute la despense les trois; et promect cent gallères bien équipées. Son dessain, Sire, par ce qui m'a esté dict, est que la première faction que lad. armée fera, ce sera d'aller sur Bizerte et Porto Farina, que le roy d'Alger faict fortiffier non gueres loing de La GoUete. Pour seuretté de laquelle place, qui seroit autrement tousjours assiégée et la Sicille en continuel travail, il fault desloger led. Ochaly desd. deux lieux et s'impatronir de la ville de Tunes. C'est par adventure pour en faire roy led. don Jehan, comme il s'est faict bruict quelquefois qu'on y pretendoit. C'est l'occasion pourquoy le Roy Catholique veult mectre ung lieutenant gênerai à sa poste qui gouvernera par manière de parler la guerre Je la mer à sa dévotion, laissant aud. Père Sainct à nommer celluy qui descendra en terre. Le roy de Portugal faict drecer un nombre de gallions pour envoyer à lad. armée. Il drece son appareil comme pour partir de ceste court à l'entrée du mois qui vient. On parle que aussi feront les Princes de Bohême pour les passer sur les gallères d'Espaigne, qui sont vingt neuf, jusques à Gennes. Mais cella n'est pas encore bien rezollu, ou au moins on le tient bien secret à présent.

Sire, une voix a coru par de<;à que vous avez faict ligue avecques le Turc, prennant fondement sur unes lettres de capituUation imprimées à Paris soubz votre privilège en faveur de voz subjectz qui traffiquent en Levant. J'ay respondu que c'est calumpnie et faulseté et desmenty quiconque l'auroit dict ou vouldroit dire. C'est ainsi, Sire, comme il y a des langues

promptes à médire et calumpnier voz actions et conseilz. Et dict on qu'en votre coste de ponent voz subjectz arment tout plain de navires en guerre et ung courrier venu de Flandres ce janvier a rapporté avoir veu quelques capitaines de Suisses en passant par Poictou, qui alloient à La Rochelle, et que Mons' TAdmiral faisoit donner a[r]gent en AUemaigne pour lever soldatz. Autres dizent qu'il y aura de la casserie de gens d'arme et de gens de pied en France pour les prester ausd. banniz; et tant d'autres propoz se vont inventant de jour en jour, qu'il y a de quoy discourir et escrire par tout autre votre ambassadeur qui fust moins négligent que je ne suis. Mais les ans, Sire, et cesle si longue demeure sont cause que je vous sertz si mal. Et afin que je n'empire au détriment de votre service, je vous supplie très humblement qu'il vous plaize envoyer mon successeur et le plus tost et promptement sera bien le meilleur. Ne voullant obmectre à dire à Votre Majesté qu'on faict en Espaigne gros nombre d'infanterie, oultre les cinq mil hommes dont j'ay par ci devant donné advis; lesquelz s'ilz ne sont encore embarquez toutz et partis d'Alicant et de Carthagenne, ilz feront voille bientost et sur navires pour Lombardie; et iront se rendre après en la ville d'Alexandrie de la Paille, où leur sera declairé ce qu'ilz doibvent devenir. Au regard des autres compagnies, on dict que le duc d'Alve demande six mil hommes; il en aura trois mil ; le surplus sera pour lad. armée de mer; sur laquelle embarqueront quelques regimentz de lansquenetz Italliens et Napolitens. Les Vénitiens font estât de quelques colonnelz de Suisses et Grizons pour les envoyer en Dalmace et Sclavonnie, mesme en la ville de Zara qu'ilz craignent soit assallie par les Turcz, s'estant offert les Grizons à la seigneurie de Venize de fornir hommes pour armer les gallères à voguer de bonne voglie en les bien payant.

L'entreprinze d'Hirlande, Sire, s'exécutera par Thomas Stuely, s'il fera ce dont il se vente; auquel est permis de faire trois mil hommes en Gallice et Biscaye, sans pouvoir enlever ung seul Castillan. Mais il enroUe toutz les François, Bourguignons et Flamengz qu'il peult suborner en ceste court, lacquais, cuisiniers et telle manière de gens. L'embarquement sera au port de Viveros aud. Gallice, où il y a cinq navires à luy et dix autres qu'il faict fretter en Biscaye; donnant entendre à ses gens qu'il trou-

326 Dl^PÉGHES DE M. DE FOURQUEVAUX

vera trente mil Hirois qui l'attendent aud. Hirlande pour se joindre avecluy à sa descente. Use faict appeler duc d'Hirlande. II avoit faict louer soixante muUes ou mulletz de selle au commencement de ce mois pensant desloger d'icy le cinquiesme ; mais le Roy Catholique luy feist dire le quatriesme qu'il atendist encore; et ainsy a atendu. Et n'est jour qu'il ne couste cinquante escuz ou plus aud. S' Roy pour son plat et entretennement il y a quelque mois ; et c'est il qui tumbe de toute la despense.

De Madrid, le xiiij"" jour de février 1571.