A la Royne

Madri(f, 31 mars 1571.

Madame, C'est de longue main qu'on prend de ce cousté les affaires du Roy très froidement et peult votre ambassadeur tant presser et importuner qu'il vouldra; car icy ne s'en advancent d'ung seul pas. Il n'y a que leur interest qui les esbranle. Je Tay trop expérimenté en ces six ans qu'il vous a pieu m'y engager. Ains, Madame, il y a une telle correspondence d'Espaigne à Flandres entre le maistre et le ministre que deux flustes ne s'accordèrent oncques mieulx, comme il est apparu en tout ce qui s'est offert pour le service dud. S' Roy Monseigneur et de fraische mémoire sur le faict de la conté de S' Pol, que je ne parle du congé requiz par Sa Majesté pour Monseigneur de Longueville, Mess" de Pienne, de Fosseuze et autres de vendre des terres qu'ilz ont es Païs Bas ; car le Roy Catholique a tousjours respondu mesme langage que le duc d'Alve et Tung comme l'autre uzant de longueur et remizes de Ponce à Pilate ; car ce sont moqueries et moyens pour gaigner tempz et en fin Voz Majestez n'en auront aucune satisfaction ny de réparation, non plus que des insolences de l'ambassadeur don Francés, quelque belle paroUe qu'on me donne en payement. Ains, Madame, s'il sera revocqué de sa charge à votre requeste, il n'arrivera si tost par deçà qu'il ne soit bien receu, gratiffié et agrandy ; car ainsi en usoit ceste Majesté à Fendroict des genlilzhommes du feu Prince son filz, quand ilz estoient maltraictez par luy ou chassez, car ilz estoient certains d'estre receuz au service du

père ci de bas estai monter plus hault. Le semblable en priât à feu Chantonay, après l'avoir revocqué de France par vostre moyen, car led. S' Roy Catholique luy donna une bonne commanderie et l'envoya son ambassadeur prez de l'Empereur. Et en lieu de punir Pierre Menendes d'avoir faict mourir tant de François à la Floride, de laquelle punition je faisois instance au nom de Sa Majesté Très Chresticnne, led. S' Roy Catholique luy donna à son retour une commanderîe de l'ordre S* Jacques et le feist marquis de lad. Floride, honnoré comme ung homme de bien et aujourduy plus que jamais. Je ne veulx dire pourtant, Madame, qu'il faille que Voz Majestez endurent dud. don Francés; car je ne vouldrois pas conseiller que deussiez endurer dud. S' Roy, son maistre. Ce que j'en parle est seullement pour vous dire des conditions de Sa Majesté Catholique. Et vous diray. Madame, que je ne feiz faulte de faire les recommandations de Voz Majestez à la Royne Catholique le xix"' du présent mois, ny de luy dire le grand aize et contentement que vous recevez de veoir la Royne votre fille remise en santé, sans luy avoir celle particullierement combien de secours lad. Dame en a receu et que sans Dieu et votre vigilence elle s'en alloit. Lad. Royne Catholique a esté bien fort aize de si bonne nouvelle et vous en baize les mains, comme font pareillement les Princes de Bohême, ausquelz je l'ay dict de la part du Roy et votre. Vous advisanl. Madame, que j'ay sceu de bon lieu comme la Royne, mad. Dame, s'est merveilleuzementlouée à l'Empereur etimperatriz et à lad. Royne Catholique de l'amour que Vos Majestez luy portent et du grand et bon traictement qui luy est faict de plus en plus en toutes les sortes et mieulx que son cueur ne scauroit pencer ou désirer. Et n'eust aussi elle jamais pensé ny creu de pouvoir s'aprivoizer sitost avecques Voz Majestez, et ceulx qui vous apartiennent et font service, comme elle a faict; car s'en tient aultant privée comme si elle s'i fust nourrie et se repute la plus heureuze du monde, comme elle Test véritablement. Et pouvez bien croire. Madame, que ce n'a pas esté sans qu'on ait discoru sur les causes desd. malladies et sur le service et secours qui luy pouvoit estre faict; car il sembloit aux aucuns et aucunes qu'on avoit trop voullu travailler lad. jeune Royne pour aller à la chasse et par païs en temps de si- fort hiver et que les femmes

que rimperatriz luy avoit données ne cognoissenl sa complession et moins les Françoises, de manière que plusieurs desesperoient de la vie; mais le mal de sad. Majesté redonde en gloire pour le Roy et pour vous. Madame, qui avez faict cognoistre combien toutz deux vous Taymez. Ce qui a esté semblablement escript à lad. Dame Imperatriz. Et elle Ta faict scavoir aussitost par deçà. Aussi, Madame, je feiz led. jour donner votre letre aux Princesses Infantes et paravant votre très humble servante, ma femme, leur avoit esté présenter ce qu'il vous a pieu leur envoyer; duquel présent et letre sont esté si joyeuses que je ne vous le scaurois enchérir ny prizer assez et les feirent veoir à la Royne, leur belle mère, qui en print quelques petites besognes pour sa teste à la prière de mesd. Dames; lesquelles vous escrivent entre toutes deux une lettre, et lad. Dame Royne escript à la Royne, sa soeur. Le Prince don Ridolphe se trouve mal depuis her soir d'une fiebvre qui l'a prins. Le Prince don Hernest a esté mallade ung nombre de jours ; mais il est bien guery à présent. Hz ne parlent plus de passer par France ny moy de les y convier et deslogeront d'icy lendemain de pasques, si led. Prince don Ridolfe sera sain. Audemourant, Madame, j'envoye au Roy tout ce que j'ay peu scavoir de nouveau. Et debvez bien croire, s'il est vray de l'acquisition du marquizat de Final, que soubz mains on vous y fera toutz empeschementz possibles; car c'est une huche dans les yeulx des Gennevois pour les garder de dormir de bon someil.

De Madrid, le dernier de mars 1571.

276. — Responce du Roy Catholique aux poinctz et articles à Sa Majesté présentez parle s' de Fourquevaulx, cy incerez en la depesche précédente envoyée par Lasalle.

Ayant le Roy Catholique yeu ce présent escript à lui exhibé par le s' de Fourquevaulx, ambassadeur du Roy Très Chrestien son bon frère, après s'estre faict informer bien et deuement de la matière y mentionnée et avoir meurement délibéré là dessus, dict et respond ce qui s'ensuit.

Premièrement, que comme led. s' de Fourquevaulx dict de la bonne intention de sad. Majesté très Chrestienne, de laquelle ne se faict aucun doubte, ainsi de la part de sa Majesté Catholique se peult aussi tenir pour asseuré qu'elle ne dezire rien plus que de conserver et entretenir inviolablement toute bonne amytié et paix avec sond. frère, gardant et entretenant les traictez y servantz de poinct en poinct; et ce tant en respect des alliances

vieilles et nouvelles entre Leurs Majestez comme pource qu'ainsi convient pour le service de Dieu et bien de leurs vassaulx et subjectz d'un costé et d'aultre et mesme de toute la chrestienté. Et quant à la matière et question touchant la levée du centiesme denier au conté de S' Pol, Sa Majesté trouve par lad. information qu'estant led. escript faict de la part du Roy Très Chrestien sond bon frère, datte du xiiij"** de septembre, le duc d'Alve, chevalier de l'ordre, lieutenant, gouverneur, et adressé une response là dessus et envoyé & don Oancés d'Alava, ambassadeur de Sad. Majesté le dernier de novembre ensuivant pour la présenter à Sa Majesté Très Ghrestienne, de manière que pressuposant entièrement qu'ainsi a esté faict, Sad. Majesté espère et confie que sond. bon frère en aura receu entière satisfaction et contentement. Faict à Madrid, le xxix*' de mars 1571.

Signé : Cayas.

Ayant le Roy veu la lettre du Roy Très Chrestien son bon frère, ensemble cel)illet présenté par le s' de Fourquevaulx, son ambassadeur, concernant la mesme matière, Sad. Majesté Catholique n'estant à plain informée de la matière s'en fera informer, pour, ce faict, en ordonner comme il apartiendra. Et le mesme se fera à l'endroict des terres et seigneuries de la Bassée et Lambée que le duc de Longueville requiert pouvoir vendre, comme depuis Sa Majesté Catholique a entendu par autres lectres dud. Roy Très Chrestien, son bon frère. Faict à Madrid, le vingt neufiesme de mars 1571.

Signé : Cayas.

. 277. — Adviz d'Espaigne.

La conclusion de la ligue du vij"»' de ce mois de mars à Rome est finablement venue et a voullu le Pape estre creu et avoir l'honneur de nommer le lieutenant gênerai de l'ai^mée de mer soubz le s' don Jehan d'Austrie, et a choisi le s' Marc Anthoine Colonne, lequel aussi est chevalier de l'ordre du Roy d'Espagne, son vassal et des plus grandz s" du royaume de Naples. Led. S' Roy Catholique a faict drecer Testât et maison dud. s' don Jehan aultant pompeuze et grande comme celle du feu Prince son unique filz ne l'estoit davantage. Il a faict le marquis de Cortes son majord'home mayor, don Alonce de Cordoua cavailerizo mayor, lequel est nepveu du duc de Sesse et luy a constitué trente cuentes de rente qui vallent environ quatre vingt mil escuz sans ses estatz. Icelluy don Jehan partira de ceste court lendemain de pasques sans plus différer une seulle heure.

Les Princes de Bohême partiront semblablement led. jour, et fussent partiz le second jour d'avril; mais à la prière de la Royne, leur soeur, ilz atendront lesd. quatorze jours davantage.

Leur embarquement sera à Barcelonne environ le quinziesme de may; car les gallères n'y pourront estre plus tost, si est ce que d'icy fut depesché ung courrier le cinquiesme de février pour Naples, afin de faire venir les gallères avec mandement de se rendre aud. Barcelonne devant pasques.

Les gallères d'Espaigne qui ont hiverné au port S*' Marie sont deslogées

pour repasser Testroict et venir à Carthagenne charger des bizognes et se rendront environ led. temps à Barceionne pour acompaigner lesd. Princes. On avoit faict gi*and bruict que aud. Carthagenne s'estoient embarquez cinq mil Espaignols pour Gennes et de là se rendre en Alexandrie de la Paille; mais le faict a passé comme s'ensuit.

Estant, le mois de juillet passé donné commission à trente capitaines que don Jehan d'Austrie avoit envoyez de Granade à Sa Majesté Catholique d'aller faire chacun une compagnie de trois cens hommes pour aussitost se trouver en la ville de Guadix aud. royaume de Granade, où led. don Jehan faisoit estât d'assembler son camp pour entrer sur les Morisques rebelles et les anéantir du tout, iceulx trente capitaines partirent de ceste court à la fln dud. juillet et quelques ungs au bout de deux mois se rendirent aud. Guadix avec leurs gens ; auquel temps lesd. rebelles et les non rebelles s'estoient quasi toutz renduz à la mercj dud. S' Roy soubz une vaine promesse de pardon et d'une generalle distribution de vivres, lesd. camp et bendes nouvelles furent employées à desplacer lesd. Morisques et les conduire hors dud. pals, les despartant à divers endroictz de l'Espaigne.

Les autres capitaines dud. nombre de trente qui ne peurent avoir faict leurs gens ny arriver à temps pour faire escorte à lad. transmigration, furent envoyez à Carthagenne et les autres susd. aussi bien, et par dessus cela les unze compagnies du tiers de Naples, lesquelles s*estoient desbendées ; de sorte qu'en tout led. tiers n'y avoit plus de quatre cens hommes; et quant lesd. trente entendront qu'on les voulloit embarquer sur navires pour les passer en Oran et à La Golette, tout led. nombre s'enfuyt de nuict qu'il n'y demeura sinon tant de soldatz comme il en failloit pour remplir led. tiers & deux cens pour enseigne; de sorte que tout le nombre qui s'est embarqué aud. port de Carthagenne sur six grands navires Raguzois n'a esté que de deux mil et deux cens; lesquelz feirent voyle le xviij"* de février pour led. Naples; et veult on dire qu'ilz sont allez ausd. Oran et Golette. Et au regard desd. trente capitaines qui demourerent sans soldatz, ilz sont venuz à Madrid atendant estre employez comme desja y en a ung nombre de depeschez.

Ne faut & oblier que lesd. deux mil deux cens du tiers de Naples estoient Espaignolz naturelz, car il n'est permis d'embarquer ung seul soldat d'autre nation; aîns environ cinq cens soldatz François, Gascons, Bourguignons et Italliens, qui avoient bien servy en lad. guerre de (iranade et deziroient s'embarquer, furent regectez; mais les capitaines de quatorze gallères qui estoient aud. port les receurent.

11 se faict une levée de quatre ou cinq mil Espaignolz qui s'embarqueront aud. Carthagenne; et ont envoyé lever six mil Allemans et six mil Italliens, faisant estât qu'ilz auront huict mil Espaignolz pour mectre tout cela sur l&à. armée de mer.

Par le conseil tenu le xxîx"* du présent mois de mars a esté ordonné que le duc de Sesse ira visroy à Naples, le conte de Benavent à Milan.

Le duc de Franqueville, père de la princesse d'Evoly, est en ceste court révoqué de sa charge de visroy de Cathelogne pour la hayne que les Cathelans luy portoient. Mais il est de longtemps président du conseil d'itallie.

Le prieur don Hernando de Tollede, filz du duc d'Alve, va yisroy aud. Cathelogne.

Le s** Vaspazian Gonsaghe est allé en Navarre viziter les places des frontières et faire nouvelles forteresses, reparer et fortifGer les vieilles, ainsi qu'il advisera estre convenable pour la seuretté et deffense dud. royaume, car se doubtent que les François le yeullent assaillir.

Le petit roy des Morisques de Granade a esté trahy et muriry par aucuns des siens, le xj»* dud. mars, son corps porté en la citté de Grannade le xiij** et bruslé en la place publique. Ce nonobstant, il y a encor des Morisques parmy les montagnes; mais ilz endurent extrême famine et de jour en jour s'en vont rendre pour du pain.

Aussi les garnisons des soldatz chresliens sont de trois à quatre mil hommes despartiz en divers lieux, qui monstre que toutz les rebelles n y sont pas mortz ny renduz et souvent font lesd. Moriques des courses en petit nombre comme voleurs jusques auprès des portes dud. Granade et d'autres villes et prennent du bestail et des prisonniers qui sont aucunes fois resconz et aucunes fois non.

Richard Stuely anglois est oit party de Madrid devant caresme accompaigné de trois capitaines espaignolz, pour aller en Hirlande scavoir au vray si les princes dud. païs persévèrent en l'offre qu'ilz envoyèrent faire à Sa Majesté Catholique parled. anglois et par l'arcevesque de Cassel; et à son retour seroit délibéré des forces qu'on y vouldroit emploier. 11 est retourné en ced. lieu le xxiij"* du présent, ayant esté contremandé pour ce qu'on espère venir en accord avec la roy ne d'Angleterre.

Sept capitaines sont allez faire leurs compagnies à Burgos, Astorgue et autres villes de Castille la Vieille pour passer en Flandres avec le duc de Medine Celin.

Le conte Jehan Augusciolle partist d'Anvers desja en décembre s'en retournant à son gouvernement de Corne au duché de Milan et ramenoit quand et luy deux colonnelz de Suisses qu'il avoit conduictz au duc d'Alve; lequel duc les a caressez et gratiffiez l'ung d'une chaisne de cinq cens escuz et l'autre son compaignon d'un de trois cens.

On parle fort qu'il sera guerre entre les ducs de Ferrare et de Florence, et k ces fins qu'ilz se pourvoient desja d'amys et de gens de guerre secrètement; mesme led. duc de Florence s'asseure de faire descendre douze mil Suisses en sa faveur.

Il s'est dict en ceste court que don George Manrrique envoyé du duc de Savoye venoit entre autres fins pour traicter mariage de l'Infante Madame Catherine avecques le prince de Piémont; quelcun le luy a demandé à luy mesme pour le scavoir; mais led. don George a faict response qu'il n'en est rien. C'est ung cavaillero que led. s"^ duc employé et envoyé souvent vers le Roy Catholique ; je ne le cognois sinon de veue. Il ne prize pas tant l'ambassadeur de France de l'avoir esté jamais viziter. Il vouldroit bien que Sa Majesté Catholique desbourçast deniers pour secourir son maistre à rencontre des dessains de Mons' l'Admirai, duquel il se faict peur et des garnizons du Roy.

N- 277. — MARS i57i 345

Les' Anthonio Doria, chevalier de la Toizon, aescript de Gennes par deçà qa*îlz sont bien troublez aud. Gennes de quoy Sa Majesté Très Ghrestienne a ces jours passez achepté le marquizat de Final, et se faisoit la masse à Carmaignolle pour en aller prendre la possession et passer par force si l'on Youlloit l'empescher.

Le roy de Portugal n'envoyera poinct secours à lad. ligue, car il veult assaillir le roy de Fez et faict guerre devers les Indes pour augmenter et estendre la religion chrestienne, à ce que les Portugois se ventent; mais c'est mieulx pour s'enrichir. Et pour ce que les Espaignolz se sont emparez de quelques isles desMalucques où ilz ont basty des forteresses, led. s' roy de Portugal s'efforce de les en degecter; et encore le xij"» de ced. mars feirent Yoyle hors du port de Lisbone six grandz navires bien esquippez et chargez de gens de guerre pour aller ausd. Mallucques contre lesd. occupateurs.

11 a esté accordé par led. roy aux estalz de son royaume qu'il ne s'esloiloignera dud. Lisbone de ces deux ans, ains y fera sa résidence.

La royne son ayeulle persévère en son propoz de se voulloir retirer en Gastille et les deux Theatins sont tousjours auprez dud. jeune prince.

Le s' Jehan Gomez de Silva, parent et du nom et armes de Ruy Gommes, est depputé pour aller en France viziter Leurs Majestez de la part dud. s' roy de Portugal et passera premièrement par ceste court.

Environ xxv chrestiens esclaves et forçatz du beau frère du roy d'Alger se sont sauvez en Espaigne avecquesune galliote qu'ilz luy en ont amenée. Et racontent que led. roy d'Alger ce mois de février faisoit tenir prestes huict galléres royalles et dix neuf gallioles pour faire voyle en Levant. Dient aussi que aud. Alger ont grand peur que l'armée de la ligue, ou au moins celle du Roy Catholique, n'aille sur eulx pour divertir la guerre que le Turc faict aux Vénitiens.

Le s' don Jehan d'Austrie a retenu partie desd. chrestiens pour s'en servir à la guerre, car parlent turquesque et moresque et savent la coste de Barbarie.

Estant l'opinion de plusieurs que après avoir prins Bizerte et Porto Farine et veu quel est le dessain de l'armée turquesque l'on emploiera l'arriére saison sur led. Alger et l'armée de Portugal assauldra en mesme saison les villes maritimes du roy de Fez pour le divertir d'envoyer secours par terre aud. Alger.

Les cours de Gastille qui commencèrent, plus a d'un an, s'assemblent dans huict jours, où seront prolongées pour quatre mois. 11 leur a esté demandé que les cittez et bonnes villes fussent contentes de secourir le Roy Catholique leur seigneur d'une grosse somme pour aquicter ses debtes et desengager son dommaine. Lesd. cours luy ont offert deux millions d'or payables en dix ans à deux cens mil escuz chascun an, avec condition que lesd. cittez et villes mectront les trezoriers et ofOciers pour led. rachapt, lequel dommaine sera puis après inallienable nv se pourra tourner engager; ce qu'il n'a voullu accepter.

En oultre. Sa Majesté Catholique voulloit s'approprier toutes les rivières et molins y assiz. Lesd. gens des estatz les luy ont reifuzé tout à plat, et autres subcides et charges qu'il entendoit imposer sur le bled qui se pour-

toit au molin, et sur le vin et huille. Le cardinal de Siguence est neantmoins encore après pour le leur persuader, s'il sera possible.

Aussi led. S' Roj a faict une ordonnance pour le Peru et pour les Indes, que toutes les vignes et hoUivêdes qui y sont esté plantées soient arrachées, faisant deffense de n'y planter jamais plus aucunes vignes nj holliviers; car le terrain y est si bon et ferlille que si l'on eust continué d'j en planter, il 7 eust heu en cinq ou six ans telle abondance de vins et huilles que les emollumentz et proffictz grandz qu'il tire de ceulx qui sortent d'Espagne pour passer au Peru et Indes se fussent perduz pour luj, au grand dommage des Espagnolz qui font grandz deniers des vins et huilles de leur creu. 11 est vraj que lad. ordonnance sera cause de rébellion, à ce qu'on dict.