Au Roy

Madrid, 31 mars 1571.

Sire, Encore que la depesche que le s' de l'Aubespine m'apporta de Votre Majesté du viij"' de janvier, me fust donnée le xxx"", toutesfois je n'euz l'audience que le dixiesme de février, auquel instant je presentiz au Roy, votre frère, ung mémoire contenant les poinctz principaulx de lad. depesche qu'il avoit pieu à Votre Majesté m'envoyer; ausquelz je demandois de votre part m'estre respondu. Je me doubtois bien. Sire, de

n'en pouvoir retirer response d'un bon nombre de jours; qui fut cause que je feiz partir Lasalle avecques mes lettres du xvij— dud. février. Et est advenu que led. S' Roy s'en alla le quatriesme jour après au lieu d'Aranxois, dont il n'a esté de retour jusques au troisiesme du présent. Et en s'en y allant me feist dire qu'estant aux champs, il seroit en liberté pour vous respondre bientost. Neantmoins, Sire, j'ay, durant sad. absence et depuis sond. retour, demandé souvent par escript et par mes gens estre satisfaict aud. mémoire, et en ay parlé au cardinal de Siguencc et à Ruy Gommes; mais il n'y a eu remède d'en venir à bout, me priant d'avoir patience; ce qui m'a esté forcé de prendre. En ces entrefaictes, j'ay receu, le xv^'" de ced. mois, les depesches qu'il a pieu à Votre Majesté me faire du xxij et dernier dud. février. Et Sa Majesté Catholique m'a ouy le xviij"". Il, Sire, s'est escuzé de quoy il n'avoit encore faict responce aud. mémoire; prenant son escuze sur ce qu'il avoit esté neccessaire s'informer et veoir comment il va du faict de la conté de S' Pol; car c'est ung négoce d'importance. Je m'estois offert dès lad. première audience de me trouver chez led. &' cardinal ou autres de son conseil qu'il luy plairoit, pour remonstrcr voz droictz suivant l'instruction que j'en avois telle que Votre Majesté l'avoit envoyée au s' de Ferralz pour debatre les pretensions du s' duc d'Alve. Et de rechef en ceste seconde audience m'y suis offert, afin que Sa Majesté Catholique entendist les grandz raisons qui sont de votre party. Mais il m'a tousjours dict n'en estre aucun besoing; car cella c'estoit veu en sond. conseil, et tout ce qui se scauroit dire et alléguer d'une part et d'autre, me promectant qu'il m'en feroit scavoir sa rezoUution dens bien peu de jours. Je le suppliay que ce fust en telle sorte que Votre Majesté eust occasion de demourer contente et qu'il ne m'eust poinct faict atendre si longuement sans obtenir une demande à votre satisfaction. Il me promist que elle seroit telle comme il la pou voit faire et dont Votre Majesté auroit juste occasion de s'en contenter.

Sire, après que led. article fust vuydé, je feiz voz recommandations aud. S' Roy, l'asseurant du grand aize et contentement que Votre Majesté a receu et recevoit de la convalescence de la Royne, luy racontant les particullaritez que j'en avois entendues;

ensemble de la peine, soîng et diiligence que Voire Majesté et la Royne, votre mère, aviez uzé pour la secourir, qu'il fust esté impossible de faire mieulx, quand il fust allé de votre propre vie et santé. Led. S' Roy, Sire, vous baize les mains pour la bonne part qu'il vous plaist lui faire de ce qui passe de votre cous té, luy estant lesd. recommandations et guerizon très agréables. II espère que avec le bon temps, la Royne mad. Dame reprendra sa première vigueur et santé comme il dezire et en prie Dieu de tout son cueur; ayant bien sceu le bon secours que Voz Majestez luy ont faict de voz personnes mesmes et faict faire selon le besoing extrême que lad. Dame Royne en a heu; car don Francés d'Alava n'a pas failly de le luy escrire. Consequement, Sire, j'ay faict le discours à Sa Majesté Catholique de tout le propoz et remonstrance que vous a faict led. ambassadeur contre les pirates et les responces de Votre Majesté, que je n'en pence avoir rien obmis.

Led. S' Roy, Sire, m'a respondu qu'il scait bien que la malice du tempz et d'aucuns voz subjectz a causé et mené infiniz desordres en votre Royaume ; mesme il veult croire et se tient asseuré que Votre Majesté est fort desplaisante des maulx qui se sont commis sur ses subjectz, et vous prie de faire tenir dors en avant l'ordre que je luy ay promis de votre part et que Votre Majesté a dict à sond. ambassadeur vouUoir mectre en voz portz et havres et sur l'admiraulté, afin que les subjectz d'une part et d'autre puissent naviguer seurement. Et car je luy presentiz, lors de mad. audience, votre lettre en faveur de Monseigneur de Longueville pour avoir congé de vendre deux terres qu'il a es Païs Bas, led. S' Roy me deist qu'il verroit lad. lettre et y feroit response par mesme moyen que sur les precedentz articles. Qui est. Sire, jusques icy louchant la depesche que mon secrétaire m'a donnée du xxij°* de février susd.

Sire, je ne feiz faulte tout d'un train de représenter à lad. Majesté Catholique la malle satisfaction que son ambassadeur continue de vous donner, estant toulz les jours à recommencer pour le peu de respect qu'il porte à Voz Majestez ; et ne luy ay celle ny desguizé une seuUe sillabe de la lettre qu'il vous a pieu m'escrire du dernier de février; comme si j'eusse pareillement sceu ce que la lettre interceptée mentionnée en lad. votre conlennoit,

jeluy en eusse dict mon opinion. Là dessus. Sire, Votre Majesté doibt croire que led. S' Roy changea deux fois de colleur. Je ne scay si c'estoil de mal contentement de son ministre ou pour autre occasion. Il est vray qu'en me respondant ne monstra aucune altération, sauf qu'il m'a dict que don Francés ne luy a rien escript depuis ung bon nombre de jours et qu'il ne pouvoit gueres tarder d'en avoir lettres par où il verroit s'il luy feroit mention dud. propoZj lequel luy desplait grandement; mais que ce debvoit estre sa raalladie et son humeur qui l'avoient faict ainsi desborder; ce que led. S' Roy m'a répété plusieurs fois, et que telles façons de don Francés luy sont odieuzes, comme il luy en mandera son adviz. Il voulloit neantmoins alendre si led. ambassadeur luy en escrira quelque choze. Je luy ay, Sire, remonstré que telz langages mal assaisonnez et telz deportemenlz bizarres ne peuvent apporter sinon inconvenienlz infiniz, car il n'y a pas faulte de personnes de toutz estatz en France qui dezirent vous veoir l'une et l'autre Majesté en division et guerre, ung malheur que ung mauvais ministre pouvoit advancer si Vos Majeslez le voulloient croire. Et quand bien ainsi seroit que don Francés fust si impatient et subject à sa langue oultre mezurc, toutesfois il ne luy apartient d'uzer de son humeur envers si grandz princes, ains doibt recognoistre ce qu'il est au regard de Voz Majestez et quel lieu il tient; car tantost et en peu d'heure il pourroit causer plus de mal qu'il n'en scauroit reparer de sa vye. Tant y a que l'amytié est telle et si asseurée de Votre Majesté envers la sienne et la paix tant neccessaire à toutes deux que les mauvais offices d'un indiscret ministre n'aura le crédit de l'altérer ny de donner plaisir à ceulx qui sont marrys de vous veoir bons amys et frères. Sa Majesté Catholique, Sire, m'a respondu que de toutes partz y a des gens desireuzcs de nouveaulté et de mal et qu'il sent mauvais gré à sond. ambassadeur de quoy il donne tant petit soit de desgoutement à Voz Majestez; et ce n'est pas sa volunté, ny ce qu'il luy a expressément enjoingt par plusieurs et réitérées fois, comme de nouveau il luy en mandera son advis par sa première depesche, me priant de surceoir la mienne quelques jours, afin qu'il entendist plustost ce que led. don Francés luy escriroit.

Sire, lad. audience, ainsi que j'ay dict, estoit le xviij"' du pre-

sent mois. J'ay atendu et heu patience jusques au xxiij"', que j'ay recommencé à solliciter la response desd. articles, qui m'a esté remize de jour en demain, dont à la parfin le secrétaire Caves me Ta apportée le xxix"' de nuict. Lequel s'estonne qu ilz n'ont nouvelle ny lettre dud. don Francés, et craingt que le courrier qui fust depesché d'icy le quînziesme de février soit esté tué par le chemin à son rétour; car ont sceu qu'il estoit arrivé à Paris vers led. ambassadeur; et Tavoient envoyé exprez à extrême dilligence pour scavoir en quel estât la Royne se trouvoit de sad. malladie, car la Royne Catholique perdoit patience, tant de peur elle avoit que la Royne sad. soeur fust morte. J'ay respondu aud. Cayes que sond. courrier sera demouré auprez du conte d'OUivares, lequel doibt meshuy estre en Espaigne; et n'ay heu loizir de lire en sa présence lad. response de mon mémoire, pource qu'il estoit tard et que led. Cayes n'avouUu atendre, dizant que ce seroit pour une autre fois comme il sera voirement, et je luy diray et à leur cardinal hault et clair ce qui m'en semble; et Votre Maj'^sté, Sire, cognoistra par lad. response le peu d'estime qu'on faict icy de vous contenter en voz plaintes et demandes. Mais si dès lors que le duc d'Alve entreprint d'altérer le traicté de paix en chargeant voz subjectz de corvées pour le lieu de Hedin et pour autres contributions et depuis par la cothization de la conté de S' Pol, vous eussiez faict marcher sept ou huict cens hommes d'armes et septouhuict mil hommes de pied vers voz frontières pour lui donner bien cstroict sur les doigtz, s'il ne desistoit, le maistrc et les ministres vousrespecteroientmieulx qu'ilz ne font. Et pouvez, Sire, imputer aud. duc le carnaige que Pedro Menendes feist de voz pouvres subjectz à la Floride; car il en fust la cause. Et si cella fust esté vengé et rendu^ vous sériés quictes; et certainement qu on n'eust ozé de nouveau faire aucun attentat sur vozd. subjectz là où par la tollerance quilz voyent de vostre cousté, Sire, qui vous en resentez seuUement de parolle, ilz persévèrent en leur audace Je vous offencer jusques au mesme leur ambassadeur, qui est si ozé et oultrecuydé de parler quelquefois à Voz Majestez avec moindre respect que de pair à compaignon; lequel est costumier aussi d'escrire par deçà tout ce qu'on va dizant parmy Paris,soit vérité ou calumpnie; ce que je n'ay vouUu ny m'a semblé rai-

w 274. — 31 MARS 1571 337

sonnable de faire d'aucunes mauvaises paroUes et de conséquence qui se sont dictes parmy le peuple de Madrid, pource que je ne les pouvois veriffier ny scavoir autheurs certains. Et puis. Sire, que led. don Francés vous donne si souvent des alarmes et vous mal contente de plus en plus, que ne luy faictes vous commander qu'il se retire ou bien prier son maistre de le révoquer et vous envoyer autre ambassadeur? Cela seroit plustost achevé que de debvoir espérer qu'il se change; car le duc d'Alve luy faict le bec le plus souvent et autres personnes par adventure de voz mesmes subjectz, qui luy font dire ou escrire ce qu'ilz n'ozent ou n'ont moyen. Desquelz les ungz sont poulcez de bon zelle et les autres de pure medignité, amys de calumpnier et de médire.

Je croy, Sire, que vous aurez entendu que le s' de Chantonnay s'est laissé morir en sa maison en la Franche Comté. Il faisoit voluntiers desd. mauvais offices.

Au regard, Sire, du congé que Monseigneur le duc de Longueville et Mons' de Fosseuze dem'andent pour allienner les terres qu'ilz ont es Païs Bas, ilz n'auront pas plus d'avantage que Votre Majesté n'a heu, qui par diverses fois avez esté reffuzé de pouvoir vendre ou engager des terres d'aucuns voz subjectz assizes èsd. Païs, jusques à somme limittée et soubz promesse et caution de remboursement, l'en ayant faict prier pour subvenir à voz plus urgentz affaires, lors des plus grandz troubles de votre Royaume. Non, Sire, il ne vous fault atendre d'obtenir chose de ced. S' Roy en votre propre faict, où il y aille interest d'estat, tant petit soit il, et moins le fera pour gratiffier lesd. s"; car lesd. terres et autres que voz subjectz ont riere les païs de Sa Majesté Catholique luy servent de gage et reprezailles, quand il survient ropture et guerre entre Voz Majestez. Et combien que par ce qu'il respond, il die de s'en vouUoir informer, la conclusion toutesfois n'en sera autre que de dire finablement n'y avoir lieu; car son lieutenant gênerai en Flandres est directement contraire à voz dessains, et tant qu'il y sera, ne vous fault espérer qu'il face bon office en chose qui concerne votre service, proffict et grandeur. Quant à maistre Loys horloger, Sire, j'ay obtenu son congé dud. S' Roy. Il attent quelques verrières et bezoignes qu'on luy apporte de Paris ; lesquelles arriveront en ceste ville

dens la fin de la sepmaine prochaine; et tantost après ne fera faulte de prendre la poste pour vous aller faire service. Et passera par Rayonne pour prendre le model du port.

Sire, j'obeiray très voluntiers à ce qu'il plaist à Votre Majesté que j'espargne les voiages de courriers exprez; car je me garderay d'en envoyer tant qu'il me sera possible. Mais il est bien vray que ceulx qui vous ont faict entendant, Sire, que je vous ay beaucoup despendu pour lesd. voiages, ne scauroient trouver qu'en cinq ans et demy que je faiz cest estât, ceulx que j'avois prez de moy ayent faict entre toutz sinon dix huict voiages portant mes depesches à Votre Majesté; c'est àscavoir, Laguian trois, Tregoin trois, Montmore ung, le jeune Arbousse ung, Laplace cinq, par maistre Loys horlogier ung, par Lasalle trois et par Colenge ung; et de trois chevaucheurs de votre escuyer qui me sont esté donnez à ma suibte, Simon feist ung voiage, Mathurin cinq et Jehan Barbier cinq; et par des messagers de pied d'icy à Bayonne, il y a heu quatorze. Toutes les autres depesches, Sire, qui sont en grand nombre, sont allées par le retour des s" et gentilshommes chevaucheurs de votred. escurye que Votre Majesté a depesché par deçà, et par' messagiers à pied du s'viconte d'Orthe, ou par courriers de l'Empereur ou du Roy Catholique et autres personnes qui debvoient passer par votre court, et aucuns que j'ay adrecez en Avignon à Monsieur le cardinal d'Armagnac par courriers qui alloient en Itallie ou en Allemagne. Auquel compte. Sire, dix huict voiages de mes gens n'ont pas excessivement grevé voz finances; et c'est moins que si toulz les quinzes jours ou plus souvent j'eusse depesché par courrier exprez, comme d'autres voz ambassadeurs ont faict. Aussi quelcun a heu à dire qu'il n'y avoit pas lieu de vous depescher led. CoUange pour si petite occasion qu'il y avoit en mes lettres. Sire, s'il vous plaira les faire relire, il s'y trouvera assez de fondement pour n'y avoir d'en plaindre ung voiage ; ce que j'eusse toutesfois réservé jusques au partement de Mons' de Malicorne, s'il fust esté certain luy mesme du temps et jour qu'il partiroit d'icy; car les expéditions de ceste court d'Espaignc sont si incertaines et longues que tel pence avoir sa depesché dens huict jours qui ne l'aura d'un mois. Ainsi, Sire, m'en prend il du naturel de cested. court qui pençois demeurer

K«' 274 ET 275. — 31 mars 1571 339

seuUement deux ou trois ans en ceste ambassade, et voicy le sixiesme an que je n'en puis sortir, pource qu'il ne plaist à Votre Majesté uzer envers ce pouvre vieil serviteur de la grâce que vous avez faicte à toutz voz autres ambassadeurs de les avoir changez deux ou trois fois durant ced. tempz. Je vous supplie très humblement, Sire, me donner congé d'en sortir; car il m'est impossible de plus faire ceste charge en Espaigne. Et pour l'honneur de Dieu, otez m'en; car votre service s'en portera mieulx.

De Madrid, le dernier jour de mars 1571.