Au Roy
Madrid) 17 juin 1571.
Sire, Ce qui a succédé en ceste court depuis le partemeat du s' de TAubespine est que la Royne Catholicque et Mesdames les Infantes furent de retour d'Aranxois le premier jour du mois présent. Et devant qu'entrer au palais, allèrent veoir Madame la Princesse de Portugal au monastère des Descalces; laquelle se trouvoitsi mal quand elle retourna dud. Aranxois qu'on y esperoit peu de vie. Mais il a esté si bien remédié à son mal que elle vaultguerie. Je fuz, Sire, viziterlad. Dame Royne le cinquiesme de ced. mois luy donner de vostre part le parabien de sagroisse; et luy racontiz ce que j'avois entendu de la santé de Voz Majestez. lad. Dame monstra en estre bien aize et s'informa quelles nouvelles j'en scavois. Je luy respondiz de vostre voiage en Bretaigne pour toujours mieulx asseurer le repoz entre vos subjectz et pourvoir aux pirateries de la mer. Sad. Majesté, Sire, me semble estre en meilleur poinct que de costume et son ventre commence à grossir : car aussi est elle enscainte depuis la my février.
Au reste, Sire, le s' don Jehan d'Austrie print congé de lad. Dame Royne et desd. Altezes le \'j"'' et s'en alla par la poste après les Princes de Bohême. Hz auront faict la Feste Dieu à Saragousse. Il les alloit atendre à Barcelonne pour la fin de ced. mois; auquel lieu se doibvent trouver trente sept gallèrcs pour leur passaige et dix huict en demeurent à la garde de la coste d'Espaigne. Le nombre des quatre mil bizognes qu'on dizoit se debvoir embarquer à Carthagenne sera beaucoup moindre; car ilz en sont mortz de malladie et autres fuys. Si est ce qu'il s'y
» Original. Bibl. Nat., ms. fr. 16103, f" 645.
N- 282. — 17 JUIN i57i 357
est embarqué grand nombre do gentilzhommes qui vont faire le volage avec led. don Jehan en espérance d'aller en Chipre combatre lez Turcz ou au moins faire une descente sur la M orée et veoir de forcer Lavellene, puisque la ligue est conclue, pour laquelle ceste Majesté fournist quatre vingtz gallères et vingt grandz navires. On a opinion que Monseigneur de Savoye pourroit venir à ceste court et par mer; carilacentremandé deux siennes gallères qui estoient aud. Barcelonne. La fin de sa venue, selon le discours commun, sera pour faire instance que ced. S'Roj luy rende les places qu'il luy détient en Piémont; s' asseurant, s'il les recouvre, que Vostre Majesté fera le semblable. Quelque propoz de mariage s'y pourra meslerdu prince son filz avec l'Infante Madame Catherine. Il se dict que le cardinal Alexandrin vient légat par deçà et que le Pape vous en envoyé ung autre pour vous persuader d'entrer en lad. ligue. Sa Saincteté a fînablement depesché la bulle de la croizade sans constituer priz d'argent. Neantmoins icy consultent de faire que les s" et cavailliers commencent les premiers à gaigner l'indulgence, lesquelz auront honte de donner peu; et à leur exemple tout le surplus d'Espaigne donnera plus que de deux realz qu'on donnoit pour obtenir la dernière croizade; si bien que cella vauldra sept ou huict cens mil escuz, non comprins la subvention ordinaire que le clergé paye pour l'entretenement des gallères, et le droict de l'escuzado que Sad. Saincteté a permis pour cinq ans rendra ung milion d'or, car Sa Majesté Catholique prendra le dixme du plus riche de chascune parroisse, ce qui vient en détriment au seul evesque de Cuengue pour plus de dix mil escuz chascun an.
Et se faict icy. Sire, grand parlement que Monseigneur votre frère espouze la royne d'Angleterre, dont toutz n'en sont pas joyeulx. Et le secrétaire Cayes m'a asseuré avoir receu de Londres les articles dud. mariage, desquels on parle desja en mauvaise bouche. Le duc de Sesse ne bouge de Madrid, celluy de Medine Cely dict que Sa Majesté Catholique luy a permis de depescher après que lesd. Princes et don Jehan seroientpartiz, etatendquece sera à son retour à ced. lieu, où ilestatendupource soir. N'estant bezoing, Sire, que je vous donne adviz de la prinse de Final par composition, car Vostre Majesté l'aura sceu. Toutesfois on dict que le duc d'Alburqueque allègue pour ses raisons qu'il a
faict lad. entreprinze, pource que les François se youlloient emparer dud. Final et y faire ung port au dommaige des Gennevois et du service de son maistre. Le s' Yaspazian Gonzaghe a envoyé monstrer le dessain des places qui luy sembloit nécessaires à fortiffier en Navarre et Aragon. Sa Majesté Catholique a trouvé son opinion bonne et veult que elle s'effectue, commençant par Pamplonne, qu'il agrandist et beaucoup en lafortifGant. Ce n'est pas signe qu'on ait envye en Espaigne de rendre led. royaume à la royne de Navarre, ny grand fiance en la paix et amytié qui est entre Voz Majestez. On ne m'a encore respondu sur la permission de vendre des biens assiz es Païs Bas, ny sur la réintégration du baron de S* Remy et des s" Cepedaet Camille Dadda. J'en suis remis à l'un de ces jours. L'ambassadeur d'Angleterre est party d'icy assez bien satisfaict, à ce qu'il m'a dict. Et seront renduz les biens prins et arrestez d'une part et d'autre. Et pence que l'ambassadeur d'Espaigne qui est aud. Angleterre sera revocqué et changé.
Sire, je prie Dieu qu'il doint à Vostre Majesté accroissement de royaumes et estatz, parfaicte santé et très longue vie, comme vos plus fidelles serviteurs vous dezirent. De Madrid, le xvîj"" de juin 1571.
De sa main : Sire, pour Thoneurde Dieu, il soit vostre bon plaizir de faire rembourcer incontinent à Yzoardo Capello et à ses compaignons banquiers en Paris les mil escuz avecques les interestz que je feiz prester au s' Jeronimo Gondy par vostre commandement et lettre , il y a deux ans et demy , quand il estoi t par deçà pour achepter des chevaux et bezognes pour vostre service; car j'en suis bien fort moJesté et protesté checun jour par le banquier gennevois qui les presta; et me fera arrester pour estre satisfaict.
Vostre très humble, très obeyssant et très obligé subject et serviteur.
FOBQUEVAULX.
