A la Royne

Madrid, 31 mai 1571.

Madame, Partant maistre Loys, horlogier d'icy, le xiij"' du présent, je ne feiz longue lettre à Voz Majestez, pource qu'il

aura sceu respondre de maintes particularitez de cèste court, veu qu'il en est ordinaire. Et j'esperois aussi que le s' de TAubespine partiroit bîentost après luy, lequel vous rendra compte de ce qu'on y faict et dict, et mesme par le mémoire que jeluy ay donné en response des depesches qu'il a pieu à Voz Majestez me faire puis trois mois ; vous asseurant, Madame, que j'ay sceu la bonne santé de Mesdames les Infantes devant que le laisser partir. Elles ont doigne Marie Chaccon qui s'en prend garde, mais Mademoyselle de Chassincourt y faict très soigneusement son debvoir. On pençoit que lad. doigne Marie deubt succéder à la feuMarquizedeFromeste,camareremayor. Il n'y apoinct encore esté pourveu. Et scaichez, Madame, que mesd. Dames voz petites filles perdront beaucoup en perdant Madame la Princesse de Portugal; car elle leur monstre toutz signes d'amour, et vouldroit bien que la Royne, leur belle mère, les sceult mieux caresser que elle no faict. On tient lad. Princesse pour incurable d'une fistuUe que elle a, comme avoit feu Madame la princesse de Condé. Quelques ungz l'appellent ung cancer qui s'est mis en telle part dont elle ayme mieulx morir que d'endurer que nul médecin voye son mal. Les Princes de Bohême partirent d'Aranxois, le xxviij du présent mois. Le Roy Catholique leur a donné trois cens mil escuz d'ayde de coste ; aussi est ce qu'ilz debvoient les cens mil; et n'en auront guère de reste quand ilz seront au logis.

Madame, j'ay entendu du cousté de Portugal qu'on avoit arresté en leurs portz ung nombre de grandz navires estrangers et leur paient le fret, dizant que c'est pour s'en servir à défendre leur coste et leurs ysles à l'encontre de soixante dix grandz navires de courssaires Rochellois etAngloisqui tiennent la mer, prennent et pillent sur toutes gens et nations. Je croy que c'est une couleur et escuze ausd. Portugois pour mieulx drecer leur entreprinse, soyt pour aller sur le roy de Fez ou pour assister le Roy d'Espaigne, s'il entreprendra sur Alger. Dizent aussi que le roy a parlé quelquefois à la royne, son aveulie, la priant de le marier. Telle estoit la voix commune par Lisbone, et que leur ambassadeur est allé en France pour le traicter avec Madame. Dizoit on aussi que lad. royne est déterminée de s'en venir en Castille pour la malle satisfaction que elle a dud. roy, qui faict comme devant à sa teste, sans prendre conseil que des deux

Theatins. Ce qui est trouvé si mauvais que si lad. Dame royne sortira dud. Portugal, il y surviendra aussi tost sédition par les grandz contre leurd. roy.

Madame, il m'est impossible de plus vivre ny demeurer en Espaigne. Je ne cesse depuis trois ans de vous importuner pour mon congé; lequel Voz Majestez m'ont souventes fois promis. Je vous supplie très humblement. Madame, me vouUoir pardonner si je me vais rendre et prosterner, au premier jour, aux piedz de Voz Majestez pour vous remonstrer les raisons qui me font dezirer et me forcent d'en sortir; car c'est sans remède de m'arrester plus par deçà; et j'ayme aultant mourir que d'y estre contraint.

De Madrid, le dernier jour de may 1571.

281 . — Mémoire pour le s' de TAubespine des poincts dont il rendra compte au Roy de la part du s' de Fourquevaulz, son ambassadeur en Espagne.

31 m&il571.

Le s' de l'Aubespine, secrétaire du Roy, après avoir très humblement baizé piedz et mains à Sa Majesté et de la Royne, sa mère, et de Monseigneur d'Anjou de la part du s' de Fourquevaulx, son ambassadeur en Espaigne, représentera à Sa Majesté Testât auquel il laisse ceste court, et dira comment les Princes de Bohême sont partiz d'Aranxois, le xxviij de ce mois, en délibération d'arriver en quatorze jours à Saragousse, où ilz en séjourneront deux, et en autres quatorze à Barcelonne, allant ainsi à petites journées pour la foiblesse du Prince don Ridolfe, qui n'est encores bien confirmé en sa force depuis sa malladie. Aud. compte leur embarquement sera sur l'entrée de juillet et sur trente cinq gallères ; les gentilzhommesqui estoient venuz avec la Royne Catholique s'en retourneront en Allemaigne en la compagnie desd. Princes. Don Dietristain les va acompagner, laissant icy femme et enfants; car retournera continuer l'office d'ambassadeur de l'Empereur et de gouverneur des deux petitz Princes et espère de repasser par la court de Sa Majesté. Le conte de Arenberg demeure à faire sa charge de capitaine de la garde flamende; mais le marquis de Castion va avec lesd. Princes. Don Francisco Lasso qui faisoit estât de passer par France s'est laissé mourir du tavardillo en quatre jours.

Le s' don Jehan d'Austrie suivra lesd. Princes dens diz ou douze jours par la poste pour estre à leur embarquement et les accompaigner jusques à Gennes; et de là ira à Naples et Sicille avec toutes les gallères qui seront alors soixante dix.

Aud. Saragousse se sont faictz mil hommes de pied et à Valence cinq cens qui s'embarqueront quant et lesd. Princes et les quatre mil qu'on a faicU monteront à Carthagenne. Le Commandeur mayor de S' Jaques est allé

N-» 28i. — 31 MAI 157i 351

devant à Barcelonne donner ordre aud. embarquement; et le prieur don Hernando, visroy de Catheloigne, est party plustost que luy pour les recevoir et festoyer. Ung gentilhomme du duc de Florence attend lesd. Princes aud. Barcelonne pour les prier et convyer de passer par Florence. Et le prince dud. Florence se doibt trouver aud. Gennesà leur descente. Le duc de Savoje estoit venu à Nice en les attendant. Mais à cause de quelque soubsçon survenu en Piémont, il s'en est retourné à Turin. Le chemin toutesfois desd. Princes sera dud. Gennes droict à Mantue et à Trente par le plus droict sans entrer à Veronne ny aller à Venize. Ausquel led. ambassadeur n'a pas failiy de présenter au nom de Sa Majesté le passage par son Royaume et le faire offrir par led. don Diestristain, scachant bien qu'il leur estoit défendu de l'accepter. Et leur a asseuré qu'ilz trouveront es costesde Languedoc et Prouvence tout bon accueil, s*ilz y aborderont; car Sa Majesté Ta ainsi mandé à ses lieutenans desd. païs.

La Princesse de Portugal a esté de retour d'Aranxois le xxvj""" du présent, et s'est allée retirer en son monastère des Descalces, dont l'on a opinion que son Alteze ne sortira jamais en vie; car elle a une secrète malladie qui la ronge et consume toute vive à veue d'oeil.

Pour le regard du mémoire que led. s' de l'Aubespine apporta aud. s' ambassadeur du vij** de janvier, il y a esté respondu par ses depesches du xvij de février et dernier de mars, ensemble k celles qu'il a pieu à Sa Majesté luy faire depuis lors et jusques aux dernières du huict d'avril et deuxiesme du présent qui vont respondues par ceste cy.

En sorte que à ce qui est dict par led. mémoire de l'imposition du centiesme denier sur la conté de S* Pol, le Roy Catholique respond qu'il trouve que la response faicte par le duc d'Alve et envoyée à don Francés d'Alava, le dernier de novembre 1570, aura deu rendre Sa Majesté Très Ghrestienne satisfaicte entièrement; et à ce que led. ambassadeur a peu entendre, il ne fault espérer qu'il désiste d'exiger les deniers ; car cella luy servira quelque jour de preuve manifeste de son possessoire.

Touchant la permission que Monseigneur le duc de Longueville demande et le s"" de Fosseuze pour vendre les terres qu'ilz ont es Païs Bas, led. S' Roy s'en veult informer, qui est une responce de n'en vouloir rien faire. Neantmoins led. ambassadeur luy en refreschira la requeste quand il sera temps.

Quant au maltraictement qui est souvent faict es portz, païs et terres de Sa Majesté Catholique aux François, elle a promis d'y faire pourvoir selon raison et justice, s'il y aura complaignant, ce qu'il n'y a pour cesle heure en tDut Espaigne que led. ambassadeur scache. Vray est qu'il y en a heu aucuns ; et la remonstrance faicte par luy pour leur estre faicte réparation, il fust procédé à certaines provisions et mandemantz par led. S' Roy, afin de faire justice ausd. François. Mais il y a plus de deux ans que led. ambassadeur n'a veu homme qui soit venu poursuivre lesd. instances ny faire nouvelle plainte.

Aux autres poinctz contenuz aud. mémoire fuçt respondu par lesd. depesches de février et mars; et ne désiste led. ambassadeur de faire poursuicte par devant le conseil des Indes pour la délivrance des François

destenuz es prisons de Se ville, sans en pouvoir obtenir rien qui vaille.

Et pour ce que Sa Majesté,par une lettre que Mons' de Villeroj aescrîpte aud. ambassadeur, dezire scavoir k quelles fins la ro;yne d'Angleterre a envoyé milord Goban par deçà, il trouve que pour quatre fins.

La première, pour informer le Roy Catholique de tout ce qui a esté faict aud. Angleterre en la saisie et arrestation des navires, argent^ marchandizes et autres chozes des subjectz dud. S' Roj et Tadvertir au vraj comment tout est passé. Ce que lad. Dame royne a opinion luy avoir esté desguizé par son ambassadeur rezident près d'elle. Et de ce en a apporté led. milord bonne information imputant et donnant toute la coulpe de lad. altération aud. ambassadeur d'Espagne qui est auprès d'elle et au duc d'Alve. Mais le tout se restituera d'une part et d'autre et demeureront amys le Roy et elle.

En troisiesme lieu, il est venu remonstrer les causes qui ont induicte lad. Dame royne et qui la meuvent à faire et uzer envers la royne d'Escosse des depportementz que on luy uze.

Secondement, c'est pour se plaindre dud. ambassadeur espaîgnol, pource qu'il a heu peu de respect à lad. Dame royne en sa negotiation.

Et pour la quatriesme, afin de dire quel personnage est Thomas Stuely que led. S' Roy Catholique a receu en son service, lequel n'est que ung affronté courssaire et larron qui ne vault rien.

A ce propoz, a entendu led. de Fourquevaulx que led. S' Roy a dict que l'arcevesque de Cassel d'Hirlande l'a vendu au Roy de France; dont il est très marry. Aussi est il mal satisfaict dud. Stuely, pource qu'il n'a sceu tenir secrète son entreprinse, ains feist une grande levée de bouclier cest hiver d'enroller soldatz estrangers en ceste court, ensemble des cuisiniers et laquais ; qui a esté cause que son dessain s'est descouvert.

Sur la depesche de Sa Majesté du viij"^ d*avrU parlant des piratei^ies.

Respond led. de Fourquevaulx que ayant veu led. S' Roy Catholique tout du long lad. lettre depuis qu'il est en Aranxois, auquel lieu led. ambassadeur la luy envoya monstrer, car n'y avoit mot qui ne deubt estre veu, il envoya par le secrétaire Cayes faire responce de bouche aud. ambassadeur, le xxij du présent, qu'il a esté bien aise d'entendre tant par le conte d'Olivares et lettre de don Francés que par le susd., l'ordre que Sa Majesté Très Chrestienne doict avoir mis pour remédier à semblables excez et meschancetez; et àtend avec dezir l'advis que cella soit esté acomply ; demandant et priant fort affectueuzement que s'il n'avoit encore esté faict, qu'il le commande exécuter si à bon escient que, en satisfaisant au passé, se mecte à efTect pour ce qui est à venir ung tel ordre et observance que les vassautx et subjectz de Sa Majesté Catholique puissent naviguer avec la seureté, bon recueil et traictement que en temps de si grande paix, fraternité et amytié la raison veult qu'il y ait de toutes les deux partz, ainsi comme il a esté tousjours faict et se fera du couslé de Sa Majesté Catholique par une véritable correspondence. Aussi a commandé faire veriffîcation du contenu au mémoire des mauvais traictementz qu'on dict avoir esté faictz aux vassaulx de Sa Majesté Très Chrestienne; et s'il sera trouvé que ceulx de Sa

N» 281. — 3i MAI 1571 353

Majesté Catholique ajcnt tort, ilz ne demeureront sans le deu chastiment.

Quant à ce qui a esté remonstré que aucuns subjects de Sa Majesté Très Ghrestienne sont esté mal receuz et mal traictez en aucuns endroictz de ce royaume, respond ce que desja fust autres fois respondu, que en declairant la particuUarité led. S' Roy Catholique y fera mectre telle provision qu'il apartiendra avec effect de justice. Et sur ce poinct led. de Fourquevaulx ne scait qu'il y ait pour le jourd'huy ung seul complaignant qui soit venu à sa notice ; bien est vray que ces ans passés il y a heu des François mal traictez en aucuns des portz et havres d'Espaigne; dont la remonstrance et plaincte fust faicte aud. S' Hoy par led. ambassadeur, et quelques provisions depeschées aux juges des lieux. Mais ne scauroit dire ce qui en est advenu; car il y a environ deux ans qu'il n'en a ouy faire mention.

C'est touschant lad. depesche du viij"* d'avril.

Et pour le regard de celle du deuxiesme de ce mois de may, le cardinal de Siguence dissuada led. ambassadeur de n'aller poinct aud. Aranxois, ains luy conseilla de negotier par escript, pource que sond. maistre estoit fort accablé d'affaires et occupé sur le partement des Princes, ses nepveuz, et de don Jehan d'Austrie, comme aussi pour la malladie de la Princesse, sa soeur, A ceste cause, lad. depesche communiquée par lettre aud. S' Roy Catholique, il feist repondre aussi de bouche aud. ambassadeur par led. Cayes que le bruict que le Roy Très Chrestien, son bon frère, dict avoir coru et courir faulcement par Itallie de voulloir commencer la guerre contre ced. S' Roy, luy a esté choze si nouvelle qu'il dict jusques à présent led. bruict n'estre venu à sa notice. Et quand il y fust plustost venu, il ne Teust creu en nulle manière, pource que il estoit fort asseuré que Sa Majesté Très Chresticnne veult conserver en tout temps la paix, amytié et bonne fraternité que, par la grâce de Dieu, Leurs Majestez tiennent entre elles, confirmée et corroborée par tant de raisons et liens. Et par la mesme cause, ced. S' Roy est pareillement bien asseuré que le Roy Très Chrestien, son bon frère, n'a donné ny ne donnera credict à ce qui s'est dict ou se dira qui de la part de Sa Majesté Catholique se vueille contrevenir k cella; estant ainsi que la correspondence entre leurs deux Majestez doibt estre tousjours esgallement réciproque en ceste Yolunté et bonne intelligence, sans que les gens et préparatifs de guerre que Sa Majesté Catholique a commandé faire et assembler en Itallie puisse donner occasion nyumbre pour soubsçonner le contraire, veu qu'il est tout commun par le monde que l'effect pourquoy cela se faict est en respect de la ligue que le Pape, Sa Majesté Catholique et Vénitiens traictent de faire contre l'ennemy commun de la chrestienté.

Au regard de la congratullation que Sa Majesté Tri>s Chrestienne et la Royne, sa mère, ont commandé aud. ambassadeur de faire aud. S' Roy de la groisse de la Royne Catholique sa femme, il croit certainement que Leurs Majestez en ont receu grand plaisir; et ainsi leur en scent bien fort bon gré, espérant en Dieu qu'il leur pourra donner en bref autre telle nouvelle en l'endroict de la Royne Très Chrestienne.

Sur le particuUier du baron de S' Remy, il a esté donné ordre en Flandres de l'informer du faict; comme semblablementpour les' Paul Camille Dadde

et ses frères, il T'a commis au conseil d'Itallie. Et en ce qui touche Francesco Cepeda, il y fera adviser aussi ce qui s*y pourra faire, et qu'en tout sera heu esgard et considération particulliere à l'intercession de Leurs Majestez Très Chrestiennes.

N'obliera led. de l'Aubespine de dire à Sa Majesté que,Yoyantle faict dont est question, je ne me suis ^oullu contenter de la responce de bouche dud. Caves, lequel à ces fins me l'a envoyée dud. Aranxois le xxix"* du présent signée de sa main; et je l'ay traduicte cj devant de mot à mot. Et suis d'opinion que lesd. appareilz seront emploiez sur Bizerte et Porto Farina environ les mois d'aoust et septembre qu'il n j aura plus à craindre de l'armée turquesque s'il ne leur en pre comme aux Gelbes. Toutesfois ilz ont

La GoUete près pour leur retraicte. Et faisant lad. entreprinse, on esmantellera Tunes, sauf d'y faire une citadelle et don Jehan d'Austrie en pourroit estre faict roy.

Hz ont advis que le roy d'Alger estoit arrivé aud. Porto Farina avec vingt six gallères ou galliotes et qu'il faict fortiffier led. lieu et Bizerte qui seront tantost très fortes, car il se doubte que le Roy d'Espaigne les veult assaillir.

Lequel S' Roy faict descendre huict mil Allemans en Rallie et aura huict mil Espagnolz. 11 a desja six mil Italliens et en fera lever davantage s'il sera bezoin.

Le nombre de ses gallères sera de soixante dix.

On envoyé quatre mil bizognes à Carthagenne les embarquer pour Rallie : mais leur nombre pourra diminuer comme feist celluy qui s'y embarqua cest hiver que de trente enseignes n'en passèrent sinon deux mil deux cens hommes; et de ce nombre les huict cens sont mortz de fain sur la mer, pource que devant qu'ilz feissent voyle ils mengerent presque toutz les vivres de leurs navires et surprins d'une longue bonace en haulte mer, ilz n'eurent que menger.

Ung Millanois, homme de soixante ans qui se nomme Ludovico Sforce, lequel dict avoir servy les Roy s François et Henry de très glorieuze mémoire, m'est venu visicter une fois et m'a dict qu'il venoit de Barbarie où il s'est tenu seze ans au service des roys de Fez, de Maroc et d'Alger, et venu exprés au Roy Catholique luy offrir grandz moyenz et intelligences qu'il a dens lesd. trois villes avecques les soldatz chrestiens ou filz de chrestiens qui sont en nombre de plus de quinze cens aud. Maroc, et aultant ou plus aud. Fez, desquelz les roys de là se fient grandement et les tiennent à la garde de leurs corps ; et veu que lesd. villes sont assez prez de la mer oceane, il dict estre facilles à surprendre ; car elles n'ont muraille pour atendre le canon. Il promect le semblable d'Alger, à cause qu'il y a plusieurs milliers de chrestiens et les habitantz Mores naturelz sont mal contentz d' estre commandez par les Turcz. Icelluy Sforce a esté bien veu et bien escoulté dud. don Jehan d'Austrie, et semble avoir prins plaisir à ses discours.

11 y a opinion que après avoir prins lesd. Porto Farina et Bizerte qu'on ira sur Alger ; et il est vray que à Malque se faict provision de toulz vivres et munitions en très grand abondance ; et le roy de Portugal arme xxv gallions ou grandz navires et dix gallères, faisant bruict de les vouloir emploier

encontre le roj de Fez; ce qui est croyable et ne soit que pour le divertir d'envoyer secours aud. Alger. Disent aussi aud. PortugaJ qu'ilz se craignent des François et Anglois courssaires, qui sont plus de soixante grandz navires.

Le duc d*Alburquerque confesse d'avoir faict l'entreprize du Final de sa teste sans commission du Roy son maistre, qui s'est laissé entendre d'en estre mal content, comme l'Empereur l'est aussi ; lequel a escript par deçà en faveur du marquis dud. Final, se plaignant de quoy ses ministres entreprennent sur les feudataires de l'empire. On dict que led. duc l'a faict de jalouzie d'avoir esté adverty que les François traictoient de permuter le duché de Limosin avecques led. marquizat. Autres pencent que l'Empereur consent secrectement que led. Roy Catholique s'en empare. Mais nonobstant cela, led. siège continue tousjours, et led. duc d'Alburquerque est confirmé visroy du duché de Millan.

Au cardinal de Grandvelle a esté envoyé lettres patentes de visroy du royaume de Naples pour trois ans.

Le duc de Florence envoyé toutes les sepmaines à deux ambassadeurs qu'il a icy courrier exprez pour donner advis au Roy Catholique de tout ce qui passe en Itallie, à Rome et en levant. Ceste si grand dilligence donne à pencer qu'il y doibt avoir intelligence secrète entre eulx, ou que de poeur et soupsçon qu'il a d'estre assailly, il faict ainsi du bon varlet. En ces entrefaictes les Luccois se gardent comme s'ils avoient le siège autour de leur ville.

Le traicté de la ligue se tennoit une fois pour rompu, mais il semble qu'il se recommence & traicter. Et cest ambassadeur de Venize a espérance qu'elle aura effect, combien qu'il n'en fault espérer grand fruict pour ceste année. Si est ce que Marc Antoine Colonne avoit promis aux Vénitiens luy estant ces jours passez i^ud. Venize, que l'armée du Roy Catholique seroit à Otrente par tout ce mois de may, ce qui ne sera ny par tout juillet.

Au duc deMedine Cely fust dict en caresme qu'il pouvoit aller recognoistre sa maison et y faire pasques pour s'en retourner après en ce lieu atendre le commandement de Sa Majesté Catholique. Il a esté en sad. maison et fust de retour le xv"* de ced. mois. On dict qu'il passera en Flandres et les sept bendes de bizognes sont prestes en Castiile la Vieille pour passer avecques luy. Neantmoins ceste si longue dillation n'est pas sans mystère; et y a de quoy discourir que ce Roy l'ait révoqué de Navarre où il estoit visroy, se deffiant de luy pour ce qu'il est de la maison de la Cerde, à qui, si justice estoit faicte, ce royaume apartient, et descend par femme de la maison de France d'une fille du Roy S^ Loys. Aussi est de mesme extraction le duc de Franqueville, nagueres visroy de Cathelogne, qui a esté révoqué, et le prieur don Hernando envoyé en sa place ; lesquelz deux ducs se gloriffient aucunes fois d'estre sortis par femme du sang de France, qui est possible causé qu'on ne s'en fie pas mieulx en eulx.

Pour fin de ce mémoire, il est quelque bruict sourd que le duc de Florence pourroit avoir une venue sur Sienne et le Sienois pour l'en expolier, puisqu'il desadvoue de le tenir du Roy Catholique. A ces fins, les gens qui sont devant

Final pourroient s'embarquer sur lesgallères qui parlent d*Espaigne et autres Genevoises; lesquelz et les susd. quatre mil bizognes de Carthagenne iroient descendre en Marenne à la Troya ou à Escarlin, ou bien & Port Hercole et à Orbatello, car toute la coste sert de bonne descente en ceste saison d'esté, et pource qu'on pence bien que le Pape saultera en collere et appellera Sa Majesté Très Chrestienne en son ajde, qui ne peult luj ayder que par le Piémont, seront les huict mil Allemans et autres gens de pied toutz prestz au duché de Millan pour luj résister le passage. Et cependant led. Sienois seroit perdu en peu de jours selon lahayne que toutz portent aud. duc. Faict à Madrid, le dernier jour de may 1571.