Au Roy

Madrid, 9 juillet 1571.

Sire, Le s' Jeronimo Gondy arriva en ce lieu le xxij du passé et me donna les lettres qu'il a pieu à Votre Majesté m'escrire par luy. Il me communiqua aussy toutes ses instructions, dont l'une est fondée sur la mesdizance d'une très perverse et venimeuze langue digne de tout chasliment. Nous envoyâmes demander lendemain audience au Roy Catholique qui nous remyst au jour de S^ Jehan; et la veille fust visité led. s' Gondy et recherché par le s' conte d'Olivares et aultres pour le sonder à quelle fin il estoit venu, s'il apportoit confirmation de paix ou (îenuntiation de guerre. La responce qu'ilz en repporterent fust si maisgre et seiche qu'ilz n'en peurent tirer aulcun construict.

Et led. jour advenu, nous fusmes à lad. audience trouvant led.

* Autographe.

S' Roy acompaignéseullenientde don Pedro Manuel, gentilhome de sa chambre, lequel il fîst sortir. El lors led. s' Gondy eust bonne commodité de desployer son éloquence pour dire sa charge; ce qu'il fîst aultanl bien à mon gré que tout grand orateur scauroit avoir faict. Et Sa Majesté Catholique très atentif à ses propoz, comme led. s' Gondy scaura représenter à Votre Majesté et vous rendre compte, Sire, de tout ce qui fust dict et respondu en lad. audience trop myeulx que je ne vous le scaurois exprimer, sans obmectre ung seul mot du contenu en ses instructions, se faisant entendre par telle dextérité qu'il eust tué son homme sans Iju'il eust semblé luy faire mal, si le juge fust esté libre de passion; ce qu'il n'est, puisqu'il ne prend le faict d'aultre rigueur non de revocquer tant seuUement son malparlant ministre, mais davantage de le mander venir en intention de le punir pour s'estre plusieurs fois mal porté en sa légation à l'endroit de Voz Majestez; led. S' Roy fist responce sur le champ sur ce qu'il avoit armé en Itallie, et que le duc d'Alve armoit en Flandres, que les forces qui se dreçoyent aud. Itallie d'AUemans et aultres estoyent destinées pour l'armée de la ligue à rencontre du Turc ; et qu'il n'y avoit rien du cousté de Flandres, dizant que son intention n'a onc esté ny sera d'attenter ny altérer, comment que ce soit, au contraire de la bonne amytié et paix qui est entre Voz Majestez; et qu'il s'asseure en semblable de votre endroit. Quant au faict principal. Sire, de ses instructions. Sa Majesté monstra n'en avoir jamais rien entendu ny veu lettre de son ambassadeur, avec aultre honeste langage qu'il tint aud. S' Gondy et à moy . Nous avons despuis baizé les mains à la Royne Catholique et à tout le sang royal d'Espaigne, s'estant led. s^ Gondy si bien aquicté de sa commission qu'il seroit impossible de myeulx, et consequemment avons parlé au cardinal de Siguence et au prince d'Evoly,lesquelz sembloyent monstrer plus de ressentiment de prime face qu'ilz n'ont monstre à la fin; car se sont radvisez de nier que la letre soit esté envoyée par deçà, prennant le broillard pour calompnie et n'ont tenu compte de le voulloir veoir par mes mains. Bien croy je qu'ilz l'eussent voullu tenir pour ne le rendre point. Et Cayes à qui nous en avons donné une veue, dict que ce n'est delà main de doaFrancés, ains une minute suppozée, comme il se verroit par confrontation

d'aultrcs letres de sa main qu'il me feroit veoir. Et Sa Majesté Catholique au prendre congé le iiij"" de ce mois, nous a dict qu'il respond à la Royne mad. Dame par sa letre bien amplement; ce que le mesme cardinal nous a asseuré et respondu que le Roy son S' n'a heu onc ny aura rien sur son cueur qui soit pour vous apporter dommage ny à votre Royaume; tant s'en fault qu'il ait armé ne qu'il arme pour nuire ny faire guerre à Votre Majesté, si est ce que les plaintes des pirateries sont grandes. A quoy led. s' Gondy n'a heu faulte de responce. Et j'ay baillé aud. Cayas la coppie de la letre que Monseigneur le prince de Navarre en escrivist de La Rochelle à Votre Majesté; lequel Cayas nous a declairé que Sa Majesté Cathohque devant de longtempz pourra faire ungmaulvaisjeu aux courssaires, qui me faict croire que l'armée qu'on drece en Portugal est pour assister la sienne qu'il faict equipper en Biscaye soubz coleurdu passage du duc de Medine Cely, qui doibt partir de ceste court dans le xxiiij"* du présent pour aller à Laredo s'embarquer pour Flandres. Ung sien frère et le duc de Montalto, son beau filz, et don Jehan de Mendoce, ensemble plusieurs parentz dud. duc de Medine le vont accompaigner et le maistre de camp Julian Romero. Il menne aussy trois mil Espagnolz, sans compter de quatre à six mil Biscayens qui vont sur lad. flotte qu'on estime sera de xl gros navires, estant à croire, s'il y aura bientost des affaires dud. cousté, qu'il touchera au duc d'Alve d'estrechef de la guerre et aud. de Medine de garder le païs; lequel duc d'Alve pourroit venir si puissant dud. Flandres par mer par deçà qu'il auroit moyen d'assaillir La Rochelle comme réceptacle do ses rebelles, ainsy qu'ilz l'apellent icy. Et Votre Majesté y pensera, s'il luy plaist; car je ne parle dechoze qui ne puisse advenir.

Au demourant. Sire, l'embarquement des Princes de Bohême n'est point encor faict ny les gallères arrivées de Barcelonne. Encores y a quelques quadrilles de Morisques parmy le royaume de Granade, qui font du mal assés aux chrcstiens, quand ilz les peuvent surprendre. Les xviij gallères qui demeurent à la garde d'Espaigne soubz don Alvaro de Vassan ont prins naguère une galliote d'Alger près de Malga.

L'Empereur ayant dez l'an passé donné certain arrest sur le différent d'entre le marquis de Final et ses subjectz, doubtant

qu'il n'y seroit satîsfaict, en escrivîst au Roy Catholique, le priant luy donner main forte; car àluy estoit impossible envoyer forces d'Âllemaigne sans causer mil inconvenientz ; de quoy ced. S' Roy s'escuza pour lors, allegant qu'il estoit après à traicter la ligue et n'avoit forces compétentes pour tout ce qui pourroil survenir à cause de cela; mais aussytost qu'il y a heu mys ordre, il a mandé au duc d'Alburquerquo de faire lad. exécution; lequel s'est couvert d'une jalouzie qu'il a heu des François qu'ilz se voullissent emparer dud. Final pour troubler les Genevois.

Des quatre mil homes qui debvoyent s'embarquer pour Itallie, les trois mil se sont tirez des garnizons des places du royaume de Granade en sept enseignes; et quatre aultres s'en sont faictes en Andelouzie pour ateindre aud. nombre de quatre mil. Leur maistro de camp s'apelle don Lopes... '. L'embarquement se faict à Malga et Carthagene sur navires et sur les xviij gallères de don Alvaro de Vassan, estant opinion que c'est pour les passer au Peignon, à Melille et à Oran. Aud. royaume de Granade, n'y est demouré comme point de soldatz en garnison : car les chrestiens qui ont succédé au lieu des Morisques suffizent à garder les places d'importance; et les aultres sont esté esmantellées ; car il n'y a quasi plus desd. Morisques pour faire grand mal ne sinon par quadrilles.

[De Madrid, le ix de juillet 1571.]