A la Royne

Madrid, 9 juillet i57i.

Madame, J'ay ung mortel regret de quoy la justice de votre cause n'est embracée par deçà de la chaleur que elle mérite. Et n'est pas de ceste fois seuUe que de la part de Voz Majestés a esté faict plainte au Roy Catholique, des maulvais, impudentz et indiscretz deportementz de son ambassadeur; car j'ay commence du vivant de la Royne votre fille. Et suis le plus estonné du monde que Sa Majesté Catholique vueille tenir ung ministre près de Voz Majestés, lequel il scaitbien vous estre désagréable et contre

' Le nom manque.

• Autographe.

cueur. Vous asseurant, Madame, que le s' Jeronimo Gondy s'est si bien aquiclé de sa commission et a si dextrement et vifvement représenté le contenu de ses instructions, que Voz Majestés s'en doibvent aultant contenter que de tout aultre personnage qui y fust peu venir, car il n*a rien obmys, desguizé ny flatté ; la suffizance duquel m'escuzera, si c'est votre bon plaisir, de ce que je ne vous rendz compte particuUier de sa negotiation; car il vous y satisfera trop myeulx que je ne scaurois.

Et vous diray. Madame, que le s' Almeyde fust icy seuUement le xviij de juin, avec la depesche qu'il a pieu au Roy et à Votre Majesté me faire du xiij d'avril. Et ay veu par le memojTe en chiffre les offices qu'il avoit promys, ce qu'il n'a pou; car le conte d'Olivares est arrivé longtempz devant luy; et aussy bien le prince Ruy Gomes n'a esté de retour vers Sa Majesté Catholique que jusques au dernier de juin ; ains s'est tenu en une de ses maisons qui s'apelle Pastrane, pendant que led. S' Roy Catholique a esté à Aranxois et à Escuryalles mois de may et led. juin. Icelluy Almeide s'escuze sur le retardement de son assignation qui l'a retenu plusieurs jours à Bordeaulx. Et jusques à présent je n'ay peu entendre grand choze de luy, se remectant à la venue de don Hernand Martines Mascareigne, qui debvoit venir de la part des roy et royne de Portugal, du conseil d'estat desquelz il est et fust ambassadeur au concilie de Trente, lequel est arrivé en ce lieu le v"' du présent; et ce jour mesme alla à l'audience de Sa Majesté Catholique. J'ay opinion que led. Almeyde vous escript, Madame, ce qu'il a aprins dud. don Hernand Martines, qui me semble bien digne personnage pour une fois que j'ay parlé à luy.

Et sellon le dire dud. Almede, le maryage de Madame se fera. Toutesfois lad. venue est pour aultres négoces. On parle que c'est en partie pour la rezollution que lad. Dame royne a prinze de se retirer par deçà; ce qui desplait au roy son petit filz; et vouldroit l'en destourner par le moyen de ced. S' Roy, son oncle, et de Madame la Princesse, sa mère, que ced. personage est pareillement venu visiter. Je croy qu'il vient traicter de l'armée qu'ilz drecent aud. Portugal, pour scavoir en quoy et comment il la fauldra employer. J'atenz si led. Almede en pourra tirer quelques advis, et s'il m'en advertira aussy; bien est il d'opinion que

le différent des Malucques y soit meslé; ou quoy que ce soit, Icd. personage s'en retournera dens quatre ou cinq jours en Portugal. Au reste, Madame, il sera votre bon plaizir d'adjouster foy à ce que led. s' Gondy dira à Votre Majesté avoir esté discoru entre luy et moy sur le faict de me revocquer d'icy et d'envoyer mon succeseur.

Madame, il n'est possible que quelque maulvaise ame n'ait destourné Voz Majestez d'acomplir la promesse qu'il vous avoit pieu me faire de xxv mil livres en don pour mes estraines du maryage du Roy et soit esté cause de faire reduyre led. don à XV mil; laquelle somme m'estoit, il a deux ans, acordée, et despuis en ce assignée sur les deniers tant ordinaires que extraordinaires de quelque nature qu'ilz feussent. J'en avois assigné les appoticaires et tailleur de la feu Royne d'Espaigne pour pareille somme que je leur doibz d'argent preste que j'ay despendu en votre service. Mon malheur est tel, Madame, qu'il ne se parle à présent sinon de cinq mil livres, laissant les dix mil au eroq; qui est cause que de ma vie je ne fuz en si grand soucy comme je suis, n'ayant moyen de contenter mesd. créditeurs aultre[ment] que par led. don et bienfaict de Voz Majestés. Je vous supplie très humblement, Madame, qu'il vous plaize y avoir esgard.

Madame, je ferois tort au s' Gondy de vous celler que j'ay sceu de bonne part qu'il a esté recherché bien avant d'accepter l'habit de S* Jaques et aultres mercys pour le suborner et induyre à faire quelques maulvais offices ; ce qu'il a desdaigné et refuzé, pourcc qu'il est ung bon et fidelle serviteur de Voz Majestés. Et ne vueillez mesprizer l'opinion que j'ay que le duc d'Alve doibve assaillir La Rochelle; car je pense qu'il n'y fauldra pas et viendra accompaigné de Vallons pour fournir les garnizous de Navarre, pour qu'ilz soubsçonnent que la royne de Navarre la vucille recouvrer de force.

Ne vouUant oblier, Madame, à vous dire que led. s^ Gondy donnera advis à Votre Majesté de certaine choze qu'il a procuré icy pour le service du Roy et votre, dont l'ambassadeur qui me succédera doibt avoir grand plaizir; lequel j'atendz en extrême dezir de le veoir arriver.

ix de juillet 1571.