A la Royne

Madrid, 17 août 1571, Madame, Le courrrier que j'ay dict cy dessus qui debvoit aller vers l'Empereur est party de ce lieu le vj"" du présent et s'appelle Maxan. Je ne veulx pas jurer que ce soit pour demander la troiziesme fille de lad. Majesté. Tant y a qu'il m'a esté dict, et s'il est ainsi, ce pourra avoir esté qu'ilz se deffîent d'avoir Madame votre fille, à cause qu'on aescript plusieurs fois de votre court, et fraischement du deuxiesme de ced. mois, que son Alteze est accordée à Monsieur le Prince de Navarre, qu'ilz appellent ici le Vendomillo. J'en ay dict mon advis au s' Almeyde, lequel regecte led. advis pour hors de propoz, et s'en est informé de l'ambassadeur dud. Portugal, qui luy a faict grandz sermens du contraire, et qu'ilz n'ont espérance d'autre part que de mad.Dame. Toutesfois qu'en deffault d'elle on leur parle d'une princesse d'AUemaigne héritière, qu'ilz ne m'ont sceu nommer, et s'attendent à la venue

du cardinal Alexandrin, légat, et du duc de Gandie, religieux de S* François, qu'ilz doibvent poulcer en avant led. mariage de mad. Dame votre fille, comme le Pape leur a commandé. Led. Almeyde escript à Votre Majesté et va sa lettre en ce pacquet. Lequel j'envoye d'icy à Bayonnc aux quinze lieues par jour. Duxvij"' aoust 1571.