Au Roy

Madrid, 17 août i57i.

Sire, Je n'ay peu envoyer ceste depesche à Votre Majesté plustost que à présent, afin d'atendre le partement de Hernand Martines; lequel j'ay vizité sur sa départie, le dixiesme de ce mois, dont il est party lendemain pour Portugal. J'atendois que luy ou l'ambassadeur me deussent dire quelque mot du mariage de Madame votre soeur; mais ilz ne m'en deirent une seuUe parolle ny moy à eulx. Ilz avoient opinion que le conte Ludovic eust laissé d'aller avec son armée de mer en coursse de peur de l'armée dud. Portugal ; et dizoit on qu'il estoit desembarqué et allé par terre en AUemaigne ; qui ne leur estoit pas pour bonne nouvelle; car se doubtent qu'il va en propoz de remuer mesnage par terre ou par mer du cousté desPaïs Bas. On atend le Roy, votre frère, pour lendemain de Notre Dame et tantost après partira le duc de Medine Cely pour Laredo et Flandres. Mais c'est sans poinct de doubte, le s' Chappin Vitel s'en va par Rayonne et Tholoze en Tuscanne faire ung passage en sa maison, et après s'ira tenir auprez dud. duc, lequel faict estât d'arriver aud. Flandres dans le mois de septembre prochain. Le bruict est en ce lieu qu'on faict gens en Navarre et Biscaye. Ce pourroit estre pour accompaigner led. duc de Medine, oultre les dix bendes d'infanterie qui vont quant et luy; car ilz seront quatre ou cinq mil autres hommes sur la flotte, ainsi que j'ay desja escript à Votre Majesté. On dict pareillement qu'ilz font gens vers Perpi-

N- 288 ET 289. — 17 août 1571 371

gnan et que le prieur don Hernando, visroy de Cathelogne, va recognoissant la frontière de son gouvernement. C'est aussitost pour recevoir le légat du Pape. Mais s'il est vray qu'on y face des gens, ce que je ne puis croire, il fault estimer qu'ilz craignent d'estre assailliz, comme ne seroit pas sans propoz de le pencer, s'ilz ont délibéré de tenter La Rochelle par la venue du duc d'Alve, Ne faisant à taire l'allarme que ung breton est coru donner de Bretaigne à Seville aux marchantz François, qui se trouvoient aud. Seville et autres portz de ce royaume; les advertissant que la guerre valloit aultant comme declairée entre France et Espaigne ; et à ces fins, qu'ilz se retirassent. A occasion de laquelle peur, lesd. marchantz ont beaucoup perdu, bien que les aucuns ont envoyé vers moy exprez pour s'enquérir de la vérité. J'ay respondu qu'il n'est nouvelle de guerre en façon du monde. Au reste. Sire, Votre Majesté aura desja sceu la descente des Princes de Bohême à Gcnnes le xxviij du passé, dont ilz sont partis le premier du présent. Don Jehan d'Austrie embarquoit trois mil AUemans à Portofin et quelques Italliens; et en SîciUe l'attendoient quatre vinglz galleres du Pape et Vénitiens. De Madrid, le xvij"* d'aoust 1571.