Au Roy

Madrid^ 7 septembre 1571.

Sire, La depesche qu'il a pieu à Votre Majesté me faire le

* Autographe.

deux et vj"' d'aoust me fusl donnée par CoUenge le xvj"" d'icelluy; auquel jour le Roy Catholique estoit encore à Escuryal, d'où il a esté de retour le xix"*. Et le xxj, suis allé à Faudience à cinq heures après mydy. Et après, Sire, peu de paroUes dictes d'entrée, je luyayremonstré que j'avois receu lad. depesche de Votre Majesté en responce de celle que le s*" Jeronimo Gondy vous avoit rapportée, m'estant commandé de luy rementevoir ce que led. s' Gondy luy avoit déclaré de votre part touchant le voyage que Votre Majesté estoit délibéré de faire en Bretaigne pour avoir le plaizir de la chasse, et que Mess" les princes de Navarre et Condéet Admirai pourroient se trouver sur votre chemin pour vous baizer les mains, qu'estoit afin de veoir de les attirer, comme ilz monstroyent avoir bon Aetir à vous rendre entière obeyssance; luy ay représenté semblablement qu'en suyvant lad. délibération Votre Majesté pençoit s'acheminer du premier jour vers Blois, auquel lieu ou es environs pourroit succéder led. baizemains et entrevue; de laquelle nefalloit que Sa Majesté Catholique s'en donnast maulvaise ombre ny soubsçon de pencer que ce fust sur aultre intention que de veoir d'attirer Icsd. princes à lad. entière obeyssance, afin de faire cesser toutes pirateries et querelles et asseurcr de bien en myeulx le repoz de votre Royaume.

Sa Majesté Catholique, après quatre belles paroUes de remercyement pour la communication de voz affaires qu'il plaisoit à Votre Majesté luy faire, me respondist qu'il croyoit tout ce que je luy disois, s'asseurant tant de Votre Majesté qui estes son bon frère et de la Royne sa bonne mère, que [Votre Majesté aura tousjours devant ses yeulx l'amytié fraternelle qui est entre vous ; et au reste qu'il sera très aize que lesd. princes et toutz voz subjectz se reduizent et rengent à Tobeyssance et dévotion qu'ilz vous doibvent. Sire, j'ay dict à Sa Majesté Catholique que Votre. Majesté avoit remys son ambassadeur aud. Bloys pour y traicter des pirateries et de la nef arrestée à La Rochelle dont il vous avoit faict une estrange querymonye le vj"' dud. aoust, ayant vouUu avoir audience de Votre Majesté, la Royne votre mère présente, où d'arrivée il fist merveilles de s'escrier en home enragé demandant justice tant dud. navire que dcsd. princes et admirai. A quoy luy estant respondu qu'Use traicteroit dud. navire

et des pirateries à lad. entreveue, mais pour le regard de la justice qu'il requeroit contre lesd. s", que c'estoit un faict tout nouveau par luy pourpencé pour charcher occasion de vous broiller, led. don Francés print cela très impatiament jusques à vous en demander justice et reprocha à Monseig' le cardinal de Borbon qu'il est faulteur des hereticques. De sorte que led. don Francés se rendoit de plus en plus insupportable calumpniateur et injurieulx parmy la très juste cause que Votre Majesté avoit de se resentir de Teffrontée impudence dont îcelluy d'Alava s'estoit desgorgé à mesdire et detracter de Thoneur de la Royne mad. Dame votre mère. Et sur ce propoz j'avois letre de Votre Majesté à la sienne, que je luy donniz et le priay de la lire devant que je passasse plus oultre; ce qu'il fist et neantmoins entendist puis après ma créance portée par votre instruction de mot à mot.

Sire, led. S' Roy, votre frère, me feistresponcequejedebvois croire sur sa paroUe que jamais sond. ambassadeur ne luy a escript la letre dont est question, ny aultre de maulvaise substance; car elle fust esté très mal reçeue. Je luy ay répliqué que led. don Francés n'en povoit nier la minute^ car c'estoit de sa main et led. s' Gondy avoit charge de la monstrer à Sa Majesté Catholique, s'il luy eust pieu la veoir; etlapourroit veoir s'illuy plaisoit, car jel'avois en ma puissance. Il ne me deist rien là dessus ny moy. Je ne luy en feiz aulcune instance ; si est ce que j'avois porté lad. minute quant et moy pour la luy monstrer s'il me l'eust demandée.

A tout cela. Sire, Sa Majesté me déclara, puisqu'il vous plaisoit et à la Royne sa bonne mère, qu'il vouUoit revocquer led. don Francés, qui me retint de luy aygrir davantage les affaires, sinon de le supplier qu'il eust souvenance de combien de temps je luy ay faict plainte du peu de respect que sond. ministre portoit à Voz Majestez, car c'estoit desja du vivant de la feu Royne et du despuis maintes fois; qui n'estoit rien auprez de l'insolence dont il uze despuis en (;à en home hors de son bon sens, qui ne demande sinon vous mectre en division et guerre l'une Majesté contre l'aultre ; et afin d'avoir ceste gloire que Sa Majesté Catholique n'envoyé quelcun en sa place, lequel descouvre et entende ses maulvais deportementz; luy ay demonstré aussy qu'encore

N" 291. — 7 SEPTEMBRE i571 375

qu'il n'y eust aultre raison que de votre seuUe prière que Voz Majestez luy ont faicte de le revocquer, qu'ilz n'en deussent estredesdictz; mais il y a tant d'oifences et méchantes parolles advancées qu'il est impossible le souffrir davantage, pource que les négoces ne scauroyent estre bien traictez avecques ung ministre si désagréable à Voz Majestez et si fort envenimé de maulvais vouUoir qu'il prendra tousjours et escrira le noir pour le blanc et le mal pour le bien. A ceste cause, il est nécessaire que Sad. Majesté Catholique employé aultre personage en une negotiation de telle importance, lequel soit modeste, véritable et amy du bien et repoz de toutes Voz Majestez, de voz Royaumes et de toute la Chrestienté. Et que sans le respect dud. S' Roy, il y avoit assés de causes pour le deshonorer et maltraicter comme indigne du lieu qu'il tient. Mais puisque Sa Majesté m'asseuroit de le vouUoir revocquer que je Tescrirois à Votre Majesté et le suppliois me promectre que ce seroit promptement; car ne suffizoit en choze si nécessaire procéder à loizir ny froidement. Toutesfois si Sa Majesté me donnoit sa paroUe d'y pourvoir promptement, que je vous l'escrirois. Il, Sire, me deist qu'il m'en donnoit sa parolle, et qu'il estoit bien content que je vous l'escrive et promette de sa part, et qu'il verroit sans uzer de dissimulation ny longueur de faire élection de personage qui soit pour bien s'aquicter dud. estât au contentement et service de toutes Voz Majestez. Je ne fiz faulte de remercyer Sa Majesté pour sa bonne rezoUution, l'asseurant que led. personage sera le très bien arrivé et veu d'aultant bon cueur qu'il scauroit estre en aultre lieu de ce monde ; et que aud. d'Alava sont esté faictes et uzées aultant de faveurs et permizes aultant de privaultez qu'il a voullu ou qu'il eust sceu dezirer, le tout pour l'amour et considération de Sa Majesté Catholique. Ce que led. ambassadeur a prins aultrement. A quoy lad. Majesté m'a respondu qu'il est bien certain que vous, Sire, et la Royne, sa bonne mère, verrez très voluntierstoutce qui vous sera envoyé de sa part; et qu'il fera son possible de vous contenter en cela le plus tost qu'il luy sera possible; car dezire de vous rendre contentz en toutes choses. Ce propoz ainsy achevé par lad. rezollution, je representiz aud. S' Roy ce que Voz Majestez m'avoyent commandé en faveur de don Diego Lasso, et quelques aultres parlicularitez. Il m'en

demanda ung memoyre, lequel j'envoys tantost après à Sad. Majesté. Il ne m'y a encore esté respondu que de paroUe, lors de mad. audience, qu'il y penccroit et qu'il escriroit de sa main à Voz Majestez, luy donnant ung peu de loizîr.

Lendemain, Sire, de mon audience, est venu de matin le secrétaire Cayas parler à moy pour sonder si je scavois plus expresse occasion de lad. entrevue; car on escrivoit de Paris que le maryage de Madame estoit accordé avec le prince de Bearn, c'est ainsy qu'ilz l'apellcnt quand ilz le nomment le plus honestement. Je luy ay respondu que je n'en scay aultre choze que celle que j'ay dicte de voulloir procurer par toutz bons moyens d'attirer lesd. s" à votre obeyssance. et pour essayer d'en retirer votre ville de La Rochelle dont on se plaingt icy, et les aultres vUles qu'ilz tiennent par le traicté de paix. Mais touchant aud. maryage, je n'en avois receu ung seul mot d'advis, ce qui est vray aussy ; toutesfois que le roy de Portugal s'est monstre trop délicat et degousté de n'avoir embracé sa bonne fortune par une si grande aUiance pour luy et pour ses subjectz en espouzant la plus accomplie princesse de chrestienté qui soitaujourd'huy à maryer; faillant auquel party, il ne trouvera femme convenable pour de ces huict ans à venir; et le Roy CathoHque s'y estoit porté trop froydement; car le faict meritoit d'estre prins d'aultre chaleur et véhémence que Sa Majesté l'avoit prins. Et vous plaira, Sire, croire que led. Cayas et moy en eusmes deux motz là dessus, m'asseurant que sond. raaistre y a faict plus grandz offices que je n'ay pas sceu ny que je ne pencerois pas comme de nouveau les affaires en sont bien avant, car Sad. Majesté ne dormoit point. Et m'a dict qu'ilz ne peuvent icy scavoir ce que le s' Jehan Gomes, ambassadeur dud. Portugal, est allé negotier et qu'il traicte auprès de Votre Majesté, saulf qu'ilz ont entendu qu'il a envoyé deux ou trois courriers aud. Portugal par le chemin de Burgos, leur ayant défendu de passer par ceste court; lesquels courriers sont allez et retournez.

Sire, le mesme dict jour xxij"" d'aoust, je fuz visiter le prince Ruy Gomes, luy racontay bonne partie de l'audience que j'avois heue de Sa Majesté Catholique, qui m'avoît promys de revocquer promptement sond. ambassadeur et d'envoyer tantost ung aultre, le priant de moycnner envers lad. Majesté que lad. pro-

messe s*effectuast au On plus tost qu'il seroit possible, de tant qu'il aymoit le bien des affaires de son maîslrc, de la paix et amytié d'entre Voz Majestez; ce que led. s' Ruy Gomes m'asseura qu'il feroit et esperoit que le successeur dud. don Francés sera d'aultre humeur et plus agréable à Voz Majestez. A ces fins, il vouUoit bien l'instruire de la manière qu'il aura de soy gouverner; et m'a semblé comprendre qu'il sera mys de sa main.

Sire, je fuz parler de ce mesme faict à M. le cardinal de Siguence le xxiiij"' dud. mois; lequel a trouvé le meilleur du monde que led. Francés soit revocqué, quand n'y auroit aultre raison que pour complaire à Voz Majestez; car jeluy ayremonstré que ce n'est une raison seuUe mais plusieurs. Et ne fust pour le respect de Sa Majesté Catholique, icelluy d'Alava eust scnty quelle faulte il a faicte et combien il a excédé et scandalizé l'office d'un vray et discret ambassadeur. Bien me disoit led. s' cardinal qu'il y a longtemps que led. don Francés faict instance pour son congé, s'escuzant sur ce qu'il est malladif. Et par ainsy sa revocation luy viendroit à propoz; de laquelle il m'asseuroit au premier jour. Toutesfois n'avoyent encore point advisé du plersonage qui iroit en son lieu.

Je fuz le XXV"" visiter le duc de Medine Cely pour tirer de luy s'il feroit bientost le voyage de Flandres; et il me veint rendre la courtoizie le troisiesme du présent, me confessant qu'il se tenoit prest pour s'acheminer de quelque heure que Sa Majesté Catholique* ordonneroit; estant auquel Flandres et ailleurs, il se reputera bienheureux de servir à Votre Majesté Très Chrestienne, car c'est la volunté de la Majesté Catholique. Il n'est pas réputé grand guerrier; neantmoins on le tient pour home politique et amateur de paix. Et de la main desd. cardinal et Ruy Gomes, qui sont deux testes en ung chapperon, on donne de l'Excellence aud. duc. Et il se glorifie d'estre issu ou ses ancestres d'une fille du Roy Sainct Loys et qu'en sa maison y a heu maryée une fille de Bretaigne et aultre de Foix; desquelles il descend. Sond. partement pour Laredo sera le xvij"* de ced. mois et s'embarquera le plus tost qu'il luy sera possible. J'espère, Sire, que voz subjectz auront en luy ung meilleur voizin que n'a esté le duc d'Alve; lequel, h ce qu'on veult maintenant dire, ne prendra point la mer à son retour, ains fera par terre le chemin qu'il fist

en allant, à cause que la mer est fort contraire à sa santé. Ce pourroit aussytost estre pour evicter au danger du rencontre; car on dict que les courssaires François et Anglois sont merveilleusement puissantz et à la dévotion du prince d'Orenge et des aultres banniz des Païs Bas.

Au reste, Sire, le prieur don Hernando, filz naturel dud. duc d'Alve, qui avoit esté envoyé visroy de Catheloigne, va visroy à Milan en la place du feu duc d'Alburqueque ; le Commandeur mayor de Saint Jacques succède au feu marquis de Pescare en Sicille. Il n'a encore esté pourveu à Naples d'aultre que du cardinal Granvelle. On disoit que c'estoit une rezen^e pour le duc de Feryes. Mais il trespassa à Escuryal de fiebvre double tierce hier vj*' deced. mois, ayant laissé son filz de xijans endebté de deux cent mil escus. C'estoitung bon seigneur qui caressoit les eslrangiers

Une bande de Morîsques rebelles de Granade a, ces jours passez, taillé en pièces xxiij soldatz chrestiens bien à cheval de xxvj qu'ilz estoyent et prins huict mil escuz qu'ilz conduysoyent pour le payement des garnizons.

Sire, je prie Dieu qu'il doint à Votre Majesté très longue vie en parfaicte santé avec augmentation de royaumes et estatz, comme voz plus devotz serviteurs dezirent.

De Madrid, le vij"" de septembre 1571.