A la Royne

Madrid, 7 septembre i571.

Madame, Par la lettre que j'escriz présentement au Roy appert de ce que fust dict et respondu en l'audience que j'euz du Roy Catholique le xxj"' d'aoust. Je ne feiz faulte de luy donner votre lettre ny de luy représenter ne plus ne moins ce qui m'estoit commandé par l'instruction de Sa Majesté et par la lettre qu'il vous a pieu, Madame, de m'escrire de votre main; le contenu de laquelle m'est bien venu à propoz pour tousjoursplus demonstrer Toultrecuydance de don Francés; de sorte que Sa Majesté Catholique m'a promis de le revocquer sans perdre temps et d'envoyer

* Original. Bibl. Nat., ms. fr. 16103, f^ 649.

N«. 292 ET 293. — 14 septembre 1571 379

autre ambassadeur en son lieu le plus promptement qu'il luy sera possible ; mais il ne scavoit encore de quel personnage il feroit élection. Me deist pareillement qu'il respondroit de sa main aux lettres de Voz Majestez ; lesquelles j'atendz de jour en jour pour vous en faire unedepesche, ensemble de ce qui me sera respondu à ung memoryal quej'ay donné aud. S' Roy surlesrequestesque Voz Majestez luy ont faictes en faveur de Monseigneur de Longueville et d'aucuns autres sieurs, mesme pour don Diego Lasso, qui n'aura point Alcaval, car le duc de Franqueville en eust le don aussitost que don Francisco Lasso fust trespassé; et pourra estre par aventure que ceste Majesté donnera aud. don Diego autre commanderie de trois mil escuz de rente que led. duc de Franqueville a quictée pour la susd. d' Alcaval, qui vault deux fois aultant ; et receu que j'aye aussi les lettres de la Royne Catholique^ de la Princesse de Portugal et des petitz Princes de Bohême pour la Royne votre belle fille, je les envoieray d'icy à Rayonne comme j'ay faict de mon autre depesche du xvij"' d'aoust, sinon qu'on me declaire le temps que led. don Francés deslogera et le nom de son successeur, auquel cas je feray partir homme exprez; et va ceste cy par ung courrier espaignol depesche pour Flandres, qui la donnera à Mons' le viconte d'Orthe, ne voullant, Madame, oblier à vous asseurer de la santé de Mesdames les Infantes.

Madame, je prie Dieu qu'il doint à Votre Majesté très heureuze, très contente et très longue vie. De Madrid, la vij* de septembre

Votre très humble, très obeyssant et très obligé subgect, vassal et serviteur.

FORQUEYAULX.