A la Royne

Madrid, 22 mars 1572.

Madame, Si j'eusse peu advancer plustost mon parlement de

» Autographe. Bibl. Nat., ms. fr. 16103, f» 661.

,v 3i3. — 22 MARS 1572 431

cesle court, je serois aujourd'hui bien avant en chemin, qu'il me fault faire. Toutcsfois, je sortiray d'Egipte le plustost qu'il me sera possible avec fenie et enfans. Et n'ay rien à presant qui me retarde; car hier me furent données les letres du Roy Catholique pour Voz Majestés, et her soyr mon passeport. Geste cy achevée, je monte à cheval, bien fort aize qu'il ait pieu au Roy et à Votre Majesté me tirer de ceste si longue captivité. Et ira madicte letre par Monsieur de Quivimille, gentilhome de la chambre de l'Empereur; lequel a tenu icy la place de son ambassadeur en l'absence du s' don Dietristain, et s'en rêva vers son maistre pour retourner succéder aud. Dietristain, qui se retirera ce mois de may. Par ced. porteur, Madame, scaura Vostre Majesté qu'on est icy bien fort joyeuJx d'avoir sceu au vray la groisse de la Royne. Aussy la Royne Catholique sa soeur est ensçainte.

Ce que je scai d'aultres nouvelles n'est, Madame, qUe de l'élection que led. S' Roy d'Espaigne a faicte du duc de Sesse pour aller lieutenant gênerai du s' don Juhan d'Aus trie, encore qu'il soit bien goteux. De lad. élection se sont toutz resjouyz en ceste court, car il y est très aymé. Le duc de Nagera s'en va pareillement trouver led. don Juhan et bon nombre de noblesse espaignoUe. On veult dire que Alger aura une alarme à l'improviste après avoir prins Tunes et Porto Farina. Don Pedro Henriques qui fust vers Voz Majestés devant S* Jehan d'Angely est capitaine gênerai de LaGolete. On pence que led. duc de Sesse demourera visroy en Naples d'une fois que le dessain qu'ilz ont soit exécuté; et celluy de Nagera aura la Sicille; car il ne se parle plus du conte de Bonavent. Don Pedro Faxardo est allé espouzer sa feme à Barcelonne, où elle est avecques sa mère, qui est feme du grand commandeur de S* Jacques; et l'ira retrouver à Milan. Mais led. Faxardo, faictes les nopces, s'en va vers l'Empereur, puis au roy de Polonie. Encore se faict bruict qu'il donnera jusques au Moscovite et de là en Perse pour esmouvoir le Sophy contre le Turc. Ce sera ung bien long voyage pour ung remaryé nouvellement. Les capitaines ordonnez à faire les cinq mil homes qui doibvent aller vers led. don Juhan ne pouvoyent faire leurs compagnies; mais puisque le duc de Sesse sera de la pai'tie, ilz en trouveront plus qu'ilz n'en vouldront. Ce sont les nous velles, Madame, que j'ay aprinses sur mon partement. Je suis

432 DËPéCHES DE M. DE FOUBQUEVAUX

certain que Monsieur de S' Goart sera très diligent de faire entendre à Yoz Majestés ce qui succédera, et s'aquictera myeulx de sa charge que je n'ay faict de la mienne; dont je vousasseure. Madame, que je n'en seray pas marry; et que le service de Voz Majestés et de vostre coronne aille toutz les jours de bien en myeulx.

. Madame, je prie Dieu vous conserver très longz ans en très acomplie félicité et santé. De Madrid, le xxij de mars 1572.

Vostre très humble, très obeyssant et très obligé subject, vassal et serviteur.

FORQUEVAULX.