Audience de Congé

Madrid, 15 mars 1572.

Du samedy quinziesme de mars 1572, à Madrid.

Prenant le s' de Fourquevaulx, ambassadeur du Roy, son congé du Roy Catholique d'Espaigne, en sa dernière audience, icelluy S' Roy Catholique luy tint les propoz suyvantz, afin de les représenter à Sa Majesté Très Chrestienne.

En premier lieu, il baize de tout son cueur les mains du Roy TrèsChrestien, son bon frère, luy dezire aultantde santé, prospérité et contentement comme pour soy mesme, et sera tousjours fort aize que ses afl'aires succèdent heureuzement, comme par le contraire il recevra grand desplaizir s'ilz iront mal.

C'est en ceste dicte bonne volunté qu'il a vescu avecques Sa Majesté Très Chrestienne et veult vivre, dizant luy avoir faict apparoir de la sincérité de son intention parles meilleures démonstrations qu'il a peu. Ce qu'il veult continuer de faire en ce qui sera de son pouvoir sans jamais s'en lasser. Estant l'amytié qu'il porte au Roy, son bon frère, inséparable de son cousté et sa fermeté si constante en la paix et union qu'il a pieu à Dieu y

> Autographe.

meclre, qu'il ne sera de sa vie le premier à la rompre ny à s'en despariir. Prie Sa Majesté Très Chrestienne d'en uzer en semblable et de vouUoir employer ses forces encontre Tenemy commun. A quoi le S' Roy Catholique dict avoir commencé d'employer les siennes heureuzement en compagnie de celles du Pape et des Vénitiens.

La prie aussy de faire remédier aux pirateries que les François font, car aultrement il ne peult refuzer à ses subjectz d'y mcctre le remède qu'il pourra pour asseurer leur navigation.

Qu'on a eu tort en France de pencer qu'il fust bien aize des troubles d'icelle, car c'est la choze en ce monde dont il recevoit aultantd'ennuy pour plusieurs bons respectz, mesme pourl'amour qu'il porte au Roy, son bon frère, le travail duquel luy josloit à esgal du sien. Et que leurs Royaulmes sqnt si voizins que la France estant en combustion, c'estoit la veille d'y veoirl'Espaigne. Et soit pour différent de religion ou pour autre prétexte, tousjours l'exemple de la rébellion et desobeyssance des subjectz d'un prince monstre le chemin aux voizins d'en uzer semblablement contre le leur.

Aussy Sa Majesté CathoHque pence qu'en France près la personne de Sa Majesté Très Chrestienne n'y a pas faulte d'aulcunes âmes turbulentes qui dezirent veoir survenir altération et ropture de la fraternelle amy lié qui est entre leurs Majestés. Ce qu'ilz procurent subtillement et par grande astuce soubz coleur de bon serviteurs affectionnez au bien et grandeur de leur maistre.

C'est neantmoîns en intention de venir par là au dessus de leurs dessains, les ungz à une fin et les aultros pour aultre. Mais les toutz au deservice de l'honeur de Dieu, du bien universel de chrestienté et dommage irréparable des royaulmes et subjectz de leursd. Majestés.

Dicticelluy S' Roy Catholique que le Roy, son bon frère, afaict suffizante expérience encore que lamentable des cueurs de ses subjectz et serviteurs, de sorte qu'il a peu cognoistre ceulx qui l'ont servy de bon courage, et qui frpydement et laschement. A ceste cause, il est d'opinion que Sa Majesté Très Chrestienne doibt avoir plus de fiance en ceulx qui l'ont fidellement servy sans se lasser ny bransler, que non à ceulx qui se sont monstrez froidz et negligentz de le servir et secourir en sa nécessité. Et par con-

N* 3i2. — 15 MARS 1572 429

sequent s'en doibt myeulx fier soit pour prendre conseil ou pour bailler quelque grande entreprinze à exécuter. Mais en ceste préférence ne fault désespérer nul de ceulx qui Font servy à son bezoin à quelque mezure qu'ibss'en soyent aquictez.

Tant y a que pour le regard des maulvais qui luy sont esté rebelles et enemys du commencement à la fin, il n'est point d'advis que le Roy, son frère, s'en doibve jamais fier, tant s'en doibt faillir qu'il en face estât ny fondement.

Et voyt bien qu'il sera diffîcillo dores en avant de traicter auprès du Roy, son bon frère, les négoces de grande importance en telle confience qu on souiloit et qu'il fauldroit les traicter, veut que les principaulx qui l'ont voullu destruyre sont et seront d'icy en avant à l'oreille de Sa Majesté Très Chrestienne et de la Royne sa bonne mère, pour destourner et empescher que rien de bon ne s'y délibère ne conclue, principallement s'il se traictera de l'interest de leurs amys, correspondantz et confederez, comme par adventure l'occasion portera que Leurs Majestés Très Chrestienne et Catholique en auront à délibérer et traicter quelquefois.

Bien entendu aussi que lesd. principaulx et ceulx de leur alliance feront leur effort d'y mectre et nourrir jallouzie et deffience plus volluntiers que de les entretenir en paix et amytié, ou cstre dezireux et soigneux que les conseils et entreprinzes de leursd. Majestés ayent bon succez.

Que les depportementz de lad. Majesté Catholique durant lesd. troubles de huict ou neuf ans font preuve et veriffication de son intérieur; car s'il eust eu maulvaise intention, c'estoit la saison de la mectre en évidence, ainsy que aulcuns luy vouUurent persuader ; et n'avoit pas faulte de moyen pour faire beaucoup de maulx, s'il eust voullu. Mais il n'y vouUust jamais entendre; et ne s'en repent point.

Somme toute, Sa Majesté TrèsChrestiemnc, la Royne, sa bonne mère, et Monseig' d'Anjou doibvent tenir pour rezollu que le bien etlemal duRoyaulmedeFrance,c'estàsçavoirdelacoronne, leur touche de plus près et le doibvent sentir plus au vif que nulzaultres,quelzqu'ilz soyent. A ceste cause, ne doibvent prendre n'y croire conseil de qui que ce soit sans examiner de bien près à quoy il tend, et, s'il ne leur semble tout à clair advantageux pour Sad. Majesté Très Chrestienne et pour le bien et bonheur de

sad. coronne, regecter tel conseil, et qui le donne pour très pernitieux.

Sans se laisser attirer ne décevoir par belles apparences qui semblent grandes de primé face, ains estendre sa vue le plus loing qu'on peult et songer à la lin qui s'en pourroit ensuyvre aussytost en mal ou plustost que non en bien.

Et juger du zelle sur lequel telz conselliers malingz fondent leurs opinions et conseilz, auquel cas Sa Majesté Très Chrestienne trouvera qu'ilz sont poulcez de passion particulliere et non du service qui luy est deu.

A la Royne Très Chrestienne, sa bonne mère, led. S' Roy luy baise très aiTectueuzement les mains et la prie de vouUoir tousjours tenir main, ainsy qu'elle a faict, à la conservation de l'amytié d'entre les deux Roys sesdictz enfans. Et face compte Sa Majesté que les raisons pour les avoir faict vivre en bons frères jusques à présent sont les mesmes aujourd'huy pour les y maintenir. Et de plus, de l'alliance si estroitement renouvellée entre Leurs Majestés, il a pieu à Dieu leur donner des enfans et espérance d'en avoir au premier jour pour confirmer plus fort lesd. amytié et bonne intelligence à l'advenir.

Quant à luy, il veult avoir dictet promysune bonne fois d'estre toute sa vie bon frère et amy du Roy Très Chrestien, son frère; qu'il acomplira de son endroict sans jamais s'en départir le premier, ny sans en estre par trop contraingt et provocqué.

Etaprèsaultre discours, Sad. Majesté Catholique donna charge audict de Fourquevaulx de dire à toutes ces Majestés Très Chrestiennes qu'il est bien fort joyeulx d'avoir entendu que la Royne Très Chrestienne, sa soeur etniepce, est grosse, dont il s'en resjouystavecleursd. Majestés. Priant Dieuleur en donner le contentement que elles en espèrent et voulloir assister à la mère et à l'enfant et leur esclairer de sa saincte grâce avecques heureuze suyte de plusieurs aultres enfantz.