Au Roy

Bajonne, 15 avril 1572.

Sire, En passant le mont S* Adrian, le vij"' de ce mois, m'a esté donniSela lettre qu'il vous a pieu m'escriredu xxix de mars, pour m'asseurer des receu de deux miennes que j'avoîs escript à la Royne, vostre mère, despuis l'arrivée de Mons" de S* Gouard, vostre ambassadeur. Je veulx. Sire, croire que autres de mes lettres précédentes, scavoir est du deux et xxij"" de janvier et xij"* février, auront coru meilleur fortune que tout plain de paquelz et lettres de particulliers, sans espargner celles des marchantz qui se sont esgarées durant ces deux ou trois mois passez. On ne scait si c'estoit que le Roy, vostre frère, vouUust descouvrir ce qui se traictoit entre lesd. marchantz et leurs correspondantz durant la foire de Medine del Campo. Mais on a dict qu'il n'y avoit paquet qui ne fust perdu et rendu au povoir de lad. Majesté.

Geste lettre, Sire, est pour faire entendre à Vostre Majesté comme moy estre arrivé en ceste ville de Rayonne, le xij"" du présent, je suis esté prié des eschevins et principaulx cytoyens me transporter sur le lieu où le boccau et canal de ceste ville a esté commencé, me requérant au nom de vostre service, qui est la plus grande adjuration qu'ilz me pouvoient faire, et pour le bien de leur ville, de vouUoir escrire à Vostre Majesté ce qui m'en sembleroit, car leur est enjoinct par Vostre Majesté d'envoyer vers elle deux desd. habitantz afin d'entendre vostre bon vouUoiret intention sur la continuation dud. canal; ce que je ne leur ay sceu honnestement resfuzer. A ceste cause, Sire, j*ay veu le lieu d'un bout à l'aultre, faict sonder la rivière; et considéré ce qui m'a semblé faire à propoz; dont par mon petit jugement je suis d'opinion que Rayonne s'en va estre deshabitée et dezerte s'il ne sera remédié au dommaige que lad. rivière y faict continuellement de mal en pis; mesme les merques y sont d'un desbordement survenu l'année passée qui monta lahaulteur d'un grand homme au long des rues, qu'il n'estoit possible d'y aller que par barque, et de présent leur prayrie est couverte

* Autographe. Bibl. Nat., ms. fr. 16103, f»665.

d'eau la haulteur des saules par le regorgement de lad. rivière, dont le seul remède consiste en achevant l'oeuvre encommencée par ung F aiol de Marseille qui me semble en avoir donné le vray expédient, selon qu'on peult juger à l'oeil et par expérience de son ouvraige et fabrique qui est demeurée entière sans soy desmentir. De sorte, Sire, que sans plus prester oreille aux discours et inventions d'aultres ingénieurs nouveaulx, je pence qu'il ne fault sinon donner ordre que le dessin dud. Faiol soit exécuté et les deniers bien mesnagez et fidellement. Et d'une fois que cela sera faict, Vostre Majesté peult faire estât d'avoir ung port aud. Rayonne capable de tout grand nombre de navires qui pour grandz qu'ilz soient flottèrent tousjours. Que je die à Vostre Majesté la facilité qui y est d'y drecer promptement une bonne armée et l'avoir preste pour travailler de bien prez voz voizins de ce cousté, s'il serabesoing, comme je scay que Vostre Majesté en est informée de veue et le scait trop mieu]x par son très clair jugement, que je ne scaurois le représenter par ma lettre ny autrement. Qui ne veulx faire faulte de baizer très humblement piedz et mains de Vostre Majesté, de ce qu'il vous plaist, Sire, m'asseurer par les lettres qu'il a pieu à Vostre Majesté m'escrire par led. s' de S* Gouard et par la dernière susd., que je seray d'elle le très bicn^venu, à quoy je m'attendz bien aussi, non tant pour raison de mes longs services comme pour vostre très grande bonté. Ce bien toutefois ne pourra si tost advenir pour moy comme je le dezire ; car il m'est force, Sire, de reconduire ma femme chez nous ; laquelle n'est si dispozée au présent pour souffrir le travail d'un si ennuyeulx et long chemin que nous avons faict et luy reste à faire, comme il seroit bezoing pour elle et pour moy. Mais je dilligenteray le plus qu'il me sera possible de m'allcr rendre bientost aux piedz de Voz Majestés.

Sire, je prie Dieu de voulloir conserver Vostre Majesté très longuement en très acomplie santé, avec acroissement de royaumes, estatz et félicité, ainsi que ses plus (idelles serviteurs dezirent. De Bayonne, le xv"' d'avril 1572.

Votre très humble, très obeyssant et très obligé subject et serviteur.

FORQUEVAULX,