A la Royne

Bajonne, 45 avril 1572.

Madame, Tout ce que j'ay peu faire en vingt trois jours, c'a esté de me trayner, ensemble ma famille, jusques en ceste ville à cause du mauvais temps et des chemins rompus, que nous avons trouvez; et bien m'a vallu que le Roy Catholique d^Espaigne m'eust donné deux mil escuz à mon partement comme ayant servy le terme ordinaire de deux ambassadeurs; car sans cela je n'avois le moyen de sortir de sa court ny de son royaume, duquel je suis hors, puisqu'il a pieu à Dieu et à Voz Majestez m'en retirer après y avoir trempé' six ans et huict mois pour vostre service ; qui me faict. Madame, prendre asseurance sur vostre bonté qu'il ne vous desplaira poinct que j'achève de remener vostre très humble servante à nostre petit mesnage, puisque son temps aproche ; qui la garde de pouvoir aller baizer les mains et piedz de Vostre Majesté, comme elle deziroit; et si je ne pençois faire faulte de donner jusques à Narbonne devant que m'aller rendre à vozd. piedz, je m'y en iroys fort voluntiers faire ung passage, car plusieurs raisons m'y appellent, mesme que pour y passer ny à ma dicte maison je n'allonge mon chemin que de bien peu, si Voz Majestez s'en vont à Fontainebleau, ainsi que l'on dict, pour y faire les nopces de Madame au premier jour.

Madame, je n'ay vouUu faillir de vous escripre ceste petite depesche par les depputez de Bayonne, qui m'ont promis la rendre seurement en voz mains; c'est pour dire à Vostre Majesté qu'il me semble qu'il seroit bon que Mons' de S* Gouard fust adverty, ou le secrétaire Aguilon pour en advertir led. S' Roy d'Espaigne, si c'est choze qu'il puisse scavoir, à quelle intention et fin Sa Majesté Très Chrestienne arme sur la mer de ponent, et quel nombre de navires et de gens de guerre y entre, car aud. Espaigne sont en allarme, pource qu'on faict bruict publiquement que ce sont plus de cent bons et grandz navires, et de huict à dix mil arquebuziers commandez par capitaines toutz gens de bonne maison, et deux cents hommes d'armes qui s'y doibvent embarquer, et ne fault s'esbahir si les Espaignolz discourent là

» Original. Bibl. Nat., ins. fr. 16103, f» 668. • Demeuré.

dessus, car les mesmes François en devisent par deçà diversement ; qui sert d'augmenter le soubçon et pourroit causer quelque desordre, s'il n'y estoil pourveu par vostre très sage prudence; car je puis asseurer à Vostre Majesté que led. S' Roy Catholique n'a intention quelconque de rien altérer à ce qu'il m'a donné charge de fere entendre au Roy, ains de vivre comme il a vescu avecques Sa Majesté, ces douze ans passez, ainsi, Madame, que j'espère de dire plus amplement à Voz Majestez, qu'il ne tardera longs jours. Quant au duc de Medine Cely, il est tousjours à Laredo, et ses bizognes consument le païs circonvoizin, en espérance de s'embarquer quelque jour on ne scait quand. Et jaçoit. Madame, que ung sien courrier m'eust dict que ce seroit le dixiesme de ced. mois, j'ay neantmoins sceu en passant qu'il n'a rien de prest pour son passage, encore qu'il ayt faict plusieurs semblanlz de redrecer son armée. Je ne scay s'ilz ont peur d'avoir quelque venue dud. endroit, ou si la saison d'exécuter quelque leur dessain n'est encore venue , car sans occasion n'est il pas si longuement aud. lieu ny ses gens, lesquelz sont aujourd'huy environ deux mil hommes, qui n'en vallent pas cinq cents et toutz desarmez. Il est vray que aud. Laredo leur gardent harquebuzes et piques pour quand ilz s'embarqueront.

Madame, je prie Dieu qu'il vous conserve et maintienne très longues années en très accomplie santé et félicité. De Bayonne, le XV- d'avril 1572.

Vostre très humble, très obeyssant et très obligé subject, vassal et serviteur.

FORQUEVAULX.