A la Royne

Madrid, 23 décembre 1568.

Madame. Selon ce qu'il vous a pieu m'escrire de votre main du xxij de novembre, le s' de Parizot vous a rendu meilleur compte de ma depesche que ne feist pas le s' de Graignague; et n'aura pas craint que je vous informasse mal de luy, afin de vous degouster de l'establiren ma place. Geste cy sera, Madame, pour vous rendre compte du peu que j'ay advancé sur le faict contenu en votred. lettre et sur l'autre précédente du xv"' dud. mois, que le sieur de Fontaine, secrétaire des finances, m'a envoyée de Montpelier par homme exprès, qui fut icy le vj"' du présent; et le s' de Tregoyn, qui m'a rendu la susd. du xxiij* dud. novembre, a esté icy le xj"* de ced. mois; par lesquelles lettres j'ay très bien imprimé en mon cerveau ce qu'il vous plaist que je face; à quoy je ne fauldray d'obeyr et en toute autre chose jusques à la mort.

Madame, pour ce que le cardinal de Ciguenee m'avoit prié quelques jours devant la réception desd. lettres de luy faire part des nouvelles de France quand il m'en viendroit, j'ay prins occasion là dessus de le visiter, le septiesme de ce mois; et, après divers propozlui ay rementeu le bon zelle qu'il m'a souvent dict avoir au bien de la paix et continuation d'amytié d'entre les Majestez Très Ghrestienne et Catholique, ce qu'il peult faire aultant ou plus que ministre principal de ced. S' Roy comme il est, notamment en ceste venue de l'archiduc; par laquelle tout homme pense qu'il se traictera des mariages des Infantes de l'Empereur, le voulant adviser qu'il y a grand lieu de prendre garde que le Roy Monseigneur ne demeure frustré de l'aisnée qui luy a esté promise; car. si cella advenoit, je ne scaurois veoir chose de ce monde qui puisse tant altérer l'amytié de Vosd. Majestez.

Led. S' cardinal m'a respondu qu'il a tousjours désiré et faict office qu'entre le Roy son seigneur et le mien y ayt une très estroicte correspondencc et plus à présent que jamais, me donnant sa foy que ceste Majesté luy a dict plusieurs fois depuis le décès de la feu Royne, qu'il vous est plus aflectionné qu'il n'esloit de son vivant; neantmoins il croyt que ced. S' Roy, qui ne veult oyr parler de se remarier, sera importuné et contraint de le faire pour contenter les grands de son royaume qui le demandent et de prendre telle femme qu'ilz le supplieront et luy conseilleront ; auquel cas il est d'opinion n'y avoir party si convenable pour luy que la fille aisnée de l'Empereur tant pour l'eage que pour continuer et confirmer la parentelle et alliance de ceste couronne avec led. S' Empereur; mais pour cella ne restera pas le Roy Très Chrestien sans femme et ne m'a voUu declairer s'il entend de sa soeur rinfante Yzabeau ou d'autre princesse; je lui ay dict, Madame, que je scay tant de la volunté et affection que le Roy mond. maistre porte de longue main à la Princesse Anne, que de penser à luy en donner d'autre seroit perdre temps. Led. cardinal somme toute m'a faict response qu'il se trouvera. Dieu aydant, quelque bon expédient pour le contenter; à quoy il s'employera très voluntiers. Et moy le voyant ferme sur led. mariage de l'aisnée pour sond. maistre, ne luy ay voUu proposer ung seul mot de Madame seur du Roy.

Madame, je suis esté depuis visiter le prince d'Evolly pour

Tadviser comment Mons' le cardinal de Guyse est en chemin pour venir et qu'il seroit neccessaire de pourvoir qu'il fut logé ; car mon logis est trop estroict et moy indigne d'y recevoir ung tel prince. Et après que nous eusmes parlé de la venue de Tarchiduc, je luy ay représenté le bon vouloir que tous voz ministres et moy pour ung, avons de tout temps cogneu en luy; lequel il peult astheurcy monstrer mieulx que jamais, estant la saison propre pour s'obliger à luy trois grandz Roys, faisant de sorte que non seullement Tamylié qui est entre lesd. Majestez continue, mais davantage éviter que elle ne se rompe, comme il sera dangereux que elle face, si le Roy mon maistre sera frustré de la promesse qui luy a esté f aie te de luy donner pour femme lad. Infante Anne; car il est prince de tel cueur qu'il s'en pourra resentir; et voyant d'autre part que le Roy de Portugal s'est promis la seconde, seroit Toffencer en la luy ostant; ce que je le prioys considérer et poiser. Il m'a faict response qu'il fera toute sa vie pour votre service comme pour celluy de son maistre; mais que au faict desd. mariages il fauldra partir, aiin qu'il y en ayt aussi pour sond. maistre, comme il m'a dict quelquefois; et heu esgard à son eage, lad. Infante luy vient plus à propos, et l'Infante Yzabeau pour le Roy Très Chrestien, donnant Madame au roy de Portugal; que touchant à luy, il n'y scauroit veoir ne imaginer meilleur moyen pour contenter toutes lesd. Majestez. Là dessus. Madame, je luy ay répliqué que je y voyois bien ung autre remède, lequel j'ay pensé de ma teste, et c'est suivant la voix des mesmes Espagnols qui disent publiquement en ceste court et parmy tout ce royaume, que, pour confirmer votred. amytié, il n'y a plus beau ne meilleur que de donner lad. aisnée à France, la seconde à Portugd, et Madame Marguerite à ced. Seigneur Roy; car il me semble que de vous allier comme il disoit ne seroit que à demy ny par une alliance réciproque donner et prendre, ains celle là ne serviroit que de fortiffier l'Empereur, car une niepce de ceste Majesté Royne de France ne pourra tant elle seuUe comme si elle sera assistée et correspondue d'une Royne d'Espaigne, seur dud. S' Roy mon maistre; car lors elles deux feront l'office entier et tel comme le faisoitla feu Royne; du vivant de laquelle n'y est survenu aucun esbranlement d'amytié; ou, s'il y est née quelque dispute, elle tantost

32 DJBPâCHES DE M. DE FOURQUEVAUX

y a sceu remédier ou vous, Madame, pour son respect. Le prince d'Evolly m'a semblé gouster mes raisons; mais ainsi, comme il est prudent et couvert, il ne m'a vouUu donner aucun signé qu'ilz y ayent pensé, ny espérance que sond. maistre soit pour prendre autre femme que lad. aisnée. Bien m'a respondu que le Roy n'auroit raison d'estre mal content, encore qu'on luy rompe lad. promesse par moy alléguée ; car les choses se sont changées par lad. mort, n'estant merveille s'il se parloit en la vie de lad. Dame Royne dud. mariage, puisque ce Roy estoit pourveu; et puisqu'il est veuf, ne fault s'esbahir s'il vouldra pour soy celle qui luy est la plus propre; toutesfois il s'employera de tout son esprit, afin que les trois Roys et Votre Majesté se contentent. Je luyay asseuré qu'il ne fera jamais oeuvre dont il doibve espérer plus grand gré et recompense que s'il sera cause que la Majesté du Roy mon maistre demeure satisfaicte et vous. Madame; et ne luy ay ozé promectre davantage, de peur qu'il soubspeçonast que j'eusse charge de Voz Majestez.

Madame, semblable langaige ay je tenu à l'evesque de Cuengue, et comment le Roy reputeroit à oultraige et affront qu'on le privast de la femme qui luy a esté promise. Il m'a dict en substance qu'il espère en Dieu qu'il vous esclairera à tous pour choisir les expedientz de confirmer votre amytié par nouvelle alliance ; me jurant sur sa concience que l'amour de ceste Majesté est augmentée vers Voz Majestez despuis en çà que la Royne votre fille est allée à Dieu; en quoy il dict avoir faict et qu'il fera de son cousté le debvoir et office du lieu qu'il tient auprez de son maistre. Au regard. Madame, du secrétaire Cayes, nous en avons pareillement discoru; lequel m'a faict response que le pis qui pourroit advenir ne vous contentant de ïad. Princesse Ysabeau seroit que le Roy Très Chrestien espousast la fille du duc Auguste; et cella luy est eschàppé sans que je luy en parlasse. Je luy ay respondu que si grand Roy ne demeurera longuement sans party; caria France le désire veoir maryé; et Tay prié de s'employer pour le contentement de mond. Seigneur et maistre, luy représentant le bon gré qu'il doibt espérer, s'il aura servy et aydé à faire lesd. mariages; car semblables occasions d'obliger à soy tels et si grands roys et roynes pour un faict tant sainct, favorable et de conséquence, ne se offrent pas

souvent et ne luy ay ozé promectre ny offrir aucun don; mais il m'a dict qu'il travaillera de bon cueur que toutes Voz Majestez demeurent contentes s'il sera possible.

Madame, vous scaurcz que don Jehan Manrrique estoit grand maistre d'hostel delà feu Royne; je n'ay voullu faillir de le visiter ung de ces jours passez; car il garde le lict d'un temps en çà, et pour scavoir quand partira le duc de Nagera, son nepveu, pour vous aller visiter de la part du Roy Catholique; et après l'avoir entretenu de ce propoz et avoir sceu que led. duc est allé accompaigner donne Maddelaine de Giron, le xiiij de ce mois, et la conduire jusques a Valdolit, pour, à son retour en ceste ville, partir pour France, j'ay remonstré aud. don Jehan qu'il doibt désirer et procurer que une seur de sa feu maislresse succède à sa place, afin qu'il soit aultant bien ou mieulx auprès de la Royne d'Espagne qui sera comme il souloit avecq lad. Majesté. Et sans vous rendre tant de parolies qui ont passé entre nous, il m'a semblé qu'il en seroit bien fort aize; et m'a dict qu'il le désire et souhaite de tout son cueur; mais il ne peult scavoir quelle commission l'archiduc a portée touchant les mariages; car samalladie, qui est une ardeur d'urine, le retient au lict; bien m'asseure, s'il y pourra servir, qu'il ne s'y espargncra pas. La duchesse d'Alve me disoit de mesme le xiiij"" de ce mois; et ne tiendra, Madame, à ma dilligence que votre désir ne soit acomply. Toutesfois ces sieurs sont si fins en leurs négoces, que je ne me fie de chose qu'ils promelent ny dyent; mais, venu que Mons' le cardinal de Guise soit, on veoirra de quel pied ilz cheminent ; car il fauldra qu'ilz luy ouvrent leur cueur et monstrent ce qu'ilz ont au dedans touchant lesd. mariages; vous asseurant, Madame, que je ne passeray d'une sillabe ce qui m'est commandé par vos lettres. Quoy que soit, il m'a esté dict que don Jehan Manrrique et Cayes, devisant entre eulx sans penser estre escoutez, disoient, quelque jour paravant mad. visite, queled. duc de Nagera ne va pas seuUement vers Voz Majestez pour se condoloir, mais aussi pour traicter du mariage de Madame votre fille pour ceste Majesté ; tant y a qu'ilz s'en dissimullent envers moy ungz et autres; si est ce que je leur ay donné à discourir par le langage que j'ay tenu ausd. cinq personnages du plus estroict conseil, qui n'auront pas failly de le rapporter aussitost

aud. S' Roy, qui songera dix fois devant que oster au Roy rinfante Anne. Et m'a dict Sa Majesté à mon audience parlant du s"* cardinal de Guise, que luy arrivé se traictera de toutz négoces. Et croy qu'il pensoit que je luy voulusse remonstrer ce que j'avois dict à sesd. ministres; mais je luy ay respondu que jen'avois charge pour le présent de luy parler d'autre faict sinon du prince d'Orenge; lad. remission, Madame, me donne à croire que ced. S' Roy veult traicter desd. mariages avecq réputation comme sera avec led. s' cardinal de Guise; et vouldra qu'il en ayt l'honneur pour la honne volunté qu'il porte à sa maison, principallement à Monseigneur le cardinal de Lorrhaine ; car ilz s'entreescrivent souvent par la voye de don Francés, comme je m'asseure que Votre Majesté le scait bien. Ced. S' Roy a respondu à l'archiduc qu'il ayme mieulx perdre tous ses Païs Bas que de consentir que la confession d'Auguste y soit receue, ne qu'il pardonne au prince d'Orenge ny à ceulx de son party. Je scay cecy de bon lieu; mais il entretiendra les choses en bons termes le plus longuement qu'il pourra sans declairer rezoUument son intention, ny d'en laisser retourner led. archiduc, scachant bien que aussitost toute la Germanie l'assauldra. Et allègue mon dizeur qu'il y a danger que la duché de Milan, Naples et Sicille tumultuent, voyant une si horrible tempeste sur lesd. Païs Bas; car ilz ne peuvent supporter les charges et subsides qui leur sont esté imposez et qu'on leur surcharge journellement. Aussi, Madame, m'a esté dict pour grand secret que les électeurs s'entendent si bien avecq led. Empereur qu'il seroit impossible de mieulx; et luy ont promis d'eslire son filz aisné don Ridolfe roy des Romains, s'il veult permectre la confession augustanne en toutz les estatz de l'empire; et y comprennent les Païs Bas et Flandres. Led. Empereur prie aflectueusement ce Roy par led. archiduc qu'il soit content du bien de soad. fils et vueille consentir lad. requeste; car autrement il veoyt une grosse guerre et dangereuse au premier jour en sesd. Païs Bas ; pour laquelle lesd. mesmes princes ecclésiastiques contribuent et assisteront; de laquelle prière ced. S' Roy a esté le plus fâché et indigné du monde et en a pleuré de grand regret et despit. Si cella sera vray, Madame, j'ose croire que ceste Majesté vous recherchera chauldement de reconfirmer votre aliance; car elle luy fera bon besoin.

Madame, je vous supplie très humblement m'envoyer incontinent le s' de Laguyan avecq une bonne somme d'argent ou une lettre pour en prendre icy des banques; car je doibs en ceste ville plus de deux mil escuz et n'ay moyen de les paier ny de m^entretenir sans la libéralité du Roy et votre faveur. Le Roy Catholique respondraà votre lettre duxiij"" novembre par le duc de Nagera.

De Madrid, le xxiij"" décembre 1568.