AlaRoyne

'Madrid, 27 novembre 1568.

Madame, Le gouverneur de Fonterravie a escript au Roy Catholicque par courrier exprès qui l'est allé trouvera Aranchoixle xxvj du présent, que Dieu a donné au Roy la victoire contre ses rebelles avec mort de dix mil d'iceulx qui sont demourez sur le champ, l'ayant ainsi sceu par ung certain personnaîge de Bourdeaulx qui ne luy a jamais menly des autres advis qu'il luy a donnez. Et pource. Madame, que ceste nouvelle luy a esté très agréable, ilasoubdain envoyé la lettre dud. gouverneur au secrétaire Cayes, afin de la me venir monstrer et me dire que Sa Majesté se resjouyt infiniment avec moy pour votre si bon succez. Il ne peult beaucoup tarder que Voz Majestez ne dcpeschent ou n'ayent depesché quelcun pour en porter la cerlainelé par deçà, où volred. victoire me semble avoir grandement pieu à toutes manière de gens, car il est vrayquetousaymentlc Roy au moins de bouche; et se sont faictcs processions depuis ung nombre de jours et prières continuelles par toutes les eglizes de ceste ville, comme j*fentendz que semblablement par toute Espaigne, afin qu'il plaize h Dieu avoir le party de Sa Majesté Très Chrestienne soubz sa très saincle protection contre les ennemys de sonEglize Catholicque et Romaine et contre ses rebelles, recommandant pareillement la paix et unyon des princes chrestiens, et aussi la prospérité des afi'aires de ceste Majesté Catholicque contre ses mauvais subjectz de Flandres et leurs adherans.

Led. S' Roy, Madame, sera en ceste ville le deuxiesme du mois prochain pour recevoir l'archeduc Charles qui est descendu à

> Original. Bibl. Nat.,ms. fr. i6103, f«472.

Barcelonne, le xxij de ce mois, et vient à deux postes par jour. Le prince Ruy Gommes m'a dict qu'il ne faict compte d'estre en ceste court plus de quinze ou vingt jours, mais que les affaires qu'on pense qu'il vient traicter ne seront resoluz d'un bon mois; car il se parlera de l'Empereur en son faict propre et du mesmc archeduc et des Flamengz, oultre les mariages. M'a dict encore ce jour présent led. Ruy Gommes que je puis croire que le Roy son maistre fera ses effortz pour contenter Voz Majestez, en quoy il veult s'employer luy aussi. Bien pense que ced. archeduc n'a point encore receu commission nouvelle de l'Empereur depuis le trespas de la feu Royne; car il ne s'en scavoit rien en AUemaigne; mais le courrier qu'il depescha vers led. S' Empereur après s'estre rencontré à Pesquaire avec le courrier qui portoit la novelle dud. trespas, ne peult meclre longtemps à venir; par lequel il scaura l'intention de lad. Majesté. M'a dict davantage que sond. maistre ne vcult point entendre à se remarier, ains faict le dur; et s'il se remariera, ce sera par importunité de ses estatz; estant led. Ruy Gommes d'advis qu'en attendant nouvelle recharge de Voz Majestez ou nouvelle commission de traicter des mariages, que je poursuive envers ced. S' Roy pour celluy de la princesse Anne, dont il s'est desja parlé, et le prince ou seigneur qui viendra de votre part pourra déclarer votre volunté plus par entier; dont je m'asseure, Madame, que dans peu de jours viendra exprès commandement de votre part, ou bien le personnaige de quallité qui doibt venir; car vous aurez sceu le passaige dud. archeduc, puisqu'il descendit à Marseille du commencement de ced. mois. Et ainsi j'attendray votre première depesche sans rien parler dud. mariage, sinon qu'elle tardast tant que led. archeduc s'en voulsit aller devant que scavoir votred. volunté. Aussi, Madame, led. Cayes me disoit hier que les ministres dud. S' Roy Catholicque ne perdent pas temps à procurer que les mariages des trois Roys France, Espaigne et Portugal se facent le plustost qu'il sera possible; car il est neccessere pour tous qu'ilz se concluent en bref. Il parle tousjours de lad. Princesse Anne pour sond. maistre. la seconde pour le mien et Madame, seur du Roy, pour le roy de Portugal. J'aymerois bien trop mieulx que ce fut en la sorte que les Espaignolz en gênerai dezirent : c'est lad. aisnée pour France, mad. Dame votre fille pour Espaigne et lad.

N«' i58 £T i59. — 23 DECEMBRE 1568 29

seconde pourled. Portugal; et commentque ce soit,lesd. ministres ainsi que j'ay entendu, sollicitent qu'ils se face entre toutes voz couronnes une nouvelle alliance; car ilz craignent que Tamytié eschappe de votre cousté tant contre Espaigne que contre led. Portugal; qu*ilz recognoissent bien que votre Royaume ne peult demourer paisible en soy, s'il ne faict la guerre dehors; et quelque bon semblant qu'ilz facent, je croy qu'ilz aymeront mieulx Madame Marguerite que nulle autre pour les raisons que j'ay dictes à Votre Majesté par autres de mes lettres. Au demourant. Madame, le duc de Nagera ira vers Voz Majestez et partira dans quinze jours au plus tard pour aller f ère l'office de condouUoir pour la mort de lad. Dame Royne; il courra à trente chevaulx; et sera votre bon plaisir fere commander qu'ilz seront prestz par le chemyn plus hors de danger.

Madame, je prie Dieu qu'il vueille continuer de bien en mieulx voz heureux succez et vous donne en très accomplie prospérité très longue vie. De Madrid, le xxvij' de novembre 1568.

Votre très humble, très obcyssant et très obligé subgect, vassal et serviteur.

FORQUEVAULX.