Au Roy

Madrid, 7 avril 1568.

Sire, A l'arrivée du s' de Montmorin le xxvij"»* du passé, ne me restoit que les letres de la Royne Catholique pour faire partir ung des miens avec une mienne petite depesche que j'avois faicte à Vostre Majesté; laquelle va en compagnie de la présente. Nous avons esté luy et moy faire révérence & lad. Dame Royne le xxviij™; et a faict led. s' de Montmorin très bien et deuement sa charge. Mais comme nous penssions faire lendemain le semblable au Roy d'Espaigne, il s'en vollut aller aux champz pour trois ou

1 Autographe. Bibl. Nat., ms. fr. 16103, ^ 379.

N« 128. — 7 AVRIL i568 443

quatre jours; qui a retardé nostre audience jusques au deux"' du présent, que ced. gentilhome luy a bien et sagement discoru le succez de voz affaires, qu'il seroit superflu à moy d'en faire redicte. Led. vS' Roj a faict responce, Sire, qu'il tous baize les mains pour la part qu'il vous a pieu luy donner de vosd. affaires et de quoy il vous plaist d'en demander son opinion et conseil. Que touchant à luy, qu'encore que l'Empereur et tout le monde ensemblement vous conseillassent de faire la paix, i] ne pourroit selon sa conscience vous la conseiller ny persuader, pour ce qu'il cognoist que c'est toutellement contre le service de Dieu et le vostre; car quant à ce qui concerne le service de Dieu, il seroit impossible luy faire trouver bon que vous , Sire , debviés entendre à nul accord avec ceulx à qui Vostre Majesté traicte, estant adversaires dud. S' Dieu et de contraire religion. Et en ce qui touche vostre service, que aussy peu debvez vous ny povez faire une paix si pernitieuse et de maulvais exemple et tant à vostre desadvantage; laquelle vous fera mesprizer et diminuera vostre nom et réputation envers tout le monde de vous estre laissé forcer de voz mesmes subgectz et non point des bons, mais de voz enemys. Qu'il prie Dieu au demourant qu'il ne soit point vray proffeteet que ce qu'il a peur de veoir advenir sur vous son bon frère et sur la Royne, sa bonne mère, denspeu de lempz ne vous advienne, si lad. paix se faict; pour lesquelles considérations, il ne pourroit ny vouldroit conseiller à Vostre Majesté de l'accorder ne consentir, ains seroit fort aize qu'il vous pleust croire son conseil, car il vous le donne de toute sa bonne volunté. Il vous plaira, Sire, entendre le surplus par led. s' de Montmorin et de Testât du Prince d'Espaigne qui va journellement en empirant pour sa délivrance, car le Koy, son père, luy a cassé son escuyrie et toute sa maison despuis trois jours et Tourdezilles où la Royne donne Juhane morut folle, laquelle estoit sa grand mère, ne luy peult faillir.

D'aultres nouvelles. Sire, j'adjousteray à ma letre du xxvj de mars que le troisième du présent sont arrivez des advis de Venize, Naples et Gennes conformes, qu'on faisoit en Constantinople extrême diligence après l'armée de mer; laquelle sera de cent quarante gallaires; et parmy les mahonnes et palandines, sans compter les courssaires, ilz seront cent quatre vingtz voilles portantz homes, artillerie, vivres et munitions en admirable abondance. Icy doubtent La Colette.

Au regard du passage en Flandres, led. prince Ruy Gomes m'asseure qu'il se fera en aoust prochain ; mais il fauldra laisser couller leste pour veoir ce qui adviendra parmy le monde. Je luy ay respondu (c'estoit le iiij"' du présent) que le regard du Prince d'Espaigne, son filz, le retiendra en ce Royaulme. Il m'a dict que n'en fera; car il n'y a home en tout Espaigne qui vollust avoir faict ung pas en faveur dud. Prince contre led. S"" Roy. Je ne scaurois dire s'il sera comme de l'année passée ; mais led. Ruy Gomes et le secrétaire Cayes me l'ont dict et asseuré.

Quant à ce que j'avois escript à Vostre Majesté que ceulx de la Floride sont esté deffaictz et mortz, il est venu letre de l'isle S' Domingo que les gens que Pierre Menendes avoit laissez en lad. Floride furent si contraintz de famine que le capitaine et les soldats entrèrent dans le pais bien avant

pour chercher vivres sur les Indiens; lesquelz se sont assemblez et les ont defaictz et mengez qu'il n'est eschappé ung seul Espcdgnol en vie; puis se sont emparez du fort. Vostre Majesté soit servie que je me remecte du surplus des nouvelles sur la suffizance dud. s' de Montmorin, car j'ay dict par aultres letres qu'on envoyé xiiij compagnies de bizognos en Levant qui seront repartiz aux lieux plus nécessaires.

Sire, je prie Dieu qu'il vous maintienne et conserve très longuement avec très accomplie félicité et santé. De Madi*id, le vij"* d'avril 1568.

Vostre très humble, très obeyssant et très obligé subject et serviteur.

FORQUEVAULX.

N» 129, tome !•', p. 346, lisez :

Madrid, 13 avril 1568.

Sire, Le retardement du s' de Montmorin jusques à ce jourd'huj a esté pour atendre les letres de la Royne, vostre soeur, qui ne les a vollu donner ny le laisser partir qu'on n'ait veu l'entière santé du Roy Catholique; lequel a gardé le lict quatre ou cinq jours à cause d'une sciaticque quiluy veint en sa main droicte lendemain de nostre audience du deuxiesme de ce mois. Il est à présent bien guery. Et comme led. s' de Montmorin et moy allions chez lad. Dame, le dix"« de ced. mois, la supplier pour sa depesche scachant lad. guerison, est arrivé mon courrier avecq les depesches qu'il a pieu à Vostre Majesté me faire du xxiij et xxvij"* de mars; et après les avoir veues, avons poursuyvy nostre voyage et visite, où j'ay présenté à lad. Dame Royne les letres que Voz Majestés luy ont escriptes, que elle a leues en pleurant et gémissant à chauldes larmes de peur qu'il s'ensuyve de la paix quelque desastre contre voz persones.

Je luy ay remonstré, Sire, ce que j'ay sceu imaginer pour l'appaizer, et après l'ay suppliée de renvoyer led. s' de Montmorin, car Voz Majestés sont en peine de luy ; ce que Sa Majesté me promeist pour aussytost qu'il auroit prins congé du Roy, son mary. Vers lequel nous somes retournez l'onsieme de ced. mois, et luy ay dict que Vostre Majesté l'a tousjours cognue de si bonne volunté et affection à tout ce qui vous touche, que vous. Sire, vous tenez à seur et certain qu'il sera bien aise que vous soyez sorty des troubles et nécessités où la guerre vous avoit enfoncé, et y avoir mys ordre par la paix que toutz les principaulx de vostre Royaulme et vos loyaulx subjectz et serviteurs vous ont conseillé et supplié de faire pour mectre fin aux malheurtez etdezollalions qui se faisoyent par toutes les deux armées de mal en pis en voslred. Royaulme, qu'il n'y avoit quasi endroit ny coing d'icelluy qui en fut exempt, et pour aultres grandes et notables raisons et considérations que Vostre Majesté luy fera entendre par ung personage de qualité qui viendra à ces fins au premier jour.

Sire, Sa Majesté Catholique m'a respondu estre bien aise de scavoir

' Autographe. Bibl. Nat., ms. fp. 16103, f» 383.

bonnes nouvelles de la santé de Voz Majestés et vous remercje très affectueusement de la communication qu'il vous plaist \uy donner du succès de voz affaires; et touchant la paix que vous avez faicte, qu'il ne pençoit pas moins sinon que vous la fériés, puisque tant de personages d'auprès de Voz Majestés la procuroyent et voullojent. Qu'il est bien joyeulx que l'ayez faicte si vous l'avez et cognoissez pour bonne, proffîtable et durable; ce qui luy semble ne pouvoir estre pour les mesraes raisons qu'il a remonstrées plusieurs fois et faict dire par son ambassadeur & Voz Majestés et qu'il a dictes aud. de Montmorin en nostre première audience. Que l'amytié qu'il vous porte, Sire, est de si bon cueur qu'il craint aultant les inconvenientz et dangers qui peuvent sortir de lad. paix pour vostre persone et estatz comme si c'estoit en son faict propre, dezirant neantmoins que Vostre Majesté et la Royne, sa bonne mère, faictes estât et compte qu'il n'espargnera jamais choze qui soit en sa puissance pour vous faire obeyr et respecter de ceulx qui vous doibvent obeyssance et service. Ces parolles et aultres, Sire, m'a dictes ced. S' Roy d'un si bon et allaigre visage qu'il m'a semblé ne se donner pas beaucoup de soucy pour son particulier que lad. paix soit faicte en France; car j'entendz qu'il ne faict casny estime d'entreprinse que ses rebelles ou banniz et fuytifz de Flandres puissent faire sur ses païs par eulx ny avec l'ayde et assisstance de toute leur relligion.Tel[s~ remèdes et provision il a mys en ses affaires pour leur résister ne pour crainte d'iceulx ne lairra il pas de faire punir sans mercy ceulx qui contreviendront à ses edictz, l'ayant ainsy escripi et commandé au duc d'Alve qui ne s'y plaîngt ny ne s'y espargne de son cousté.

Et suis encore adverty qu'il passera aud. Flandres cest aoust après avoir veu que deviendront l'armée turquesque et les appareilz du roy d'Alger par terre; faisant astheurcy embarquer six enseignes d'EspaignoIz au port de Malgue pour aller à Oranet xiiij aultres s'embarquent pour Levant. Et quant aud. passage de Flandres, la flotte quiatend à l'ancre es portz de la Coroigne et de Laredoluy couste six cens escus chacun jour. Et pour respondre, Sire, au contenu de la letre de Vostre Majesté du xxiij dud. mars, les députez d'Aragon, Valence et Cathelogne furent contremandez sans ozer poursuyvre leur légation. Le con"* et toulz aultres cailhent qu'il n'y a seigneur à ce jourd'buy en Espaigne qui parle du Prince non plus que s'il estoit mort dix ans a; car ceste Majesté escrivist à toutz les grandz et aux villes maistresses desja du commencement après l'avoir enserré, qu'il l'avoit faict pour bonnes occasions; estant. Sire, l'heur ou le bon entendement de ce Roy cause qu'il n'y a home en ce royaulme qui oze controller ses actions ny s'oppozer à ses commandementz et voluntés, ains tout home luy obeyst de gré ou de force ; et si toutz ne l'ayment, ilz en font pour le moins le semblant.

Au regard de Madame de Parme, Sire, elle se desmit quelque tempz de craingte des levées de Germanie; et combien que elle soit passée en Rallie, n'est pas luy avoir osté la commodité de venir en Espaigne, comme elle avoit volunté, car une grande princesse me l'a dict. Quant aux cens cinquante mil escus que le conte Palatin a faict arrester ensemble la marchandize, le Roy Catholique n'y a nul interest que du retardement des deniers. C'est sur

Lutien Senturion et Gonstantil {sic) Gentil, toutz deux Gennevois, qui sont obligez les faire délivrer au duc d'AIve pour semblable somme par eulx receue par deçà; ilz ont si bien negotié envers led. Palatin que lad. marchandize a esté restituée à leurs facteurs et leur debvoit lad. somme eslre rendue moyennant quelques milliers d'escus qu'il aura pour son vin. Geste arrestation entre les franchizes de Germanie pourra faire honte et dommage aud. Palatin, car l'or monnoyé est quicte de daces et peaçes sur toute la rivière du Rhin; et avecq aultres occas(»ins qu'il a données de longue main à l'Empereur et fraischement d'avoir raesprizé sa prière et deffence, car Sa Majesté l'avoit prié et protesté de ne laisser partir home des siens contre vous, Sire. Parquoy il sera appelle et adjuurné à la prochaine diette; et s'il n'a de bons amys, il est en danger d'estre privé du privillege d'électeur et d'avoir la guerre pour le chasser de sa maison; car le duc de Vistenberg et aultres ses voizins dezirent et demandent la commission dud. S' Empereur pour le maltraicter; lequel droict d'électeur il a forfaict par plusieurs contreventions et desobeyssances contre les edictz imperyaulx ; et de plus qu'il s'est rendu odieux à ceulx qui gardent la confession Augustane. Et croyez, Sire; que s'il a offencé le Roy, vostre frère, qu'il s'en scaura bien venger sans faire grand bruit ny semblant de s'en mesler. Led. S' Empereur doibt aller à Spire ou Ratisbonne pour tenir lad. diète et parlent de Francford.

Sire, je prie Dieu qu'il vous vueille conserver très longuement avec très acomplie santé et félicité. De Madrid, le xiij™' d'avril 1508.

Vostre très humble, très obeyssant et très obligé subject et serviteur.

FORQUEVAULX.

N" 143, tome ['% p. 379, lisez :

Madrid, 15 septembre 1568.

Madame, Pource que le prince d'Evoly s'est tenu aux champz depuis le partement du Koy Catholique, je n'ay peu parler à luy jusques au xij de ce mois qu'il a esté de retour et de veoir Sa Majesté ; laquelle il m'a dict avoir laissé malade de la goûte au gros orteil du pied droit, qui le gardera d'estre en ce lieu deçà le xviij ou xx""' du présent. Il est à Escuryal , comme j'aj escript à Vostre Majesté du x de ced. mois.

Madame, j'ai remonstré aud. prince Ruy Gomes que c'est ung faict estrange que après avoir si longuement atendu quelle rcsponce l'Empereur feroit sur l'ouverture du maryage que Sad. Majesté Catholique luy avoit faicte pour le Roy, il n'y fut esté rien respondu de certain, sinon .simplement que l'archiduc Charles, son frère, viendroit en bref par deçà bien instruict et rezoUu; qu'il est à craindre que telles longueurs pourront desdaigner le Roy qui est recherché d'entendre à telz aultres parti/., que s'il en acceptoit l'un ou l'aultre, |)ossible tout home ne s'en resjouyroit pas. Il m'a faict responce qu'il est vray que son inaistre n'a heu aullre rezollution que la susd. ny sur

» Autographe. Bibl. Nat., uns. fr. 16103, f« 436.

nM43. — 15 SEPTEMBRE 1568 447

remprisonnement du Prince son filz; de quoy il n'est pas bien contente! trouve fort estrange qu'il eust escript clairement aud. S' Empereur sa détermination touchant sond. filz, qu'il ne sortiroit de sa yie de prison ny espouzeroit sa fille pour beaucoup de bonnes raisons ; mais luy conseilloit de la donner au Roy, son bon frère ; que neantmoins led. Empereur n'ait respondu ausd. trois poinctz sinon ce que je viens de dire, qu'il envoveroit led. archiduc avecq sa rezollution sur le tout. Et m'a dict icelluy Ruy Gomes que Loys Vanegues luy a escript qu'il se disoit publiquement à Vienne que led. archiduc debvoit venir exprez pour moyenner la délivrance dud. Prince d'Espaigne et lesd. nopces de Madame l'Infante Anne, encore qu'il deubt demourer captif et perpétué toute sa vie en prison, car l'Imperatriz le vouloit ainsy, et aussy pour déclarer à ceste Majesté l'intention du S' Empereur touchant le maryage de la seconde avec le roy de Portugal, estant déterminé de luy donner seullement cent mil escus pour sond. maryage. Escrivoit semblablement led. Vanegues que selon son opinion led. archiduc portcroit commission et povoir de traicter aultres chozes ; et s'il se fut veu rd'uzé de lad. délivrance et de venir à l'efTect du maryage et nopces pour led. feu Prince, qu'il eust parlé pour le Roy. Et quant & ce qu'on a voUu dire que led. archiduc en cas de reffus desd. nopces, ilparleroit pour soy mesme d'espouser lad. Dame Infante, en leur donnant le gouvernement des Pals Bas, cela semble aud. Ruy Gomes tant hors de propoz et de raison qu'il n'y a lieu de penser que l'Empereur et Imperatriz n'eussent sans comparaison myeuU aymé et tousjours ayment myeulx veoir leurd. fille Roy ne de France, ne povant espouzer led. feu Prince, que de la donner à sond. oncle qui est bien pouvre. Tant il y a que la mort dud. Prince a osté Tempeschement qui povoit venir pour son regard; et croit led. Ruy Gomes que l'archiduc ne viendra point astheurcy ; car de venir pour se condoUoir dud. trespas sans aultre principalle fin ne semble pas occasion assès digne d'ung frère de l'Empereur, veu que cela se pourra faire par son grand escuyer ou aultre ; et à ce que je puis comprendre, ced. S' Roy ne se soucye point beaucoup que ung aultre vienne faire led. office de consolation, lequel pourra traicter du maryage pour le Roy aussy bien comme feroit icelluy archiduc, si ce n'estoit, Madame, qu'il veint, comme je suis adverty d'ailleurs, en intention de demander la Princesse de Portugal pour feme, ensemble led. gouvernement des Païs Bas pour eulx entretenir. Somme, Madame, que led. Ruy Gomes est d'advis et vous en supplie d'avoir patience pour ung peu de tempz, car deux ne trois mois plus tost ou plus tard ne vous doibvent descouraiger ny demovoir de voulloir estre cause et moyen d'un bien inestimable pour voz couronnes et pour toute la chrestienté, m'asseurant que le Roy Catholique dezireled. maryage pourleRoy, son bon frère, aultant que Vostre Majesté et le tient pour faict; et de son endroit dud. prince Ruy Gomes, qu'il s'y employé et vous servira auprès de son maistre comme il a faict jusques àpresant le myeulx qu'il luy sera possible; et ne peult tarder guère de jours qu'il ne vienne courrier dud. S' Empereur ou de Loys Vanegues avecq nouvelles plus claires de vostred. maryage selon la rezollution qu'il aura prinse après avoir sceu lad. mort, qui sera esté environ le xx d'aoust ; et led. archiduc

debvoit partir devant le quatriesme de ce mois, lequel debvoit courir à Ix chevauix et venir s'embarquer à Gennes pour descendre à Barcelonne.. me prometantled. Ruj Gomes de m'advertir de l'arrivée dud. courrier et me dire ce qu'il portera concernant Voz Majestés ; dont je ne feray faulte de vous donner advis incontinent. Et n'a pas oblié à me parler que le Roy sond. maistre est bien fort marry de quoy on luy a ouvertz et veu2 ses paquetz, qu*il croit assès que Voz Majestés n'ont commandé ny heu agréable que si maulvais tour et de tel mespriz luy soit esté faict; et povez bien croire, Madame, que son ambassadeur n'a pas failly d'aigrir le cas le plus qu'il a peu, Parquoy, il semble aud. Ruy Gomes que vous en debvez faire telle démonstration contre ceulx qui l'ont faict que ced. S' Roy demeure content, et neantmoins adviser d'appaiser led. don Francés , afln qu'il adoulcisse ceste Majesté.

Au reste, Madame, il y a nouvelle icy que vingt six galliotes turquesques ont prins trois des vaisseaulx de Pierre Menendes près de Calis et deux navires anglois et ung françois qui venoyent à Seville chargez de marchandises vaillant cent mil escus. Hz ne scavent aulcune nouyelle de l'armée turquesque, dont ilz sont bien esbahiz. Ceste Majesté trouve maulvaise l'ereetion que le Pape vouloit faire d'une nouvelle institution de chevaliers de S' Lazare, à cause que Sa Saincteté prétend en faire le plus grand nombre qu'il pourra en toutz les royaulmes et pals chrestiens, lesquelz jureront de défendre l'Eglise Romaine et les eclesiastiques contre les hérétiques et persécuteurs de lad. église et pense les exempter de toute jurisdition excepté de leur Grand Maistre; ce seroit, à dire vérité, une manifeste puissance d'homes principaulx qui conjureroyent contre les roys soubz prétexte de religion, et selon qu'il m'a esté dict, on ne veulticy admetre ny entendre une si pernitieuze institution.

La flotte de la Neufve Espaigne a porté à Seville douze cens mil escus pour les droitz qu'on envoyé à ced. S' Roy. Et parlent qu'il y a plus de deux millions pour les particulliers ; et s'en faillent deux ou trois cens mil escus qu'ilz dient que des courssaires françois prindrent; lesquelz se sont retirez à La Rochelle. La Roy ne vostre flUe fut à vespres au monastère de Tocbe, le xiij du présent; et avoit avecq elle en sa lictiere Mesdames les Infantes ses filles. Tout le peuple accouroit pour les veoir toutes trois et leur donnoit infinies louenges et bénédictions, priant Dieu leur faire bientost avoir ung petit prince et dezirent que ce soit de ceste groisse. Nous atendons le Roy Catholique à saraedy prochain. La présente va par le capitaine Salezard qui s'en retournç vers le duc d'Alve.

Madame, je prie Dieu qu'il vous doint très longue vie acompaignée de très acomplie prospérité et santé. De Madrid, le xv"* de septembre 1568.

Vostre très humble> très obeyssant et très obligé subgect, vassal et serviteur.

FOROUEVAULX.