Au Roy

Madrid, 26 mars 1568.

Sire, Le retour du Roy d'Espaigne a esté le xx du présent et mon audience le xxiij"*. J'avais receu le jour précédant une petite depesché qu'il a pieu à Vostre Majesté me faire du xxvij de febvrier. Et touchant celle du xxiij dud. mois, qui m'a esté donnée le x"" d'estuycy, je luy en ay dict le contenu en mad. audience, ensemble le succès des affaires suyvant ce qu'il plaist à Vostre Majesté qu'ilz soyent communicquez aud. S' Roy, ainsy que je luy aj déclaré que vous le vouliez et me le commandez. Il m'a, Sire, respondu les

1 Autographe. Bibl. Nat., ms. fr. 16103, f» 375.

Ro 127. — 26 MARS 1568 441

courloizes parolles acostumées du dezir qu'il a que Dieu vous doint le meilleur sur les rebelles, vous remercyant de lad. communication qui \uy est aultant agréable que d'endroit de ce monde dont elle luy scauroit venir. Ce que je croy, Sire; et qu'il accepte ces compliments en très bonne part pour l'amour de vous et de la Royne, car il vous ayrae parfaictement. Bien a creu piteusement ce que jeluy ay dict de votre détermination de voulloir envoyer donner la bataille à l'arrivée de voz reistres, car il est adverty que Voz Majestés ont renvoyé apeller Monsieur le car*' de Chastillon pour reparler de la paix et que Madame la marquise de Rothelin et aultres ne cessent de la negotier, tellement qu'on la tient icy pour arrestée ou peu s'en fault, comme faict semblablement la Royne Catholique, à laquelle je suis esté rendre compte de mad. audience au partir de lad. Majesté; estant commune opinion en ces te court que si lad. paix est faicte ou si elle se fera, que les enemys donneront sur les Pais Bas pour tenir promesse au Conte Palatin d'aller ensemblement procurer la liberté du comte d'Agamont; surquoy ced. S'Roy, afin d'éviter à 8urprinse,faicttenir prestz Allemantz et Italliens en gros nombre ; et le duc d'Alve a commandement d'envoyer souldoyer le plus qu'il pourra avoir de vosd. reistres quand ilz se retireront.

Quant à Navarre, Sire, duquel cousté on ne s'asseure pas beaucoup, veu les remuementz du pais de Bearn, il y a huict compaignies de gendarmes des ordonnances de Castille, qui ont marché vers led. Navarre; et les frontières sont advisées et sur leur garde pour prendre les armes et sortir incontinent qu'ilz seront mendez.

Au regard, Sire, du Prince d'Espaigne, il est au lieu acostumé, et luy eschappe toutz les jours de faire quelque follie. II tenoit, n'agueres de temps, et avoit mys en sa bouche ung sien gros diamant en table qu'il porte en l'ung de ses doigtz; et sans qu'il s'en print garde, il avalla led. anneau comme une pilluUe, puis a esté ung nombre de jours à le chercher et songer ce qu'il en povoit avoir faict. Finablement on a deviné ce qui estoit, pource que une fois, il y a trois ou quatre ans, il engloutist par mesme inadvertence une perle de la grosseur du poulce ; et à force de médecines, il a rendu led. diamant au xvij™ jour après qu'il l'avoit avalé. Il fut bruit que le Roy, son père, l'avoit esté visiter ung beau matin. J'ay sceu depuis le contraire et qu'il ne passa point plus avant que la chambre du s' Ruy Gomes; car delà il povaitouyr clairement et croy que veoir aussy led. Prince. Lequel se porte bien de sa santé, mais très mallade de contentement et plus desconffîe de liberté. Il ne se peult tenir de dire et de faire des follies et de mal parler; lesquelles chozes l'accusent de malsage et d'enemy dud. S' Roy son père. Estant la diversité et répugnance du naturel et complession du père et du filzsi différentes qu'il faudroitmiraculeuzement que l'un d'iceulx se feist tout ung aultre home devant que debvoir espérer que led. Prince sorte de prison tant que sond. père vivra. Si est ce que la prière de l'eglize, en laquelle prière il est coraprins, centinue comme elle souloit de dire par ces propres molz : Et famulos tuos Papam, Philippum regem no«trttwi, Reginam et Principem »mwtrum cum proie regia ; et pourra veoir Vostre Majesté par une coppie qui va avec la présente en quelz termes le Roy, vostre frère, feist entendre led.

en serrement aux ducz et grandz s" d'Espagne, ayant aussj faict deffence à toutz prescheurs de ne aulcunement nommer led. Prince nj en faire mention en leurs sermons.

Au reste, Sire, ce qui se conte de nouveau est que le M* Monteze, gouverneur d'Oran, a escript que le roy d'Alger faict grandes provisions pour Tassaillir, car il aura quatorze mil Turcz harquebuziersetplus de soixante mil Mores; et a envoyé quatre cens cameaulx chargez de pouldre d'artillerie en la ville de Mazagran sur le chemin dud. Alger et Oran. Et le visroy de Naples a donné advis par ung courrier qui est arrivé le xx du présent que l'armée turquesque se redrecoit à extremme diligence.

Led. S' Roy a donné cinquante mil escuz à la religion de Malte, la moytié payable incontinent en Naples et le restant l'an qui vient. Les Commandeurs qui ont du bien en ce royaulme se sont cottisez liberallement k grands deniers pour la fortiffi cation et deffence dud. Malte.

Peu de jours a que le capitaine Serpe, espagnol, est party d'ici pour aller aux Indes du Peru conquester de l'aultre part de la terre et pais adjacent à la rivière du Maraignon, et mènera huict cens soldatz qu'il est allé lever en diligence.

Don Pedro Silve va faire la conqueste de l'aultre part de lad. rivière avec cinq cens soldatz et comptent l'ung et l'aultre chozes incroyables de l'or et argent qu'ilz ont veu quand ilz sont esté descouvrir lesd. païs ; mais n'avoyent les forces pour s'en emparer comme ilz feront.

La flotte qui s'atend de jour en jour à Seville porte trois millions et demy d'or pour les particulliers et sept cens mil escus des droitz royaulx. On asseure qu'il y a plus d'un million et demy d'or caché sur les navires de lad. flotte, sans comprendre la pierrerie, perlerie et aultres richesses et marchandizes de très grande valeur.

Sire, j'acheveray en asseurant à Vostre Majesté que laRoyne, vostre séur, se porte fort bien, ainsy que ses letres feront foy; et ne scachant dire davantage, je prie Dieu qu'il vous vueille conserver très longuement en très acomplie félicité et santé. De Madrid., le xxvj de mars 1568.

Vostre très humble, très obeyssant et très obligé subject et serviteur.

FORQUBVAULX.

N" 428, tome P', p. 343, liiez :