A la Royne

Madrid, 6 janvier 1509.

Madame, C'est une grande merveille à toutz les s" de deçà qu'il ne vient nouvelle de France, en confirmation de Tallée du prince d'Orenge, comme pareillement du progrez de voz forces. Et ne sont pas moins esbahiz qu'ils n'ont lettre de Flandres, ny d'AUemaigne et Itallie, il y a deux mois ou plus. Ce n'est pas à faulte que les courriers ne puissent venir de votre court par deçà ; car je leur ay souvent dict que le passage dud. Paris à Lyon est ouvert et de là jusques à Narbonne; par lequel chemin j'ay faict passer ma depesche du xxiij"" de décembre; et ce porteur suivra ses brisées; lequel est ung petit Flameng nommé Jehan Alard, serviteur de don Francés d'Alava ; par lequel je n'ayvouUu faillir de faire ceste petite depesche à Voz Majestez et vous dire, Madame, que Monseigneur le cardinal de Guise est atendu en ce lieu pour environ le xiiij"' de ce mois. Le cardinal de Siguencc Ta mandé recevoir et festoier en sond. evesché ; le duc de Tlnfentast le festoiera en la ville de Guadelajare, et don Rodrigo de Castro, frère du marquis de Sarrie et grand inquisiteur d'Espaigne, le va atendre en la ville d'Alcala pour le bien traicter. Et toute ceste court l'atend en grande expectatiou, espérant qu'il vient negotier affaires d'importance. Je ne fauldray de luy aller au devant à

quatre ou cinq postes de ce lieu, m'ayant le Roy Catholique deschargé du soucy que ce me fust esté loger ung si principal prince et seigneur; car Sa Majesté y a pourvueu à la royalle. Le duc de Nagera est de retour et s'acheminera vers Voz Majestez tantost après que mond. s' le cardinal sera venu et croy qu'il passera par led. Narbonne comme le moins dangereux chemin. Pourmieulx asseurer lequel pour luy, il sera bon, Madame, qu'il vous plaise mander de bonne heure aux gouverneurs des villes de son passaige, qu'ilz Taccompaignent et facentescorthe d'une ville à autre; car il ira aussi à petites journées de poste comme mond. s' le cardinal vient. Etquand je scauray au vray le jour qu'il debvra partir, je depescheray incontinent vers Votre Majesté pour l'advertir. Le bruict du tumulte des Morisques de Granade se confirme et leur nombre croist chacun jour, si bien que le Roy Catholique a envoyé depuis trois jours trente mil escuz au conte de Tendille, visroy dud. Granade, pour faire gens, et autres trente mil escuz au marquis de Telles en Andeluzie; et le cinq de ce mois, Sa Majesté a faict dire par le cardinal de Siguence aux jeunes gentilshommes de sa court et aux commandeurs et chevaliers des ordres, qu'ilz luy feront service agréable d'aller promptement trouver lesd. visroys et les suivre contre lesd. rebelles; ce qu'ilz font, qui par la poste et qui à journées. Il m'a esté dict que les roys d'Alger et de Fez envoyeront secours ausd. Morisr ques. Don Sancho de Leyne se doibt rendre à Malque avec trente gallères, afin d'empescher led. secours. Et j'entendz qu'en la coste dud. Grannade y souUoit avoir de bons portz qui serviront aux secours de Barbarie et y pourront drecer des fortz pour s'y tenir en seureté contre l'Espaigne. On a opinion que les forces que led. Roy d'Alger assemble soubz couleur d'assaillir Oran, serviront de secourir lesd. rebelles; autres dizent qu'il se servira de lad. rébellion pour luy facilliter l'entreprinze dud. Oran.

Madame, je me donne à penser que comme les difficultez vous naissent et surviennent de pouvoir facillement paciffier votred. Royaume, que tout ainsi et par mesme moyen l'affection de voz voisins se peult refroidir ou demeurer suspendue sans prendre voz affaires à cueur, comme ils debvroient et leur commun danger requiert. C'est, à mon jugement, qu'ilz veullent veoir

quel succez prendront vos affaires; car souventes fois entre les grandz roys voizins y a plus de bon semblant que de parfaicte amytié. Et à ce compte, Madame, j'oze advancer ce mot qu'il ne vous fault point charger toute la querelle d'aultruy sur vos espaulles, ains plustost vous oster et sauver d'ung mauvais passage, puisque vous y estes bien avant, pourveu qu'il se puisse faire avecq votre dignité et réputation. Et après que vous en serez dehors, il vous sera loysible d'ayder h en tirer et délivrer voz voisins; voulant entendre pour mon dire que si le duc d'Alve n'a espousc votre querelle de mesmc avecq vous contre led. prince d'Orenge à bon escient et sans dissimulation, qu'il est raisonable que Votre Majesté regecte le feu qui est embrazé en votre Royaume par les meilleurs expcdientz qu'il vous sera possible et ne vouloir point combattre sur le votre pour le faict d'aultruy, non plus que led. duc ou son maistre ne faict et ne combat sinon de paroUe pour vous. Laquelle Majesté envoyé une lettre de banque au duc d'Alve pour trois cens mil escuz par ung homme de son ambassadeur.

De Madrid, le vj"' de janvier 1369.