Au Roy

Madrid, 13 janvier 1569.

Sire, Tout est au mesme estât en ceste court qu'il estoit au partir de ma depesche du xxiiij de décembre, n'estant encore venu courrier ny nouvelle de l'Empereur, ainsi que l'archiduc m'a dict luy estant allé baizer la main à l'entrée de cest an nouveau; et le scay par autre aussi; duquel retardement s'estonnent le Roy d'Espaigne et luy; car ilz attendent quelcun de quatre courriers qu'ilz y ont depeschés despuis deux ou trois mois; et à ce que j'ay sccu de bonne part, led. archiduc n'a propozé aud. S' Roy depuis son arrivée sinon trois poinctz : le premier pour le renvoy des princes, ses nepveuz, que l'Empereur désire et demande recouvrer à grande instance; le second poinct traicte de la reconciliation du prince d'Orenge, et le tiers que la confession augustanne demeure libre en tout TEmpire à qui la vouldra recevoir et tenir. Lequel dernier poinct ceste Majesté trouve si mauvais qu'il a faict scavoir au Pape que plus tost il perdra

tous ses Païs Bas que de consentir lad. confession; et n'en a pas respondu moins aud. archiduc, ne voulant non plus entendre à lad. reconciliation du prince d'Orenge ny des autres banniz; et requiert aud. S' Empereur luy vouUoir encore laisser sesd. enfans. Ung autre mien amy m'a dict que led. Empereur demande que Milan, Gennes et autres estatz et villes de l'ancien fief impérial y comprenant tous lesd. Païs Bas recognoissent led. Empereur et Tcmpire; à quoy le Roy Catholique respond qu'il y fera adviser par son conseil à ce qui est de raison et Tacomplira. Les électeurs et princes de Germanie tant ecclésiastiques comme séculiers offrent d'eslire don Ridolfe, fils aisné de Bohême, en roy des Romains et paier une grosse somme de florins à son père, pourveu que lad. confession d'Auguste soit libre; ce que led. S' Empereur prie bien chauldement à ced. S' Roy de le persuader au Pape; qui est une requeste faictc en vain; car deux mois devant que led. archiduc soit venu ceste Majesté scavoit qu'il seroit prié de consentir lad. confession, et en reffuz la guerre luy seroit certaine du cousté desd. princes électeurs et autres; surquoy il avoit tenu plusieurs fois conseil d'estat et de guerre pour rezouldre ce qu'il debvroit respondre aud. archiduc ce qu'il pourra faire pour résister à qui le vouldra assaillir. Il faict fort bonne chère aud. archiduc et luy donne et faict donner toutes manières de passetempz, de chasse et vollerie, afin de l'entretenir le plus qu'il pourra.

Sire, je suis esté, le premier de ce mois, à l'audience du Roy, votre frère, qui s'esmerveille beaucoup de quoy il ne scait nouvelles de France ny de Flandres; et desiroit fort que le partement du prince d'Orenge hors de votre Royaume pour rentrer en Allemagne fut certain; les gens de l'archiduc disent que lad. relraicte n'estoit que avec intention de retourner en Flandres avecq plus grandes forces, et semble qu'ilz ayent envie qu'il soit ainsi. J'ay remonstré aud. S' le bruit qu'a publié ung navire qui arriva nagueres à Bilbau en Biscaye, disant que soixante navires estoient arrivés à La Rochelle, les quarante anglois et les vingt françois, qui sont partiz d'Angleterre portantz ung gros nombre de gens de guerre et munitions ; que si cella est véritable, Sa Majesté aura juste occasion de le reprocher à la royne d'Angleterre et de s'en resentir par armes.

nM63. — i3 JANVIER 1569 45

Il m'a faict response qu'il fault atendre à scavoir la vérité dud. bruict et qu'il n'est pour manquer à son debvoir ny à faire ce qu'il pourra en votre assistance contre vos ennemys qui sont les siens, puisque la cause est commune à Voz Majcstez. Au reste. Sire, la plus sonante nouvelle qu'on ait icy à présent, c'est du tumulte des nouveaulx chrestiens du royaume de Granade, qu'on appelle Morisçois; lesquelz sont si désespérez de leur avoir esté défendu de vestir et de parler morisque qu'ils ayment raieulx morir que vivre ; et ung nombre d'iceulx jusques à trente mil hommes en armes prennant et saccageant les lieux des chrestiens, tuant prebtres et moynes, bruslant églises et commectant tous autres actes d'hoslillité, dont l'alarme est très chaulde en tout ce royaume; et parlent qu'ilz sont plus de cent mil Morisçois d'un consentement, ausquels le roy d'Alger a envoyé armes et ung nombre de Turcz et Mores pour chefz; et chacun jour passent gens de Barbarie au secours et faveur d'iceulx, en atendant plus grande puissance dud. Alger, ayant esté ce faict icy consulté et drecé, plus a d'un an, en Constantinople. L'ordre et remède que ced. S' Roy y a mis jusques à présent, c'est d'avoir mandé trente de ses gallères se rendre promptement en la coste de Granade pour empescher led. secours de Barbarie; et Jehan André Dorie viendra avecq les siennes. On faict dix huict bendes d'infanterie en divers liçux; et a Sa Majesté envoyé trente mil escuz au marquis de Mondeje, visroy de Granade, pour faire gens à extrême dilligence; lequel est desja en campagne avec le secours que les bonnes villes luy ont envoyé et la noblesse qui l'est allé trouver; autres trente mil escuz au marquis de los Voiles pour la garde de l'Andeluzie. auquel païs y a semblablement des Morisçois et plus au royaume de Valence que d'autres gens; mais ilz ne bougent point pour encore. La ville d'Almerie est assiégée par trois ou quatre mil Mores et plus de cent villetes ou villaiges sont de leur party. Il est possible que le bruit excède de beaucoup la vérité ; toutesfois il s'en raconte merveilles pour le peu de jours qu'il y a qu ilz ont commencé à rebeller; car c'est seuUement du premier jour de ce mois en çà, et autres parlicuUaritez, que le s' de TregoyUj présent porteur, scaura rapporter à Votre Majesté. Les s" de ceste court n'en font point grand compte; mais si font bien

le duc de Sesse et les autres qui cognoissent lesd. Morisçois et qui ont leur bien au royaume de Granade. C'est ainsi. Sire, que le monde est aujourduy enclin à sédition et les subjects à rébellion en divers endroictz; pleust à Dieu que ce ne fut point en France. La vérité dud. tumulte s'esclaircira mieulx et s'il y a fondement de croire que de Barbarie soient venuz gens et armes, car j'en double fort pour ce qu'en si petite heure ne peuvent estre survenues tant de choses que Ton dict. Le Roy Catholique envoyé le frère du duc de Gondie avecq mil bizogues espagnols à Oran et ung serviteur de don Francés d'Alava part cejourduy et va par Narbonne porter une lettre de banque de trois cens mil escuz pour le duc d'Alve. L'on m'a dict semblablenient que les Morisçois du royaume de Vallence commencent à s'esmouvoir et que le duc d'Alve a despendu cinq millions d'or pour les troubles des Païs Bas depuis qu'il est party d'Espaigne.

Sire, ainsi que je vouUois clorre ceste lettre, est arrive Chefdeville, ung de voz valetz de chambre, avecq une depesche pour Monseigneur le cardinal de Guise et autre à moy. Et pour ce que mond. s' le cardinal est encore sur son chemin, carne debvoit partir de Igualade sinon le vij* du présent, et vient à petites journées en lictiere. led. Chefdeville luy est allé porter sad. depesche. Quant à la lettre. Sire, qu'il vous a pieu m'escrire par luy du xiij' du passé, je ne feray faulte de servir encore à Votre Majesté en ceste charge, comme il vous plaist me commander et limicter le tempz; mais je vous supplie très humblement que voz réitérées promesses par plusieurs lettres commencent de m'apporter bientost quelque bon fruict, car j'ay femme, enfans et filles et soixante ung an- sur mon doz, pour debvoir songer à l' advenir 'mieulx que je n'ay faict. Au surplus, Sire, l'on a renforcé de deux compagnies de gens de pied l'antienne garnison de Perpignan et l'on y envoyé encore des gens davantage; comme aussi vont à Pamplonne huict standartz d'homme d'armes et que infanterie soubz couleur que ung grand pan de mur de lad. ville est tumbé. Ne me pouvant assez estonner de quoy le duc d'Alve ne vous a secoru contre le prince d'Orenge, veu, Sire^ les bons propoz que ced. S' Roy m'avoit tenuz quand je luy en ay parlé aucunesfois, et fera Votre Majesté saigcment de remédier à vox. affaires sans se fier de si

froidz amys qui seroient bien contentz d'estre vengez de leurs rebelles par le sang de voz serviteurs et que la France fut par soy rnesme tant débilitée qu'il ne leur en faille avoir crainte de longtemps, comme je suis certain qu'ilz ne s'en asseurent pas trop.

De Madrid, le xiij"* janvier 1569.

164, — A la Royne.

Madrid, 13 janvier 1569.

Madame, Le duc de Nagera partist hier pour aller vers Voz Majestez faire, à ce qu'il m'a dict, l'office de consolateur au nom du roy d'Espàigne, pour le trespas de la feu Royne. Il s'en va toutesfois passer par sa maison où il atendra sa depesche, faisant estât d'estre'ung bon mois par les chemins et court à vingt cinq chevaulx de poste. Il plaira à Voz Majestez l'envoyer recevoir à l'entrée de votre Royaume, qui sera par Narbonne, comme ced. S' Roy en a uzé envers Monseigneur le cardinal de Guise, et surtout luy faire asseurer son passage; et si je ne me trompe, il ne sortira d'Espagne ny par adventure de sad. maison que raond. s' le cardinal ne soit en ceste court de quelques jours plustost; duquel sieur cardinal je reçeuz her soir une lettre du quatriesme du présent datlée à Iguallade, où il s'est arresté quelques jours à cause d'un rheume quil'avoit prins ces festes de Noël à Montserrat; et se trouvoit beaucoup mieulx que le jour qu'il y estoit arrivé. Mond. s' le cardinal faisoit compte de partir bientost sur une lictiere que le duc de Franqueville luy a envoyée. J'estime qu'il sera icy parle xx™' ou xxv""' de ce mois; car aussi n'y a il rien qui le presse, ny n'est encore mention du temps du parlement de l'archiduc. Le sieur de Tregoyn scaura dire à Votre Majesté de quel soing ceste Majesté a pourveu à son logis et traictement. Je ne faiz aucun doubte que le duc de Nagera ne soit logé et traicté comme il apartient, combien qu'il n'ayt dict de vouUoir descendre et loger chez leur ambassadeur.

Madame, ceste occasion du voiage dud. s' duc de Nagera requeroit assez de vous depescher homme exprès ; mais il y a de plus la nouvelle du tumulte des Mores du royaume de Granade, qui est ung faict de telle conséquence qu'on ne parle

d'autre chose en ceste court. Il est venu nouvelle dud. don Francés le vij""^ de ce mois, que le prince d'Orenge est encore en France plus puissant qu'il n'estoit; et que le camp du prince de Condé faisoit ses efforts de passer Loyre, ayant augmenté ses forces d'ung nombre de cavallerie, qui luy est arrivé d'Angleterre. J*eusse mieulx aymé entendre par lesadvisdud. ambassadeur que le duc d'Alve fut aux talions desd. AUemantz avec une bonne armée et n'atendre point que le Roy combatte sans luy pour la querelle du Roy Catholique dans les entrailles de son royaume; car siled. duc n'y est comme il deubt estre, il n'a passatisfaictàcoqueled. S' Roy son maistre vous a promis, Madame, et à moy; à faultc de quoy, Voz Majestez auront toutes les raisons du monde de remédier à voz affaires par les plus sains et meilleurs expedienlz qui se pourront ad viser selon la dignité do votre réputation, et mesme qu'il est icy voix publique que lcd.*prince d'Orenge est encore en votre Royaume pour descharger les Païs Bas suivant ung commandement de l'Empereur, avecq lequel on dict qu'il s'entend et avec ced. archiduc pour atendre s'il obtiendra sa reconciliation et des autres banniz, et que jusques à tant que ced. archiduc scache le bon mot resoUu du Roy Catholique touchant leur accord, led. prince d'Orenge ne sortira de France; mais il se trompe bien d'y espérer, car il ne l'obtiendra point, quoy qu'il scache faire.

De 3Iadrid, le xiij""' de janvier 1369.