AlaRoyne

Madrid, 7 avril 1569.

Madame, Après mon autre lettre escripte, le secrétaire Cayes m'est venu trouver, qui m'a dict que la deffaicte mentionnée en icelle a esté que scachant le marquis de Mondeje et non de Velles que celluy qui se faict appeller Roy de Granade estoit en ung bon villaige sans grand garde, il feit partir pour l'aller surprendre deux capitaines avec trois cens harquebuziers ; laquelle entreprinse venue à la notice dud. roy More, il abandonna led. lieu et se saulva à partie de ses forces qui n'en estoient pas trop loing ; et arrivant à ung passaige par où il failloit que lesd. soldatz repassassent, il les atendit et les trouvant chargez du butin qu'ils avoient gaigné aud. villaige, il les deffît et mit en pièces facillement. M'a dict icelluy Cayes que VozMajestez ont grand occasion d'aymer don Francés d'AJava, car il a souvent faict de très bons offices envers le Roy son maistre pour Vosd. Majestez, et nommecment au faict des mariages qu'il en a escript des remonstrances qui méritent bien de l'en remercier; ce que je ne vous ay vouUu taire, car les bonnes oeuvres sont dignes de merciz et je ne vouldrois vous cacher la vérité ny vous celler, Madame, que led. Cayes se monstre tousjours prompt à depescher les affaires qui se présentent de voz partz, et me le semble veoir fort affectionné et dezireux que la bonne amytié de Voz Majestez Très ChrestienneetCatlîolicquedure à jamais. Ilseroit, Madame, à propoz qu'il vous pleust dire aud. ambassadeur le contentc-

» Original. Bibl. Nat., ms. fr. 16103, f" 539.

N»' 174 ET i7o, — 7 AVRIL 1569 69

ment que vous avez dud. Cayes, car cella l'animera davantaige à bien faire. Il m'a faict responce de la part dud. S' Roy touchant le passaige de voz gallères de levant en ponent, qu'il pense que Yoz Majestez auront changé de délibération, attendu la vieille datte des lettres qu'il vous a pieu m'en escrire du dix de février et mesme puisque voz rebelles vers La Rochelle sont esté si bien frotez qu'ilz ne feront dors en avant longue résistance, je luy ay reppliqué qu'il nem'appert point dud. changement, et s'il fut, lesd. lettres ne me fussent esté envoyées par le s' de Puitesson qui ne faict que de venir. Et ainsi, Madame, avons arresté qu'il sera mandé à toutz les portz et havre d'Espaigne de n'avoir à donner empeschement à votre armée, ains luy faire comme il est porté par vosd. lettres. Hz ont l'alarme de quarante voiles d'Alger qu'on a descouvertes à votre coste de Languedoc et Provence et pensent que c'est pour guetter les gallères qui doibvent venir d'Itallie pour charger l'archiduc, lequel peult estre de ceste heure à Barcelonne les attendant.

Madame, je prie Dieu qu'il vous maintienne et conserve très longues années en très acomplie santé et félicité. De Madrid, le vij"' jour d'avril 1569.

De sa main : Madame, encore que Cayes m'ayt dict qu'il n'y avoit sinon trois cens hoiçes à la deffaicte, j'ay neantmoins veu trois lettres du deuxième de ce mois qui parlent de plus de six ou sept cens soldatz ou aventuriers espaignolz morts par les Mores; et le principal capitaine d'iceulx qui s'appelloit Fleres est mort aussy; le tout à cause que lesd. Espagnolz estoicnt chargez de bardes et de butin et qu'ilz tenoyentmaulvais ordre. Le nombre desd. Mores (Jui les ont deffaictz estoit de six mil.

Votre très humble, très obeyssant et très obligé subgect, vassal et serviteur.

FORQUEVAULX.