Au Roy

Madrid, 7 avril 1569.

Sire, Le Roy Catholicque fut de retour d'Escuryal en ce lieu, le xxiij dupasse, et Monseigneur le cardinal de Guyse arriva lendemain de ToUede et moy en sa compaignie. Je fuz le xxvij"* baizer les mains aud. S' Roy, afin de demander l'audience pour mond. s' le cardinal, qui fut, au xxviij-% luy faire entendre les nouvelles qui nous estoienl venues de divers endroictz et non de votre cousté. Sire, car y a longtemps qu'il n'en est rien venu; lequel S' Roy Tavoit envoyé advertir led. jour de matin d'un advis qu'il venoit de recevoir du gouverneur de Fonterravie touchant la victoire qu'il a pieu à Dieu vous donner. Sire, par Monseigneur d'Anjou, de laquelle il a esté mieulx acertené par le s' de Villéguicr le jeune, que mond. s'adepesché par deçà porter lad. bonne nouvelle; et est arrivé le trentième dud. mars, et Test mond. s' le cardinal allé présenter aussitost aud. S' Roy, votre frère, qui a receu ung contentement extrême de lad. victoire, louant et magnifiant Votre Majesté et de la Royne et mond. Seigneur d'Anjou jusques aux cieulx, sans oblier d'en faire rendre grâces à Dieu par toutes les églises de ceste ville; et led. s' cardinal feit chanter Te Deum laudamus le soir en la prochaine église de son logis par les chantres de la chappelle de ceste Majesté, où y eut grand concours de ce peuple, et processions générales s^en sont faictes en cested. ville comme se vont faisant en toutes autres villes d'Espaigne, estant cested. nouvelle tant agréable à tous qu'il seroit impossible de plus ny avec plus glorieuse exaltation de votre nom très chrestien.

Sire, pour ce que mond. s' le cardinal vous escript présentement par le s' de Beaulieu ce qui a passé entre led. S' Roy et luy en lad. audience et ce que Tevesque de Cuengue luy a dict et d'autres particuUaritez, je diray seuUement à Votre Majesté pour nouvelle d'importance, me remectant de maintes chozes menues sur la suffisance dud. capitaine qui a tout veu, qu'il est venu d'Allemaigne ung secret advis comment en la fcste et assemblée qui s'est faictc ce caresme prennant chez l'électeur de Saxe, a

« Original. Bibl. Nat., ms. fr. 16103, f« 537.

esté complotté, rezollu et promis d'eslîre led. duc Auguste à roy des Romains sans le consentement de TEmpereur, et qu'il y aura de terribles et dangereux remuementz de guerre en la Germanie dedans Tannée où nous sommes. Quant à la guerre, Sire, des Mores de Grannade, elle n'est pas encore appaisée; etn'agueres de jours que trois ou quatre cens soldatz que l'archcvesque de Cordoue envoioyt de secours au marquis de Mondejc. furent tuez de nuict au lict par les Mores d'un villaige où ils s'estoient logez passant leur chemin et y avoient esté receuz amyablement. On faict bruit qu'ilz sont bien fortz dens les montaignes dud. royaume et sont après pour fondre et gecter ung nombre de pièces grosses d'artillerie, qui n'est pas signe, si cella est véritable, qu'ilz ayent envye de se rendre à discrétion, comme aucuns dizent; et le fils dud. marquis veint vers ceste Majesté le premier' de ce mois par la poste luy dire de par son père que cent et neuf villettes ou gros bourgs desd. Mores se veuUent remectre à l'obeisçance et mercy d'icelle, estant d'oppinion led. marquis n'y avoir lieu d'envoyer par delà don Juhan d'Austrie ny d'entrer en grosse despence pour lad. guerre, car il promect de réduire le tout dans bref tempz, pourveu qu'on luy donne des forces davantaige. Si est ce que pour sa remonstrance n'a laissé lé Roy Catholicque de faire acheminer led. don Juhan vers led. Grannade ; lequel partist de ce lieu le deuxième de ce mois, Loys Quixade avecq luy, et le duc de Sesse l'a suivy le quatrième de ced. mois. Led. don Juhan doibt avoir quinze enseignes d'infanterie, oultre ce qui est desja aud. païs; et luy arriveront trois mil hommes de pied d'Itallie sur les gallères qu'on attend; aussi le vont accompaigner tout plain de s" et cavailliers des trois ordres et autres et les bonnes villes luy envoyeront telles forces à cheval et à pied que son conseil demandera; m'ayant esté dict. Sire, que après que led. don Juhan aura veu si lesd. rebelles se veullent rendre soubz la discrétion du Roy d'Espaigne, leur seigneur, ets'estre mis en debvoir de les y contraindre par force, il ira s'embarquer sur les gallères qui seront cinquante pour le moins; et ne scaurois dire à Votre Majesté sur quel dessain c'est i ; mais le personnaige de Marseille mentionné en ma lettre de Tollede m'a dict qu'il pense avoir descouvert qu'il y a quelque intelligence avec le roy d'Alger, lequel est naturel de Calabre

et n'a point espérance d'estre continué longuement en sa charge; laquelle pratique est menée par ung corsse résident aud. Alger, qui a deux frères demeurantz à Vallence la Grand, l'un desquelz va et vient pour negotiateur de ce faict avecq le conte de Benavent, visroy dud. Vallence; tout sera que led. Calabrais chreslien renyé ne les trompe tant qu'ilz sont. L'occasion dud. embarquement, Sire, pourroit estre aussi afin d'asseurer le passaige de la Princesse Anne, fille de TEmpereur, si elle viendra de Gennes à Barcelonne cest esté, comme beaucoup de gens tiennent pour certain et je l'ay aprins de bon lieu.

Sire, j'avois poursuivy ma lettre jusques à ce point, lorsque le s' de Puitesson est arrivé, qui m'a donné celles qu'il a pieu à Votre Majesté m'escrire, me commandant du neuf de février que j'obtienne du Roy, votre frère, ung mandement de recevoir voz gallères en ses portz et havres d'Espaigne, si elles y aborderont. A quoy. Sire, je ne feray faulte; et advertiray Mons' le baron de Lagarde. Quant à celle du xiiij de mars, il estoit venu nouvelle de la malladie de la Royne et de son amendement à mesme instant, qui est niieulx confirmé par les lettres de Voz Majestez du xxj"" dud. mars, dont Notre Seigneur soit loué infiniment, et de quoy il luy plaist vous conserver encore et vous prester lad. Majesté, ensemblement à votre Royaume et à toute chreslienté pour le bezoing inestimable que elle faict h toutz. Et respondant, Sire, à ce qu'il plaist à Votre Majesté me commander par lad. lettre, que je ne me lasse point de vous faire service par deçà, c'est une paroUe trop courtoizement dicte d'un si grand Roy à ung tant inutile serviteur que je suis. Mais je ne puis. Sire, me garder de me plaindre et vous dire que deux si grandes occasions de vous servir en charge plus importante et honnorable que ceste cy n'est, ont passé en ces deux derniers troubles, que je voy bien qu'il ne me fault espérer dors en avant aucun advancement de Votre Majesté, duquel je me puisse contenter, car cent autres m'ont gaigné le devant depuis que je suis en Espaigne, qui n'ont jamais heu les charges que j'avois heu en France et en Itallie,ny vous ont faict ny scauroient faire plus de service et en tant de sortes comme j'ai faict. Parquoy ce m'est ung regret qui me donne la mort, et ne me sentz point la suffizance ny l'entendement pour continuer ceste charge si digne-

ment et dilligement que je debvrois ; car de plus je n'ay crédit ny amy par deçà que je n'aye employez et empruntez, et n'ay moyen de m'en aquicter que par voire libéralité.

Sire, je prie Dieu qu'il augmente votre bonheur et prospérité, ainsi que voz plus devotz serviteurs dezirent, et vous doint acroissement d'estatz et royaumes, ensemble très longue vie et parfaicte santé. De Madrid, le vij"* jour d'avril 1569.

Votre très humble, très obeyssant et très obligé subject et serviteur.

FORQUEVAULX.