A laRoyne

Madrid, 44 avril 4569.

Madame, Hier matin partirent de ce lieu la Princesse de Portugal et les Princes de Bohême pour le Parde, où ilz atendront le Roy Catholicque à samedy prochain; et avoir esté ledimenche avec luy, ilz iront à Aranxois y passer le primevère jusques à l'entrée de juin ; et led. S' Roy sera lundy icy, où sont mandés se trouver les cardinal de Siguence, le confesseur et prince d'Evolly, afin d'entendre ce que Monseigneur le cardinal de Guize a charge de leur respondre par votre dernière depesche. Il fault, Madame, croire que ced. S' Roy l'en renvoyera rezoUu à votre contentement; car il ne le quictera pas à moins que d'en rapporter une response claire et ample et à votre satisfaction; mesme que Voz Majestés sont d'accord sur la principalle difficulté à qui auroit l'aisnée, de laquelle n'a pas esté tant debatu comme j'eusse cuydé, ains après que par votre commandement j'ay heu rcmonstré et quasy protesté ausd, s" ministres et au secrétaire Cayes, disant qu'il vous seroitfaict tort de vous oster la Princesse Anne qui estoit promyzc au Roy de toutes par[t]s. Neantmoins Voz Majestés ont doulcement accepte la seconde, laquelle aussy, à confesser vérité et au dire de ceulx qui l'ont veue de peu de tempz en çà, est plus belle que son aisnée et par plusieurs considérations convient myculx à Sa Majesté que lad. Infante Anne. Voyons, Madame, quelles conditions on vous propozera pour venir à l'effect et sur le maryage de Madame pour le roy de Portugal; car j'ay opinion que ceste Majesté Catholicque vouldra avoir Thoneur du tout et le bon gré. Et à ce que led. s' Ruy Gomes ne souUoit dire sur le traicté de Taisnoe, il touchera k son maistre à faire la maille bonne du dot pour sad. niepce, pour ce que l'Empereur ne pourroit.

Madame, il vous avoit pieu de dire au s' Tregom et croy que aussy au s' de Laguian, que le premier office de consellicr du parlement de Tholouze qui vaqueroit seroit mien pour en faire mon proffil. Je scay que despuis votred. promesse ung consellier nommé Corniardy est mort, et pour ce je vous supplie très

' Autographe. Bibl. Nat., ms, fr. 46103, f« 543.

humblement que led. office me demeure et m'en donner encore ung aultre premier vaccant, car ce seroit trop peu d'un seul pour payer la generalle d'Albene et autres debtes qui me pressent; mais il ne fauldroit pas rendre inutiles ces dons comme celluy des quatre mil livres de pension qui ne m'a esté acomply, jaçoit que cinq cens eveschés ou abbayes ayent vacqué depuis que le brefvet m'en fut depesché et envoyé; lequel je vous renvoyeray pour vous donner à cognoistre que je ne mentz point.

Semblablement, Madame, vous avez respondu ausd. Laguian et Tregoin que le Roy me donnera voluntiers la confiscation des biens de quelque riche huguenot, si j'en veulx soit en spirituel ou en temporel. A quoy je n'ay voUu faillir vous faire rcsponce^ Madame, que je ne feray aulcune difficulté ny conscience d'accepter la confiscation des biens d'un des huguenots rebelles au Roy et vous supplie très humblement me faire ce bien de me la faire avoir bien donnée et asseurée, car aultrement seroit m'acquerir une querelle perpétuelle pour néant. A ce propoz, Madame, j'escriptz à ma feme qui s'est retirée à Narbonne où elle m'atend, et luy mande que elle advise s'il y a choze qui vaille le demander; et pour ce, si madicte feme prendra la hardiesse de supplier Votre Majesté de nous faire du bien et à noz petitz enfans, Votre Majesté nous pardonne à elle et à moy, et luy plaise croire que nostre espérance consiste en votre bonté, Madame, et non sur la faveur de prince ny de seigneur vivant, quelque bonne part qu'il ait auprès de Voz Majestés, ausquelies je confesse et recognois debvoir la vie et le service que si petit subject votre leur peult rendre ; et suy marry qu'il ne vous plaist que je vous en face de plus grandz en France que je n'ay faict ny scaurois faire en ceste charge.

Madame, je prie Dieu qu'il vous doint très contente et très longue vie, secondée de ferme santé. De Madrid, le xiiij"*^ d'avril

Madame, ce jour présent sont arrivez icy huict homes eschappez d'Alger, qui en sortirent il y a trente jours. Hz comptent (5/t) qu'on y atendoit le filz de Shalla Raiz, lequel y retourne pour roy; et se retirera à Constantinople ccUuy que le Grand Seigneur y avoit substitué en sa place, lequel est natif de Calabre; et en atendant sond. successeur, il tient à l'ancre quatorze bons vais-

jjc. ^70 ET 177. — A MAI 1569 75

seaulx chargez de tout son bien et de ce qu'il a peu desrober, et armez d'homes à luy fidelles. Et afin de ne povoir estre empesché de faire voille à sa vohmlé, il a donné commission à toutz les coursaires de lad. ville d'aller en course à leur adventure, de sorte que seuUement sesd. xiiij vaisseaulx y sont demeurez. Il vous plaira, Madame, vous souvenir de ce que j'ay escript sur ce faict du roy d'Alger à Votre Majesté, suyvant le propoz que Simon Longis de Marseille m'avoit dict ; car les chozes se raportent les unes aux aultres pour en veoir sortir quelque grande nouveaulté bientost.

Votre très humble, très obeyssant et très obligé subject, vassal et serviteur.

FORQUEVAULX.