Au Roy

Madrid, 4 mai 1569.

Sire, S'en retournant vers Votre Majesté Monseigneur le cardinal de Guise, je suis assez excusable si cestc lettre va bien courte, car il s'en part amplement satisfaict et instruict de tout ce qu'il a pieu h Votre Majesté et à la Royne luy donner charge. Il ne me reste autre chose à vous compter des affaires d'Espaigne, sinon qu'ilz sont icy en merveilleux pensement de leurs gallères; car de xxiiij qui partirent de Marseille, il n'y a que celle du grand commandeur d'arrivée à bon port, laquelle est à Palamos. Il est bruict que la patronne du duc Florence pourroit estre perdue ; on sçaura dens peu de jours la vérité, n'estant possible de couvrir longuement leur fortune. Au regard. Sire, des rebelles de Grannade, ilz ne pourront guère durer davantage, car tout leur fault et s'enfuyeroient voluntiers en Barbarie, s'ilz avoient de quoy passer la mer. Le loy de Portugal a armé une bonne flotte contre les Anglois, qui soubz couleur de certaines représailles ont prins quelques navires portugois; leur royne d'Angleterre veut faire acroire au monde que France, Espaigne et Portugal ne peuvent sinon bien petit auprès d'elle, et le croira led. monde si Vos Majestez luy endureront de continuer sans vous en ressentir. Ne voullant faillir de respondre à Votre Majesté que je n'ay faict faulte de communiquer aud. S' Roy et

à moud, s' le cardinal la lettre et advis qu'il vous pleust m'envoyer du cinquiesme d'avril que je receuz le xxij"* ; et pouvez bien croire, Sire, que le Roy, votre frère, n'est pas fort aize d'avoir si mauvais hostes en la Franche Comté, comme sont le duc de Deux Ponts et ses gens, desquelz il espère la vengence par voz forces, qui leur feront payer l'escot bien chairement.

Sire, le commandement du Roy Catholique a esté depesché à ses portz de mer pour accommoder voz gallères en leur passage de ponent; mais si Votre Majesté attendra le retour de mond. s' le cardinal de Guise, pourra estre qu'il vous plaira les retenir jusques en septembre, comme il vous dira la raison pourquoy.

De Madrid, le iiij"" de may 1569.

Madrid, 4 mai 1569.

Madame., Après que Monseigneur le cardinal de Guise a heu languy quelques mois en ceste court, il part finabrement bien rezollu de tout ce dont Voz Majestez luy avoient donné charge ; et laisse le Roy Catholique à merveilles bien satisfaict et content de sa negotialion et manière de negotier, comme il est aussi de toutes ses autres actions; en telle sorte qu'il n'y veint, longtemps a, prince ny seigneur par deçà qui ait laissé meilleur nom et odeur de soy que faict mond. Seigneur le cardinal tant à l'endroit de Sa Majesté que de leurs Altezes et des autres seigneurs, si bien que je luy ay oy dire plusieurs fois et l'a dict à autres, que Voz Majestez n'eussent sceu faire élection de prince ny sieur qui luy fut esté plus agréable ny par aventure tant; car il ayme et prise très grandement la bonté, sincérité et franchize qu'il y a cogneu; et c'est avec telz personnages qu'il est bien aise de traicter les affaires de grand pois ; vous asseurant. Madame, que le secrétaire Cayes s'est monstre très fort affectionné en toute ceste negotiation ; et je scay certainement qu'il estoit grand serviteur de la feu Royne, laquelle le tenoit pour tel; car elle me le disoit aucunes fois; et dezire led. Cayes et vous supplie très humblement. Madame, qu'il vous plaise croire qu'il se reputera bien heureux s'il vous plaira luy commander pour votre service.

N»' i78 ET 179. — i5 MAI 1569 77

Il a juré au demourant que le s' don Francés d'Alava s'est employé aultant affectueuzement et fidellement en ce négoce et autres concernantz le bien et honneur de votre couronne, comme subject et serviteur votre de sa condition scauroit avoir faict; ce que je tiens pareillement d'ailleurs et croy certainement qu'il Ta faict depuis que le dernier trouble a recommencé; car il ne deziroit tant choze en ce monde, ny le Roy son maîstre, que de veoir Vos Majestez declairéestoutellement contre les huguenotz; et puisque cela est, il se metroit en pièces pour votre service. De Madrid, le iiij"* de may 1569.

Madrid, 15 mai 4569.

Sire, J'envoye présentement à Mons' de La Garde une commission du Roy Catholique qu'il m'a accordée au premier mot pour commander en toutz ses portz et havres où voz gallères arriveront allantz en ponent, de les recevoir, traicter et accommoder de la mesme sorte qu'il est porté par la lettre que Votre Majesté luy a cscripte sur ceste intention; laquelle lettre led. de La Garde m'a envoyée de Marseille du xxij d'avril; et je Tay receue le vj"' de ce mois. J'ay prié l'ambassadeur de Portugal de vouloir escrire au roy son maistre que si vos gallères aborderont aux portz de son royaume, qu'il soit son bon plaisir de commander leur estre faict bon et gratieux racueil; ce que led. ambassadeur m'a promis de faire, m'asseurant que son roy et ses subjects y verront et recevront les vôtres et votre armée pour le moins d'aussi bonne volunté que les Castillans feront; lequel roy de Portugal auroit faict armer trente grands gallions et autres vaisseaulx contre la royne d'Angleterre à l'instigation dud. S' Roy son oncle, qui prometoit luy aussi d'armer une grosse flotte contre lad. Dame. Toutesfois despuis qu'il est party pour Aranxois, il a escript aud. roy et mandé à l'ambassadeur icy résident qu'il luy escrive et prie de sa part de desarmer ; car il n'y a lieu pour le présent. Qui est, Sire., une grande patience à ceste Majesté, car il est tout advcrty que les Anglois ont ces jours passez saccaigé le lieu de S*" Marthe en Gallice, prins et arresté grand nombre de ses subjects; sur quoy, je luy remons-

trois en ma dernière audience que toutes Voz Majestez devroient armer une grosse puissance par mer pour avoir vengence des tortz de pirateries commis par lad. Dame royne ou de son commandement, mesmes que par ungadvis quej'ay receu de France, lequel je feiz veoir à ccd. S' Roy, elle s'estoit declairée votre ennemye à guerre ouverte; il me feist response, comme quelques autres fois il m'avoit faict, qu'il fault atendre encore pour en scavoir la vérité; et s'il est ainsi qu'elle se soit declairée, il est bien d'opinion qu'il y fauldra remédier et la chastîer. Je me doubte qu'il espère d'accommoder le différent qu'il a avec elle par autre voye que des armes; car il m'a semblé veoir que Sa Majesté en parloit ung peu trop froidement, ou soit qu'il veult plustost mectre fin au trouble de Granade qui le travaille plus qu'il ne pensoit du commencement, et le feroit davantage pour petit secours qu'il veint aux Mores ses rebelles du cousté de Barbarie comme ils y ont espérance, veu que d'eulx mesmes ils se deffendent et toutz les jours desfont les chrestiens qui entrent follement en -leurs montagnes, qui est ung pays tant advantageux pour lesd. Mores naturels d'icelluy, que dix en vallent cent; et jamais le roy don Ferrand après la conqueste de Granade ne les peult vaincre ny dompter par force en trois fois qu'il Tentreprint, ains fut contraint de leur accorder certaines capitullalions pour en estre obey; lesquelles iceulx Mores allèguent leur avoir esté rompues non une, sinon plusieurs fois, les surcliargeant de tribut sur tribut et de conditions iniques, dont la dernière de leur deffendre le parler et le vestir moresque les a mis au desespoir où ilz sont. Pour fin de ceste lettre, Sire, ung marchant françois qui est arrivé par mer à Bilbau, asseure que la paix entre Votre Majesté et lad. royne d'Angleterre fut criée à Nantes le xiiij"' d'avril avec restitution de tout ce qui a esté prins et arresté d'une part et d'autre. Il compte davantage que la royne de Navarre et le prince son filz ont envoyé demander pardon à Votre Majesté, la suppliant de les remectre en votre grâce et leurs estatz soubz condition qu'ils seront voz très loyaulx parentz et serviteurs toute leur vie. Je n'ay peu entendre de quel goust est prins ced. advis; mais il vient du secrétaire Cayes qui me l'a envoyé dire.

De Madrid, le xv"' de mav 1569.