A la Royne

Madrid, 26 juin 1569.

Madame, Si j'eusse cogneu beaucoup de chaleur par ci devant en ceste Majesté et en ses ministres sur le traicté du mariage du

Roy et non une trop froide et lente longueur, j'aurois de bon cueur atendu à vous faire ceste depesche jusques à ce queled. S*" Roy Catholique m'eust dict de la bouche quelle response luy a faicte l'Empereur. Toutesfois pour ce que je scay que l'heure vous est ung jour, en attendant lad. response, je n'ay vouUu faillir de vous advertir comment le courrier dud. S' Empereur est arrivé le xviij de ce mois. Il est vray qu'il ne me sera dict ce qu'il a porté qu'on ne soit en juillet par aventure bien avant. A ceste cause, j'escriptz au Roy l'escuze que Mons' le cardinal de Siguence m'a faicte pour Sa Majesté Catholique. Et ne scay. Madame, s'il luy faict pensement de se remaryer si tost et qu'il vueillc que le Roy Monseigneur atende sa commodité; car on compte entre les discoureurs de ceste court que les deux Princesses qui doibvent estre Roynes de France et d'Espaigne viendront de compagnie s'embarquer à Gennes pour vous laisser la notre à Marseille en passant et prendre Madame en change qui acompaignera celle d'Espaigne jusques à Barcelonne; et après sera portée sur les mesmes gallères en Portugal. Aussi je ne scaurois encore dire s'ilz attendent scavoir devant toute oeuvre ce que Voz Majestez respondront à mond. s' le cardinal de Guise sur la demande qu'il a esté prié vous faire de la part de ceste Majesté Catholique de mad. Dame votred. fille pour le roy de Portugal, ou bien, s'il est ainsi qu'on m'a dict, qu'il vueille communiquer et rezouldre en son conseil d'estat les articles et conventions qu'il vous doibt propozer au nom de l'Empereur; lequel conseil est en ceste ville; qu'il ne s'en fault que le prince Ruy Gommes qui ne fera faulte d'arriver le mesme jour que son maistre d'une sienne maison à douze lieues d'icy, où il a mené sa femme y faire ses couches; car je n'oze penser, Madame, que cested. Majesté atende qu'elle fin prendra le duc de Deux Pontz, ou si vous ferez la paix comme il en a couru le bruict; mais à quelque fin que ce soit, sa response ne peult prendre long traict; car je seray bon soliciteur pour la scavoir et diligent à vous l'escrire et envoyer par courrier exprez, m'estant laissé dire que le Roy Catholique envoyera lors sa depesche par le s' Almede à son ambassadeur ainsi moyenne par led. Ruy Gommes et l'ambassadeur de Portugal de luy faire avoir led. voyage; car ils sontPortugallois tous trois et désirent s'insinuer de bonne heure en la

N» 181. — 26 JULN 1569 83

bonne grâce et servitude de Madame qu'ilz tiennent desja pour leur royne.

Au reste, Madame, le voyage que vous avez faict au camp de Monseigneur d'Anjou a donné grand soubspeçon qu'il s'y traicloit d'accord, duquel ilz ont icy belle peur, craignant que la tempeste aille puis après tumber sur les Païs Bas et ne s'asseurent poinct trop que le duc de Deux Ponts ne fust homme de venir en Espaigne, si la paix de France se faisoit et qu'il n'eust grand suitte d'autres hugnenotz. Je leur ay dict et asseuré que votred. voiage. Madame, est pour autres fins et considérations que celle de la paix et qu'on entendrabien que de votre venue en l'armée accompaignée de Messeigneurs les cardinaux de Bourbon et de Lorrhaine et d'autres s" de votre conseil ne succédera que tout bon ordre à la confusion et perte des ennemys.

Madame, j'ay visité Mesdames les petites Princesses qui se portent fort bien; et m'a commandé Madame Ysabeau de vous escrire que elle vous prie de luy envoyer des jonches et des marbres pour jouer. Elle a la parole distincte et a son commandement. Madame Catherine commence à parler quelques motz, et au moins a elle ung mot fort comun en sa bouche, c'est d'appeler bobbe celle des dames qui ne faict à sa volunté. J'ay, au demeurant, reccu les lettres qu'il a pieu à Votre Majesté m'envoyer du xij* au xix* de may. Et pour ce que les s" de Laguian et de Trcgoyn ont escript qu'il vous a pieu me faire donner ung office de consellier de Tholose, je ne veulx faillir d'en remercier très humblement Votre Majesté. Ce ser^pour m'aquicter envers la generalle d'Albenne. Il sera votre bon plaisir. Madame, de faire contenter l'ambassadeur d'Espaigne des douze mil realz qu'il m'a prestez, il y a ung an, car il a grand raison de se repentir de m'avoir secoru par deçà en maneccessité. Pour fin. Madame, le Roy Catliolique, après avoir esté icy, s'en retournera aud. Bosc passer les grandz chaleurs; la Princesse de Portugal et les Princesses de Bohême aussi; puis s'en iront en Aragon tant pour tenir les cours de Mousson comme pour recevoir la Princesse Anne; le mariage de laquelle est très agréable aud. S' Empereur; et l'aura dcns la fin d'octobre à Barcelonne, s'il la veult. Et n'est pas moins bien aize de faire sa seconde fille Royne de France, en quoy n'y aura nul retardement, s'il ne tient à cesle

Majesté, car je Tay ainsi entendu. Toutesfois il y pourra intervenir de la ceremonye espaignoUe et tirer les chozes à quelque longueur pour ce qu'ilz dient que les mariages des roys doibvent estre conduicts avec authorité; réputation et gravite. J'entendray mieulx la vérité de ce faict par la response de ced. S' Roy et d'ailleurs tant qu'il me sera possible, dont j'en advertiray Votre Majesté par ung des miens; et suis adverty, Madame, que une bonne flotte debvoit partir de Portugal pour aller aux Isles Tercereau devant de leur flotte des Indes, et autre armée demeure preste à Lisbonne pour tout ce qui fera bezoin. De Madrid, xxvj"° jour de juin ISC9.