Au Roy

Madrid, 26 juin 1569.

Sire, Ce qui m'a retenu d'cscrire à Votre Majesté depuis ma depesche du quinze de may a esté que je attendois de jour en jour le retour du courrier qui debvoit porter la rezoUution de l'Empereur; laquelle attente m'a mené jusques à présent, estant led. courrier arrivé seullement le xviij"* de ce mois.

Je voulois partir lendemain pour aller trouver le Roy Catholique, votre frère, au Bosc de Segovie, afin d'entendre de sa propre bouche la rezoUution; mais Monsieur le cardinal de Siguence et le secrétaire Caves qui scavent le peu de plaisir qu'on faict aud. Roy de l'aller trouver en ses maisons des champz, furent d'advis que j'atendisse qu'ilz luy eussent faict scavoirle dezir que j'avois, pour me gouverner après suivant ce qu'il respondroit; qui leur a mandé n'y avoir lieu que je bouge d'icy; ainsi ont passé trois ou quatre jours; et le xxij de ced. mois, led. s' cardinal receust une lettre de Sa Majesté pour me parler; ce qu'il feist le xxiij"" que je fuz vers luy, où il me deist de la part dud. S' Roy et me pria d'avoir patience d'atendre son retour en ceste ville; car il alloit faire ung passage au monastaire de Parracez, où il n'arresteroit poinct; ains seroit le jour S* Pierre xxix"' du présent à Escur\'al et dens la fin de la sepmainc prochaine seroit en ceste ville; pendant lequel temps Sa Majesté verroit les lettres qu'il a receu par led. courrier; lesquelles il n'avoit encore heu loisir de lire, et me declaîra entièrement leur contenu, comme pareillement il depeschera tantost après ung courrier esprez pour vous faire -entendre. Sire, et à la Royne bien particullierement l'intention dud. S' Empereur. Autre response ne me pourroit il faire pour le présent, bien me promectolt led. s' cardinal sur son honneur et pour la vida del Rey que Voz Majestez demeureront fort contentes. J'eusse voulu et en ay faict mon debvoir de tirer une plus claire response dud. cardinal, auquel j'ay remonstré qu'en ceste saison d'une guerre si eschaulfée comme elle est dans le cueur et en plusieurs endroictz de votre Royaume pour la querelle de toute l'Eglise Catholique et de toute chrestiensté, il n'y a lieu de passer froidement ung faict que vous. Sire, prenez et avez à cueur sur tout aultre; car telles dillations dont le propoz

est en termes de trois ou quatre ans en çà ne vous peuvent contenter, mesme ayant promis ced. S' Roy à Monseigneur le cardinal de Guise qu'en arrivant lad. rezollution, tout aussy tost il la luy feroit tenir pour la dire à Voz Majestez. Icelluy cardinal de Siguence, Sire, m'arespondu plusieurs fois n'y avoir autre remède pour ceste heure, sinon d'atendre que ced. S' Roy soit icy, car il vouldra respondre clairement sur toutz les poînctz qu'il faut resouldre en votre mariage, afin d'evicter à longueur et perte de tempz. Je croy. Sire, qu'il veult consulter led. négoce comme très important avec led. cardinal et son conseil d'estado ; ce qu'il ne peult commodément estant aux champz. Le secrétaire Cayes m'a juré par mil jurementz qu'il n'y a finesse ny mauvaise intention en ce qui m'a esté respondu et que les lettres que ceste Majesté vous escript présentement et à la Royne de sa main sont pour vous prier de n'entendre en aucun accord ny paix avec le duc de Deux Ponts ny avec voz rebelles, mandant au duc de Nagera et à don Francos d'Alava qu'ils se gectent plustost à voz piedz pour vous en supplier, car il est vray, Sire, que led. duc de Nagera a escript d'Avignon que lad. paix se traictoit ; et je croy que cod. ambassadeur l'escrivoit aussi par le courrier qu'il depescha de Paris le xxv"" de may, lequel me donna la depesche qu'il pleust à Votre Majesté me faire de nouveaulx le xix"% qui me fust rendue le ix"' du présent; et le jour delà Penthecouste arriva mon courrier avec celle de Reims du xij"* dud. may, ausquelles, Sire, j'ay satisfaict par lettre envers le Roy, votre frère, à cause qu'il estoit à Aranxois; et luy representiz Testât de voz affaires, suivant les discours qu'il avoit pieu à Voz Majestez m'envoyer, l'un du progrès de l'armée de Monseigneur d'Anjou et l'aultre de l'armée de Monsieur le duc d'Aumalle, remerciant de votre part Sa Majesté pour le secours que le conte de Mansfeld vous a mené ; luy racontant le contentement que vous. Sire, avez receu et recevez du bon et notable debvoir que led. conte et les siens font contre voz ennemys. Led. S' Roy m'a faict respondre par led. Cayes le xvj"" de ced. mois qu'il remercie Votre Majesté de la part qu'il vous a pieu luy donner de voz affaires, très desplaisant que le duc de Deux Ponts soit entré en votre Royaume et du dommage qu'il y faict, mais très satisfaict aussi que le service dud. conte vous est agréable»

N"* 480 BT 181. — 26 JUIN 1569 81

Cested. response estoit escripte de sa main au marge d'un mémoire de plusieurs articles que led. Caves luy avoit envoyé pour estre responduz; et me renvoya ma lettre comme il a faict quelques autres fois, sans me rescrire ny du vivant de la feu Royne, ains luy escrivoit à elle de me dire son intention sur les poincts que je luy avoys escriptz. Quand à la mort dud. s' Dandelot, on en avoit desja heu la nouvelle par deçà, mais non si certaine comme par vos lettres, Sire ; et est venu advis d'Angletere que Monsieur le cardinal de Chastillon estoit trespassé à Londres, dont les Espaignols ne sont pas marrys comme de feu Mons' le conte de Brissac, qui a esté grande perte à votre service. Je prie Dieu qu'il vous vueille prester longuement voz autres bons subjects et serviteurs.

Au regard. Sire, des nouvelles de Granade, j'en ay faict ung petit sommaire; et touchant à Flandres, le Roy, votred. frère, escrivit au duc d'Alve, au commencement de ce mois, qu'il choisist quelque personnage de ceulx qui sont prez de luy pour l'envoyer vers la royne d'Angleterre au nom de ;Sa Majesté, afin de veoir d'accommoder leur différend; et pour ce faire, ced. S' Roy leur a escript une lettre et commission , laissant le nom dud. personnage en blanc qui sera remply à la discrétion dud. s' duc; et de ceste doulceur sera procédé envers lad. Dame pour recouvrer les deniers et marchandizes que elle retient, qui sont de grand priz; car de plus si le comerce de Flandres cesse, il ne viendra comme.il ne vient desja rien à Seville des chozes qui sont de requeste et cours aux Indes; car si l'on n'y envoyé des drapz, toilles, merceries et autres marchandizes, il n'en viendra or ny argent; ains les marchandz qui s'en meslent feront banqueroutte bientost; mais s'il sera cas que lad. Dame royne face reffuz de réintégrer lesd. prinses, elle aura la guerre indubitablement.

De Madrid, xxvj"' de juin 1369^