A la Royne

Madrid, 6 juillet i569.

Madame, A l'arrivée du courrier qu'il vous a pieu m'envoyer de Limoges avec votre depesche du xiij de juin qui a esté icy le xxvj"% je pençois faire partir le mien lendemain vous porter mes lettres dud. xxvj ; mais afin d'en faire des deux ung, j'ay remys le tout jusques àpresant; et vous plaise scavoir, Madame, que le xxvij"* dud. juin je fus parler à Monsieur le cardinal de Siguence pour scavoir au vray quel jour le Roy d'Espagne viendroit et luy feis entendre ce que Votre 3Iajesté me mandoitque je remonstrasse aud. S' Roy comme je vouUois moy mesme aller faire, afin aussy de luy donner votre lettre et scavoir promptement son intention. Lequel cardinal me deist que Sa Majesté seroit en ceste ville le quatrième de ce mois, me conseillant à la costumée que je lui envoyasse votred. lettre et luy escrivisse ce qui m'estoit commandé luy remonstrer; car je gaignerois aultant davantage, pour ce que aussy bien ne s'en rezouldroit il, estant aux champz,

* Autographe. Bibl. Nat., ms.fr. 16103, f<> 559.

qu'il n'en feist part à son conseil; lequel estoit demeuré en ced. lieu; bien m'asseuroit que sa rezollution seroitde vous contenter; sur quoy il escriroit de bon encre à Sad. Majesté, ensemble pour scavoir s'il lui plairoit que j'allasse versluy. Ainsy, Madame, je suyvis le conseil dud. s' cardinal, qui est aujourd'huy ung" aultrc roy en ceste court et envoyay aud. S' Roy votred. lettre et celles que Monseigneur le cardinal de Lorrhaine et le conte de Mansfeld lui escrivoyent; et voyant qu'en celle à moy de Votre Majesté n'y avoit parolle qui ne peult estrc veue, je la luy envoyay pareillement et fut le xxviij"*; sur quoy led. S' rescrivist lendemain aud. cardinal qu'il me priast d'atendre^ car il seroit icy led. quatrième du présent. Neantmoins pour ce qu'il dezire vous complaire en toutes chozes et au Roy, son frère, tant qu'il sera en sa puissance, il escriroit au duc d'Alve pour le regard de la Germanie et de Casimir, vouUant que led. s' cardinal et les s" de son conseil d'estat et de guerre procédassent incontinent à faire nomination et eslittc de vingt capitaines qui feissent extrême diligence d'aller checun lever deux cens homes les meilleurs soldatz qu'ilz pourront trouver et feissent cesd. s" prompte provision de leur solde. Je remerciay le bon vouUoir de Sad. Majesté et led. cardinal du bon office par luy faict en ce négoce, le priant médire s'il avoit charge de m'en dire davantage et de ce que l'Empereur avoit respondu sur le mariage de la Princesse Izabeau, sa seconde fille, pour le Roy. 11 me feist responce que la charge qu'il venoit de recevoir de son maistre sur mes demandes, qu'il me Tavoit entièrement dicte et me demanda si Monseigneur le cardinal de Guize povoit cstre encore arrivé vers Voz Majestés, car il estoit bezoin qu'il vous face scavoir devant que traicter dud. maryage ce que le Roy Catholicque l'a prié vous remonstrer de sa part, mesme de vous demander Madame votre fille pour le roy de Portugal. Je luy respondy que mond. s' le cardinal n'en oblieroit rien; toutesfois que cela n'empeschoit pas de vous debvoir advertir de l'intention dud. S' Empereur, et luy deiz clairement que je ne vous celerois point l'arrivée du courrier qui en estoit venu desja le xviij"' du passé, ny ozerois faire à Voz Majestés aulcune depesche si Sad. Majesté ne me commandoit ce que j'ay à vous respondre de lad. rezollution de l'Empereur; estant bien raisonnable aussy me déclarer

N« 485. — 6 JUILLET i569 89

dens quel terme Voz Majestés peuvent faire estât d'avoir les, quatre mil soldatz en France; et le voyant ferme en son propoz qu'il dizoit ne m'en scavoir que respondre, je prins congé de luy; et lendemain en parliz audict de Feries et au secrétaire Caves, qui me donnèrent belles paroles, mais non telles que je les dizirois ouyr; qui fut cause que je feis une lettre de ma main aud. S' Roy, le premier de ce mois, dont la coppie va en ce paquet. Ne vouUant obmettre à vous compter, Madame, que don Dietristain, ambassadeur de l'Empereur, me veint visiter le xxvij""^ de juin, qui m'asseura que son maistre est le plus content du monde que Mesdames les Princesses ses filles soyent coUoquées si hautement, et qu'il est tout prest de ce qui convient pour les délivrer et envoyer de façon qu'il ne tiendra à Sa Majesté Cezarée que toutes deux ne soyent en septembre à Gennes pour vous laisser la Royne qui sera de France et la descendre à Marseille, en change de laquelle Voz Majestés pouront faire embarquer Madame soeur du Roy pour estre royne de Portugal; et conduiront celle d'Espaigne et la rendront à Barcelonne dans la my octobre s'il sera bezoin ; estant par l'opinion dud. ambassadeur led. chemin le plus expédiant pour éviter à longueur, à hazard et à excessive despence pour toutes les parties. Tant y a qu'il me disoit que ces ministres icy veuUent que ce soit pour après l'hiver; à quoy il a répliqué que l'an prochain les gallaires de ce Roy seront nécessaires ailleurs, pource qu'on tient à certain que le Turc armera de bonne heure, joingt qu'il pourroit naistro d'aultres empeschementz entre cy et là; et je scay d'aultres lieux que led. ambassadeur est fort marry de cesle longueur, car il scait que son maistre n'y prendra pas plaisir, et m'a dict qu'il sollicitera de son endroit Taccomplissement desd. maryages; et m^a dict qu'il a les articles que led. S^ Empereur propoze, car le Roy Catholicque les luy a renvoyez du Bosc dé Scgovie où il les receust; mais ne m'en a vollu dire ung seul d'iceulx; bien m'a asscuré n'y estre contenu choze hors de bonne raison pour en debvoir faire difficulté d'une part ne d'aultre. En oultre, Madame, Votre Majesté scaura comment ced. cardinal, après le retour dud. courrier qui veint, comme j'ay dict, le xviij"" du passé, il cust commandement de Sa Majesté Catholicque d'apeller le Nonce du Pape pour luy représenter qu'estant survenue la déplorable

perte de la feu Royne, ses Royaulmes et Estats l'ont tant supplié et pressé de leur donner ung hoir masle, s'il plaira à Dieu luy en faire grâce, qu'il s'est rezoUu, de deux filles grandes queTEmpercur a, en espouzer l 'aisnée comme plus convenable d'eage et de faire donner la seconde au Roy de France, afin de continuer la paix et amytié qui est entre eulx et leurs subjetez; et à cause que lad. seconde avoit de longue main esté promise au roy de Portugal, il a demandé pour luy la scur dud. S' Roy Très Chrestien, pour contenter sond. nepveu, afin que par ce moyen chcscun demeure content; ce que Sa Majesté avoit bien voUu faire entendre aud. Nonce en intention qu'il endonneadvisàSaSaincteté. Sad. Majesté aussy luy en escrira et à son ambassadeur à Rome et pour estre dispencé surled. mariage, priant ced. Nonce de faire en tout cela bon office. Lequel Nonce a respondu que Sa Saincteté abonne et juste cause s'estoit mescontenté dequoycesmaryages se sont traictez sans luy qui est père commun de Leurs Majestés et qui toujours procure la paix et repoz des chrestiens. Toutesfois led. Nonce remercioit Sa Majesté de la communication qu'il luy en faisoit donner par led. s' cardinal, dont il adviseroit Sa Saincteté et la supplieroit pour depescher promptement la dispence. Et devisant entre eulx deux en quel tempz le Roy pense effectuer lesd. maryages, icelluy cardinal respondit qu'il falloit considrer les travaulx de Grannade qui ne sont pas de petite importance et comment la France est en merveilleux troubles et combustion ; à occazion desquelles chozos, tant que ces deux Roys seront ainsy travaillez, luy semble estre hors de tout bon jugement de faire nopces ny resjouyssance ; bien croit qu'on les pourra faire au printemps qui vient. Ced. propoz, Madame, m'a esté dict de part qui le scait, et ce n'est pas led. Nonce qui s'en est descouvert à moy. C'est pour vous avertir que les trois mois expireront devant que le Roy espouze lad. Princesse Izabeau; carne leur manqueront desffaictes et eschappatoirés pour différer tant qu'ilz vouldront.

Madame, je reprendz les arrementz de ma lettre que j'avois escripte au Roy Catholicque le premier de ce mois. Il manda aud. s' cardinal qu'il m'yresponde de bouche; ce qu'il feist her soir, m'ayant envoyé apeller à ces fins que le soleil estoit couché; et me deist que la lettre pour le duc d'Alve estoit faicte et me seroit

donnée avec sa coppie; par laquelle lui est mandé expressément vous secourir et assister en persone; et touchant aux quatre mil soldatz, que ced. S' Roy a faict depescher vingt bons capitaine homes de service, ausquelz on baille argent pour aller faire leurs gens à toute diligence; et le capitaine Soliz qui se trouva à la bataille de Dreux et succéda en la charge de maistre de camp au lieu de don Diego de Carvajal, est leur maistre de camp, que Ton estime fort bon soldat; mais de prefinir et nommer le jour auquel ilz seront prestz et moins quand ilz pourront arriver à Bayonne seroit impossible, sinon de m'asseurer qu'ilz seront sollicitez de faire leur loyal debvoir do ne perdre heure nytempz. Quant à la rezollution prinze par l'Empereur sur les maryages, il est vrai que la Majesté d'icelluy se contente très grandement que le Roy Très Chrestien espouze sa seconde fille et le roy de Portugal Madame Marguerite de France, priant bien affectueusement au Roy Catholicque de prendre ce faict en sa main et l'achever comme père de lad. Princesse sa fille, car led. S' Empereur luy en donne et laisse de bon cueur tout l'honneur et la charge ; et ce qu'il en fera sera tenu pour faict. A ceste cause, ced. S' Roy son maistre m'enchargeoit de faire entendre et escrire à Votre Majesté qu'il est bezoin que le Roy, son bon frère, envoyé commission etpovoirà moy son ambassadeur pour traicter desd. maryages, et le semblable fera scavoir à l'ambassadeur de Portugal icy rezident, afin d'advertir le roy son maistre de luy envoyer commission pour traicter du sien avec ceste Majesté; et venuz que seront nosd. povoirs, il n'y aura lors que toute brefveté en la conclusion desd. maryages. Bien nous sera permys et loisible de donner advis de jour en jour à noz Roys et maistres de ce qui passera, afin que rien ne se fasse contre leur vouloir et intention.

Madame, ce sont les propres parolles dud. s' cardinal de Siguence. Je luy ay répliqué entre aultres chozes n'y avoir en cela sinon me commander de me faire reputer ung presumptueux ambassadeur de vous demander plus de povoir que ma suffizance.ne porte ny mérite, mais pour ne me vouloir esclairer plus avant es affaires et parti cularitez tant du secours que du maryage du Roy mon Seigneur, ne falloit prendre si long terme à lire les lettres de l'Empereur; car ce sont plusieurs jours

perduz. Led. cardinal fortiffie que ceste Majesté ne scauroit myeulx dire ne faire, ny avoir plus saincle cl sincère intention et volunté qu'il a de rendre Voz Majestés bientost contentes, ainsy que vous connoistrez par ses oeuvres. Je pense. Madame, quant à moy, qu'on vouldra vous entretenir quelques nnois en ces traictez, mais ne scay deviner l'occasion si ce n'est d'accuser le naturel de ceste Majesté qui procède tousjours si froydement et à loizir en ses propres négoces de quelque nature et importance qu'ilz soyent que souvent il s'en trouve mal; et ceulx qui ont à négocier avec Sa Majesté perdent toute patience. Par ainsy ne fault trouver estrange s'il ne s'cschaulfe point beaucoup en ce qui vous touche. Ung bien y a, Madame, qu'il ne peult haster ou retarder votred. maryage pour le Roy qu'il ne face tout en semblable du sien, car l'Empereur veult que les deux Princesses ses filles sortent de sa maison en mesme jour et heure, et vouldroit que ce peult estre plustost aujourd'huy que demain. Au regard; Madame, de la plainte que vous faictes contre les officiers de la Franche Conté, icy les escuzent Icsd. cardinal et duc de Feries, disant que durant le siège de Metz, il ne fut en la puissance de l'Empereur Charles d'induire ceulx dud. païs de faire aulcune déclaration ny démonstration d'hostilité en sa faveur contre votre Royaulme; ains luy respondirent que luy payant ses droitz comme à ses prédécesseurs, ilz vouUoyent continuer en leur franchize et neultralité sans ofl^encer les François; et mesme raison et escuzo ont ilz de ne permetre que à leur cause ceulx de l'Empire ou de la Germanie soyent ofTencez, car ilz ignorent et ne veuUent scavoir les causes de la guerre qui faict sortir les Allemans au dommage d'aultruy. Quelques navires espagnolz partirent d'Angleterre le xxiij de juin et ont pris port à Bilbau en Biscaie, qui affirment que le Roy Catholicque et la royne d'Angleterre se sont accordez de leur différent, de sorte que toutes les chozes prinses et arrestées d'une part et d'aultre seront rendues. Toutefois pour ce bruit là ne laisse ced. S' Roy d'envoyer lettre de banque au duc d'Alve pour recevoir deux cens mil escus: lequel duc en avoit prins cinq cens mil, pour s'en servir, s'il en sera bezoin. Or, Madame, j'ay cuydé ne falhr point d'envoyer ceste depesche à Votre Majesté par mon secrétaire et l'accompaigner de Rhene Loizeau, chevaul-

v 185 ET i86. — JUILLET 1569 93

cheur d'escuyrie, afin si l'un demeuroit en chemin que l'aultre passe oultre. Et, car le Roy votre beaufilz doibt arriver à ce soir, je ne fauldray luy aller baizer la main après qu'il aura donné audience aux plus pressez, et solliciter le secours desd. quatre mil soldats. Pour Thoneur de Dieu, Madamr, que don Francés d'Alava n'ait plus longue prinse sur moy pour les douze mil realz que son home me fournist il y a maintenant ung an ; que maulgré à ma vie et à ma pouvreté que je n'ay moyen de vous faire le service que je doy; car si j'avois de quoy, je ne vous serois pas importun demandeur.

Madame, je prie Dieu très dévotement qu'il vous conserve et maintienne très longues années en très accomplie et très contente prospérité. De Madrid^ le vj"" de juillet 1569.

Votre très humble, très obeyssant et très obligé subject, vassal et serviteur.

FORQUEVAULX.

186. — Points sur lesquels le s' de Forquevaulx, ambassadeur de Sa Majesté Très Chrestienne, supplie Sa Majesté Catholique luy vouloir respondre. — [Réponse du Roy Catholique.]

A Sa Majesté Catholique.

Tous les advis que le Roy Très Chrestien a heuz du cousté d'Angleterre et nagueres du xxj de juin de Londres, portent que la royne d'Angleterre arme une grosse puissance par mer et pai* terre tant de ses subjectz que de reitres et de lansquenetz qui se font en son nom sur la Germanie vers les villes maritimes, afin de secourir les huguenotz rebelles de France, ce que lad. Dame royne fera tant plus volontiers à présent qu'il ny a rien qui la retienne estant d'accord comme elle est ou en vove de l'estre bientost avec Sa Majesté Catholique.

Autre advis y a du cousté d'Allemaigne que comme l'électeur palatin a sceu par cidevant persuader au duc de Deux Pontz d'entrer aud. Royaume secourir lesd. ennemys soubz couleur de défendre sa religion, aussi maintenant parles mesmes moyens il tache d'induire l'électeur de Saxe, etl'a desja gaigné, de faire une levée de six mil chevaulx et d'un bon nombre de gens de pied en intention de les faire marcher après led. duc de Deux Pontz soub^ le duc Casimir son gendre et vont en toute la Germanie esmeue et incitée au secours desd. rebelles; mesme il se faict aud. païs et autres endroictz une bende de cavallerie et infanterie soubz prétexte de la vouUoir employer pour empescher led. de Deux Pontz ou ses forces, quand ilz retourneront dud. France, qu'ilz ne puissent entreprendre contre l'Empire ny contre les princes d'icelluy. Mais au vray leur dessain principal tend et est d'entrer

94 DÊPÂCHES DE M. DE FOURQUBVAUX

aud. France à l'exemple dud. de Deux Pontz ; de laquelle levée est chef et colonnel Lazar Schmenden, pensionnaire de l'Empereur. Et combien qu'il est quelque bruict que lad. levée doibt servir contre le Transsilvan, il appert toutesfois par les advis de Constantinople que le Turc ne veult qu'il soit rien altéré de la part dud. cousté; parquoy c'est chose notoire que lad. levée se faict contre led. S' \ioy Très Ghrestien; et s'assembloient lesd. gens desja à la (île.

Pour ces considérations, lad. Majesté Très Ghrestienne entendant lesd. advis de si grandz et promptz appareilz de gens de guerre et vovant la guerre très eschaufifée en divers endroictz de son Ro^raume, il a mandé au s*" de Fourqucvaulx, son ambassadeur, par lettres du quatriesnie de ce mois de juillet, qu'il remonstre à Sa Majesté Catholique comment ce faict les touche en commun à tout2 deux pour le bien universel de la religion chrestienne et de leurs royaumes et estatz, et la prier très instamment de par led. S"^ Roj, son frère, de vouloir faire les offices qui s'ensuivent.

En premier lieu, qu'il plaise à sa Majesté Catholique faire nouvelle recharge & Monsieur le duc d'Âlve la plus chaulde et véhémente qu'il sera possible à ce que sans aucune dissimulation en longueur il embrace doresnavant la deiïense dud. Royaume contre lad. royne d'Angleterre, duc Casimir et autres qui essayeront d'y entrer; car si led. S' Roy Très Ghrestien ne sera assisté et secouru pour empescher l'entrée et invasion des susd. puissantz ennemys, encore qu'il soit assez puissant pour venger et vaincre avec l'ayde de Dieu les ennemys et rebelles qu'il a dedans sond. Royaume, il cognoist neantmoins la manifeste ruyne d'icelluy, s'il sera assailly pareillement par les autres. Pour evicter auquel malheur, Sad, Majesté Très Ghrestienne, s'il se veoirra abandonné, sera contraint de conserver sond. Royaume par ung autre expédient. Il s'asseure tant de l'amytié dud. S*^ Roy Catholique, son bon frère, qu'il trouvera trt-s raisonnable qu'il en uze ainsi ; mais s'il sera secouru et assisté à bonnes enseignes contre lesd. nouvaulz assaillantz, il n'espargnera choze qui soit en sa puissance, comme il n'a faict jusques ici, ne sa propre personne et de Monseigneur d'Anjou, son frère, de poursuivre lesd. rebelles jusques au bout.

Aussi, seroit ung bon expédient pour retenir lad. royne de se déclarer contre la France, de luy faire entendre et cognoistre vifvement queceste cause est commune à Leurs Majeslez Catholique et Très Ghrestienne, et que ceulz qui se declaireront en ce faict et se porteront pour ennemys de l'un Roy seront tenuz pour ennemys déclarez de l'aultre.

^ ces fins, il plaira à Sa Majesté faire ce bon office envers lad. Dame royne d'Angleterre de luy escrirc, mander et protester qu'il a entendu comment elle veult faire guerre aud. Roy son frère, à présent qu'il est empesché à se faire rendre l'obéissance par ses subjectz. Et si lad. Dame royne vouldra entreprendre quelque chose contre luy, que elle se délibère pareillement d'avoir la guerre avec Sa Majesté Catholique. Et si les lettres que Sad. Majesté escrira sur ce faict parleront tel langage que lad. Dame ait occasion de croire que l'effect en suivra les parolles, led. S' Roy Très Chres« tien s'asseure bien que elle se gardera et retiendra de l'assaillir.

Sera semblablement contente Sa Majesté de voulloir escrire aud. S' Empereur, le priant de défendre très expressément aud. Lazar Schmenden qu'il se depporte et laisse de faire lad. levée et toute entreprinse contre France en quelque sorte que ce soit.

Veue par le Roy Très Chrestien la response portée par Monsieur le cardinal de Guise sur la permission qu'il dezire estre donnée à ses subjectz ayans des terres es Pals Bas de les vendre ou engager, afin de se servir des deniers prouvenantz d'icelles, comme ilz les luy ont offert ; ce que Sa Majesté Catholique auroit renvoyé aud. s' duc d'Alve pour en avoir ses advis, qui est remectre les choses en longueur, d'aultant que led . duc a respondu aud. Roy Très Chrestien en avoir escript, il y a fort longtempz, au Koy son maistre ; lequel doibt estre bien amplement informé qu'il n'y reste que prendre, s'il luy plaist, la rezollution de satisfaire et contenter led. dezir du Roy son frère, sans remectre plus ce faict à la longue. A ceste cause, led. ambassadeur a charge de prier, comme il supplie bien instament Sa Majesté de la part dud. S' Roy son maistre, qu'il soit son bon plaisir de consentir et permectre lad. allienation.

Sur la requeste que Sa Majesté Catholique a accordée à Sa Majesté Très Chrestienne et à la Royne, sa mère, de le secourir promptement de quatre mil soldatz espaignolz et les envoyer par Rayonne àmond. Seigneur d'Anjou, Sad. Majesté sera servie, s'il lui plaistde commander que ced. secours aille à toute dilligence, et neantmoins faire entendre aux capitaines d'icelle levée qu'ilz ne receoivent aucuns hommes s'ilz ne sont Espaignolz naturelz. Car s'ilz prendront gens d'autre nation et mesme des François, ce sera mener et conduire des soldatz aux autres capitaines, ou bien ilz se retireront à leurs maisons et se desbenderont après avoir frauldé la solde de Sad. Majesté et son intention, qui est d'envoyer led. nombre compté de ses purs et naturelz subjeclz aud. secours.

Quant à la prière que la Royne Très Chrestienne faict à Sa Majesté en faveur des dames françoises, il sera son bon plaisir de les faire accompagner et conduire jusques à Narbonne, leur ordonner le tempz du partement et leur faire le bien de l'équipage et moyen pour entreprendre leur voiage et autres grâces dignes d'un si grand Roy pour l'honneur de la feu Royne que lesd. dames ont servye.

Et puisque les officiers françois qui ont servy lad. Dame Royne trèspassée ont leur congé de se retirer, Sa Majesté sera servie par sa bonté de commander que ce qui leur est deu leur soit payé, afln qu'ilz ne se consument davantage avec leurs femmes, enfans et famille qu'ilz ont sur les bras sans moyen de les nourrir.

Deux pouvres François de la Floride sont de longtemps prisonniers à Seville, le procès desquelz a esté envoyé, il y a plusieurs mois, et mis entre les mains des s" du conseil des Indes ; il plaise à Sa Majesté ordonner leur délivrance ; car en quelque sorte qu'ilz puissent avoir failly, leur courte coulpe en a faict longue pénitence.

Les services que les s^* de Ruffez font continuellement de leurs personnes au Roy Très Chrestien soubz mond. S^ d'Anjou, et autres notables respectz

sont cause qu'il a escript et prié à Sa Majesté Catholique vouloir pour l'amour de luy mander à son parlement de Dollede surceoir encore l'exécution de certain arrest de Ghambery prétendu par la Contesse de Varais; car espèrent lesd. s" de Ruffez remonstrer telz faictz pour leur deilense après la fin de la guerre que les s" aud. parlement de Dolle jugeront qu*ilz ne dezirent lad. surceance à présent que pour mieulx pouvoir servir contre les rebelles, et de crainte qu'en envoyant leurs tiltres et papiers de leur droict, ilz viennent ôs mains d'iceulx ennemys ou d'aucuns voleurs. Parquoj Sa Majesté Catholique sera, s'il luy plaist, contente de complaire au Roy, sond. frère, pour ung bon et long delay en faveur desd. s" de Rusfey très humbles suppliantz.

Lesquelz poinctz contenuz en ce mémoire led. ambassadeur a reraonstrez à Sa Majesté en sa dernière audience le xx"* de juillet et les représente très humblement et le supplie de vouUoir commander y estre respondu conforme à la parfaicte amytié qui est entre leursd. Majestez.

Réponse du Roy Catholique

Haviendo visto Su Magestad Catholica lo que el Seilor de Fourquevauls, cmbaxador del Rey Christianissimo, su hermano, en nombre de Su Magestad Ghristianissima de palabra y despues por escripto le ha propuesto y pedido, ha mandado se responde a cada uno de los articulos contenidos en la dicha supro puesta y memoria lo siguiente.

En quanto a lo que se dize y pide por respecto de los advisosque se refiere haver tenido el Rey Christianissimo Alemana y de Inglaterra que Su Magestad Catholica embie amandar al duque de Alva, su gouvernador y capitan gênerai en los Estados Baxos, que en caso que el Casimiro o otro alguno con exercito y gente de guerraquiseesse invadir y entrar en el Reyno de Francia en ayuda de los rebeldes del Rey Christianissimo, eld. duque con todas las fuercas que alli tienne de Su Magestad Catholica se le apponga et impida lad. invasion y entrada. Su Magestad Catholica le manda dezir que y a eld. Mos' de Forquevauis sabe bien como antes de agora haviendose le pedido esto mismo de parte del Rey Christianissimo, Su Magestad Catholica se le offrecio y consedio luego y de muy buena gana con el complimiento y de la manera que Su Magestad Christianissima lo queria y en execucion dello escrivio ald. duque la carta de iiij de juillio que se entrego ald. erabaxador con la copia délia por, laquai le embio a mandar tan précisa y expressamente, como ha visto que lo hiziesse y cumpliesse assi como agora se pide y entonces se le pidio y aun de mas desto por lo que a Su Magestad Catholica se ha escrito tiene entendido que el duque de Alva antes de haver recibido este despacho haviendo se le pedido allalo mismo de parte del Rey y Reyna Christianissimos por medio de Mons' de Fiori se lo ofrescio promptamente en la misma conforraidad, y como quera que siendo esto assi no era menester dar otra orden ny mandamiento ald. duque d'Alva, mas por satisfazer de nuevo pues en lo que tan de veras y contan buena voluntad le ha ofrescido y quiere que se cumpla no hara dificultad en repetir muchas veses esta orden, y en lo que el embaxador apunta que esto sea sin dissimulation ny largas no enten-

diendo bien Su Mageslad Catholica que occasion aja tenido para dezir esto pues sabebien con quantesverasy quan promptamente eld. duque por orden de Su Magestad (lalholica y de su officio en todas las occurrentias y occasiones que asido neccessarios de parte del Rey Christianissimo se le ha pedido, ha assistido y de présente assiste a Su Magestad Christianissima con lasfuercas ayuda y sorcorro de pied y de cavallo, que es notorio no haviendo faltado en ninguna de las ocasiones passadas, y haviendo le ofrescidoy assegurado que esta y estara prompto y presto con «u persona y fuercas para le servir y assistir en los casos que por parte de Su Magestad Christianissima le ha tido advertido y pedido que lo este.

En quanto al officio que eld. embaxador ha pedido de parte del W^y Cniristianissimo, que Su Mageslad Catholica mande hazer eu la Ueynade Inglaterra, para impidir que no rompa ny olTenda a Su Majestad Christianissima ny ayuda a sus rebeldes, Su Majestad (Catholica dessea tan de veras el'bien, seguridad. y reposo del Rey su hermano, y de su Rey no que hara este officio muy vivo con lad. Reyna y en quanto a los medios, y terminos de que a este fin y proposito haura de uzar conella,Su Magestad Catholica tomara y uzara deaquellos que seguii el estado de las cosas y al effecto que se prétende enlendiere mas convenir, endere cando lotodo al mayor beneficio y satisfacion que se pudiere de Su Magestad Christianissima.

En lo que toca a Lazaro Suendi, y a la levé de gente de guerra que se dize tener aviso que haze en Allemaûay a lofficio y dilligencia que se pide que Su Magestad Catholica haga con el Emperador su hermano, para que le vaya a la mano aunque por lo que Su Magestad Catholica tiene entendido y avisos que de aqueila parte le han venido séria poco menester esta prévention pues esta muy assegurado que el Emperador, en ({uanto le fuere possible, no dara lugar a tal cosa, ny permitira que el Suendi ni otro ninguno baxe con gente de el imperioa ofl'ender o invadir el Reyno de Francia. Mas con todo esso Su Magestad Catholica escrivera luego subre ello a Su Magestad Cesarea pidiendo selo y rogando selo en la instancia y encarescimiento que convienc.

En quanto al recuerdo que eld. Fourquevauls haze sobre que se uze de dilligencia en el levantar y conduzir los quatro mil Espanoles, que Su Magestad Catholica ha concedido al Rey Christianissimo para que puedan liegar atiempo que haganelservicioquese pretiende. El mismo embaxador sahe bien quan prumptamente y con (|uanta voluntad Su Magestad Catholica se los concedio, y como en complimiento dello mando luego llamar la persona que ha de yr por cahodellos, y nomhrar los capitanes y dar les la orden y comissiones, que se acostumbran para levantar lad. gente, algunos do losqualles la tienen y a comencadaahazer y tiniendo Su Magestad Catholica noticia que en la gente que al présente le sirve, en el Reyno de Granada havla algunos capitanes y soldados de mas experiencia, y que serian mas a proposito para condiizir lad. gente a Francia por lo provcer eu toda mejory a mayor satisfacion de Su Magestad Christianissima.. no embargantc que alli ténia necessidad del los parasusorvicio, los hamandadns venira (jui y son y a llogados. y luego ^u'les darau sus conductos y despachos, y se les inandara partir afin que cou toda la brevedad y dilligencia possible s;:'

evanten lodos quatre rail, y se encaminen a la parte de Bayona, para que puedon llegar tan a tiempo como se pide y conforme a lo que eld. embaxador advierte se ha ordenado y mandado muy expressamente a todos los capitanes que no reciban en sus companias sino puros Espanoles y naturales vassallos de Su Magestad (latholica.

En quanto a la prnmission que Su Magestad Christianissima dessea que Su Magestad Gatholic a concéda a los subditos de Su Magestad Ghristianissima que tienen tierras en les Paises Baxos para las vender o empenar, ello es assi que el duque de Alvahaerabiado relacion a Su Magestad Catholica pero en tal forma que lia pedido dexar de tournarle aremitir alla este articulo como se lo remite, y assi se podra acudir a el.

En lo (lue loca a las damas ofliclales y criados que fueron délia Ueyna que esta on gloria, Su Magestad (latholica a mandado proveer lo uno y lootro y se cuniplira de manera que tengan justa causa de contentar se.

En lo d(^ los Franceses qu'estan presos en Sevillaporcl caso de la Florida. ello es assi que sus procesos ha dias que se truxeron al consejo de Indias donde se eslan viendo y Su Magestad Catholica ha mandado expressamente que sean despachados con brevedad, y agora de nuevo por el recuerdo del embaxador se lo atornado a mandar de manera que se puede tener por cierto que se hara assi en concluyendose su causa, y que se ténia en ellos toda la considération que por respecto de Su Magestad Ghristianissima tuviere lugar que se tenga.

Sobre cl negocio de los senores de Ruffey se podia acudir a los presidenes Tisnach y Hopperus por cujo medio Su Magestad Catholica ha mandado responder lo que en este caso se podia hazer.

En Madrid, a dos de agosto 1569.