Au Roy

Madrid, 6 août 4569.

Sire, La présence du Roy, votre frère, qui n'a bougé de ce lieu depuis le vj" du passé qu'il y veint, m'a donné plus prompte commodité de luy dire ce qu'il a pieu à Votre Majesté me commander par votre depesche du iiij* juillet ', que je n'euz pour l'autre du xiij de juin; car ayant receu cette dernière le xviij, j'ay eu audience le xx'"'; en laquelle, je Tay remercié de la bonne volunté qu'il m'avoit faict entendre par Monseigneur le cardinal de Siguènce, qu'il a de vous contenter en toutes choses à luy possibles, soit pour les mariages proposez, comme aussi de

' Douais, Lettres de Charles^ IX à M. de Fouvquevaux. p. 211. In-S", Paris, Picard. lcS97.

l'assistance qu'il a commandé à Moiis"^ le duc d'Alve vous faire contre quiconque vouldra entrer en France, ainsi que porte la lettre que j'ay envoyée à Votre Majesté dernièrement; et n'ay oblié les grandz mercys du secours des quatre mil soldatz qu'il vous a promis; sur lequel il m'a prié ne trouver estrange, si touts les capitaines ne sont desja allez aux lieux ordonnez à faire leurs gens ; car il a vouUu choisir des meilleurs hommes de service pour faire lad. levée et les mander venir de (irannade, où ilz estoient pour son service, ayant cependant mis ordre au paiement, afin que argent ne leur manque points et que je m'asseurasse qu'on ne perd une heure de tempz.

Après cella, Sire, je luy ay baisé les mains de votre part pour rhoneste recueil et bon traictement que Monseigneur le cardinal de Guise a receu par deçà. Il m'arespondu que c'a esté bien peu de chose, selon que votre respect mérite et la valleur de mond. s' le cardinal; lequel je luy ay dict n'avoir rien oblié de sa commission à vous faire entendre, principallemenl sur votre mariage. Sire, et de Madame, desquelz Votre Majesté est très contente qu'il en soit faict ainsi qu'il les a devisez, et qu'ils soient traictez par vos ambassadeurs d'une part et d'autre. Ce qui luy a esté bien agréable; etled. mesmejour Sa Majesté a depesché ung courrier au roy de Portugal l'advertir de votre rezoUution et de la Royne, afin qu'il se tienne asseuré d'avoir femme et qu'il envoyé son pouvoir à son ambassadeur icy résident, comme ced. Sieur Roy , votre frère, s'atend que Votre Majesté m'envoyerale sien bientost après avoir veu mad. depesché du vj'"' juillet; et a esté bien aize de quoy quasi à mesme temps que ce dernier coumer est arrivé en ce lieu, la mienne par mon secrétaire vous aura rendu content pour la response qu'il vous portoit de l'Empereur, et bien aize pareillement de ce que la recharge dont la Royne le requeroit par sa lettre de Lyraoges pour eschaufer led. duc d'Alve sera pour appaiser tantost après la maie satisfaction que Voz Majestez ont heu dud. duc; s'asseurant led. S' Roy, qu'il n'usera plus d'aucune longueur ny remise de vous secourir quand il aura veu sad. lettre, advenant que nouvelles forces vous veuillent assaillir; et de tant que besoin seroit il m'a accordé de luy escrire plus à bon escient que jamais; etluiay faict notterlemot de votre lettre, que si Votre Majesté sera assally par la royne d'Angle-

100 DÉPÈCHES DE M. DE FOU IigUE VAUX

terre et nouvelles forces d'Allemagne sans estre secoru et assisté à bonnes enseignes par led. duc, que vous prendrez ung autre expédient pour conserver votre Royaume; ce que led. Sieur Roy m'a bien dit qu'il comprend par cela que Votre Majesté entend de la paix; en laquelle extrémité il est fort délibéré que vous ne tumberez point par faulte de son assistance et secours, et l'escrira bien chauldementaud. duc d'Alve, vous asseurant, Sire, que j'estime l'intention de ceste Majesté très bonne et très affectionnée envers vous; et s'il y a longueur en ses démonstrations et en ses oeuvres, cela procède de son naturel trop lent et froid en toutes choses; et bien heureux qu'il est de n'avoir des enemys puissantz et remuantz, car s'il ne demeuroit plus expeditif qu'il n'est, il s'en trouveroit bien mal.

Au reste, Sire, m'ayant Sa Majesté donné charge de luy drecer par escript les poincts sur lesquelz je demandois vous estre respondu, je l'ay faict; et sa response va dans ce paquet, ne pouvant croire que d'Allemaigne sorte tout ce qu'on en dict, ains le remuement est pour le regard du Transsilvan, qui a tenté quelque chose contre l'Empereur; mais le Turc s'est interposé là dessus, qui veult que la paix demeure ferme entre eulx. Mais de la royne d'Angleterre n'y a nulle fiance, avec laquelle n'y avoit point d'accord faict par les derniers advis qu'il a receuz de Flandres. Ains, Sire, il nefustriendela voix qui court que quelques navires espagnols estoient délivrez par elle et venuz à Bilbau, et ung anglois courssaire qui fut transporté ces jours passez de la tourmente au port de la CouroigneenGallice, feist entendant que lad. paix estoit faicte; parmy laquelle faulce nouvelle il ne luy fustrien demandé; et soubdain que le vent luy servit, il gaigna la mer et se saulva. Ung courrier dud. duc d'Alve est arrivé le xxj du passé, l'ayant depesché sur ce que Votre Majesté luy a mandé par le s' de Fleury et depuis en votre lettre au sieur de Ferralz du iiij"* juillet.

L'ambassadeur de l'Empereur à cjui j'ay parlé de Schuendon mect sa main h coupper en cas que led. Schuenden arme ne qu'il cutreprene contre votre Royaume ; car il est à l'Empereur et retenu pour Hongrie, s'il y aura ailairo: et sur ce qui avoit esté dict à l'assemblée de Francfort qu'on leroit des gens contre le duc de Deux Pontz, led. Schuenden estoit demandé par lad. assemblée,

pour en estre chef et colonnel; à quoy led. S' Empereur ne voulust consentir, disant de s'en vouloir servir aud. Hongrie contre le Transsilvan; et s'il y a remuement astheurcy par led. Schuenden, c'est à cause dud. Transsilvan, qui est sorti en campaigne avec six mil hommes ; mais le Turc défend qu'il n'y survienne altération dud. cousté. On craingt bien icy que la levée du conte d'Emden passe aux Païs Bas et scavent que la royne d'Angleterre a faict rechercher l'électeur palatin d'estre content que son filz fust chef des forces que elle drece en Germanie en faveur de voz rebelles; ce que led. (électeur a refuzé.

Advis est venu d'Alger que trente gallères turquesques y sont arrivées et les Morisces de Grannade sont plus fiers que devant, car ilz se trouvent estre trente mil hommes de combat avecq armes. Le marquis de Velles a quatorze mil chrestiens; mais c'est bien peu pour entrer dans les montagnes; encore le tiennent lesd. enemys en neccessité de vivres et eulx font leur recolle sans empeschement.

On dict que quarante navires anglois sont arrivez à Ilamborg chargez de drapz, qui porloient aussi deux chariotz changez d'argent pour paier la levée qui se faict en npm de leur royne. Le conte de Schnassemborg, beau frère du prince d'Orenge, faict gens on ne sait pour qui; mais il n'a pas encore prins congé de Sa Majesté Catholique. L'électeur de Saxe avoit mandez ses colonnelz et reitmestres se trouver h Magdebourg, on ne scavoit pour quoy; mais ilz sont en toute la Germanie on mervueilleuse deffiance les ungs des autres, dont par les premiers advis qui viendront on aura plus grande lumière de leur dessains.

Sa Majesté Catholique, Sire, escript à l'Empereur par ung courrier qui est party le troisiesme du présent, qu'il vueille employer toutes ses forces, moyens et amys pour empescher qu'il ne se face levée pour quiconque, [qui] soit à votre domage et inquietation et invasion de votre Royaume; et luy touche de Lazare Schuenden. Au reste, Sire, advis est advenu du gouverneur dOran ((ue vingt gallères turquesques sont arrivées à Tripoly et unze autres à la garde ordinaire de lad. coste, dont icy n'en sont pas contentz. pour ce que lesd. gallères et les courssaires avec ceulx d'Alger donneront du travail à la coste d'Espaigne et cueur aux Morisces de Grannade; sur lesquelz le

marquis de Velles a commencé d'entrer dans leurs montagnes le xxvij^'de juillet, accompagné dehuicl mil harquebusiers, mil arbalestriers et deux mil corsselets, qui sont unze mil hommes de pied et huict cens chevaulx; on a espérance qu'il en viendra au dessus. J'ay opinion quant à moy qu'ilz donneront de grandz af- Taires pour l'advenir, s'ilz pourront tenir bon jusques après rhiver; car led. Turc s'en meslera, pour ce qu'il fera pour luy de travailler ce royaume avec les armes des mesmes naturelz; estant à craindre s'ils auront bon succez aud. Grannade contre les chrestiens, que les Morisces d'Aragon et de Valence facent les enragez comme lesd. de Grannade font.

Pour fin, Sire, ce gentilhomme, qui est Anthonio d'Almeyde, racontera plusieurs autres particularités à Votre Majesté tant de Castille que de Portugal, et mesme de la levée des quatre mil espagnolz que je sollicite fort en toute dilligence; leur colonnel,le capitaine Soliz, est icy depuis quelques jours; pleust à Dieu que tous vos subjetcs feissent si bien leur debvoir envers Votre Majesté qu'il ne vous fust besoing d'appeller à votre secours nul de vos voisins, car leur ayde ne sera jamais si fructueuze comme elle leur acquiert de gloire et réputation. Tant y a que pour punir les mauvais subjects ne faull avoir regret de s'ayder de tout le monde, quand on n'est de soy mesme assez puissant.

De Madrid, le vj"'^ d'aoust 1569.