A laRoyne
Madrid. 9 août 1569.
Madame, Encore que j'ayc escript amplement h Votre Majesté parle sieur Almede, je n'ay toutesfois voullu faillir de vous faire ceste petite lettre par le secrétaire du sieur don Francés d'Alava, afin de vous dire, Madame, qu'on est icy bien aises d'une victoire que le marquis de Velles a obtenue contre les Morisques de Grannade, où leur petit royesloit en personne; lequel s'est sauvé et bon nombre des siens; mais ilz en sont demeurez de mortz sur la place environ de six à huict mil; lesd. Morisques se tiennent astheurcy dans les Alpuxarres, qui sont montaignes fort haultes. Lad. deffaicte futlequatriesmedu présent et gaignerent les chrestiens quelques forts sur lesd. ennemys en la montagne devers la marine ; tellement que ceulx d'Alger ne leur peuvent apporter secours ny rafraischissements, comme ils souUoient. Parquoy, Madame, ils ne feront doresnavant guère de deffence et mesme quon les assault par autres endroicts pour les resserrer dens lad. montagne, ou ils mourront de fain cest hiver et de froid. Les autres nouvelles de la santé de Mesdames les Princesses, vos petites filles, il est survenu une petite fiebvre à Madame Ysabeau, qui luy a duré ces trois jours ; mais ce ne sera rien. Madame la Princesse de Portugal a pensé recheoir et se trouve mieulx aujourd'huy; qui a esté cause que le Roy, son frère, ne l'a voullu laisser; lequel sans cella seroit allé à Escuryal faire ceste feste de S' Laurens. J'ay parlé au courrier qui est venu
le septiesme de ce mois estant parly delà court de TEmpereur le vingliesme du passé; il ne m'a sceu ou vouUu dire des mariages autre secret, sinon qu'en lad. court s'en tiennent asseurez. mesnic que Tarchiduc Ferdinand vous conduira Madame la Princesse Anne, lorsqu'il sera arresté du temps; ce qui, à l'opinion dud. courrier, pourra s'acomplir quand votre Royaume sera plus paciffique qu'il n'est; car l'Empereur vouldra veoir plustost que vos affaires soyent hors de danger; il en parle comme il l'entend; neantmoins il asseure que Lazare Schuenden ne bougera de la frontière pour garder qu'il ne sorte gens d'Allemaigne, sinon de dix en dix ou de vingt en vingt, s'il en doibt sortir; et empeschera le retour des gens du duc de Deux Pontz, qu'ilz n'y facent le dommage qu'ilz feirent en partant et quand ilz se desbenderonl. Le conte de Schuashcmbourg faisoit gens contre le Transilvan pour servir l'Empereur; mais il desbendoit et Iv duc de Saxe n'arme point, lequel est bon amy de lad. Majesté ; et si la royne d'Angleterre en tirera quelques gens, qu'ilz seront en fort petit nombre, car led. S' Empereur faicttoutz bons offices pour rompre le dessain de voz ennemys.
De Madrid, le ix* aoust ioGi).
