A la Royne

Madrid, 6aoûti569.

Madame, Je n'ay pas failly de représenter au Roy Catholique en mon audience du xx™' du passé toutz les poincts contenuz en la depesclie de Vos 3Iajestés du quatriesme; et luy ay donné la lettre de votre main. Il me demanda si la lettre qu'il escrivoit à Mons' le duc d'Alve par Monseigneur le cardinal de Guise luy fust estée donnée et que là dessus il eust faict telle responce. Je ne le luy ay sceu dire, pource que les vôtres n'en font mention; bien luy ay je dict estre vraysemblable qu'il la debvoit avoir receue, car niond. s''le cardinal ne l'auroit retenue jusques à son arrivée sans la vous envoyer. Là dessus il m'a respondu qu'il le croyoit ainsi et sans s'esmouvoir, comme il ne s'esmeut jamais

N« 188. — fi AOUT i5fi9 103

pour chose qui luy advienne, au moins qu'il le donne à cognoistre, il m'a dict que la lettre qu'il escript aud. duc par ladepesche que mon secrétaire vous est allé porter. Sa Majesté luy commande si expressément de vous secourir et servir en propre personne et de toutes ses forces contre voz ennemys qu'il s'asseure qu'il n'y aura plus de repplique; et neantmoins,afin de couper toutes longueurs, il me promist de luy faire nouvelle recliarge.

Et fault, Madame, que je vous confesse que je n'ay rien desguisé aud. S' Roy du contenu es lettres de Yoz Majestez. ains les luy ay leues mot à mot; et fînablement les advis; car il n'y avoit paroUe en tout cela qu'il ne deubt veoir et entendre; et quand autrement fust. j'eusse bien sceu me garder de luy lire et communiquer ce que je luy debvois tenir secret. Je feiz entendre à Sa Majesté l'advis que j'avois receu de Monsieur le baron de la Garde, qui estoit arrivé au port de Tarragonne après avoir eschappé à peu de perte d'une bourrasque en traversant le goulfe de Narbonne. Sa lettre est du viij"'' juillet. Sa Majesté me respondit qu'il venoît de scavoir que votred. armée estoit passée à Carthagenne saine et saulve, tirant la route de Gibeltar. Les autres propoz vont par la lettre du Roy ou par la response des articles que je luy presentiz après imad. audience: desquels je luy feiz remonstrance de bouche lorsque je parlay h luy et me promist de vous rescrire.

Madame, le bout de l'an du Prince ' ^e feist à vespres le lundy XX v"' juillet, et lendemain h la messe les Princes de Bohême s'y trouvèrent, les ambassadeurs et seigneurs de ceste court portantz capes longues et bonnetz de drap à leur mode. Le Roy Catholique s'est teneu retiré au monastère de S* Jheronime, depuis le xxiij"' jusques au xxvij"'*. Madame la Princesse de Portugal a esté bien mallade de fîebvre tout led. mois ; elle commence à se lever. Mesdames les Princesses, voz petites filles, se portent bien et toutes deux ont senti quelque petite altération durant ces chaleurs, comme le sieur Anthonio d'AImedc tesmoignera à Votre Majesté; car je l'ay mené prendre congé desd. Altezes pour vous scavoir parler de leur santé. Les trois

' Don Carlos.

104 DÉPÊCHES DK M. I)K FOURQUEVAUX

dames françoises Ame,' Riberac et S* Legier remercient très humblement Votre Majesté de l'honneur et bien qu'il vous a pieu leur faire; elles estoient très désolées sans votre faveur. J'entendz que elles s'achemineront vers Narbonne lendemain de Notre Dame d'aoust conduictes par ung cavaillero, homme d'honneur et de qualité, qui les consignera es mains de celluy qu'il plaira à Votre Majesté ordonner qui les reçoive aud. Narbonne. Le brodeur de la feu Koyne espousera Pregnon ; et une partie des officiers de lad. Majesté s'en vont avec lesd. dames, sans oblier une petite niepce de la Cousture, qui servoit à mad. Dame de fille de chambre, qui aura son mariage comme les autres, quand elle trouvera son party.

Et pource, Madame, que led. Almeydem'a priéluy donner à vous apporter ceste depesche, je ne la luy ay vouUu reffuzer, m'asseurant qu'il vous en rendra bon compte; et neantmoins à toutes adventures je l'ay accompaigné du chevaucheur. Ne vouUant faillir à vous dire, Madame, que puisque vous prennez l'alliance de Portugal par ung si cher gage que de leur donner Madame soeur du Roy, je croy qu'il vient a propoz d'obliger led. Almeyde à votre service: car il est Portugallois et homme qui cognoist les cours dud. royaume et de Castille; et s'il vouldra vous servir fidellement comme il promect, il pourra vous donner advis de maintes choses incogneues aux François, veu qu'il n'y a homme de votre part qui scache comment on se gouverne aud. Portugal aujourduy; et je vous puis faire bon, Madame, qu'il s'est monstre de mon temps affectionné serviteur de Vos Majestés de ce qu'il a peu en homme qui n'a pas faulte d'entendement; ce que j'ay espérance qu'il continuera et fera de bien en mieulx, selon le moyen qu'il vous plaira luy donner en rhostel de mad. Dame sa Royne, auquel hosteK selon que j'entendz, ne seront retenuz aucuns gentilzhommes ny officiers d'aultre nation que de Portugal: lequel article sera mis en avant des premiers. Il sera votre bon plaisir, Madame, de commander que led. Almeyde soit rembourcé de son présent voyage.

Madame, l'ambassadeur de l'Empereur m'a dict que quelques traictez et pactes qu'on fasse icy, que son maistre en vouldra faire la conclusion par delà, comme le principal contrahant, qui ne sera jamais si tost qu'il dezire ; car oullre son si grand conten-

X" 188. — 6 AOUT lofiO 105

lemcnt de descharger sa maison eu la forliffiant par ralliance de deux plus grandz roys de chrestienté, il faicl estât que les deux Princes ses enfans luy seront renduz et renvoyez, ou à tout le moins Taisné, sur les mesmes gallfcrcs qui auront porte les deux Royncs; et je scay qu'il a esté ainsi rezollu depuis liuict jours par Sa 3Iajesté Catholique en son conseil; lequel S' Roy faict une depesche aud. S' Empereur, et le courrier est party le troisième du présent pour Fadvertir de la responce que Vos Majestoz luy ont faicte en acceptant Madame la Princesse Anne et d'avoir accordé Madame votre fille au roy de Portugal. 11 escript semblablement pour scavoir le tenipz et la manière de leur venue; ce qu'il désire et prie que soit avec toute brefveté. Ayant à ces fins desja mandé à Milan^ à Gennes et à Barcelonne faire les provisions de tout ce qui sera neccessaire pour le passage desd. Altezes de Bohême. Et sur la responce que led. courrier rapportera par de(;à, qui pourra estre de retour le x ou xij"* de septembre au plus tard, Sa Majesté Catholique se resouldra d'aller en Aragon. Aussi mande ced. S'Roy Catholique aud. S' Empereur qu'il atend les pouvoirs et commissions au premier jour de France et de Portugal pour les ambassadeurs de Vos Majestés icy residenlz, pour traicter desd. mariages sans dillation ny perte de tempz: car il vouldroit que ce fust desja faict et accomply de toutes partz. Sur cecy, Madame, je n'oze vous conseiller d'envoyer visiter lad. Princesse Anne pour Royne et pour votre belle fille, car il sera possible qu'on vous proposera de la part dud. S' Empereur des conditions extravagantes, auquel cas fauldroit procéder ung peu retenuement; et s'il semble bon à Votre Majesté d'attendre à veoir ce qu'ils propozeront, comme je ne feray faulte de vous en adverlir aussitost, vous aurez tempz assez d'y envoyer après avoir entendu leur intention; en quoy je m'asseure que /Vos Majestés feront élection do personnage digne d'une commission si honnorable et n'obmettre de faire adviser de bonne heure votre coste de Prouvonce et de Languedoc, afin que elle soit pourvueue. si daventure lesd. Altezes y aborderont, comme il est à croire que elles prendront terre en quelques lieux pour se recréer et surtout la ville de Marseille, et vos gallères qui sont demeurées au port, afin que les estran gersvoyent que les travaulx d'une si longue et cousteuze guerre

106 DÉPÊCHES DE M. DE FOURùUEVAUX

civille n'a rien climînu('» de la puissance et magnisficcnce de votre Royaume. J'ay aussi, Madame, pensé entendre, et ced. Almeide me radict,que de Portug^al sera faict instance que voz subjects renoncent à toute prétention des Indes et du Brazil. S'ils m'en parleront, je leur respondray comme il fault. En ces affaires icy je suis d'avis, Madame, que vous ne devez rien descouvrir ny communiquer aud. Almede, car enfin il est subject de son Roy et pour ce affectionné h son païs naturel, et tout le mesme des choses d'Espaigne, car il suffira do tirer de luy ce que vous pourrez dextrement sans luy descouvrir voz dessains; et j'en uze ainsi; car il sçait plus que je ne luy ay pas aprins. Si est ce que je l'estime homme de bien pour ne vous tromper point quand il vous aura donné sa foy.

Madame, Monsieur le prince d'Evoly que je fuz hier visiter m'a prié vous supplier qu'il plaise à Votre Majesté avoir led. Almede en recommandation de très humble serviteur, et la princesse sa femme m'en a dict aultant: à quoy je n'ayvoullu faillir. Il vous rendra compte de maintes particularitez que je laisse pour vous dire. Madame, que led. Ruy Gommes m'a asseuré que le Roy son maistre a escript d'affection à l'Empereur toutz les propoz que j'ay desja dict m'avoir esté tenuz par l'ambassadeur don Dietrislain, et qu'il dezire aultant que Voz Majestez l'accomplissement des mariages, ce qu'il espère se feracest hiver; et si led. S' Empereur sera content et prest d'envoyer Mesdames ses filles en octobre ou plustost. Sa Majesté Catholique en aura le plus grand plaisir du monde, ayant commandé au courrier qui partist avant lier soir qu'il soit de retour dans les x ou xij"' du mois qui vient, afin de prendre la rezoUution de toutes choses. Là dessus et entrecy et led. terme les contracts seront passés et vous pourrez envoyer led. mois qui vient le s' qu'il vous plaira vers Sa Majesté Cezarée faire les compliments et espouzer sa fille pour le Roy. comme les solemnitez entre si irrands princes requièrent; le semblable se faira du cousté de Portugal pour Madame. Et touchant Tassislance que Voz Majestez deniî^ndent contre les Allemans et Anglois, que Sa Majesté Catholique la prend fort à cueur et escrira h la royne d'Anirleterre suivant votre intention qu'il ne s'en fauldra rien. Et fault, Madame, que vous escriviez quelquefois aud. Ruy Gommes; car Voz Majestez

r- 188 ET 189. — 1) AOUT 1569 407

ont en luy un très affectionné serviteur et croy que aussi en Mons' le cardinal de Siguence, auquel quelcune de voz lettres donneroit meilleur courage d'eslre tel, s'il ne Test ; et il peult tout ce qu'il veult auprès de cested. Majesté; mais faites moy ce bien, Madame, de vous louer à don Francés d'Alavades bons offices que je vous ay advertie qu'il faict envers le Roy son maistre ; car j'entendz qu'il les faict, et le secrétaire Cayes mérite que Votre Majesté die une bonne parolle de luy aud. ambassadeur, car il ne s'espargne point en ce qu'il peult auprès du Roy Catholique pour le service et contentement de Voz Majestez. De Madrid, le vj"" d'aoust 1569.