A la Royne

Madrid, 45 octobre 1568.

Madame, S'il eust pieu à Dieu conserver plus longuement la feu Royne votre fille, comme elle estoit aymée d'un chacun et neccessaire à toutz, je n'aurois esté si malheureux de donner à Votre Majesté la nouvelle si doloreuze de son trespas, que je ne me peuz cscuzer de vous faire entendre estant pour votre service en ce lieu. La perte, Madame, est irréparable et seroit davantage à regretter si sa fin n'avoit tellement semblé à sa vie que lad. Dame Royne sera représentée d'icy à cinq cens ans, en ce royaume, pour exemplaire de bonté et de toutz les biens qui se peuvent dire d'une princesse très acomplic, qui n'eust oncq sa semblable en Espagne, en sa vie ny en la mort; de laquelle il semble à toute manière de ces gens icy qu'il est impossible d'en dire le bieA qui y estoit, ny à moy vous escrire les regretz qu'ilz en font, ainsi que Mons' de LigneroUes, s'il plaira à Votre Majesté, vous scaura trop mieulx raconter que moy, et vous faire le rapport, Madame, de ce que luy a esté dit et respondu sur la depesche qu'il avoit portée; qui me retient de vous faire plus long discours, que de mémoire de ma main que je luy ay baillé et prié de vous présenter; et de ce qui surviendra et je pourray scavoir, je ne feray faulte d'en donner advis à Voz Majestez; vous asseurant, Madame, que led. s' de LigneroUes n'a rien oblié à dire et remonstrer de ce qui sert contre ceulx qui ont voUu controUer voz actions durant ce règne, ny n'a pas espargné don Francés à l'endroict du prince d'Evoly, touchant les mauvais offices qu'il peult avoir faictz envers le Roy. son maistre; et a faictz cognoistre et toucher au doigt à Sa Majesté, au

N*' 148 ET 449. — 45 octobre 4568 3

cardinal, au prince d'Evoly et evesque de Cuengue que jamais royne, assaillye ou presque opprimée d'infinies difficultez, comme Votre Majesté s'est veue longuement durant ce règne, ne gouverna si sagement ne si dextrement son Estât que vous, Madame, avez gouverné le Royaume de France, durant les tempestes et orages plus dangereux d'icelluy, si bien que ce qui sembloit estre abandonné à évident naufrage est aujourduy adrecé pour arriver à port de salut.

Du xv- d'octobre 1568.