Au Roy

Madrid, 47 septembre 4569.

Sire, Ce me seroit le plus grand heur que je dezire en ce monde qu'il pleust à Dieu me fore grâce de m'aquicter comme je suis obligé de la nouvelle charge* qu'il a pieu à Votre Majesté me donner par voz deux pouvoirs, qui est ung honneur plus grand que ma petite sufCzance ne mérite; duquel je baize piedz et mains à Votre Majesté très humblement, l'asseurant qu'il ne tiendra sinon à mon incapacité et ignorance que votre service ne soit faict en cella et toutes autres chozes le plus à votre satisfaction que je pourray.

Sire, lesd. deux pouvoirs me furent renduz, ensemble les deux lettres qu'il a pieu à Votre Majesté m'escrire des deux et cinquième d'aoust, par mon secrétaire qui fut icy le xxv"', et le mesme jour j'envoiay demander audience pour lendemain au Roy Catholicque, qui me l'accorda pour le matin entre neuf et dix heures; à laquelle je me rendiz; et en attendant d'estre introduict, survindrent les Princes de Bohême pour donner le bonjour comme de coustume aud. S' Roy et le s' Dietristan ambassadeur de l'Empereur, qui a charge de leurs personnes et maison en leur compagnye. Hz ne feirent long séjour auprès de Sa Majesté Catholicque; et à la sortie ilz repassèrent par la chambre où j'estoys bien joyeulx et riantz. Led. Dietristain s'arresta ung peu d'espace avec led. S% puis à la sortie me de-

» Original. Bibl. Nat., ms. fr. 46103, f" 567. ' La négociation du mariage du roi.

il4 DÉPÊCHES DB M. DE FOL RQUE VAUX

manda comment passoient les affaires de France. Je luy respondiz que bien, et luy comptay ce que mond. homme m'en avoit dict; car par lad. depesche ne m'en a esté rien mandé. Il s'informa de moy si la commission pour traicter des- mariages estoit venue ; je luy feiz responce que ouy. Il me va dire qu'il n'y auroit donc grande longueur à les conclurre, car ced. S' Roy les dezire et aussi l'Empereur aultant que Votre Majesté. Sur ce propos, Sire, je fuz appelle vers Sa Majesté Catholicque; luy feiz voz recommandations et de la Royne, luy donniz voz lettres. Il me demanda de votre santé et de voz affaires, à quoy je respondiz ce que j'en scavois. En après luy feiz entendre ce qui est porté par les premiers poinctz de l'instruction qu'il a pieu à Votre Majesté m'envoyer sans en oblier ung mot jusques au poinct où il m'est commandé luy dire qu'il ne restoit sinon d'assigner jour et lieu à ses députez et de l'Empereur et roy de Portugal et à moy pour nous en assembler. Sur quoy il me feist responce qu'il baize les mains de Votre Majesté pour la bonne et prompte détermination qu'il luy a pieu prendre touchant les mariages, pour l'effect desquelz il fera uzer de toute la brefveté possible, bien m'advisoit qu'encore qu'il eust l'escriptdu xviij de juillet au roy et royne de Portugal afin d'envoyer commission à son ambassadeur icy résident, que neantmoins elle n'estoit encore arrivée. Je luy deiz franchement que si j'eusse pensé que led. pouvoir ne fust venu qu'il ne me fust eschappé de dire que j'eusse receu le vostre pour led. Portugal; lequel ne scauroit nier qu'il n'y ayt de la négligence. Toutesfois que à Sa Majesté Catholicque ne se debvoit rien celler en ce faîct, car c'est le sien propre, puisqu'il a parlé pour led. s' roy de Portugal, et c'est à luy que Votre Majesté rcspond et me commande de traicter et non avec autre. Il se prit lors à rire, me disant qu'en ce retardement n'y avoit finesse quelconque n'y faulte de bonne volunlé; mais pour aultant que le roy de Portugal estoit fuy à une part et la royno à autre et tout le conseil séparé en divers lieux îi cause de la peste, ilz ne s'estoient point ny pourroient facilement s'assembler. Ce qu'il est force qu'ilz facent pour raison du bas cage dud. s' roy; que je me repozasse sur sa parolle qu'il n'y auroit dilation ny longueur; et jaçoit qu'il pençast que led. pouvoir fust en chemin pour venir, ce nonobstant qu'il escriroit ce

soir là après la consulte ; car c'estoit ung vendredy, et depescheroit courrier exprès pour le faire avancer; ce que je scay qu'il feist, et que Madame la Princesse, sa seur, en escrivit bien cliauldement au roy son fils et à la royne son ayeule, et partist icelluy courrier de ce lieu le xxvj"" susd. Je luy remonstriz. Sire, en lad. audience le contenu de votre lettre du deuxième dud. aoust touchant les fruictz qui procéderont de votre mutuelle alliance et amytié; ce qu'il confesse estrc plus que véritable, et le remerciay de votre part comme il m'est commandé par autre lettre du cinquième pour le secours des quatre mil soldatz; lequel S' remercie en semblable Votre Majesté de la bonne affection portée par vosd. lettres qui ne sera da sa vie autre de son endroit sinon très encline à vous complaire et servir de tout ce qui dépendra de sa puissance. Que touchant ausd. soldatz, il avoit commandé les faire marcher en dilligence et le commanderoit de rechef, car vouldroit qu'ilz fussent desja en votre camp.

Sire, je vouloîs vous donner advis par ce porteur dès lendemain de mad. audience de ce dessus et comment le pouvoir de Portugal n'estoit encore venu; mais Sa Majesté Catholique me pria ne le faire point, ains d'atendre quelques jours que sond. courrier fust de retour, lequel ne feroit que aller et venir. Le mesme me remonstrerent Mons' le cardinal de Siguence et le prince d'Evoly, m'asseurant toutz deux queSad. Majesté Catholique dezire aussi affectueuzoment Teffect et consumation desd. mariages et du sien comme Votre Majesté, et plustost cest hiver que d'attendre plus tard, dont toutesfois apporteroit particulliere resollution de l'Empereur le courrier qui luy fut depesché ausd. fins le troisième d'aoust; lequel ne pou voit faillir à estre icy dens le quinze ou vingtième du présent. Et pour ce, Sire, que je leur demandiz à l'un et à l'autre si la Majesté dud. Empereur avoit envoyé commission à son ambassadeur pour traicter et conclurre lesd. mariages, ilz me feirent responce que ced. S' Roy a ample pouvoir de promectre, obliger et faire ainsi que le propre père feroit, comme il se fera fort d'en estre advoué dud. S' Empereur. Aultant m'en a dict led. s' Dietristain, et neanlmoîns que sond. maistre luy envoyera commission expresse h luy son ambassadeur pour approuver et ratiffier tout ce que Sa Majesté aura traicté et promis. Par ce moyen, Sire, ont passé plusieurs jours

sans rien faire en atcudant de jour à autre nouvelles de Portugal ; duquel retardement ced. S' Roy est bien fâché et en colère, ou il en faict le semblant, contre les ministres du roy son nepveu ; aussi est Madame la Princesse, laquelle est au Parde depuis le cinquième de ce mois pour changer d'ayr; duquel changement elle se trouve mieulx. J'ay faict entendre tous les trois jours à Sad. Majesté Catholicque que je ne debvois différer davantaige sans advertir Votre Majesté dud. retardement et qu'il n'y a encore rien commencé d'entamer sur les mariages. Il m'a tousjours faict dire et prier que j'eusse patience; tant que finablement je suis retourné à l'audience le douzième de ced. mois, où je me suis plaingt de quoy tant de jours se sont perduz en vsdn depuis avoir dict à Sa Majesté que j'avoysreceu voz pouvoirs; que Dieu voyt et le monde peult scavoir pour cela qu'il ne tient pas à Votre Majesté que la plus grande et fructueuze alliance qui se pourroit faire ny se soit faicte de quelques centaines d'ans en çà n'est desja acomplie pour le bénéfice de toute la chrestienté qu'il fedsoit à esmerveiller, qu'estoitla cause que Portugal uzoit d'aucune froideur en ce qui faisoit tant pour luy; car déplus Sa Majesté Catholicque avoit occasion d'en estre marrye, veu que c'est elle qui en a drecé le propoz et qui a faict demander et prier à Voz Majestez par Monseigneur le cardinal de Guise et par son ambassadeur de vouloir donner Madame votre seur aud. s' roy dud. Portugal; ce qui avoit esté accordé à sa contemplation sans atendre que led. Portugal vous en feist requeste ne instance, lequel meriteroit d'estre laissé en arrière pour n'en parler jusques à une autre fois qu'il y aura bonne santé aud. pays.

Sire, led. S' Roy d'Espaigne m'a respondu qu'ilz sont ung mesme sang et pour ce respect il ne le vouldroit laisser en derrière, ains le dezire veoir maryé au premier jour; mais qu'il cognoist bien que le conseil dud. roy est aujourdui composé de jeunes hommes; mesme j'ay sceu que ung vieil secretere d'estat, le plus entendu ministre de très tous, s'est retiré mal content, qui estoit le registre dud. conseil et n'y est demeuré homme qui scache bonnement le stille ny la manière dont il fault uzer à traicterdud. mariage ne pour en instruire led. ambassadeur; que Sad. Majesté Catholicque ne scait imaginer autre cause dud. retardement sinon celle là, et de la peste ; mais que je m'asseu-

rasse, qu'il ne passeroit huict jours que lad. commission ne fust icy; estant bien d'opinion que j'atendisse ung peu davantaige, et me demanda au moins trois jours, passé lesquelz, si led. pouvoir n'estoit arrivé, qu'il se remetoit h. moy de donner advis à Votre Majesté de ce qui est passé.

Et touchant à mad. plaingte, que c'est avec raison; mais encore Fa il plus grande de trouver mauvais que le Roy son nepveu, auquel il pardonne pour sa jeunesse, n'a satisfaict plustost ainsi qu'il debvoit d'envoyer sond. pouvoir.

J'eusse, Sire, demandé à traicter de votre mariage laissant dormir cest autre de Portugal; car mary et femme sont d'eage pour attendre. Tant y a qu'il m'est défendu par votre instruction de traicter de l'un party sans parler des deux. Du reste, Sire, la dispence arriva aud. S'Roy, votre frère, sur la fin du mois passé, que le Pape luy accorda du premier mot, ainsi que m'a dict son Nonce.

Au regard desd. quatre mil hommes, lad. Majesté me deist en ma dernière audience qu'il avoit commandé les faire marcher le plus dilligement qu'ilz pourront; et a ordonné que les trois mil soient harquebuziers s'il sera possible; le surplus sont piques seiches; car par deçà ne fault chercher des corceletz; et si Votre Majesté en aura pour leur en départir, ilz seront, comme je croy, bien employez, pource que j'entendz qu'il y va bon nombre de gentilzhommes parmy les bendes; lesquelz,«elon la coustume espaignoUe, portent plus voluntiers la pique et corcelet pour Tavantaige qu'ilz ont du cappo soldo que la harquebuze. Led. secours, Sire, estoit mandé d'aller faire la masse à Victorie; mais ce sera en Navarre, pour servir en passant, s'il sera besoing, contre les ennemys qui sont descenduz en Bearn, à occasion desquelz led. Navarre et toute la frontière vers France sont en armes; et dens Pamplonne y a huict cens hommes de pied de renfortz et don Juhan Manrrique surintendant, lequel faict faire ung fort sur le passage de Roncesvaulx.

Les affaires de Granade vont comme devant. Les chrestiens gardent les villes et la plaine et les Mores sont seigneurs des montaignes. L'infanterie qui estoit soubz le marquis de Velles s'est quasi toute desbendée sans congé, que d'environ dix ou douze mil qu'ilz estoient, ilz n'en sont pas deux mil de reste avecq les enseignes. Hz sont fort insolents et indisciplinables.

il8 DEPECHES DE M. DE FOURQUKVAUX

bien qu'ilz s'escuzent sur la faulte de payement et de vivres. Don Juhan d'Austrie, le duc de Scsse et aultres principaulx ne bougent de la ville de Granade. Le marquis de Mondeje est arrivé en ce lieu par la poste le quinzième de ced. mois, ayant esté mandé venir; et après luy viennent vingt capitaines pour faire nouvelle levée de gens de pied. La flotte des Indes arriva en aoust à Seville portant deux millions d'or et de plus, dont y a six cens mil escuz pour la part du Roy Catholicque. Hz en atendent une autre de cy à peu de tempz, qui vient du Peru, et sera pour la fin d'octobre aud. Seville; laquelle est plus riche; car elle porte ung million d'or pour les droictz royaulx.

Led. s' cardinal, Sire, me disoit dernièrement que les finances du Roy son seigneur estoient au sec sans le secours qui luy est venu en la susd. flotte, car il supporte de très excessives depences en divers endroictz, et luy croissent journellement les occasions de despendre. Si est ce que ung banquier gennevois m'a dîct que argent n'est pour luy manquer, encore qu'il eust besoing dens trois jours de quinze cens mil escuz parmy les banques de Madrid ; qu'est ce qui se offre pour le présent. Et mais, Sire, que le pouvoir dud. Portugal soit venu, je ne feray faulte d'en avertir Votre Majesté par homme exprez ou par la voyc de Mons' le cardinal d'Armaignac, si quelque courrier partira pour Itallie; et ne seray négligent à solliciter le Roy, votre frère, qu'il nous fasse assembler pour traicter des mariages suivant ce qu'il vous a pieu me commander.

Sire, je prie Dieu qu'il vueille conserver Votre Majesté très longues années en très acomplie santé, paix et prospérité. De Madrid, le xvij"' de septembre 1569.

Votre très humble, très obeyssant et très obligé subject et serviteur.

FORQUEVAULX.