AlaRoyne

Madrid, 17 septembre 4569.

Madame, Je voullois bien advertir incontinent Voz Majestés que le pouvoir de Portugal n'estoit encore venu, quand ceulx du

» Original. Bibl. Nat., ms. fr. I()i03. f^oTO.

Roy me furent donnez par mon homme, le xxv"' du passé; mais le Roy Catholicque, duquel j'euz lendemain audience fut d'avis et me pria d'atendre le retour du courrier qu'il depescheroit le mesme jour xxvj"", faisant son compte qu'il yroit et viendroit en dix ou douze jours dud. Portugal, par lequel il escriroit bien chauldement pour lad. commission. Lesd. douze jours. Madame, sont expirez et plusieurs davantaige, qui a esté cause que je retoumiz à Taudience le xij"' du présent pour scavoir la cause du retardement et ce qu'il plaisoit aud. S' Roy que je deisse sur ce faict à Voz Majestez, n'estant lioneste ny de mon debvoir que je différasse plus à vous depescher ce porteur avec la vérité de ce qui passoit. Sa Majesté Catholicque me pria de surceoir encore trois jours, afin de veoir si sond. courrier viendroit; lequel il atend d'heure en heure. J'ay différé et surceiz en espérance de vous pouvoir escrire. Madame, quelque certaineté; mais je n'en ay autre que de vous dire que ced. S' Roy est ou faict semblant d'estre fort mal content du conseil et des ministres de Portugal, qu'ilz soient si longz de renvoyer sond. courrier avec la commission. Il est vray qu'il escuze la jeunesse dud. s' roy, son nepveu, et le malheur de la peste qui les tient en continuel travail de n'avoir maison ny demeure ferme ny arrestée en ung lieu; ains sont contrainctz de vaguer et changer logis de jour en jour esgarez et escartez en divers lieux. J'en ay parlé à Mons' le cardinal de Siguence le xiiij de ce mois, qui en donne le tort aud. danger. Neantmoins pource que telle façon de faire ne peult vous apporter sinon mauvaise satisfaction, il m'ademandé, requis et prié de retenir ma depcsche jusques à ce jour présent. Ce que j'ay faict, et ne scaurois dire si en ces dilations y a finesse ne intelligence avec led. Portugal, afin de veoir si vous ferez la paix comme icy en ont belle peur ; et le mesme cardinal m'a dict qu'il la crainctpour infiniz respectz; m'a dict pareillement qu'ilz attendent responce de l'Empereur dens le xviij ou au plus long le xx"* de ced. mois, par où ilz scauront le quand et comment les deux futures Roynes viendront, dont il sera bon que Sa Majesté Catholicque vous donne advis par mesme moyen et de l'arrivée de lad. commission de Portugal; s'asseurant led. s' cardinal que les traictez des mariaiges sont si clairs qu'ilz seront lantost concluz sans perte de tempz; et ilz le dezirent infiniment, et que la

Royne qui sera d'Espaigne soit à Barcelonne par tout octobre ayant laissé la nostre à Marseille en voz mains, qui avez dict. Madame, à don Francés d'Alava qu'il se tienne prest de vous y accompaigner quand vous yrez aud. Marseille recevoir la Royne, votre fille. Sur quoy Sa Majesté Catholicque respond à ced. propoz que son ambassadeur luy a escript qu'il ne face faulte de vous y suivre et servir et en toutz les lieux qu'il vous plaira lui commander. De quoy, Madame, il rezulte que Voz Majestez se contentent que lad. future Royne, votre belle fille, soit menée avec celle d'Espaigne s'embarquer à Gennes et venir sur les gallères aud. Marseille. Ne voulant faillir k vous dire, Madame, que je ne feiz faulte, dès le xxvj du passé, de présenter voz recommandationset lettre aud. S' Roy Catholicque; lequel se monstra fort aize de scavoir de voz nouvelles et de quoy les pouvoirs pour traicter les mariages estoient venuz. Il vous respond de sa main et, à ce que j'entendz, il ne dezirepas moins que Voz Majestez veoirbientost la consumation des mariages. Le Pape luy en a envoyé la dispense sans y faire difficulté, et après qu'elle a esté venue et non plustost, les Princes de Bohême luy ont donné le parabien du mariage qu'il prétend faire avec la Princesse Anne, leur seur. Je croy, Madame, que Voz Majestez feront faire le semblable, mais que les traictez soient concluz et n'y aura que tout bien d'escrire deux bonnes lettres ausd. jeunes Princes, veu qu'ilz seront de si prez voz alliez. On tient pour certain toutz deux, ou au moins Taisné, s'en yront en AUemaigne sur les mesmes gallères qui auront passé la Royne d'Espaigne. A ces fins ceste Majesté se trouvera à Barcelonne et desjale vice chancellier d'Aragon est party, y a plus de quinze jours, pour aller advertir les estatz des trois provinces Aragon, Vallence et Catheloigne, qu'ilz soient preslz pour les courtz de Mousson ; et l'on parle de les tenir cest hiver à Saragousse, pour ce qu'il y a meilleur commodité de logis et de toutes chozes que aud. Mousson.

Ne faisant, Madame, à oblier sur ce propoz de Portugal, que, dès le mois passé, les roy et royne ont respondu à Sa Majesté Catholicque et remercié du bon office par luy faict pour luy faire donner Madame, votre fille, qui leur est ung party très agréable à eulx et à leur royaume. C'estoit en responce de ce que cested. Majesté leur avoit donné advis de l'office qu'il avoil

faîct là dessus de vous demander mad.Dame pour led. s' roy, son nepveu, et comment Voz Majestez la luy avoient accordée. J'eusse sans cela heu soubspeçon que le conseil et grandz dud. royaume ne voulsissenl poinct ceste Majesté pour leur médiateur, aîns que eulx niesmes en dezirassent Thonneur pour la compétence naturelle qui est entre ces deux nations et royaumes; mais ayant sceu que Icsd. lettres sont esté escriptes. j'ay opinion que tout Portugal est content que le mariage se traicte auprès de cested. Majesté par leur ambassadeur. Bien est croyable que cependant TEspaigne auroit grand plaisir que les François qui sont en armes donnassent une très sanglante bataille les ungs aux autres et la pire nouvelle que ces s" scauroient oyr de votre cousté seroit, Madame, que vous eussiez faict la paix, scachant bien ce qui leur en pend à Foeil et ne le cèlent, pasmesmeled. cardinal de Siguence, quimeTadict; auquel j'ay faict responce que Voz Majestez n'ont garde de la faire, si autres forces d'Allemaigne et d'Angleterre n'entrent en votre Royaume. Parquoy, il fault faire en sorte que le duc d'Alve leur face teste, ou autrement Voz Majestez prendront autre expédient. Il m'a asseuré que led. duc n'y fera pas faulte; et scavent bien qu'il ne vous fault rien craindre dud. Allemaigne ; car il ne s'i levé pas ung homme pour vous travailler.

Quant à Mesdames les Princesses, voz petites filles, l'aisnée se porte bien, mais Madame Catherine s'est trouvée mal sept ou huict jours d'une petite fiebvre qui lui venoit sur le tard; elle Ta perdue du tout depuis trois jours. Au demeurant, Madame, Mesdemoiselles d'Arne et de Riberac partiront d'icy le cinquiesmo du présent honnorablement accompaignées, servies et desfrayées. Je croy que partout ced. mois elles arriveront à Narbonne, où j'ay asseuré à Sa Majesté Catholicque que Mons' de Rieux les recevra et s'en chargera en vertu du commandement que Votre Majesté luy en a faict; à laquelle je baize piedz et mains très humblement pour l'honneur qu'il a pieu au Roy et a vous nie faire de me commetre et fier le traicté des mariages qui sont de si grandz princes et princesses qu'ilz ne se peuvent traicler assez dignement par si petit et indigne serviteur que je suis. En quoy neantmoins je metray peine de vous servir, Madame, le moins mal que je scauray moyenant la grâce de Dieu.

Madame, je le supplie vous conserver et maintenir très longues années en très acomplie santé et prospérité. De Madrid, le xvij"" jour de septembre^l569.

Vostre très humble, et très obeyssant et très obligé subject. vassal et serviteur.

FORQUEVAULX.

Madrid, 28 septembre 1569.

Sire, Estant sur le point de faire partir ma depesche cejourduy, j'ay sceu que les deux courriers qui furent envoyez en Portugal estoient arrivés ceste nuict; Tun s'appelle Alvarés Capdeville et l'autre Martinés. Led. Alvarés fut depesche d'icy .le xxv"* d'aoust après mon audience du Roy Catholique; lequel Alvarés à son retour a trouvé ung commandement au lieu de Cazerubia, où la poste est à sept lieues de Madrid sur le chemin de Portugal, de s'arrester là ung nombre de jours, je n'ay peu scavoir combien, mais il envoya secrètement icy le paquet qu'il rapportoit. Led. autre. Sire, qui a nom Martinés et toutz deux biscayens est venu après et eulx deux sont arri\-ez ceste nuict devant le jour; ausquélz a esté commandé de demeurer cachez en leur logis, afin que l'ambassadeur de France ne scache leur retour. Je l'ay toutefois sceu tantost après, dont on est bien fasché; mais pour ne ruyner mon diseur, je n'en ay vouUu faire plainte ny querelle; seullement ay envoyé scavoir de Cayes si le pouvoir de Portugal estoit venu par ung courrier qui ne faisoit que d'arriver ; cecy estoit. Sire, à unze heures du matin. Il m'a respondu ou à mon secrétaire que c'estoit ung messagier à pied que marchantz de Lisbonne avoient envoyé à autres marchantz de ceste ville. L'ambassadeur de Portugal m'a respondu le mesme; mais il est vray que led. Martinés est allé et retourné à cheval par la poste et aussi bien sond. compaignon, car je le scay véritablement; et n'ay encore donné entendre que je scaiche le retour de ced. Alvarés; mais je le diray au Roy, votre frère.

Sire, j'escriptz à Votre Majesté au pied de la lettre ce qui a passé et si je scavois pour quelle occasion le pouvoir dud. Portugal tarde tant k venir ne qu'on fasse tenir lesd. courriers cachés et rece-

N'»' 194 ET 495. — 28 septembre 13G9 123

voir les depesches à cachetés, je ne fcrois faulte de l'escrîre à Votre Majesté. Si est ce que je n'en ay point bonne opinion ny de leurs dillations, ains me doubte qu'ilz le font pour laisser couler le temps, en attendant quel succez prendront les troubles et guerres de votre Royaume, car je suis adverty qu'il se dict publiquement en Thostel des Princes de Bohême qu'il ne fault espérer que l'Empereur vous envoyé sa fille pendant lesd. troubles. Je ne veulx pas dire ny penser qu'il soit ainsi et moins qu'il soit conseillé par Sa Majesté Catholique de vous tenir en ceste surceance; il est neantmoins àsoubspeçonnerqu'on vouldroit que voz subjects se fussent si fort affoibliz en toutes sortes et voz forces si au dessoubz que jamais voizin de vos terres n'en eust à craindre; et n'ay pas failly à dire quelquesfois à aucuns de ses s" qu'il ne fault cuyder que Votre Majesté vueille ruyner son Royaume pour la querelle d'aultruy. C'est assez avoir monstre au monde le zelle que Votre Majesté porte à la religion de vos ancestres et à laquelle vous avez esté baptisé; car il vous couste la guerre de sept ans et la vie de deux cens mil de voz subjects, qui sont morts pour lad. querelle d'une part ou d'autre, qu'ilz n'en seroient esté tant tuez ny tant de finances gastées pour la conqueste d'ung autre grand royaume, sans compter les prinses des villes, sacagementz, et les autres misères que une guerre riville traine après soy, comme Votre Majesté les veoyl à son grand regret. Plaise à Dieu y remédier par telz espedientz qui soient à sa gloire et à votre réputation et repos. De Madrid, le xxviij"*' septembre 1369.