A la Royne

Madrid, 4 septembre 1570.

Madame, Je n'ay pas failly en mon audience du xiij du passé de remonstrer clairement au Roi Catholique ce qu'il vous avoit pieu me commander par votre lettre du xviij de juin, touchant le malheureux propoz qu'on vous a adverlie avoir esté tenu par le sieur de Ghantonnay; ce que leil. S' Roy a trouvé si estrange qu'il me Ta regecté fort loingne le pouvant croire, car c'est sans aucun fondement. Toutesfois il dezire qu'il vous plaise faire veriffier led. rapport; car si telle faulceté luy sera sortie de la bouche, led. Chantonnay se peult tenir asseuré de s'en repentir. Et n'est rien de l'evesché ny d'aucun bénéfice; je verray ce qu'il me respondra là dessus, car led. poinct est comprins au mémorial que je luy ay donné. Et c'est bien. Madame, une punition de Dieu que toutz les médecins qui servirentlad. Royne, votre fille, en toutes ses groisses, sont mortz, excepté ung nommé le docteur Bernard, lequel ne pouvoit estre creu de ses compaignons ny son opinion avoir le crédit qu'il fust esté bezoing pour le salut de lad. Dame, car encore demy heure devant qu'elle acouchast mal de la dernière fille, je fus présent à une dispute qu'il eust contre celluy qui avoit succédé en Testât de Montguion; soubstennant led. Bernard que lad. Dame Royne estoit enscainte de créature vive comme la vérité estoit et sond. propre médecin disoit au contraire que c'estoit une molle; et ainsi par leurs difl'erentz et des autres médecins aultantignorans queluyavoient esté appliqués de longue main divers remèdes dommageables, ainsi que j'espère le dire plus amplement quelque jour à Votre Majesté.

Quand aux godamacils, Madame, je n'en ay jamais rcceu mémoire ny commandement; il est vray que le sieur Jheronimo Gondy a escript par deçà, il y a quelque temps^, à Vincentio Ambrogio, de les faire faire à Cordua. Je ne fauldray de soliciter qu'ilz soient avancez et envoyez le plus tost qu'il sera pos-

:><;0 DÉPÊCHES DE M. DE FOURUl'EVAlX

sible; mais ilz ne pourront servir que pour Testé qui vient. Madame, l'Imperatriz a escript au Roy Catholique, son frère, qu'elle le prie ne vouloir point donner <le gouvernante àlaRoyne Catholique sa fille; voullant signifier que la duchesse d^Alve Testoit de la feu Royne. Cela peult bien estre cause que lad. duchesse s'est retirée et partie d'icy; l'on m'adict que ce Roy luy a donné cinquante mil escuz, d'ayde de coste; aussi est il vray que elle a beaucoup despendu du vivant de la feu Royne, et despuis, et faisoit reluire sa maison. Je luy ay dict en pjenant congé d'elle que Votre Majesté aura grand desplaisir que elle s'esloigne de Mesdames les Princesses, vos petites filles, pour le bien et grand soing que elle a tousjours heu et auroit en demeurant avec lad. nouvelle Royne comme celle qui a succédé en l'amour et affection que la feu Dame Royne leur portoit, de laquelle la duchesse les avoit receues en recomandation, et que Votre Majesté m'avoit commandé par une lettre de votre main que le brodeur m'a donnée, luy dire qu'encore que lesd. Princesses soient filles d'ung si grand Roy qui seroit bienmarry leur laisser souffrir faulte de choze du monde, neantmoins leur estant celle que vous estes. Madame, vous ne pouviez faillir de leur vouUoir subvenir en tout ce dont elles pourront avoir dezir ou envye, tout ainsi et selon que lad. duchesse seroit d'advis. A quoy elle m'a respondu, les larmes aux yeulx, que Votre Majesté se peult asseurer qu'il n'a rien manqué ny manquera ausd. Infantes ny d'estre soigneuzement servies, combien que elle n'y soit, "et que la chose du monde qui luy faict aujourduy aultant ou plus de regret est de s'en esloigner, pour l'amour que elle portoit à la Royne leur mère et porte à Mesdames, oultre la servitude que elle leur doibt et à vous, Madame. Toutesfois elle espère, après que le duc son mary sera de retour en ce royaume, de s'en venir demourer avec luy en ceste court où elle veoirra souvent et servira de son pouvoir ausd. Infantes, faisant estât que led. duc d'Alve sera en Espaigne dans la fin de février qui vient, lequel duc, à ce qu'on dict, a pourchassé plusieurs fois son congé et le demandera à plus grande instance astheurcy; mais il ne se parle poinct de son successeur; l'on dict, que don Anthonio de la Cueva sera mayor dhome niayor de la Royne qui vient, la marquise de Fromesta camarere mayor. donne xMarye Chacon gou-

N" 2 il). — 4 SEPTEMBRE 1570 201

vernante desd. Princesses, car Sa Majesté veult que tout dépende de luy sans tant de grandeur. Il s'estoit dict que Ruy Gommes seroit grand maistre; le bruict est tourné à présent sur led. de la Cueve, parent du cardinal de Siguençe, qui faict et defFaict ce qui luy plaist.

Madame, il vous plaira de relire ce que je vous ay escript de don Loys de Torres par lîenevent; et scavoir sur ce propoz qu'il ne vous fault poinct escrire au Pape pour luy recommander à présent d'envoyer en Portugal pour le mariage de Madame ; car Sa Saincteté a desja anticipé et escript suivant les lettres dud. de Tourres mentionnées en lad. mienne; auquel il a respondu et envoyé ses brefs pour le roy de Portugal, royne, cardinal et don Duart, à chacun le sien, sans avoir oblié le confesseur et son frère; mais c'est de la plus grande affection et véhémence dont il a pou uzer. Aussi le gênerai de l'ordre des Theatins en mande son advis ausd. frères; m'ayant asseuré led. de Tourres, le Nonce de Sa Saincteté et le secrétaire Cayes que A^otre Majesté ne scauroit avoir désiré lad. depesche meilleure ny plus affectionnée qu'elle est; en sorte que led. de Tourres qui prend ce négoce à cueur comme *^'il luy alloit de sa propre vie ou de celle de son maistre, m'a dict qu'il sera de retour en ce lieu dens vingt jours avec une autre resollution ; mais il s'atend de la rapporter si bonne que Sa Saincteté et Vos Majestés en auront contentement; m'ayant juré par le pretieux corpz de Jhesus Christ que je ne suis poinct tant desireuz de l'elfect dud. mariage comme est Sa Majesté Catholique, car il le scait ainsi et de la manière qu'il le fault scavoir; et va accompaigné de ce qu'il faict besoing pour le faire trouver bon aud. Portugal de la part dud. S' Roy Catholique; et leur en parle en prince fort mal content do leur rov et de son conseil h cause de leurs remises et longueurs; lequel de Tourres le premier de ce mois est party devant jour par la poste. Il me semble^ Madame, s'il pourra venir à bout dud. négoce, qu'il aura bien mérité une bonne abbaye ou evcsché pour ses peines, et que une jeune damoyselle sa parente qu'il a dens Lisbone soit receue au service de Madame, quand elle en sera Royne; car il n'est pas besoing que je vous advertisse de remercier Sad. Saincteté des bons offices qu'il y faict. Ce que je n'ay vouUu. Madame, différer

"Ifrl DÉPÊCHES DE M. DE FOrRQrEVAl'X

davantage de vous faire entendre par ced. brodeur; et par Vallue ira la response que Sa Majesté Catholique m'a promis de faire dans cinq jours à mon mémoire; et ce qu'il m'a respondu de bouche en ma dernière audience touchant la paix, et le surplus de vos depesches: puis quand led. don Loys de Tourres sera de retour, je depescheray ung des miens avec ce qui luy sera esté respondu.

Dud. jour quatriesme septembre 1370..