CHAPITRE XII

Escarmouche près de Marmande.

Le roy de Navarre ayant pourveu à la conservation de cette ville de Caliors , où il laissa , ce nous semble , M. de Cabreres pour gouverneur , il s'en retourna vers Mont-auban , puis vers Eause , où il défit deux ou trois trouppes qui commen çoient à se former, pour aller trouver le mareschal de Biron qui assembloit une armée que le Roy luy avoitcommandé de mettre sur pied pour resserrer le roy de Navarre dans ses places , et empescher luy et ses trouppes de tenir la campagne. Entre lesquelles factions que lit le roy de Navarre , celle de Marmande mérite de n'estre pas oubliée , laquelle passa ainsi qu'il s'ensuit.

Le roy de Navarre passant de Mont-auban à Leytoure, et le mareschal de Biron ne voulant plus souffrir queles calvacades et diligences ordinaires de ce prince luy escroçassent sans cesse quelques pièces de ses trouppes naissantes, prit resolution de neles assembler, ny loger plus à la campagne , mais dans la ville de Marmande -, ce qui fut cause que le roy de Navarre quitta Nerac , et s'en alla loger à Thoneins , d'où il se faisoit journellement quelques factions guerrières , entre lesquelles nous en remarquerons une seule , pource que vous y eustes part , et non aux autres ainsi que nous l'a conté M. de Bois-bruëil , qui estoit avec vous en ce temps-là.

Le roy de Navarre donc , voyant que cette quantité de noblesse gasconne qui estoit dedans Marmande,

OU MEMOIRES DE SULLY. [l58o] 20,3

au moindre ennemy qui paroissoit, sortoit à diverses trouppes pour aller après luy, et le charger à l'envy l'un de Vautre, à qui se montreroit le plus eschauffé à la poursuite , se résolut de dresser une partie, pour essayer d'en attrapper quelques-uns -, et pour y parvenir s'estantde bon matin, avec trois cens chevaux et les deux compagnies de ses gardes, mis en embuscade dans un grand bois situé à demie lieuë de Marmande, au bout duquel il passe un ruisseau non gueable à gens de cheval , pource que les bords en sont trop hauts et trop droicts , sur lequel il y a un pont de pierre -, il y logea cent harquebusiers de ses gardes assez prés d'iceluy , sur les rives de ce ruisseau , où ils se tenoient couchez sur le ventre , espérant que quelques trouppes des ennemis le passeroient en poursuivant ceux des siens qu'il faisoit estât d'envoyer donner le coup de pistolet aux portes de la ville : pour lequel effect il commanda au sieur de Lesignan, brave et sage gentil -homme , de prendre vingt ou vingt-cinq des mieux montez et armez , plus délibérez et obeyssans de vous autres messieurs, du nombre desquels vous fustes , avec des défenses expresses de s'engager en aucun combat , mais tousjours en se retirant avec espèce d'eflVoy, essayer de les faire passer le pont , et aux harquebusiers de ne se descouvrir ny tirer , qu'un bon nombre n'eut passé , pource qu'aux premières salues d'harquebusades , il marcheroit en gros pour soustenir ses coureurs , qui lors auraient tourné teste.

Tout cela ainsi disposé , le sieur de Lesignan l'observa exactement, donnant jusques aux portes de la ville, qu'il estoit encore assez matin, où la pluspart

2g4 [i58o] oeconomies royales,

de vous autres , comme ils disent en Gascongne, firent fumer le pistolet sur quelques soldats etliabitans qu'ils rencontrèrent dehors ; puisaussi-tost, afin d'éviter les harquebusades des murailles et tours , vous vous mistes sur la retraite , laquelle ayans faite jusques hors la portée d'arquebuse , et voyans que vous n'estiez pas suivis de cavalerie, M. de Lesignan fit faire alte et tourner teste, auquel lieu vous ne demeurastes pas long- temps , pource qu'il sortit quelques harquebusiers , qui s'avançoient par les lieux couverts, pour vous saluer : tellement que vous pristes un peu plus de large , craignant que la blessure de quelque homme ou de quelque cheval ne vous engageast, pour le retirer ou l'attendre, à ce qui vous estoit expressément deffendu , et lors vous vistes trois trompettes sonnantes achevai, sortir delà ville, suivies de bon nombre de cavalerie que vous ne pouviez pas bien conter certainement, pource que tousjours ilenarrivoit de nouveau qui se joignoient aux premiers , qui se mirent à marcher droit à vous au trot , paroissans plus de cent chevaux , dont quelques-uns crioient : « Ça , « ça , cavaliers , un coup de pistolet pour l'amour de « la maistresse ; car vostre Cour est trop remplie de « belles dames pour en manquer. »

Mais M. de Lesignan faisant la sourde oreille à ces défis, ne pensoit qu'à se retirer pour les attirer dans l'embuscade, etlaissans six des siens, un peu derrière, pour faire la retraitte , avec défence de s'engager à rien (ceux-là, ce nous semble, commandez par un que l'on nommoit le Bois ou Quasy, que l'on estimoit fort brave et advisé soldat, mais à cette fois la vanité et la hayne l'emportèrent) , et luy se mit au grand trot

OU MEMOIRES DE SULLY. [l58o] 20,5

vers le pont , nonobstant tous les défis des autres qui crioyent incessamment: « Comment, cavaliers, sera- « t'il possible que des gens , qui se disent marcher « sous la bannière de Mars et d'Amour tout ensem- « Lie, se retirent ainsi fuyans, sans avoir donné un a seul coup d'espée que sur des pauvres manans , « que vous avez trouvez hors des portes. » En fin un seul d'eux , avec lequel Quasy avoit querellé , s'estant advancé, se mit à crier vers les six qui estaient plus derrière faisans la retraitte : « Cavalier au « cheval noir et chanfrin blanc, si vous estes Quasy, « comme je vous estime tel , et trop brave pour re- « fuser à donner un coup de pistolet pour vuider « nos différends , je vous le demande , et vous pro- « mets d'aller seul et faire faire halte à la trouppe , « si vous voulez faire de mesme. » Ce qui ayant esté exécuté ils s'advancerent l'un contre l'autre , et s'attaquèrent si bravement , que celuy de Marmande fut blessé et porté par terre hors de dessus son cheval qui senfuyt à la trouppe , et celuy de Quasy fut tué et tomba à terre , son maistre se sauvant à pied vers ses compagnons; lesquels le voulant attendre, et M. de Lesignan eux , afin de passer tous ensemble le pont, qui n'estoit plus qu'à deux ou trois cens pas de là, vous fustes chargez de telle furie et impétuosité, qu'il fut impossible d'empescher le combat , et que leurs coureurs au nombre de cinquante , ne passassent le pont pesle-mesle avec vous , où il fut donné plusieurs coups de pistolets et d'espées , lesquels portèrent presque tous , vos harquebusiers n'ayans osé faire leur salue , pource qu'ils eussent aussi-tost tué des vostres que des ennemis, lesquels ne laissèrent

296 [i58o] oeconomies LOYALES,

pas de les descouvrir , et partant se doutèrent bien qu'il y avoit partie faite et qu'il falloit tenir bride en main , comme ils firent après s'estre desmeslez : neantmoins quelque vaillante lance, ou bien quelque valet qui avoit pris l'espouvante, d'une si furieuse attaque, suivie de tant de trouppes s'enfuyant vers les tronppes du roy de Navarre , trouva un gentil-homme de sa Cour fort brave, et aussi estimé fort sage et prévoyant , auquel il fit accroire , adjoustant de grands sermens à son assertion, que les coureurs du roy de Navarre , que l'on avoit envoyez agacer les ennemis , avoient trouvé toute leur armée en bataille , cavalerie et infanterie , par laquelle ils avoient esté taillez en pièces, et tous les liarqnebusiers logez sur le bord du ruisseau , investis de telle sorte , qu'ils estoient lors tons morts ou pris -, ce qu'entendu par ce gentilhomme qui aymoit infiniment le Roy, il luy porta aussitost ces nouvelles pour très-certaines , le conjurant de se vouloir sauver et se retirer en diligence , et en fit de telles instances réitérées , donnant la chose pour indubitable, que les plus vieux et sages capitaines se conformèrent à ce conseil, et importunèrent tellement ce prince de le vouloir suivre , que nonobstant l'opiniastreté qu'il tesmoignoit au contraire, disant qu'il seroit encor assez temps de se retirer lors qu'il auroit l'ennemy en veuë, ils s'en firent croire, laissant trente chevaux pour faire la retraitte ; avec lesquels et les harquebusiers des gardes des rives du ruisseau, qui avoient regaigné le bois et là trouvé leurs chevaux, vous vous joignistes peu à peu avec le Roy raesme , que vous trouvastes faisant halte en trois escadrons séparez, la teste tournée vers le lieu du

OU MEMOIRES DE SULLY. [l58o] 397

combat, sur l'advis au vray qu'il avoit receu de M. de Lesignan, de ce qui s'estoit passé eu ce combat : les ennemis perdirent deux gentils-hommes morts , cinq ou six hommes ou chevaux blessez , dont le vostre estoit du nombre , ayant eu un coup de pistolet dans ïe col , duquel il mourut trois jours après. Le Roy fut fort en colère contre ceux qui l'avoient fait retirer si viste , d'autant que le seigneur de Lesignan en parloit fort haut et avec blasme contre ceux qui s'en estoient fuits sans voir l'ennemy, d'autant que cela n'estoit jamais arrivé à ce prince.