FOL LABOUREUR

Puisque je deviendray noble homme, Tenez cy cent ducas tous neufs, Je receu hier ceste somme De vingt porceaux et de xx beufz.

FOLLE BOBÀNCE.

Il fault bien que les aultres deux Mettent main a la gibassière ; Pas ne fault estre paresseux Qui veut tenir Bobance fière.

FOL GENTILHOMME

Bobance, ma dame très chière J'engagis hier un chasteau ; Contez là, par bonne manière, Vêla l'argent de ce manteau, Et si vêla ung bon anneau, Dung fin dyament très cler et net.

Prenez le, car il est bien beau, En changement de ce bonnet.