LU RI NE
Desbon nuyt hay.
RAOUL MACHUE
Dieu gard’ Raulet.
RAULET
Que fait la fille ?
RAOUL MACHUE
El boult du lait.
LA FIANCÉE
Jay fait , jay fait.
LUBINE
Ça, ça, ma Godine.
RAULET
Desbon nuyt hay.
RAOUL MACHUE
Dieu gard Raulet, Mon frere avec ma seur Lubine.
Mon Dieu et qui vous achemine ?
Cest grand nouveaulté de vous vcoir.
LUBINE
Ilelas, Dieu y vueiîle pourveoir.
RAOUL MACHUE
Qui a il ?
RAULET
Ce nest pas grand chose.
Mais tirons nous à part, je n’ose En parler devant vostre fille.
RAOUL MACHUE
Comment, est le feu en la ville Ou maistre Mimin trespassé ?
RAULET
Yoicy tout, nous avons cessé De le tenir au Pidagogue ,
Pour le faire un grand astrilogue , Et un maistre praticien,
Affin qu’il gardast mieulx le sien , Qu’il peust susciter de nous deux.
Mais nous en sommes poujoyeulx, Car il a tant prins et comprins , Aprins, reprins et entreprins Et un grand latin publié,
Qu’il a le francoys oublié,
Tant qu’il n’en scauroit dire mot ; Si me semble que le plustost
Que pourrons aller et courir,
Qu’il nous le fault aller quérir,
Afîîn que l’en y remedie.
RAOUL MACHUE
Et dictes vous qu’il estudie En ce point si fort et si ferme,
C’est danger qu’il ne fasse un cher me Pour faire venir l’ennemy.
LUBINE
Allons ensemble, mon amy ,
Le quérir aiïin qu’on le voye.
RAOUL MACHUE
Or sus donc, mettons nous en voye Vistement, il n’y a que aller.
Habille toy, feras livraye
RAULET
Or sus donc, mettons nous en voye.
LUBINE
Cuidez vous qu’il aura de jovc De la veoir ?
RAULET
Tant en parler,
Or sus donc, mettons nous en voye, Vistement, il ny a que aller.
RAOUL MACHUE
Mais d’ou viens tu de flageller?
Menez la par la main, Lubine.
LA BRUE
Je viens de quérir ma poupine
Que maistre Mimin mon amant Mc donna.
LUBINE
C'est entendement.
Regardez que cest que daymer.
LE MAGISTER
Que tu ne me faces blasmer.
Aussi quej’ay de toy honneur,
Et que une foys tu soys seigneur, Maistre Mimin, apprends et lis ; Responde quod librum legis ,
En francoys.
MAISTRE MIMIN
Ego non, sire, Franchoyson jamais parlare,
Car ego oubliaverunt.
LE MAGISTER
Jamais je ne vys aussi prompt,
Ne destudier si ardant.
Sans cesse il est regardant Toujours en sentence ou ypistre.
Or me cherche ou est le chapitre, Cest une science parfonde Des avantureux qui du monde Prennent ce qu'iîz en peuvent avoir , Car puisqu’il le fault scavoir,
Je te feray un si grand homme Que tous les clercs qui sont a Rome, Et a Paris et a Pavie ,
Si auront dessus toy envie,
Pour ce que tu scauras plus qu'eulx.
0) Le spectateur doit se supposer dans la maison du magister, où vont bientôt arriver les acteurs que nous connaissons déjà.
MAISTRE MI MI N l\jt :
Mundo variabilius Avanturosus hapare Bonibus, et non gaignare ,
Non durabo certanibus ,
Et non emportabilibus.
Qui bien faictas, au partire Capitulorum huyctare Dicatur.
LE MAGISTER
Voila de grands mots ,
Maist dieux, telz gens ne sont pas sotz Qui parlent ainsy liaultement.
Dun mot n’en ment pas seullement,
Et tout de luy, sans riens piller ;
Que ce sera un grand pillier,
Une foys dedans ce royaulme.
Or m’allez chercher le pseaulme Pourquoy le monde et son honneur Ne pend qu’a un fil.
MAISTRE MIM1N lift :
A gaudeno
In capitro tertialy Pendaverunt esse paly,
Mondibus ei honorandus A un petitum filetus ,
Vivabit soubz avantura,
Mantellus in couvertura Remportaverunt bonorum.
LE MAGISTER
Tenez quel maistre Aliborum (*) ;
(') Il existe une ancienne facétie en vers : Maistre Aliborum qui de tout se mesle et scait faire tous mestiers et de tout rien. Elle est attribuée a Pierre Gringore 5 on en connaît trois éditions fort rares. Elle a été réimpiimée dans la seconde livraison de la collection de poésies, romans, etc. (Silvestrc 1858.)
Comment il fait ce latin trembler ; Et pert qu’il ne scauroit troubler L’eaue a le veoir.
RAULET
Là, nous y sommes.
LUBINE
Allez devant, entre vous hommes,
Et nous vous suyverons moy et elle.
Faictes bien la sage, ma belle.
LA BRU
Regardez la faisge pas bien ?
RAULET
Vous yrez la devant.
RAOUL MACHUE
Rien, rien.
Toujours le pere de lenfant Va devant.
RAULET
Venez.
RAOUL MACHUE
Ennement :
C’est a vous a aller.
LA BRU
Sus, sus ,
Et que feroient les femmes plus , Comme vous faictes les relis.
RAULET
Dieu gard magistcr, et mon filz.
Comme vous portez vous ?
MAISTRE MIMIN
Bene,
LE MAGISTER
Salve tes parens , domine > En francoys.
MAISTRE MIMIN
Ego non sira.
Parus, merus, Raoul Machua, Filla, douclietus poupinis Donnare a mariaris Salvare compagnia.
RAULET
Nous n’entendons rien a cela.
LE MAGISTER
Et il vous salue, mes amys.
MAISTRE MIMIN
Patrius, Merius, Raoul Machua, Filla, douchetus poupinis.
LUB1NE.
Parlez francoys, parlez quia.
MAISTRE MIMIN
Quia, îatina parîaris.
LA BRU
Mon père , sur ma foy je ris De le ouyr.
RAULET
Il scait beaucoup dea,
MAISTRE MIMIN
Patris, Merius, Raoul Machua,
Filla, douchetus poupinis Donnare a mariaris Salvare compagnia.
LUBINE
Et ça, de par sa mère, ça Levez vous, vous estes trop sage,
RAULET
As-tu oublié le langage Que ta mère si t’a apprins Et parle si bien.
LE MAGISTER
Sans mesprins,
11 semble qu'il ayt l’engin rude,
Mais il brusle et art en l’estude,
Et parle aucunes foys si hault ,
Que mon sens et le sien y fault.
J'aiïolle quand il m’en souvient.
LUBINE
On scet bien d’ou cela luy vient.
Ils sont des maistres si pervers Qui bâtent leurs clercs pour un vers, Vous lavez trop tenu soubz verge, Vous ne l’aurez plus.
LE MAGISTER
Et qui pers je?
Me baillez vous eest entremetz.
RAULET
Le magister n’en peult mais \ il a fait le mieulx qu’il a peu.
MAISTRE Ml MIN ,
Aprenatis carismedes ,
RAOUL MAC HUE
Le magister n’en peult mais.
LUBINE
Parleras tu francoys jamais.
Au moins dy un mot, joletru,
LA FIANCÉE
Le magister n’en peult mais,
Il a fait le mieulx qu’il a peu.
LUBINE
Au moins baise la, entens tu ?
Tant tu seais peu dhonneur.
MAISTRE MIMIN 1(1 bdise .
Baisas
Couchaverunt a neuchias ,
Maistre Miminus amitus,
Sa lama tantost maritus Facere petit enfanchon.
RAULET
Le gibet y ait part au laton. Magister, que veult il dire ?
LE MAGISTER
Cest une fantaisie pour rire,
Les mots sentent un peu la chair.
RAOUL MACHUE
Et dit.
LE MAGISTER
Qu’il voudroit bien coucher
Avecq la lillc en un lit,
Comme faict un homme la nuict
Première, et estre, Dieu devant ,
Avecq sa femme.
RAULET
Quel galand.
LURINE.
11 a le cueur a la cuysine.
RAOUL MACHUE
Vous esbaliissez vous, Lubine,
Maist dieux, quand j’estoye de son aage Et je trouvoye mon advantage, Incontinent sur pied, sur bille,
Cestoit.
RAULET
Parlez bas pour la fdle,
Ils sont maintenant si enclines ,
Les paroles seroient bien fines Qu’ils n’entendissent en deux motz.
Or parlons, laissons ce propos.
Magister, vous nous avez dit Que nostre fils sans contredit Scait plus que vous, c’est la parolle, Vous viendrez donc a son escolle , Votre foys, car il s‘en viendra Quand et nous.
LE MAGISTER
à moy ne tiendra.
Je iray voluntiers pour l’induire Et veoir s’on le pourra séduire A parler francoys nullement.
RAULET
Scait-il plus chanter voirement, Pour nous rejouyr en allant?
