CHAPITRE V

RIVIÈRES QUI ENTRENT DEDANS LE FLEVVE d'eVRE.

Auron ou Oiiron, vient de plusieurs estangs de Bourbonnoys, passe au pont d'If, à Dun le Roy, ou elle commence à porter bateau, à St-Just et le long des murailles de Bourges au dessus de l'Abbaye St-Sulpice, entre dans Eure; et, depuis ce lieu, auec l'assemblée des aultres riuières, elle fut rendue nauigable du temps du Roy Loys XIP, qui fut singulier bien à Bourges; car par ce moyen y abordent plusieurs marchandises fort nécessaires qui y viennent de Tours et d'ailleurs, comme vin, bois, sel, fruictz, et légumages; et se chargent les marchans à leurs retours de laines, chanures, courdages, bleds et aultres marcbandises. Ladicte riuière est tresabondante en brochetz , grosses perches et anguilles, et quelques aultres poissons d'eaue doulce.

Azi7i, petitte riuière , vient des estangs de Molin-Porchier, passe près les paroisses d'Oméry, Vorne et Crosses, et près Sauigny entre eu Eure.

Colin prent son origine de Morogues, passe près d'Aubinges à Valentiny, parroisse des Ays d'Anguillon, à St-Michel de Volangi, à Maubraches, et près Molins en Berry entre dans Eure.

La Tripande vient de Gros de Berry, et près Omoy entre dans Eure.

Quartier est vn petit fleuue , qui prouient des fontaines de Rian, et de plusieurs aultres petits ruisseaux qui procèdent des fontaines de Bion ; et, entre Omoy et Bourges entre dedans Eure : ce fleuue , comme i'ay dessus dict, sépare le hault Berry d'auec le-bas Berry.

Moulon est vnne petite riuière qui vient de Quantily, passe à St-Georges-de-Moulon , à Contremoret, au chasteau de Turly, et, de là, se va rendre dans Eure.