FLEVVES ET RIVIÈRES DE BERRY

Eure , tienne , des latins appelle Ewra. Son origine est des estangs de Poligny et Baugy, vient descendre à Sauigny et Omoy, près duquel lieu il s'espend et eslargist dans les grands marais qui s'estendent en longueur enuiron trois lieues et enuiron vnne lieue de largeur; et, estant, la renforce, tant pour l'abondance desdicts marais , que pour l'affluence des petites riuières qui entrent en icelle, se part en trois bras, dont celuy quy est à senestre, passe près le molin Conton, pour venir en la ville de Bourges, en laquelle elle entre à costé de la porte Charlet , et, passant par la milieu d'icelle , approchant les murs de l'antique cité, se rend prez la porte St-Sulpice dans les fossez, ou elle perd son nom d'Eure , et par vn diminutif s'appelle Eurete, ou bien Aurette; ôi là sert grandement aux teincturiers , tanneurs et courroyeurs de cuirs, et a nectoyer les immundices de la cité.

Le second bras vient passer soubs le pont de la porte Saint- Priue. Et le tiers bras appelle le grand Eure , passe au dessus les fauxbourgs St-Priue et faict mouldre le molin du Roy, qui est l'vn des beaux et riches de France , auquel y a quatre roues

tornant touttes à la fois, et vault par communes années pour le moins cinquante muidz de froment de reuenu. Ledict moulin souloit eslre du domaine des ducs de Berry, à présent appartient il aux Chanoines de la Saincle Chapelle de ladicte ville de Bourges.