CHAPITRE VU
DE l'ANTIQVE et MODERNE CITE DE BOVRGES.
BovRGES, cité Métropolitaine et Primate d'Aquitaine, par Cœsar appellée Auaricum , est située en plat païs, fertille et délectable, lequel abonde en tous grains, légumaiges, chanures ,lins, et toutes sortes d'excellens fruitcz , vins délicats et sauou-
— séreux et de bonne garde , en gibier, volatile et en touts poissons d'eau doulce, estant presque de toutte pars enuironné de grands raarais et de riuières d'Eure, Auron et Burette qui est vn bras d'Eure passant à travers la cité, ce qui la rend plus forte et commode, d'autant qu'elle n'a qu'unne bienestroite entrée de la part du mont Hermain, quiest le lieu, celon la commune opinion, par où Cœsar la vînt assiéger. Car ainsi qu'il est escript au VII* des Commentaires, chapitre 6«, des batailles de la Gaule, Cœsar s'en alla deuers la ville d' Auariciim , laquelle est la plus grande et la plus forte du païs de Berry et est en contrée moult fertile et abondante en vivres ; et y alla , pour raison que s'il pouuoit auoir ceste uille il se confioyt d'auoir en sa puissance la cité des Berruyers. Puis au chapitre 7® du mesme liure est dict que après que par opinion et consentement d'un chascun Vercingentorix eust faict brusler, pour vn iour, plus de vingt citez du pays de Berry, on demanda en plain conseil, si on brusler oyt Auaricum, ou si le de/fendroit. Alors touts ceux du conseil se iectèrent à genoulx aux pieds de Vercingentorix , luy suppliant à ioinctes mains de ne les contraindre de brusler presque la plus belle ville et cité de tout le pays de Gaule: laquelle estoit forteresse et ornement de la cité des Berruyers et qu'ils la défendroyent bien, veu qu'elle estoit en lieu fort , et qu'elle estoit enuironnée presque de touttes pars d'unne rivière et d'un maraiz et n'auoyt qu*vnne bien estroicte entrée. Mais Vercingentorix desconseilla premièrement qu'on ne la gardast , et, depuis , ayant pitié du peuple, leur accorda leur requeste. Et y esleurent incontinant gens idoynes à la défendre et y m,irent garnison, et ce temps pendant, Vercingentorix cornmença à suture Cœsar à petites iournées , et esleut vn liexi pour mectre son parc moult bien guarny de maraiz et de bois , loing d' Auaricum, environ quinze mille pas. EiYo'ûo. les raisons que amènent les Berruyers pour tesmoignaige que la cité de Bourges estoit anciennement Auaricum ; à quoy ceux de Vierzon contredisent grandement , s'aidant de semblables raisons, comme ie diray cy-après. Or quy vouldra considérer l'enceinte des' anciens murs de l'antique cité tels qu'on les voit pour le jour d'huy, l'on trounera que Auaricum (si c'est celle de quoy Cœsar faict si grande mention) est de fort petite estendue au respect de la grandeur que Cœsar et les Berruyers luy donnent, et qu'elle
n'estoyt à peine qu'unne cinquiesme partie de la moderne Bourges, comme amplement se peult veoir par le pourtrait topographique que i'ay cy-après exactement représenté en plan releué des murs , tours , portes, rues, temples de l'antique et moderne cité. Joinct que les vielles murailles sont construicles et massonnées à la façon de celles des Romains et non des Gaulois , qui édifioyent leurs villes selon le dire de Cœsar, ainsi que s'ensuyt : — Les murs des bonnes villes de Gaule sont presque toutes de ceste façon. Il y a deux pièces de bois droictes et longues, plantées en terre et garnyes d'une leuée de terre, et sont loing l'une de Vaultre en égale distance environ deux pieds, lesquelles pièces sont accouplées par dehors de cuyure et sont couvertes de terre ; et au fort de deuant il y a grandes pierres entrelassées entre les deux pièces de boys. Après qu'elles sont bien affermies et ioinctes ensemble, on y adioustevn aultre pareil ordre de pièces de boys, en telle façon qu'il y a pareille distance des aultres deux grosses pièces, pour le faire entretenir artificiellement. Or, tout Vœuure dessus dict se continue en telle façon, iusques à ce que le mur soit de bonne haulteur. Et pour raison que les pièces de boys et les pierres dressées sont mises en bon ordre l'une après V aultre, en diuerse façon , l'œuure n'est point laid , ains est vtile et bien conuenable à défendre les uilles., pour cause que les pierres se défendent contre le feu , et le bois se défend contre les canons, lequel bois est souvcntes foys relié par dedans de grandes pièces de bois longues enuiron de XL pieds , tellement qu'on ne peult ne rompre ne oster les premières pièces plantées. Voilà donc de mot à mot la vroye et ancienne manière qu'auoyent les Gaulois à construire et clorre leurs villes, ainsy que le descrit Cœsar. Mais ladicte Auaricura (si ainsy se doibt appeller) a esté depuis par diuerses fois accreue et augmentée. Mesmement par Charles le Grand, Empereur des Romains et Roy treschrestien des Françoys, lequel a faict accroistre et fermer de mur depuis la porte Bourbonnon , le long de la maison episcopale, iusques à la porte Charlet , qu'il voulut nommer de son nom, et iusques à un recoing de mur ioignant lequel Eurette entre dedans la cité; et semblablement feit enclorre les fauxbourgs appeliez St-Fulgent, la grande rue d'Auron et celle de Montcheury , par laquelle on va à la porte Saint- Sulpice et iusques à la tour St-Clément , ioignant la sortie d'Eu-
retle; et, pour destourner les maraiz de leur ancien cours, feit faire plusieurs leuées en turcys ; et ioignant le mur de la cité pour le rendre moins accoustable , feit passer le fleuue d'Auron. Et du depuis, tant aux despens communs de la ville qu'aux fraiz d'un abbé de St-Ambrois, furent encore enfermez de murs dans la ville, les fauxbourgs de St-Ambrois et de St-Laurens, qui est depuis la tour St-Clément iusques à la porte Charlet, tellement que comme ainsi soyt que ceste cité de Bourges ayt anciennement esté en tiltre de la première République et Siège Patriarchal des Gaules , voire qu'elle a eu ceste prééminence d'eslire chez elle vn roy sur les Celtes , aussy se peult elle dire, pour le iour d'huy, l'une des belles et espatieuses villes de toutte la France.
