CHAPITRE VIII
DE LA GROSSE TOVR DE BOVRGES.
Comme j'ay dict au premier chapitre de ce présent liure, Hermain, filz de lolcus, ayant édifié trois forteresses en la ville de Bovrges, l'une qui fut l'ancien chasteau duquel à peine y apparoissent les fondemens, l'autre où est la fousse aux arènes, et la Iroisiesme qui estoit vue grosse tour ronde sur le plus hault du mont Hermain , fut destruicte et démolie par Jules Cœsar après la prinse d'Auaricum. Mais depuis, par succession de temps, en tut rédifiée et refaicte une autre dessus les anciens fondemens, laquelle est pour le iourd'huy en son entier, estant icelle haulte et éminente, en forme ronde, descouurant tout àl'entour de trois à quatre lieues de pays. Elle fut premièrement faicte sans défence ny fossez, et la pouvait-on aprocher iusques au pied ; mais le roy Philippes Auguste , dict Dieu donné, XLI** roy de France , pour la rendre plus forte et inaccessible , enuiron l'an MCXC la feist enuironner et clorre d'une bonne muraille, en forme quarrée , avec quatre tournelles rondes aux quatre coings qui la défendent de touts costez, et se la feist enuironner de larges et profonds fossez à fond de cuue ; et en la basse cour, le long de la muraille, feist édifier plusieurs petites maisonnettes pour loger des soldats en temps de nécessité. Ladicte tour est bastie de grosse pierre de taille trèsdure , taillée par dehors à la rustique , à poinctes de diamants , et audedans ha diuers estages , chambres, secretz, prisons tresobscures et cachots, et
un puis fort profond de trèsbonne eau, lequel monte le long du degrez iusques enuiron le tiers de la tour. Et s'y a molin à bras, grand munition de lards, farines , artilleries, grande et petite pouldre, boulets, arquebustes, picques et corseletz , et toutte aultre munition nécessaire pour la garde et deffence d'icelle. Il y a vn capitaine ordinaire pour la garde, appelé Marun , gentilhomme vaillant et saige et de bons entendements, lequel a d'appoinctement 100 liures tournois par mois, et son lieutenant 40 liures, et a soubs luy d'ordinaire 25 soldats bien armez et expérimentez pour obuier aux esmotions et séditions qui pourroyent suruenir en la cité , à laquelle ladicte tour peut aisément commander.
