DES MAIRES ET ESCHEVINS

La ville et cité de Bourges souloit estre anciennement gouuernée par Consuls, nommez par les magistrats, et esleuz et confirmez par le peuple , ce qui dura iusques au temps du Roy Loys XI*, lequel à la supplication et requeste des habitants, leur octroya pour le gouuernement politique de leur ville la création d'un Maire et douze Escheuins, lesquels ils ennoblist, ensemble leur lignée légitime, combien qu'ilz ne fussent issus de nobles parens. Mais, après le Irespasdu Roy Loys, le peuple ja las d'un tel gouuernement, obtindrent derechef du Roy Charles VHP, qu'ils n'auroyent seulement qu'un Maire et quatre Escheuins , qui seroyent par eux esleus toutes les années au jour et feste de St Pierre de juing, lequel Maire ser'oyt comme chef et président des Escheuins de la communauté de la ville et de son conseil , durant le temps de son estât ; et leur en fut expédiées lettres autentiques, de manière que jusques au jourd'hui ne sont tenus à ce reiglement.

La charge et office desdicts Maire et Escheuins est de prendre soing sur les réparations des murs , portes, chaussées , uieux et nouueaux édifices, sur les puits et amas des caues , et de pouruoir au danger du feu, neltoyement des rues publiques, sur les forteresses et aultres choses politiques de la cité, et peuuent juger en matière criminelle , ressortissant leur sentence tant seullement immédiatement a la Cour de Parlement de Paris.