CHAPITRE XXIX
DE l'abbaye et MONASTAIRE DE VIERZON ET AVLTRES TEMPLES.
Charles Auguste tenant l'Empire et le gouuernement sur les Françoys, l'an de Jésus-Ghrist843, Rodolphe, XLVII^ Archeuesque de Bourges, feist construire au lieu appelé Doniire, vn rnonastaire près la riuière du Cher, distant vne grand* lieue de Vierzon, auquel il establist Religieux, selon l'ordre de St Benoisl, pour y mener vie contemplatiue et annoncer continuellement les louanges diuines. Ambramius, noble cheuallier, dote le rnonastaire de quelques héritages et reuenu, ce qui est confirmé à Aix-la-Chapelle en Allemagne (appellée des latins Aquisgranum), par le Roy Charles le Chaulue et la Royne Judith, de leurs seings et seelz. Et comme iceluy rnonastaire, depuis fut deslruict par les guerres et ruiné de fond en comble, les religieux s'en allèrent habiter en la ville de Vierzon et obtindrent licence du comte Thibault de Chartres, s»" dudict Vierzon, d'y construire vn Monastaire, à la poursuitte et diligence de Germitius, Archeuesque de Bourges, qui fut en l'an de salut 902, le 9« jour des calendes de décembre, du temps du règne de Rodolphe, lequel Charles le Sin^.ple, Roy de France, permet tenir lieu du Roy, ou bien, ainsi qu'aucuns dient, estant donné par tuteur au Roy Charles, administrayt les affaires du Royaulme.
Le Monastère assiz en la ville de Verzon est situé vers l'Occident, le long des murailles delà ville, en lieu assez beau et plaisont, ceint et enuironné de murailles de toutes pars. Il est de peu de reuenu, comme de sept à huit cent liures par an. Au dedans d'iceluy monastaire y a vn temple spatieux et de belle structure. Il est décoré des corps et reliques de St Opte, Euesque, lequel a escrit six liures contre les hérétiques Donatistes, et des ossements de S. Félice et Perpete, martirs, transférez en la France du temps de la persécution de l'Afrique soubz les Vandales, des reliques de S. Biaise, Euesque de Cappadoçe, de St Foy et de St Crepaix,du pays d'Agenois en Guienne. Iceluy Monastaire, estant lumbé en ruyne, a esté naguères restauré de nouueaux et sumptueux édifices très convenables, d'ouurage et facond très belle, par scientifique et réuérende personne
M« François de Combaret , à présent Abbé dudict Monastère, très regnommé par la noblesse de ses ancestres et par ses propres vertus. Onltre ledict monastère et église Noslre Dame, sont édifiez au dedans de ladicte , deux chappelles du nom de St Paul et St Jehan. Sur le pont d'Eure est l'hospital de la ville, et du coustôde la bize, hors les murailles, y a vn lieu et oratoire pour les lépreux ; et près les fossez est la chappelle St Martin. Vers le septentrion, hors la ville , un grand cimitiere, au milieu duquel y a vn oratoire. Et en oultre dans la forest prochaine de la ville , assize entre les riuières d'Eure et le Cher, enuiron le miheu d'icelle, y a vn autre petit Oratoire ou chappelle du nom de Marie Magdalene. En (1) la ville de Vierzon y a vne paroisse tant seulement intitulée la paroisse Nostre Dame. Le terrain d'autour de ladicte ville est areneux, assez propre aux jardinages, et à produire seigles, marseiches et auoines, mais peu de froment. Il y a peu de vignes, mais ilz sont près des meilleurs vignobles du pais qui est la Frelay, Reully et aultres. La principalle trafique et négotiation de la uille est le l'anifice , drapperie , et aultres marchandises pour la déliurance desquelles y a marché franc , toutes les sepmaines , le sabmedy , et plusieurs foyres qui se tiennent en ce lieu le iour St Biaise, le V« mardyde Caresme, le mardy après la Pentecoste, le jour St Paul et toutes les festes St Pierre. *^ ^
