CHAPITRE XXXV. î
DV BOVRG ET CHASTEL DE CONCRESSAVLT. -n'nl
mm CoNCRESSAVLT , que les Latins appellent Concordim sàltus, 'combien que aultresfois il ayt esté ville close, comme se peult ?^ voir par ses vielles ruines qui aduindrent par les Anglois, n'est p pour le jourd'huy qu'un gros bourg, très riche et bien peuplé, accompaigné d'un beau et superbe chasteau, lequel, bien tost aprez sa ruine, fut, par le duc Jehan de Berry, refaict et réédifié beaucoup plus fort qu'il n'auait au paravant esté, car il est faict ' de forme hexagonne, c'est à scauoir à six angles ou faces; et les murs qui sont de cent piedz d'haulteur et trente six d'espoisseur, sont faicts et construicts de gros cartiers de pierre très dure; puis à chascun desdicls angles y a vne grosse tour de mesme forme hexagonne, et au dessus des murailles, qui sont fortes et espoisses, sont les bâtiments et édifices hault esleuez, bastis de brique de diuerses couleurs bien ordonnées, le tout couuert d'ardoises subtilement rengés ; et le sommet de plomb doré enrichy de figures de diuers animaux; estant, ledict chasteau, enuironné de trèsgrands fossez de cent pieds de largueur et de douze de profundité, ordinairement remplis d'eau du fleuue de Sauldre, qui là se deriue le plus souuent. Plus un peu plus bas, au cours dudict fleuue, y a une estroicte et profonde fosse et de longue estendue appellée la fosse aux Anglois, parce que durant le règne du Roy Charles VIP, les Anglois ayant de rechef assiégé ledict chastel, furent si vif repoussez par les Francoys qui estoyent dedans pour la garde, que la plupart d'eux, en fuyant, cuidant passer à gué la riuière de Sauldre par ladicte fosse, y demeurèrent noyez et submergez. Concressault est distant de Bourges dix lieues, et à cinq lieues de Sancerre qui luy est à dextre, et à deux lieues d'Aubigny. Sa situation est fort belle et délectable ; car il est en vallée très fertile, arrausée du fleuue de Sauldre , qui découle le long des grandes prairies, estant là vallée enuironnée presque de toutes pars de grandes foretz, garennes et taillis, plains de sauuagine de toutes espèces pour grosse et menue chasse ; et s'y a grande nourriture de toutes sortes , de gros et menu bestail, desquels les habitans du lieu tirent merueillenx profit , oultre que le pays d'alentour
— 59 ^ est fertile en touts grains et toutes sortes d'excellens fruicts. Ledict lieu de Concressault ne soulayt estre aultres fois qu'vne Chaslellenie, mays le Roy Charles VIII, après auoir donné la ville et domaine d'Aubigny à Messire Bernard Stuard pour aucuns aggréables seruices faicls à sa couronne , transporta le siège Royal qui , lors , estoit à Aubigny, à Concressault, auquel siège ressortissent les villes , chastellenies , bourgs et paroisses qui s'ensuiuenl.
Ivstices ressortissants av siège royal de Concressavlt.
La Ville et Paroisse de Con- Thon,
cressault. Dampierre.
La Ville et Paroisse d'Au- Ville genon.
bigny sur Nerre. Assigny.
La Ville et Paroisse de la Seligny.
chapelle d'Angillon. Sauigny.
Oyson. Belleville.
La Chastellenie et Paroisse Boulleret.
Bourg, Chast. d'Argent. Baulnay.
La Chastellenie et Parroisse Ste lame,
de Clermont de Beanieu. lars.
Blancafort. Nostre Dame du Noyer.
Aullry. Sans.
Poilly. Neully. \
St Martin sur Ocre. Cresancy.
St Brisson. Menestou.
St Firmin-sur-Loire. Yuoy le pré. i >.(*'
Pierre ficte es boys. La Chappellotte. Vf! i*!
Ceruoy. ' , Mery es boys. ^' ^^'*'^^
Seuryès boysf ^*0'B Preslyrle-chetif. ^ mm^h'
La chastellenie de Vuilly. Enuorde.
Barlieu. Menestrol sur Sauldre. ^
' CHAPITRE XÏXVX;^^ '
DE LA VILLE ET BARONNIE DE CHASTEAV ROVLX , APPARTENANT AV ^ SEIGNEVR DE LA TOVR LANDRY, BARON DVDIGT CHASTEAV ROVLX. '
Chasteau Rovlx est uille et chasféau du Bas Berry, situé sur le fleuue d'Indre, au ressort du siège Royal d'Yssouldun, estant, '• ledit Chasteau, de grand circuit, presque de forme ronde, ceint ■ et encloz de murailles garnies de tours et de bons fossez , au ' bout duquel, du cousté d'Occident, sur ledict fleuue est le Donjon
et Manoir de Messire François de la Tour, Baron dudict Chasteau Roulx. Audict chasteau y a vne paroisse dédiée à S. Martin, et va ancien Prieuré du tiltredeSt Biaise, dépendant de l'abbaye Si Oildas, scise lez ledicl Chasteau Roulx.
Ladicte ville , qui est aussi close et enceincte de bonnes murailles, tours et fossez, s'estend en longueur sur le liault dudict fleuue, de l'Orienta l'Occident, ayant quatre portes principalles situées celon les quatre principaulx vents. Dont la première, qui regarde l'Orient, est appellée la porte St Denis. Celle de l'Occident la porte neufue , anciennement appellée Poicteuine. Du costé du Midy, la porte aux Guesdoux. Et celle du Septentrion la porte de Mal conseil. En ladicte uille y a deux parroisses, l'vne appellée St André et l'autre St Martial, qui n'est qu'vne anexe de la parroisse St Denis, qui est la première et plus ancienne parroisse dudict Chasteau Roulx, situé à l'Orient en vn faulxbourgs près ladicte ville, à costé du bourg de Deolz, et au dedans, à costé de la porte St Denys, le long des prairies d'Indre, est le Couuent des Cordeliers ; et en la paroisse St Marcial vn hospital fondé soubs le nom de S. Jacques pour receuoir les pellerins passans.
Autour de la ville y a grands faulxbourgs, mesme le long dudict fleuve d'Indre, appelle la rue d'Indre; et l'autre par delà ledict fleuue appelle le Bourg St Gildas ; le tout du cousté de Leuroux et Bl^ys, auquel bourg est l'abbaye St Gildas, l'abbé de laquelle a justice qui ressortist à Chasteau Roulx. Plus une paroisse appelée St Christofle et vn hospital appelle St Roch , fort mal administré, dépendant de l'aumosnerie de St. Gildas, qui vault troys cents liures de rente touts les ans.
Du costé de St Gildas, vers le septentrion, est la Champaigne et plat pais, et de l'autre costé, regardant le midy, à vne lieue de la ville , est la grande forest de Chasteau Roulx , l'vne des belles et nectes forestz de France, laquelle a de cinq à six lieues de circuit, estant peuplée de grande quantité de besles noires et rousses , et tout joignant sont les garennes plaines de Heures, leuraux et conins.
La ville de Chasteau Roulx , droicts et appertenances d'icelle , est en filtre de Baronnie, l'une des plus notables et anciennes du Royaulme de France, et la première du Duché de Berry, en laquelle y a plusieurs foires et trois marchez toutes les sepmaines, pour la lanifice (lainej et drapperie qui est l'une des plus
grande trafique qu'ils facent en ce lieu , et s'y a comptoir et tablier pour le roy, et siège d'un lieutenant des esleuz en Berry.
Ladicte ville et baronnie et ses appertenances, soyent justice , liefz, forestz, estangs, molins, dixmes, terrages, péages, cens , rente et aultres, on été partys en deux parts, il y a enuiron trente ans, — Ledict partaige encommancé du viuant de messire Hardoin et parascheué par messire Jehan d'Aumont. Iceux Hardoin et Françoise, frères et cousins germains de feu messire André de Chauuigny, sieur et baron dudict Chasteau Roulx. Et l'une des parts et moictié en laquelle est comprinse le chastel et donjon appelle le lot d'Orient, qui tire au septentrion, escheut et demeura audict Jehan , de laquelle est à présent seigneur François de La Tour , son filz ; et en icelle part sont les parroisses de St Martin , St André, et St Denis (1). Et l'autre part et moictié (appellée le lot d'Occident en tirant vers le midy), à ladicte dame Françoise de Maillé, de laquelle moictié est à présent seigneur messire Pierre d'Aumont, cheuallier, son fils, et à présent en jouist messire Jehan d'Aumont, cheuallier de l'ordre du roy, gentilhomme ordinaire de la chambre , et lieutenant de cinquante hommes d'armes , soubs la charge de Monseigneur de Montpensier ; et , en sa part et lot , est la parroisse ou annexe de St Martial , auec le conuent des Cordeliers. Le chastel et lieu du parc, syz sur ledict fleuue d'Indre, du cousté d'Occident, à trois cents pas ou enuiron du susdict chasteau et donjon ; auquel manoir faicl sa demeurance ledit seigneur d'Aumont. Ayant chascun desdicts seigneurs touts droicts de justice en sa part et moitié, Bailly, Soubz Bailly, Procureur fiscal. Greffier, Notaire, Sergent et Seel aux conlracts, se déuoluant les appellations desdits juges, pardeuant le Bailly de Berry ou son Lieutenant à Yssouldun. Ont aussy chascun Maislres et Juges des eaues et forests de ladicte baronnie , les appellations desquels se déuoluent, directement et sans moyen , à la table de marbre à Paris,
Chascun desdits barons a aussy justice ordinaire, de laquelle, ducosté du seig^ de la Tour, est sa part et moictié de ladicte ville et faulbourgs, et oullre la Parroisse Saint-Denis, en ce qui est hors la ville dudict coslé, la Parroisse d'Estrechy, et partie de la Parroisse de Louurouer avec aucuns villaiges des autres
(1) Nous suivons encore ici le texte de l'exemplaire de dédicace qui conlient dfux lignes de plus que rexemplaire autographe.
Parroisses et Boisbertrand ; et celon l'ancienne estandue de la chastellenye de la Mothe, et, ouUre, les dictes justices ordinaires que cliascun desdicts Barons a en sa part, ont chascun d'eulx, plusieurs Chastellenies et Justices ressortissans par appel deuant leurs dicts Baillifs.
Scauoir est, du costé de Messire François de la Tour, la Cbastellenie de Boullon, lequel lieu est tenu et mouvant dudict Chasteau Roulx, tant en fief que justice, et enicelle Cliastellenie sont les Paroisses de Sacierges, Maron, Diors et dudict Boullon, duquel lieu sont tenus plusieurs beaux fiefz en arrière fiefz dudict Chasteau Roulx.
( Bommiers l'Eglise, en laquelle justice est comprins la plus part d'icelle paroisse, et la paroisse d'Ambraux, ou y a aucuns petits fiefz tenuz en arrière fiefz dudict Chasteau Roulx.
La Chastellenie de Presles , en laquelle y a seel aux conlracts et plusieurs notables fiefz soubz icelle, tenuz en arrière fiefz dudict Chasteau Roulx.
La Chastellenie de Saint-Aoust, mouvant en fief dudict Chasteau Roulx.
*.| La Chastellenie de Maignet. -
LaPreuuoslé du Chassin, ayant soubz elle plusieurs fiefz tenuz en arrière fiefz de Chasteau Roulx.
> S?La Preuosté et Verrye de Thezen.
La Chastellenie du Lys Saint-George, à laquelle y a seel aux contratz.
La Preuosté de Faugerolles, y comprins Fromentau et le Fée.
.La Chastellenie de Cluys dessus, auquel lieu il y a ville murée et plusieurs fiefz et justices estans en arrière-fief dudict Chasteau Roulx.
La Preuosté des Marches appartenant parmoictié au seigneur d'Orsaine et du Chastellier.
La Preuosté de Courtailhet, tenue en fief du seigneur de Cluvs, et en arrière fief dudict Chasteau Roulx.
La. Chastellenie de Buxières d'Aillat, et des fiefz mouuans d'icelle, et en arrière fief dudict Chasteau Roulx.
LesPrevostez d'Ardente et Jeu, estans des appertenances de ladicte Baronnie, comme sont les Bourgs et terres desdicts lieux qui appertiennent audict Messire François de la Tour. A esté, puis le dernier Edict du Roy, annexé la Preuosté et
Justice dudict Chasteau Roulx auec le Bailliage, comme aussi a esté l'ancienne Chastellenie de la Molhe.
II y a aultres fiefz tenus et mouuans dudict seigneur de la Tour, à cause de sa dicte part et moitié et entre aultres , la ville et chastel de Saint-Charlier , certains fiefz en la Baronnie de Lignières, Neufuy-Pailloux , Rochefolle, Preueraiges, Le Chastellier, Aigurande, Auzans, LaFeuge, Menoys. Chasteau-Fort, Fougères, La Mothe, La Roche-Guillebault, Vaillières, Montroc, Boisberlrand, Broullebrun,Le Chaillou, Le Plessis, les Combres, Bauzelles et aultres.
Est ledict François de la Tour, à cause que dessus, fondateur des Abbayes de Saint-Genoulx , Noslre-Dame de Varennes , et de la Prehée, et du Prieuré de Gramont en la forest dudict Chasteau Roulx, ensemble des Chanoines et chapitre de Saint- Cyre d'Yssouldun.
Comme aussi, estant descendu en droicte ligne de Ebbes de Deolz, Prince du bas Berry, et fondateur de l'abbaye du Bourg de Deolz, est garde de ladicte Abbaye ; et, à cause des dictes fondations et garde, luy appartiennent les droilz et honneurs tel? qu'ilz ont estes conuenus entre ses prédécesseurs, seigneurs de Chauuigny, barons dudict Chasteau Roulx, et les Religieux Abbé et conuent dudict Bourg de Deolz.
Le partaige de ladicte ville et Baronnie de Chasteau Roulx faict sans préiudice du droict d'appanage prétendu par feu Messire Hardoin, duquel droict est procès pendant et aultres droictz à lui appartenant en ladicte Baronnye et succession dudict feu seigneur de Chauuigny, et aussy sans préiudice de ladicte Baronnie de la rue d'Indre , apperlenances et deppendances d'icelle , size au comté de Bloys et resort d'iceluy ; laquelle Baronnye a esté adiugée audict Messire Jehan de la Tour, père dudict Messire François, par arrest de la cour de Parlement de Paris, donné entre Messire Jehan et dame Françoise de Maillé,^ sa tante, et sœur dudict Messire Hardoin, le XIX« juillet 1533, sur l'exécution duquel ont été adiugez partie de la moiclié de ladicte rue du costé de Leuroux et Bloys, qui est le costé du fleuue dont ledict Messire François iouist, y aiant officiers pour l'exercice de la Justice d'icelle Baronnie en ce qui lui est adiugé et dont les appellations ressortissent audict Bloys. Et pour le surplus de ladicte moitié de rue d'Indre, ensemble les droicts et
appertenance d'icelle , est procès pendant indécis sur ladrcte exécution d'arrest.
Est a scauoir que Ebbes de Deolz, fondateur de ladicte Abbaye et de l'Abbaye de St Gildas, décéda en l'an 917, de la blessure d'un coup de lance qu'il receut en la bataille faicte par le Roy contre les Huns et Vandales, gist en l'Eglise St-Aignan d'Orléans, estant iceluy Ebbes , Sr et Prince de la terre Eoloise.
Ledict Ebbes délaissa vn fils nommé Raoulx, qui édifia le Chaslel de Chasteau Roulx; et de luy et du Chastel fut la ville appellée Chasteau Roulx, qui aultrement estoit appellée Deolz. Et audict lieu et Chastel érigea et assist ledict Roulx, lu principaulté dudict Deolz. Dudict Roulx descendit Roulx le Chauue, son fils, et de Roulx le Chauve descendirent gQaijt,.J4de$,,F4bte et Helies ses enfans. ,. ,, i*|) mmm ^itMimEab
Ledict Roulx, surnomiPié le Prudent, tint ladicte seigneurie ; et par son décès sans enfants, délaissa ladicte Principaulté à Eddes, son frère, et. depuis fut appelle Roulx Thibault, et mourut en Antioche pour la foy de Jésus-Christ. Il délaissa la seigneurie à son filz, appelle Roulx l'ancien, qui feit dédier l'Eglise St Gildas.
Dudict Raoulx l'ancien, issit Ebbes, le second , et d'Ebbes descendit Roulx de Deolz , qui , après, tint ladicte seigneurie et mourut à Rauane, cité de Romanie, à son retour du voyage de lerusalera.
Dudict Roulx et Dame Aldenie, sœur du Roy Henry d'Angleterre, issit Denise de Deolz, laquelle au temps du miracle du Bourg de Deolz, et après la paix faicte entre les Roys de France et d'Angleterre , fut donnée en mariage au bon seig"* André de Chauuigny , nepueu du Comte de Flandres , lequel , à cause de sa femme, fut seigneur de la terre Deoloise, et feit plusieurs beaux faiclz contre les Sarazins et ailleurs par louts Royaumes chrestiens et payens , pour lesquelz il obtint d'estre appelle le preux des preux.
Dudict André et Denise issit Guillaume de Chauuigny, dixième seigneur de Chasteau Roulx, et mourut à Salerne, en Sicile, en la conipaignie du Roy de France, pour le soustenementde la Foy, et laissa ladicte seigneurie à Guillaume le second, son filz, qui espousa en première nopces Catherine de SI Paul, et en secondes nopces Jehanne de Vendosme.
Après Guillaume le second, André de Chauvigny, son filz,
succedda à ladicte seigneurie, lequel cspousa la vicomtesse de Brosses et de lui issit Messire Guy qui espousa vue fille de la maison de Crozant, et d'eulx issit Guy de Chauuigny, surnommé le Bon, qui espousa Catherine de Laual, de laquelle il eust deux enfans, François et Ahthoinette de Chauuigny. Ledict François espousa lehanne de Rays, et d'eulx descendit André de Chauuigny, Baron des Baronnies de Chasteau Roulx , de Rays , Briolay, Vicomte de Brosses, s»" de la Chastre, d'Argenton et plusieurs aultres lieux. Cestuy André espousa, en premières nopces, Anne d'Orléans, fille duS»" de Dunoys, et, en secondes nopces. Madame Loyse de Bourbon,'fille de Monseigneur Gilbert de Monlpensier, laquelle, après le décès dudict André de Chauuigny, duquel elle n'eust nulz enfans, espousa Monseigneur Loys de Bourbon, prince de la Roche sur Jon.
Anthoinette, sœur dudict François, fut mariée à Mess'^ Hardoyn de Maillé , et d'eux issirent François de Maillé, Hardoin de Maillé, dict de la Tour, et Françoise de Maillé, depuis femme de feu Mess" lehan d'Aumont. Lesquelz Hardoyn de Maillé, dict de la Tour, et Françoise de Maillé, sa femme, ayant suruescu ledict André de Chauuigny, leur cousin germain, et ledict François de Maillé, leur frère , décédé auant ledict André, auroyent succédé audict André comme ses plus proches parens habilles à succéder. Et entre aultres à la Ville et Baronnie de la Rue d'Indre , forcluant en icelle ladicte Anthoinette, sa sœur, par la coustume de ladicte Baronnie de la Rue d'Indre y-réformée par l'arrest sus déclaré. "f mmt
Dudict Hardoin de Maillé et de la Tour, et Françoise, Baronnesse de ladicte Tour Landry, issit Messire lehan de la Tour Landry; et dudict lehan et de Anne Chabot, sa femme, issit Mess^^ François de la Tour Landry, à présent S"^ Baron desdictes Baronnies de Chasteau Roulx, La Tour Landry et la Rue d'Indre, Seig»" de St Chartier et de Bourmont, lequel a espousé Madame Diane de Rohan, fille de feu Messire Françoys de Rohan, Cheuallier de l'ordre du Roy, Seigneur de Gie , Lieutenant au Gouuernement de Bretaigne , filz de Charles de Rohan, Cheuallier de l'ordre du Roy, S-" de Gie et de Guise , filz de Mess" Pierre de Rohan, Cheuallier de l'ordre du Roy, S"" de Gie, et Mareschal de France. Et de ladicte dame Françoise de Maillé et de Messire lehan d'Aumont est descendu Mess" Pierre d'Aumont, leur filz , à présent s"" Baron dudict Chasteau Roulx pour
la part de ladicte Françoise , duquel estoit filz ledict Mess'« lehan d'Aumont.
La présente déclaration a esté extraicte des anciennes Pancartes et Registres trouuez au Cabinet dudict xMess^« Françoys de la Tour Landry, Seigneur Baron dudict Chasteau Roufx et -a esté déliuré, par son commandement, par ses Officiers, Lieutenant et Procureur fiscal soubz signez à l'original, à moy, N. de Nicolay, Valet de chambre et Géographe ordinaire du Roy, le vij« jourde septembre 1565, suiuant la Commission cà moy donnée par sa Maiesté.
/ CHAPITRE XXXVIL
DE LA VILLE ET BARONNIE DE CHASTEAV ROVLX APPERTENANT AV SEIGNEVR d'aVMONT, ETC, BARON DVDICT CHASTEAV ROVLX.
Pour la part et moictié dudict Mess»"® Pierre d'Aumont, aussy Baron dudict Chasteau Roulx qui , pour son lot appelle d'Occident, tirant au Midy, luy est demeuré par partaige faict entre feu Dame Françoise de Maillé et Messire Hardoyn de la Tour, frère et sœur germains et à eux escheux par le décès de Messire André de Chauuigny, lors qu'il viuoit Baron dudict Chasteau Roulx , à cause de laquelle Baronnie qui a esté portée en deux , y a tout droict de justice, haulte, moyenne et basse, et pour l'exercice d'icelle y a Bailly, Lieutenant, Procureur fiscal , Seel aux contraclz, et tous minisires de justice, et tout ce qui est escheu à ladicte Dame, à laquelle ledict d'Aumont a succédé médiatement et immédiatement; appertenant l'aultre moite de ladicte Baronnie à Mess'"'' Françoys de la Tour Landry, Cheuallier, Baron dudict Chasteau Roulx.
En ladicte ville de Chasteau Roulx y a vne église paroissiale appellée St Martiel ; près la porte St Denys, le long des murs, par le dedans à l'Occident, est situé vn conuent de St François, fondé et basty par les prédécesseurs dudict s'' d'Aumont ; et par le dehors de ladicte ville, près l'enceinte des murs dudict conuent, sont deux belles fontaines d'eaue viue , appellées les Fons Charles, desquels fluenl si grand'eaue qu'elles fontmouldre deux molins en ladicte ville.
Tirant dudict conuent vers la porte St Gildas, y a vne belle grande et longue rue , appellée la rue d'Indre , peuplée de plu-
sieurs artisans pour le faict de la drapperie de laine , estant au dedans de la terre et au lot et partage dudict Seign'" d'Aumont. Et de la porte St Gildas, passant oullre hors la ville, vers l'Occident, y a vn grand pont de bois sur le fleuue d'Indre, au bout duquel commence le faulxbourgSt Gildas, fluele fleuue d'Indre, et sur ledict fleuue sont plusieurs molins et belles prairies.
Continuant le chemin de Chasteau Roulx à Lepuroux est le fief et justice de Treilhard et parroisse de Villiers.
La Chastellenie de Lepuroux auec les flef et justice de Bourges et Baudres, tenus en plain fief dudicl Baron de Chasteau Roulx , comme est aussy le fief de Brion.
Le Chastellenie et Chastel de Ville Gongis, Vairie des fiefz de Vineul et Chezelles , desquelles Chastellenies dépendent plusieurs tiefz tenus en arrière fiefz dudict Seigneur.
Le fief de Coings Chauteraud, paroisse dudict lieu de Coings, et le fief de Bertaigne.
La Paroisse de St Pierre de Nolz et la Justice foncière dudict Baron de Chasteau Roulx.
Les quatre Paroisses de Buzancoys, anciennement appellées les quatre paroisses d'Aulorses, qui sont Chambon, Abillay, St Lactancyn et St Martin de Lan.
Le fief et chastel de Ville Dieu sur Indre , tenu en plain fief dudict Seigneur.
La Paroisse de Mehun sur Indre, fief et justice foncière d'icelle, tenus en plain fief dudict Chasteau Roulx.
Le fief et justice de la forest aux Gurons.
La Paroisse de Nyerne, justice foncière, et le Chastel dudicl lieu, tenu et mouuans en plain fief dudict Chasteau Roulx, comme aussi les aultres fiefz eslans au dedans de ladicte paroisse, au dedans de laquelle y a vn Prieuré de bon reuenu et à moiclié ruyné, appelle Surain, dépendant de l'Abbaye de St Gildas.
La Paroisse de St Mors sur Indre, en laquelle y a Prieuré, Cure dépendant dudict St Gildas, et plusieurs fiefs tenuz et mouuans en plain fief dudict Baron de Chasteau Roulx.
La Paroisse de Luant, sur le grand chemin de Chasteau Roulx à Poicliers , auquel lieu y a vue tour carrée , fort ancienne , appellée la tour Luant ; et sont, en ladicte Paroisse, plusieurs fiefz tenus et mouuans en toute justice dudict Baron de Chasteau Roulx.
La Paroisse de la Peroulle, et fiefz d'icelle, Justice foncière dudict Cliasleau Roulx.
L'Abbaye de Meubec, de l'ordre StBenoist, fondée parles anciens Barons dudict Chasteau Roulx, l'Abbé duquel lieu est tenu, quand ledict Baron va en guerre au service du Roy , lui fournir vn cheval sommier, auec son bast, garny de deux bahus, trousses, troussières, et vn homme pour conduire ledict sommier, tant et si longuement que la guerre durera. Et en oultre est ledict Abbé tenu de payer par cliascun an audict Baron , le jour et feste St Biaise , éent solz ï. (tournois) de droict de garde et patronaige.
Le Chasteau du Bouchet en Brenne, Maignet et Dandaye, tenus et mouuans en plain fief dudict Chasteau Roulx.
Le Blanc en Berry. appelé La Tour de Naillac, terre commune et faulbourgs de St Genitor, ausquels faulxbourgs y a vn Prieuré du nom de St Genitor, et vn conuent de mendians de l'ordre de St Augustin, siz sur la riuière de Creuze.
Le Chastel et Chastellenye de Cors sur Creuze, qui est vn très beau et fort chasteau, tenu en plain fief dudict Chasteau Roulx, de laquelle Chastellenie dépendent les Paroisses de Syron, Ilousches, Paizay et St Nazeres, et le conuent et prieuré de Dames de Longefont sur Creuze, prés ledict chastel, dépendant de l'Abbaye de Longefont.
Le fief et Chastellenie d'Argenton, tenu et mouuant en plain fief dudict Chasteau Roulx.
Le fief et Chastellenie et Chastel de Gargilesse, en fief, justice et ressort duquel deppendent encore plusieurs fiefs tenuz et mouuans en arrière fiefz dudict Baron et Seigneur.
Le fief, Chastel et Chastellenie et Marche d'Orsaine, tenus et mouuans en fiefs justice et ressort dudict seigneur.
Le fief de Maille et Malicornay. U4;;i.*;>4
Bouesse pour le ressort de la justice.
La justice de Gournay.
Le repaire en fief et ressort de Chasteau Roulx pour ledict seigneur.
Le fief, Chastel et Chastellenie de Prungey et Maziere sur Bouzaine, sont mouuans en plain fief du ressort dudict Chasteau Roulx.
Le fief, Chastellenie et justice de Tendu , tenu et mouaans comme dessus.
La Paroisse de Velle, en tout droict de justice.
Le fief, Paroisse et justice d'Artlion, et aultres fiefs eslans en ladicte paroisse.
Le fief, justice et Chastellenie de Neufuy SI Sépulcre, tenu et mouuant en plain fief, auquel y a Eglise Collégiale de Chanoines estant audedans du lieu fort.
La Ville, Chastel et Chastellenie de la Chastre, ses apperte^ nances et dépendances, auec la moitié de la forest de St Chartier, le tout tenu et mouuant en plain fief dudict Chasleau Roulx.
Le fief et Chastellenie de Nonhan , auec ses appartenances et dépendances, tenu et mouuant en plain fief comme dessus, et au fief de Montiporet.
La moitié de la forest de Chasteau Roulx, celon qu'elle a esté portée et diuisée entre la susdicte Dame et le susnommé S"" de la Tour.
Les estangs et droicts de rivière, pour l'exercice desquels y a maistres des eaux et forests, sargans, gruyers, les appellations duquel juge se reuoluent directement à la table de marbre, à Paris.
En ladicte forest, qui est distante de Chasteau Roulx vne bonne lieue, y a vu viel chastel appelé la Mothe, lequel à closture, fossez et bassecourt, et vn estang appelé l'^stang de la Mothe.
La présente déclaration extraicte des anciennes Pancartes et Registres du Chastel du Parc, par Anthoine Amignon, Licencié es Loix, lieutenant duBailly de Chasteau Roulx, par M. Estienne Sauary, Procureur fiscal, et Claude le Feure, Greffier dudict lieu; et, par commandement dudict Seig"" d'Aumonl, Baron dudict Chasteau-Roulx, deliurée, signée desdictz officiers, à moy N. de Nicolay, Valet de chambre et Géographe ordinaire du Roy, suivant le pouuoir à moy donné par Sa Maiesté.
